البيت الكبير | الحلقة الخامسة والعشرون والأخيرة من الجزء الأول

ساميه :: يا حاج نعمان

الحاج نعمان :: سامية  عايزه ايه

سامية :: انا عايزه اخلص ضميري قدام ربنا

الحاج :: في ايه انطقي

سامية :: بس تحلف اني متقولش اني انا اللي جتلك وقولتلك علشان الحاج كرم لو عرف اني جيت نبهتك هيقتلني

الحاج نعمان :: وانتي ايه علاقتك بالحاج كرم

سامية :: انا بخدم في بيته ومتجوزني عرفي

الحاج نعمان قام وقف على حيله::  بقى انتي شغالة في بيت الحاج نعمان يعني كل الفترة دي مراتي كانت لما بتجيلك كانت بتجيلك في بيت كرم

سامية :: اديني فرصة احكيلك يا حاج ابوس ايدك قبل ما تروح في داهية

الحاج نعمان قام واخد سامية جوه في المخزن علشان محدش يسمع هي هتقولوا ايه، وبدأت سامية تحكي للحاج نعمان كل حاجة تعرفها وحصلت من ورا ضهره، حتى علاقة فتحية وسامبو والواد اللي في بطنها

الحاج قام وبقى بيزعق في سامية ويقولها انتي كدابة، وكرم هو اللي وزك علشان تيجي تقوليلي الكلام ده

سامية فضلت تحلف انها بتقول الحقيقة، وانة مخطط انه يدخله السجن، وقالت روح البيت وشوف الشوال اللي محطوط في دولاب مراتك فتحية، وسامبو بالليل هيروح القسم ويبلغ عليك، وحكت له على اللي سمعته من الحاج كرم وعلاقاته بحريم الحاج بداية من ام عصام. لحد الحاجة أمينة ومراته فتحية

الحاج نعمان حس انه هيغمي عليه بسبب الكلام اللي بتقولوا سامية، وراح خارج بسرعة على البيت وسامية جريت على بيت كرم لمت هدومها وقالت لازم تسيب البيت والبلد وتمشي

 

الحاج وصل البيت

فتحية انتي يا زفتة يا فتحية

الحاجة أمينة :: في ايه يا حاج مالك جاي شايط من بره ليه

فتحيه : ايوة يا حاج في حاجة ؟

الحاج نعمان مسك فتحية من شعرها وجرها على السلم وهو طالع الاوضة بتاعتهم وفتح الدولاب بتاعها ورمي الهدوم في الأرض وكانت المفاجأة، شوال الأثار موجود فعلا في الدولاب

مسكة وفتحهم لقي فيه فعلا اثار، وفتحية خايفة ومرعوبة، جريت ناحية السرير علشان تستخبي والحاج نعمان راح جابها من شعرها وفضل يضرب فيها بالاقلام

الحاج :: يعني كلام سامية صح  يعني انتي بتروحي للكلب كرم وسلمتي شرفك له يا فاجرة، وفضل يضرب فيها بالأقلام. وبعدين خد الشوال وطلع بره الأوضة وقفل عليها من بره، وقال للحريم اللي كانت واقفة بره ومش عارفين فيه ايه

الحاج نعمان :: محدش يفتح الباب للوسخة دي لغاية ما ارجعلها

الحاج كرم اخد الشوال وراح خفاه في حتة الجن الازرق ميعرفش مكانه، وعلى ما رجع كان لقي فتحية رمت نفسها من الدور التاني

من خوفها من الحاج لا يقتلها  نزلت من فوق على دماغها ماتت في الحال واللي في بطنها مات معاها

البوليس جه وحققوا مع اللي في البيت على سبب وقوعها من فوق. والحاجة قالت في التحقيق انها كانت بتنضف الشبابيك وقعت، والكل قال نفس كلام الحاجة علشان كانوا متفقين مع بعض هيقولوا ايه

 

الحاج كرم لما عرف اللي جري لفتحية وهروب سامية من البلد اتأكد إن الحاج نعمان عرف. وقال لسامبو متبلغش لان اكيد الحاج نعمان عمل حسابه

 

فات اسبوع والحاج نعمان مش بيكلم حد خالص في البيت، وعصام وحسين وأحمد كانوا فاكرينه زعلان على فتحية وعلى اللي في بطنها، ومحدش كان فاهم ولا عارف السبب الحقيقي اللي مخلي الحاج مبيخرجش من البيت ولا بيكلم حد، ومكنش بياكل من ايد الحاجة أمينة ولا بيشرب من ايدها

بعد أسبوع الحاج قرر انه يسافر مصر يعمل اشاعات وتحاليل على نفسه ويتأكد هل هو فعلا عجز وبقى من المستحيل انه يخلف. ولا البت سامية كانت بتكدب عليه وان اللي كان في بطن فتحية ده ابنه ومن صلبه

 

الحاج راح مصر فعلا وراح ل اكبر دكتور هناك وكشف وعمل كل الفحوصات والتحاليل اللازمة. وقعد في القاهرة اسبوع لغاية ما نتايج التحاليل والفحوصات طلعت، واخدهم وراح للدكتور واكتشف اللي محدش كان ابدا يتوقعه، ان الحاج نعمان مولود بعيب خلقي يمنعه من الخلفة نهائي وانه عقيم

الدنيا اسودت والحاج نعمان وقع من طوله بعد ما سمع كلام الدكتور

 

رجع البلد وطول الطريق عمال يفكر ودموعه بتنزل من عينه. العيال دي عيال مين؟ معقول كلهم عيال كرم؟ وأول ما رجليه دخلت البيت  الدنيا لفت بيه والنور اختفى، ولما فتح عنيه تاني لقي نفسه في حجرة العناية المركزة وعنده شلل نصفي بسبب جلطة في المخ

 

عياله بره في المستشفى عصام وحسين وبناته كلهم بيعيطوا عليه، والدكتور بيقولهم إن حالته خطيرة. وصعب انه يعيش، والحاجة أمينة في اللحظة دي شريط حياتها مر قدام عنيها بكل وساخة عملتها، بدايه من علاقتها بالحاج كرم لمدة 15 سنة، واكتشاف العمدة مصلحي خيانتها واستغلالة لده، وشرط عليها علشان ميقولش لصاحبه الحاج نعمان. انه ينام معاها وتسلمه نفسها هو كمان، وخلفت منه الهام ورشا. وعصام وحسين ونعمة عيال الحاج كرم وهو ميعرفش

وفجأة اكتشفت انها عملت مصيبة، ازاي تنسي حاجة زي كده؟ . الهام اتجوزت اخوها جلال ابن العمدة، وفضلت تلطم على وشها

وقامت وهي عمالة تلطم وخرجت من المستشفى عقلها راح منها . أمينة اتجننت وبعد فترة دخلت مستشفى الأمراض العقلية

الحاج نعمان قام من المرض وعاش مع عياله من غير ما يكشف سر امهم الحاجة أمينة، وميعرفش اصلا يبقوا ولاد مين

وبعد مرور تلات شهور الحاج كرم اترفع عنه الحصانة بعد وصول معلومات اكيد للشرطة انه بيتاجر في الأثار، وتم القبض عليه متلبس، واتحكم عليه بالحبس المؤبد المشدد، ومن سوء حظ سامبو انه كان معاه لما اتقبض عليه وخد حكم 15 سنة

 

انتهى الجزء الأول