كرستين: هو سبب حلو بس بابا وقتها مش بعيد ينزل مخصوص علشاني وممكن يخلي الحرس بتوعه هنا يبقوا معايا باستمرار وانا مش حابة كدا
انا: هو دا وقت حابة ولا مش حابة… بصي معتقدش ان في سبب اكتر من دا يخلي ابوكي يحل الحوار بتاعي… دا أنا انقذت بنته
كرستين: طيب استنى أنا هكلم بابا ونشوف رده ايه ووقتها هنعرف ايه اللي هيحصل
انا: تمام.. يا مسهل
طلعت كرستين فونها ورنت على بباها بس ماماتها اللي ردت عليها اسمها (ماري)
كرستين: هالو ماما عاملة ايه يا قمري
ماري: بخير يا حبيبتي انتي عاملة اي
كرستين: أنا كويسة جدا وبابا اخباره اي
ماري: بابا كويس لسه راجع من المكتب من شوية… انتي مش سهرانة مع صحابك ليه
كرستين: قاعدة في الفيلا لسه صاحية من شوية
ماري: مالك يا حبيبتي تعبانة ولا فيكي اي
كرستين: مفيش حاجة يا ماما أنا كويسة بس عندي مشكلة صغيرة كنت عايزة بابا يساعدني فيها
ماري: مشكلة!! حصلك ايه يا كرستين
كرستين: المشكلة متخصنيش أنا يا ماما.. دي تخص واحد صاحبي بس عزيز عليا اوي
ماري: قولي يا حبيبتي مشكلة ايه دي
كرستين: بصي يا ماما دا صاحبي اسمه شهاب اعرفه بقالي سنة دلوقت… كنت في يوم سهرانة مع صحابي في كافيه وتعبت وانا معاهم فقولت اروح الفيلا انام من التعب وانا في الطريق طلع عليا 2 بلطجية عايزين ياخدوا فلوسي والفون بتاعي وشهاب دا كان معدي من جنبي بالصدفة بعربيته ولما لقي عربية مركونة على الطريق وسمع صوتي بعيط نزل يشوف في ايه ولما لقاهم بلطجية اتخانق معاهم ضربهم بس يومها واحد منهم خبطه بسكينه واتعور ومن يومها وهو صاحبي اوي وهو دلوقت عنده مشكلة مع شاب وممكن بسببها ابو الشاب دا يدخله السجن علشان اتخانق مع ابنه ويقفله الكافيه بتاعه كمان وانا عايزة اقول لبابا لو يعرف يساعده لانه عزيز عليا وكمان وقف جنبي في يوم البلطجية واتعور بسببي وهو مكنش يعرفني اصلا
ماري: بقى كدا يا كرستين يحصل معاكي كل دا ومتحكيش ليا حاجة
كرستين: يا ماما أنا محبيتش اقول ليكي علشان متقلقيش وكمان علشان بابا هيصمم انه يخلي معايا جاردات وانا مبحبش كدا يا اما هيخليني اسافر ليكم وانا بحب مصر ومش عايزة اسافر
ماري: بس كنتي تقوليلي بردو أنا امك ولازم أبقى مطمنة عليكي وانا دلوقت بقيت قلقانة يتكرر معاكي الموقف دا تاني
كرستين: يا ماما الي حصل دا بقاله سنة ومتكررش من يومها… المهم عندي دلوقت اني احاول اساعد شهاب في الازمة بتاعته
ماري: طيب اقفلي دلوقت وانا هتكلم مع بابا وهخليه يحاول يتكلم مع حد من صحابة في مصر يخلص المشكلة دي
كرستين: تسلميلي يا قمر انتي
ماري: واضح ان شهاب دا مش صاحبك بس
كرستين: لا لا صاحبي بس بعزه اوي
ماري: طيب يا حبيبتي ربنا يفرحك… أنا هتكلم مع بابا لما يخرج من الحمام وهخليه يكلمك تاني
كرستين: ميرسي يا قمر… مستنياكي اهو.. باي
خلصت كرستين المكالمة وقفلت مع مامتها
انا: تصدقي تنفع تدخلي التمثيل جدا
كرستين: عجبتك يعني هههههه
انا: جدا جدا بس لسه بقى نشوف سيادة السفير هيكون رده ايه لما مامتك تتكلم معاه
كرستين: متقلقش بابا مبيرفضش طلب ليا وكمان مش بعيد يعملك تمثال بسبب انك انقذت بنته ههه
انا: يا مسهل مهو الموضوع دا لازم يتحل النهارده
كرستين: متقلقش يا شهاب بابا له صحاب كتير هنا في مصر وكلهم ناس تقيلة يعني الراجل دا ميقدرش يقف قدامهم اصلا ومتنساش ان بابا سفير وله علاقات في الحكومة هنا
انا: فاهم كدا كويس… محدش هيقف قدام الراجل دا ويسكته غير واحد اتقل منه لانه شايف نفسه وعضو مجلس شعب وحصانه والجو دا
كرستين: هتتحل متقلقش… بس يبقى ليا عندك هدية بقى مليش دعوة هههه
انا: يا ستي بس الموضوع يخلص والراجل دا يفكه مني وانا هعملك كل اللي نفسك فيه
فضلنا قاعدين شوية حلوين نرغي في ايه كلام لحد ما فون كرستين رن وكان باباها
كرستين: ازيك يا بابا وحشني اووي
السفير: بخير يا حبيبتي… انتي اخبارك ايه
كرستين: أنا بخير يا بابا… ماما حكتلك الموضوع؟
السفير: حكتلي اه بس أنا زعلان منك جدا بسبب اللي حصل دا ومقولتيش ليا وقتها
كرستين: أنا كويسة يا بابا ومحبتش اقولك انت وماما علشان محدش يقلق عليا وكمان انت هتصمم ان الجاردات يبقوا معايا وانا مش حابة دا
السفير: ما أنا لازم أبقى مطمن عليكي علشان المواقف اللي زي دي… ايه حكاية الشاب اللي انقذك دا
كرستين: هي ماما مقلتش ليك؟
السفير: قالتلي انه انقذك من بلطجية واتعور بسببك وانه عنده مشكلة دلوقت وعايزاني اساعده
كرستين: ايون يا بابا شهاب دا عنده كافيه بنسهر فيه أنا وصحابي وكان في عيد ميلاد في الكافيه عنده امبارح والبنات اللي كانت مأجرة الكافيه دا كانوا واقفين معاه بيشكروه وكدا… في اخو بنت منهم دخل عليهم وهما واقفين وكلم شهاب بأسلوب مش كويس وشتمه كمان علشان واقف مع اخته والبنات في شهاب محبش يعمل معاه مشكلة في الكافيه وبعد شوية اخو البنت دي مشي من الكافيه وتقريبا شهاب خرج من الكافيه بسبب خنقته وشاف الولد دا برة في الشارع فمسكه ضربه بس بصراحة بوظله وشه ضرب وخلاه كله دم من خنقته وانه شتمه قدام البنات وكان بيترسم عليه وشهاب شاب محترم جدا يا بابا ومهندس يعني متعلم والولد التاني دا عيل من بتوع بابا وماما دول ملوش لازمة فبيطلع النقص اللي عنده في ايه حد وبباه مساعدة على كدا
السفير: يعني شهاب دا خد حقه منه ضرب
كرستين: بالضبط كدا… بعد شوية الولد راح مستشفى وبباه عرف وبعت جاردات يجيبوا شهاب بس اخت الولد اللي كانت حاجزه الكافيه اتصلت بشهاب حذرته وقالتله يمشي من الكافيه لان بباها بعت ناس يمسكوه وممكن يحبسه كمان… شهاب لما كلم البنت دي بعد ما مشي من الكافيه يفهم ليه كل دا قالتله ان اخوها حكي اللي حصل ل بباه وبسبب ان ابوها عضو مجلس شعب ومعاه حصانه بيقول ان ابنه يعمل اللي هو عايزو من غير ما حد يقدر يقف قدامه يعني مغرور يا بابا وفوق القانون
السفير: عضو مجلس شعب!! اسمه ايه الراجل دا
كرستين: بابا شهاب موجود معايا دلوقت تحب اخليه يكلمك وتفهم منه كل حاجة بالضبط
السفير: اوكي حبيبتي خليه يكلمني
خدت الفون من كرستين واتكلمت معاه
انا: الو… اخبار حضرتك يا فندم؟
السفير: بخير يا ابني… اولا أنا بشكرك على اللي عملته مع بنتي يوم البلطجية وانك عرضت نفسك للخطر بسبب حد متعرفوش
انا: مفيش شكر يا معالي السفير وايه حد مكاني في الوقت دا كان هيعمل اللي عملته ويمكن اكتر
السفير: لا مش ايه حد يعمل كدا… الرجالة بس اللي تضحي بحياتها علشان خاطر تقف مع الناس
انا: ربنا يخليك يا فندم
السفير: قولي اسمه ايه الراجل دا
انا: اسمه (ماجد الحلفاوي) يا فندم
السفير: هو الموضوع مع الوسخ دا… سيبلي أنا الموضوع دا يا شهاب وانا هتصرف أنا هعمل مكالمة دلوقت لشخص عزيز عليا اخلصلك المشكلة
انا: ربنا يخليك يا معالي السفير وجميل حضرتك مش هنساه طول عمري
السفير: اللي هعمله دا قصاد انك انقذت بنتي يبقى شيء قليل جدا أنا اللي بشكرك انك وقفت جمبها وعرضت نفسك للخطر
انا: يا فندم ايه حد هيعمل كدا.. شكرا لحضرتك
السفير: أنا هقفل معاك دلوقت وهعمل مكالمة وهرجع ارن علي كرستين تاني اطمنكوا
انا: تمام يا معالي السفير… اتفضل
قفلت مع السفير وكلمت كرستين
انا: تفتكري بباكي هيخلص الموضوع دلوقت ولا
كرستين: طالما قالك هيكلم حد يبقى هيخلصه دلوقت اكيد أنا عارفة بابا كويس
انا: يا مسهل… قومي بقى اعملي قهوة علشان مصدع
كرستين: طب ما اعملك عصير احسن
انا: طب ما تقولي انك مبتعرفيش تعملي وخلاص
كرستين: بصراحة مبعرفش اعمل بس عندي بن
انا: طب تعالي عرفيني فين المطبخ بتاعك كدا وانا هعمل لنفسي… هتشربي بن؟
كرستين: ايون ياريت تعملي معاك بقى
انا: طيب فين المطبخ
مشينا روحنا المطبخ وقفت عملت قهوة ل كرستين وبعد كدا عملت ليا وخرجنا قعدنا برة في جنينة الفيلا اتكلمنا شوية وشربنا القهوة سوا كان عدى حوالي نص ساعة وانا قاعد اصلا مش على بعضي مستني الفون يرن واعرف ابو كرستين عمل ايه لحد ما فون كرستين رن وكان ابوها
كرستين: ايوه يا بابا طمني عملت اي
السفير: خلاص يا حبيبتي طمني شهاب ان الموضوع اتحل خلاص والراجل البارد دا مش هيفكر يقربله نهائي
كرستين: بتتكلم جد يا بابا
السفير: ايوه يا حبيبتي خلاص أنا كلمت شخص عزيز عليا وحل الموضوع وانا معاه على التليفون وكنت سامع كلامهم سوا وبهدله بسبب اللي كان عايز يعمله
كرستين: طب شهاب عايز يكلمك يا بابا
انا: أنا اسف يا معالي السفير… بس ممكن الراجل دا مينفذش كلام الشخص اللي حضرتك كلمته وبردو يعمل اللي في دماغه ويحاول يأذيني وانا وقتها ممكن اعمل معاه مشكلة وهتبقى نهايتي وحشة وحضرتك فاهم ايه ممكن يحصل فيا
السفير: يا ابني ميقدرش يعمل حاجة خصوصا اللي كلمه دا يبقى رئيس مجلس الشعب يعني الرئيس بتاعه ودا صاحبي جدا ويحب يخدمني
انا: كدا بقى أنا اطمنت وبشكر حضرتك جدا جدا ومش عارف اقدر ارد جميل حضرتك ازاي
السفير: لو عايز ترد الجميل فعلا يبقى تخلي بالك من كرستين لان عقلها ناشف ومش عايزة تخلي الجاردات تبقى موجودة مغاها ودا بيقلقني وانت بعد الموقف بتاعك معاها هبقى مطمن عليها وهي جنبك
انا: يا فندم دي في عيوني وانا تحت امر حضرتك وامرها في اي حاجة هي بس تطلب وانا انفذ
السفير: واضح فعلا انك شاب محترم وابن حلال
انا: ربنا يبارك في حضرتك… بس ليا سؤال معلش
السفير: اسأل براحتك
انا: أنا لو روحت فتحت الكافيه بتاعي دلوقت محدش هييجي يئذيني من رجالة الراجل دا؟
السفير: روح افتح مشروعك يا ابني ولو حد فكر يلمسك كرستين هتكلمني ووقتها أنا هتصرف بطريقة تانية تزعله
انا: يا فندم أنا بشكر حضرتك جدا واحب اقول لحضرتك متشيلش هم كرستين خالص هتبقى تحت عيني دايما
السفير: وانا واثق فيك يا شهاب
انا: تسلم يا فندم على ثقتك وهتبقى في محلها
السفير: لو قابلتك ايه مشكلة متترددش انك تكلمني في اي وقت ولو مكسوف يا سيدي خلي كرستين تكلمني وانا هفهم
انا: ربنا ميجيبش مشاكل تاني يا باشا
السفير: ماشي يا ابني… مع السلامة
انا: الف سلامة يا فندم
خلصت كلام مع ابو كرستين وانا عندي باور شديد وحسيت ان بقى ليا حد اسند عليه لو اتزنقت في مشكلة وهي دي بلدنا طبعا لازم يكون ليك حد تقيل يسندك
انا: مش عارف اقولك ايه يا كرستين بصراحة لولا بباك كان زماني تايه ومش عارف اتصرف ازاي
كرستين: ايه خدمة يا عم المهم بس فين هديتي
انا: يا باشا انت تأمر بس وانا اجيبلك اي حاجة
كرستين: لا أنا هرضى بأي حاجة انت تديهالي هههه
انا: بتلعب على تقيل انت بس مش خسارة فيكي
كرستين: هو ايه اللي مش خسارة فيا بقى
انا: اللي انتي ناوية تاخديه يا بتاعة مصلحتك ههه
كرستين: بقى أنا بتاعة مصلحة… طب أنا زعلانة
انا: طب كويس انك زعلتي يبقى مش هتاخدي اللي عايزاه وانا هرتاح ومش هبذل مجهوود هههه
كرستين: لا لا استنى.. انت ما صدقت ولا ايه… مش هتنازل عن هديتي بقى معلش عايزة الهدية
انا: خلاص تعالي يلا اخرجك نتعشى برة وتبقى هديتك
كرستين: تصدق بقى انك رخم بجد
انا: طب لي… مش دي هديتك اللي عايزاها؟
كرستين: يا شيخ!! على اساس انك مش عارف عايزة اي
انا: ايه دا انتي عايزة حاجة تانية ولا ايه هههه
كرستين: استعبط استعبط اعمل نفسك مش فاهم حاجة وانت يلهوووي عليك بتفهم كل حاجة وهي طايرة
انا: طب اقولك… خليكي صريحة وقولي عايزة اي
كرستين: لا انت عارف وفاهم كويس جدا
انا: اللي اعرفه انك عايزة تتعشي برة ودي الهدية… لو عايزة هدية تانية قولي عليها بقى يمكن مش واخد بالي
كرستين: مع انك فاهم كويس بس هقولك… عايزاك تطلع القلب اللي في السلسلة من مكانه اصله بيعيط
انا: اممممم كنت متأكد على فكرة.. بس بردو ذنبه في رقبتك لانك زنقاه جامد جدا
عند دينا والبنات وقت ما الكافيه اتقفل
دينا: هو شهاب قفل الكافيه ليه .. حد فيكم يعرف؟
نهاد: احنا معاكي طول اليوم هنعرف منين
دينا: يكون حد سمع حاجة او يعرف
اميرة: اكيد في حاجة حصلت بس محدش يعرف خالص لسه واللي هيفيدنا هو شهاب
دينا: مفيش غيره هيعرفنا بس بلاش نكلمه دلوقت لانه اكيد متعصب ولو حاولنا نسأله ممكن يزعقلنا
في الوقت دا نسرين كانت واقفة في البلكونة وشافت عربيات الجاردات بتاعة ابو الواد اللي ضربته وبعد شوية شافت أشرف وهو واقف بيتكلم معاهم وبعدين مشيوا…. دخلت نسرين قالتلهم اللي هي شافته كله
دينا: متأكدة من اللي بتقوليه دا
نسرين: ايون طبعا كل دا حصل قدامي من شوية
اميرة: شهاب شكله عمل مصيبة بجد
نهاد: بس شهاب مش بتاع مشاكل لدرجة ان كمية الناس دي تيجي وراه هنا.. بس أشرف كان واقف معاهم لي
دينا: الحل اننا نكلم أشرف ونحاول نوقعه بالكلام لانه اكيد يعرف حاجة عن الموضوع
نهاد: انتي ايه يضمنلك ان أشرف يتكلم
دينا: مفيش ضمان خصوصا ان شهاب واخد أشرف تحت دراعه ومصاحبه يعني صعب ان أشرف يقول كلمه واحدة عن المشكلة دي بس اهو نحاول
نهاد: خلاص كلميه انتي خليه ييجي هنا
طلعت دينا فونها ورنت علي أشرف اللي كان وقتها رايح بيته زي ما أنا قولتله لحد ما اكلمه
أشرف: الو.. ايوه يا دينا في حاجة؟
دينا: انت فين يا أشرف
أشرف: أنا رايح البيت.. عايزة حاجة؟
دينا: اه عايزاك في موضوع بس مش هينفع في الفون.. بص انت عارف العمارة اللي فيها الكافيه هتلاقيني واقفة في بلكونة في العمارة دي اطلعلي على طول
أشرف: طب فهميني في اي
دينا: يا عم تعال نتكلم هنا.. أنا مستنياك.. سلام
قفلت دينا مع أشرف على طول علشان ميلحقش يرد عليها او يرفض… فعلا رجع أشرف وصل لعند الكافيه لقي دينا واقفة في البلكونة شاورتله يطلع وهي وقفت استنته
أشرف: في ايه يا دنيا موضوع ايه دا؟
دينا: ادخل طيب الاول اقعد. ونتكلم براحتنا
دخل أشرف جوا الشقة لقي كل البنات قاعدين
أشرف: انتو متجمعين كلكم هنا ولا ايه
دينا: قولنا بقى يا أشرف هو شهاب قفل الكافيه لي
أشرف: مش عارف كل اللي هو قاله ليا اقفل وامشي
دينا: متأكد يا أشرف ولا انت مش عايز تقولنا
أشرف: مش عايز اقول لكم ليه يعني.. هو سر ولا ايه
نسرين: طب مين الناس اللي جات وققت قدام الكافيه ومعاهم عربيات وشكلهم ضخم اووي كدا
أشرف: ايه دا هو في حد كان واقف عند الكافيه
نهاد: اشررف… متعملش عبيط لاننا شوفناك وانت واقف معاهم واتكلمت مع حد منهم وبعد كدا مشيوا…. اوعي تكون ناوي تأذي شهاب يا اشررف
أشرف: انتي بتقولي ايه يا نهاد… الكلام دا غلط وعمري ما فكرت اذي شهاب أنا بعتبره صاحبي واخويا
دينا: مهو معنى انك مش عايز تقول ايه الحوار يبقى انت مخبي حاجة وجامدة كمان
أشرف: خلاص خلاص أنا هقول بس بلاش شهاب يعرف اني قولت ليكو حاجة علشان بس ميزعلش مني
دينا: متخافش ولا كأننا شوفناك اصلا
أشرف حكي للبنات اني اتخانقت مع واحد وضربته والعربيات دي تبقى بتاعة ابو الولد لانه شخص تقيل وكان عايز يأذيني والجو دا وان أنا اللي قولتله يقابلهم ويقولهم ان الكافيه اتقفل لان صاحبه عنده حالة وفاه بس ميعرفش أنا فين ولا بعمل ايه واني قولتله يروح بيته وانا هبقى اكلمه لما اخلص المشكلة دي… بس يا دينا دا كل اللي اعرفه او اللي شهاب قاله ليا
دينا: دي مشكلة كبيرة خصوصا ان الواد دا ابوه حد تقيل وبعتل جاردات يجيبوه
نهاد: طب وشهاب عرف منين ان الراجل دا باعتله ناس
أشرف: تقريبا بنت الراجل دا واخت الواد اللي شهاب ضربه هي اللي كلمته قالتله يمشي من الكافيه لان ابوها هيبعت ناس تاخد شهاب ودي البنت اللي كانت حاجزه الكافيه اصلا لعيد الميلاد وانا كنت مستغرب هي لي مشيت بدري مع صحابها مع ان كان وقت الحجز لسه مخلصش لحد ما شهاب فهمني اللي حصل
نسرين: طب وهي تكلمه تعرّفه ليه؟
أشرف: مش عارف… بس ممكن يعني علشان عارفة ان اخوها هو اللي غلط في شهاب الاول فحبت تحذره
دينا: ممكن بردو بس تقف مع واحد متعرفوش قصاد ابوها واخوها… غريبة دي
أشرف: اللي فهمته ان الراجل دا مغرور اوي وشايف ان ولاده يعملوا اي حاجة ومحدش يقدر يكلمهم
نهاد: ليه يعني ولاد مين لكل دا
أشرف: علشان هو عضو مجلس شعب في شايف نفسه
دينا: المهم دلوقت نعرف شهاب فين وهيتصرف ازاي في المشكلة دي وواضح ان الراجل دا غبي ومش هيسكت
اميرة: طب ما ترني عليه يا دينا شوفيه
دينا: بفكر ارن عليه بس خايفة يتعصب عليا
نهاد: كلميه عادي كأنك متعرفيش حاجة
دينا: خلاص هرن وربنا يستر بقى من رده
نرجع بقى وانا قاعد مع كرستين في الجنينة
كرستين: هنفضل نتكلم كتير طيب وتسيبه يعيط؟
انا: لا طبعا دا صعبان عليا جدا بس في نفس الوقت خايف على الجبلين شكلهم ولاد ناس مش حمل بهدلة ههه
كرستين: بهدلهم براحتك دا نفسهم من بدري بس انت بقى اللي مش واخد بالك او بتعمل عبيط وتتقل عليهم
انا: لا طبعا مبتقلش ولا حاجة بس بحب اسيب كل حاحه تيجي براحتها وفي وقتها علشان تبقى حلوة
واحنا بنتكلم لاقيت فوني بيرن وكانت دينا
انا: الو ايه يا دينا
دينا: انت فين يا شهاب قلقتنا عليك يا عم
انا: لي يسطى أنا تمام مفيش حاجة
دينا: باين على صوتك انك كويس اهو بس لي قفلت الكافيه فجأة كدا وخليتنا نطلع الشقة ومننزلش منها
انا: عادي يسطى كان في مشكلة كدا بس تمام يعني
دينا: مشكلة ايه يا شهاب خيرر
انا: دا على اساس انك معرفتيش يعني؟
دينا: هعرف منين بس أنا من وقت ما طلعت الشقة مع البنات محدش فينا نزل خالص ولا نعرف في ايه
انا: عيب عليكي يا دوندون دا أنا حافظ دماغك… يعني نسرين مقلتش ليكي انها شافت عربيات قدام الكافيه وكمان أشرف كان واقف يتكلم مع حد منهم وطبعا بدورك كمحققة كلمتي أشرف ووقعتيه في الكلام وهو بيقول اللي عنده بسرعة اصلا
دينا: احيييه يا شهاب انت عرفت دا كله منين
انا: لسه عارف منك اهو يا غبية وقعتي بالكلام
دينا: لا لا بجد عرفت دا كله منين ومتقولش انه صدفة
انا: شوفت نسرين واقفة في البلكونة متابعه الموقف واكيد قالتلكم وانتي كلمتي أشرف علشان خايفة تكلميني اتعصب عليكي واكيد أشرف حكالك كل حاجة
دينا: حتى وسط المشاكل بتبقى مركز يلهوي على دماغك… المهم هتعمل ايه طيب في المشكلة دي
انا: ولا ايه حاجة… الموضوع خلص خلاص واتحل
دينا: دا اللي هو ازاي بقى معلش فهمني
انا: عادي كلمت واحد حبيبي وفهمته الحوار وهو كلم حد تبعه مسك الراجل دا فشخه في افكاره وبس
دينا: اشطا المعارف اللي بتخلص… بس اللي عرفته ان الراجل دا في مجلس الشعب يعني حد تقيل
انا: مهو اللي أنا كلمته دا كلم صاحبه اللي هو رئيس مجلس الشعب ومسك صاحبنا فشخه في دماغه
دينا: اوووبا رئيس مجلس الشعب مرة واحدة
انا: يا بنتي شهاب مش شوية في البلد دي
دينا: حصل يا شبح وانا اشهدلك بكدا
انا: طبعا لازم تطبليلي ههههه
دينا: ايوه علشان لما أبقى في مشكلة تحلها ليا ههه
انا: ماشي يا مصلحة ههههه ابقي طمني البنات بقى
دينا: تمام يا وحش…. هتفتح الكافيه طيب ولا
انا: يعني هخلص مشوار صغير كدا وهاجي افتحه
دينا: خلاص تمام لما تبقى تحت أبقى رن علينا
انا: اشطا يا مزه…. يلا سلام
قفلت مع دينا وطبعا كرستين قاعدة مستنيه اخلص مكالمة علشان تسألني مين دي وجو البنات دا
انا: قبل ما تسألي مين دي…. دي دينا صاحبتي وبتقعد في الكافيه عندي وكانت بتطمن عملت ايه في المشكلة دي
كرستين: مكنتش هسأل على فكرة
انا: واضح واضح… دا السؤال مكتوب على وشك اصلا
كرستين: ايون كنت هسألك خصوصا ان كلامك معاها اوبن خالص وشكلكم واخدين على بعض اووي
انا: بقولك صاحبتي جدا وكمان خدي بالك مبحبش الغيرة القاتلة دي.. معلش يعني يا كرستين انتي مش مراتي ولا بينا علاقة تخليكي تغيري كدا… احنا ايون صحاب جدا وكل حاجة بس بلاش الغيرة دي لانها بتخنق ايه شخص مش أنا بس….
كرستين: تمام يا شهاب فهمت بس أنا طبعي كدا بحب اللي معايا يبقى ليا بس ودا مش بمزاجي
انا: اللي اقدر اوعدك به ان وقت ما اكون معاكي هبقى ليكي انتي وبس لكن في العموم أنا مش بتاع حد معين غير مراتي… بس مش معنى كدا ان علاقتي بيكي تسلية او مصلحة.. لا انتي صاحبتي جدا وليكي حق عليا بس بلييز بلاش الغيرة اللي تخنق دي
كرستين: خلاص يسطى كدا احنا متفقين جدا
انا: كدا انتي حبيبتي والعلاقة بينا هتبقى كويسة
كرستين: انهي علاقة بقى علشان افهم
انا: ايه علاقة نفسك فيها عادي… بس أنا بتكلم عن العلاقة بينا عموما سواء بقى تعامل او سرير او اي حاجة
كرستين: سرير ايه بس دا أنا خلاص فاضل شوية ابوس رجلك علشان تطلع السلسلة من زنقتها وانت ولا حاسس هه
انا: عيب عليك دا أنا هطلع السلسلة وادخل عمود النور كمان بس انتي اصبري بلاش اندفاع ههه
كرستين: يا جدع جايبة اخرري اعملك اي
انا: لا اخرك لسه مجاش يسطى احنا لسه في البداية
عند دينا وباقي البنات
نهاد: هاا قالك ايه شهاب
دينا: شهاب دا مشوفتش حد في دماغه… قالي انه حل الموضوع خلاص وانه كلم واحد حبيبه اتصل ب رئيس مجلس الشعب بنفسه وخلاه يهزأ الراجل دا ويبعده عنه
اميرة: نعم يختي.. كلم مين؟
دينا: زي ما سمعتي كدا بالضبط
نهاد: وشهاب وصل ل رئيس مجلس الشعب ازاي
دينا: أنا معرفش حاجة غير اللي سمعتوه دا
نهاد: انت تعرف الكلام دا يا أشرف؟
أشرف: أنا معرفش اي حاجة غير اللي قولته ولا اعرف حتى هو فين ولا كلم مين غير منكم دلوقت
نهاد: طب هو فين دلوقت يا دينا
دينا: مش عارفة فين بس قالي انه شوية كدا وهيفتح الكافيه وهيرن عليا لما يفتحه
أشرف: طب معلش بقى أنا هقعد معاكو لحد ما ييجي لو مش هتبقوا مخنوقين من وجودي يعني
نهاد: يا عم اقعد هو حد قالك لا
دينا: اللي عايزة اعرفه هو يعرف الناس دي منين… دا مبيخرجش من الكافيه غير للمشاوير الصغيرة
نسرين: واضح ان شهاب معارفة كتير بس هو طبعه هادي ومحدش بيعرف عنه حاجة بسهولة
نهاد: خلاص يا جماعة المشكلة خلصت والمهم ان شهاب كويس والامور تمام
أشرف: انتي جيبتي من الاخر يا نهاد
دينا: طيب خلاص قفلوا على الحوار بقى
نرجع عندي أنا وكرستين……
انا: كرستين ايه رأيك نخرج نتعشى برا
كرستين: موافقة جدا… وانا اللي هعزمك كمان
انا: لا طبعا العزومة المرة دي عندي
كرستين: يا عم احنا الاتنين واحد ولا انت عايز ترد اللي بابا عمله معاك من شوية وتبقى دي قصاد دي
انا: لا مش كدا خالص بس كنت قايلك ان ليكي عزومة
كرستين: خلاص المرة دي اعزمني والمرة الجاية أنا هعزمك بس هنطلب اكل من برة وناكل هنا
انا: خلاص يا عم مش فارقة وقتها اعملي اللي يريحك
كرستين: خلاص اتفقنا
انا: اشطا يا مزه.. يلا بينا ولما نخلص عشا نبقى نروح على الكافيه .
نهاية الحلقة الثامنة
