البيت الكبير | الجزء الأول – الحلقة التاسعة عشرة

تاني يوم الحاج نعمان سافر القاهرة هو وبنته نعمة وراحو لمحامي شاطر وحكى له قصة بنته وجوزها اللي مسافر العراق والمحامي طمنه إن مكسب القضية مضمون جدا وطلب من نعمة تعمله توكيل علشان يبدأ في اجراءات رفع القضية

الحاج نعمان قعد في القاهرة يومين لغاية ما عملوا التوكيل والمحامي رفع القضية وبعدين رجعوا البلد

 

في غياب الحاج نعمان واثناء سفره القاهرة هو وبنته نعمة، فتحية مراته راحت قابلت الحاج كرم، والحاجة أمينة كانت مراقبها من بعيد وشافتها وهي بتدخل بيت الحاج كرم

أمينة لما شافتها بتدخل بيت الحاج كرم اتجننت وجه في دماغها على طول إن فتحية مرة وسخة وبتخون جوزها اللي هو جوزها هي بردو  بس الحاجة أمينة متقدرش تفتح بوقها ولا تقدر تقول للحاج نعمان حاجة  لأن فيه سر قديم هي دفناه ولو اتكلمت ممكن تكون بتنبش في القديم وبدل ما تفضح فتحية . هتتسبب لنفسها المتاعب وهي في غنى عنها

الحاجة أمينة بعد ما فتحية دخلت بيت الحاج كرم خدت بعضها ورجعت على بيتها وهي مش عارفة تعمل ايه ولا المفروض تتصرف ازاي

 

سامية :: اتأخرتي ليه يا فتحية ده الحاج كرم مستنيكي من بدري

فتحية :: مش على ما عرفت اخرج من البيت

الحاج كرم :: اهلا اهلا يا ست فتحية  ايه هو احنا لازم نبعتلك واسطة علشان نشوفك ولا ايه

فتحية :: معلش يا حاج ظروفي وانت عارف

خير يا حاج كرم البت سامية بتقولي إن الشغل اللي بينا مبقاش قد كده وانك عايز تفض الشراكة

الحاج كرم :: سبينا يا سامية لوحدنا عايز اتكلم انا وفتحية كلام في الشغل

سامية :: يوه هو انا غريبة ولا ايه يا حاج

الحاج :: انجري يابت وسبينا انا وفتحية لوحدنا الشغل اسرار

سامية :: اسرار عليا  بقى كده هي دي اخرتها  ماشي يا حاج ماشية

سامية خرجت. والحاج قام من عالكرسي اللي قاعد عليه وراح قاعد جنب فتحية

الحاج كرم :: بس ايه الحلاوة دي يا فتحية

فتحية بضحكة مايعة شالله يخليك يا حاج والنبي انت لسانك بينقط عسل

الحاج كرم :: بس تعرفي انا بحسد الحاج نعمان عليكي . عارفة لو كنتي مراتي انا دانا اخلي الدنيا بحالها تحت رجليكي

فتحية :: تسلم يا حاج  انت مقولتليش  صحيح انت عايز تفض الشراكة اللي بينا

الحاج كرم :: مش بالظبط كده انا قولت بس لسامية الكلام ده علشان تجيلي واشوفك واملي عيني منك وبعدين انا عايز بعد كده التعامل يكون بيني وبينك مش لازم توسطي سامية بينا

فتحية :: خلاص يا حاج انت تؤمر وانا بعد كده هبقى اجيلك بنفسي

الحاج :: ايوة كده تعجبيني . وراح حط ايده على ايد فتحية. اللي بصت له وهي مبتسمة ابتسامة خجل

فتحية :: طيب يا حاج امشي انا علشان محدش عارف اني خرجت من البيت

الحاج :: ماشي بس عايزين نشوفك على طول . اصلي خلاص اتعودت عالجمال ده

فتحية :: هههههه ياسلام عليك وعلى كلامك اللي زي العسل ده يا حاج كرم

 

فتحية خرجت وكانت سامية بتتصنت عليهم من ورا العمود واول ما فتحية قامت علشان تمشي سامية خرجت بسرعة ووقفت بره مستنياها

سامية :: ايه الحاج كان عايز منك ايه ؟

فتحية :: مفيش كنا بنتكلم في الشغل

سامية :: بتتكلموا في الشغل  اوعي تكوني ناسية يابت اني شريكة معاكي وان الشغل ده مش بتاعك لوحدك

فتحية :: لا طبعا مش ناسية بس الحاج كرم ميعرفش كده ولا ايه

سامية :: ماشي يا فتحية  لما نشوف اخرتها

 

فتحية روحت البيت وغيرت هدومها في الزريبة وبعدين دخلت البيت لقت الحاجة في وشها وباين عليها اوي انها مضايقة منها لكن الحاجة مفتحتش بوقها

 

.

 

العمدة :: انتي اتجننتي يا وليه بقى انتي عايزاني انا اوافق على الكلام الفاضي بتاعك ده . شيخ ايه اللي عايزة ابنك جلال يروحله

صباح :: يا حاج دي سعاد بتقول عليه انه راجل مبروك. وبيفك الأسحار وانا متأكده إن ابننا مربوط ومعمولة سحر

العمدة :: سحر ايه يا وليه يا خرفانه  عارفة لو سمعتك بتتكلمي في الموضوع ده تاني انا همشي سعاد دي من هنا خالص

ده اللي ناقص اننا نروح لدجالين ونصابين

 

العمدة مشي وسعاد دخلت على الحاجة صباح والحاجة حكت لسعاد اللي قاله العمدة

سعاد :: ولا يهمك ياستي احنا ممكن نروح للشيخ من ورا العمدة ومش لازم ناخد جلال معانا  احنا نروح ونحكي للشيخ وهيقولنا نعمل ايه علشان نفك الربط ده

صباح :: العمدة لو عرف مش بعيد يطلقني فيها

سعاد :: ومين هيعرفوا بس يا ستي بصي احنا نروح للشيخ الجمعة الجاية قبل العصر

وعلي ما نروح ونرجع مش هيكون العمدة جه من بره اصلا ولو جه نبقى نقوله اننا كنا بنجيب حاجة كده ولا كده  اكيد مش هنغلب ياستي

صباح :: لا اخاف ل العمد يعرف ويشندل بالي

سعاد :: ياستي ماهو سي جلال يستحق اننا نعمل اي حاجة علشانه ولا انتي عاجبك حالوا ده ولا حالك انتي كمان

صباح :: عندك حق يا سعاد  خلاص نروح للشيخ يوم الجمعة واللي يجري يجري

 

بعد خمس ايام ( يوم الجمعة ) العمدة على الساعة 2 الضهر راح اتقابل مع الحاج كرم بخصوص موضوع الفلاحين والحاج كرم رفض انه يتنازل عن بيع الأرض للفلاحين مرة ثانية ورفض حتى انه يعوضهم بالفلوس، وقال انه مشي معاهم قانون ومحدش منهم له عنده حاجة

في الوقت اللي العمدة كان قاعد فيه مع الفلاحين سعاد اخدت الحاجة صباح وراحت بيها عند الشيخ منصور اللي بيفك الأعمال

الحاجة ادت للست اللي قاعدة بره بتنظم الدخول للشيخ 200جنيه علشان تدخلها للشيخ قبل دورها، وفعلا الست دخلت الحاجة صباح وسعاد

صباح حكت للشيخ منصور على مشكلة ابنها، وهو قالها تعالي يا حاجة عايزك تقربي وشك من جمر النار ده وتغمضي عنيكي وتقولي اسم ابنك بالكامل في سرك واسمك انتي بالكامل اهم حاجة في سرك

علشان الخدام هيشوفوا وهيعرفوا ايه اللي عند ابنك وهيقولولي وانا هقولك ايه المطلوب

صباح قامت ووشوت جمر النار وبعد ما خلصت الشيخ قعد شوية ساكت وقعد يقرأ كلمات غريبة وغير مفهومة وبعدين قالها

العمل مش معمول ل ابنك يا ست صباح

العمل معمول لمراته ومعمول على كل حتة في جسمها

صباح :: ازاي الكلام ده والعلة في ابني مش فيها

الشيخ :: العمل معمول على جسمها، وكل ما ابنك يختلي بيها هو رغبته فيها بتموت، والعمل ده معمول بأساميهم هما الأتنين، يعني لو ابنك اختلي باي ست تانية غيرها هيبقى زي الحصان، وهي لو حد تاني اختلي بيها مش هيكون فيه اي مشكلة مع الشخص التاني

صباح :: طب والحل يا سيدنا الشيخ

لازم مرات ابنك تجيلي انا اقرا على كل جسمها وتتغسل بأيدي

صباح :: لا لا ازاي الكلام ده  انت عايز اجبلك البت وتحسس على جسمها

سعاد بصوت واطي ووشوشة  ايه اللي بتقوليه ده  ده راجل بتاع ربنا

الشيخ :: انتي فاكرة اني هشوف جسمها اللي هيقرا عليها جن من المتسخرين وهيبقوا في جسمي وهما اللي هيفكوا العمل مش انا  انا في اللحظة دي هكون فاقد الوعي وجسمي ملك للجان

سعاد :: دستور دستور يا سيادنا دستور

صباح :: خلاص هشوف كده

صباح مشيت وفضلت تشتم في الشيخ وتقول ده راجل نصاب وسعاد عمالة تدافع عنه وقالتلها. طيب ايه رايك نقعد مع الناس اللي مستنية تدخل للشيخ وتسمعي منهم رأيهم في الشيخ

صباح سمعت كلام سعاد وقعدت مع النساوين وسمعت منهم أساطير عن الشيخ.

اللي تقول انها مكنتش بتخلف وخلفت على ايده واللي تقول جوزها كان مربوط وبقى زي الحصان على ايده

كتر كلام الستات عن الشيخ خلاها تقتنع انه شيخ بجد وان الشفا هيكون على ايده

وقررت انها تجيب الهام له يمكن العمل يتفك على يده

 

مرت الايام والمحامي رفع قضية خلع بالفعل على صابر جوز نعمة وتحدد لها جلسة بعد اربع اسابيع يعني شهر بالتمام والكمال،

وقبل الجلسة بأسبوع والعيلة كلها على طرابيزة السفرة بتفطر فتحية حست بدوخة وغممان نفس وقامت جري على الحمام فضلت ترجع

الحاجة أمينة :: هي مالها فتحية

الحاج نعمان :: شكلها واخدة برد في معدتها، من امبارح وهي كده كل شوية ترجع

زينب :: لا يا حاج دي شكلها كده حبلة. علشان امبارح مكنتش طايقة ريحة الطبيخ

كلة بص ل زينب والحاج نعمان بان عليه الفرحة وقال ل أحمد: بقولك ايه اكشف عليها وطمني  كلام زينب صح ولا لا

أحمد :: ماشي يا حاج عنيا، هاتي يارشا الشنطة بتاعتي من العربية

رشا :: حاضر يا أحمد

رشا راحت جابت الشنطة وكان الحاج كرم اخد فتحية مراته وطلعها الأوضة بتاعتهم ونيمها على السرير

أحمد طلع كشف عليها في اوضتها وقال للحاج  مبروك يا حاج فتحية فعلا حامل وكلام زينب طلع حقيقي

الحاج كأنه اول مرة يخلف وكان فرحان اوى

والحاجة بره مصدومة ومش مصدقة  بقى فتحية حامل . مستحيل مستحيل

زينب سمعتها وهي بتكلم نفسها

زينب :: جرى ايه يا حاجة انتي مش مصدقة إن عمي ممكن يخلف في السن ده

الحاجة :: لا ولا حاجة  روحي شوفي وراكي ايه

فتحية لما عرفت انها خلاص بقت حامل فرحت اوي اخيرا بطنها شالت وهتبقى أم وهيبقى كل المال ده بتاعها وبتاع ابنها  وحلفت لتخلي الحاج يكتبلها كل حاجة وتبقى هي ست البيت بدل ما الكل شايفها خدامة

الحاج كرم قال لفتحية انا مش عايزك تعملي اي حاجة في البيت انا عايزك تنامي عالسرير علشان اللي في بطنك ميجرالوش حاجة

ونده على كل ستات البيت بما فيهم الحاجة أمينة وقالهم من هنا ورايح اعتبروا فتحية في اجازة من شغل البيت لغاية ما تعدي الشهور الأولى من الحمل

 

وفعلا الست فتحية مبقتش بتعمل اي حاجة في البيت غير انها بقت بتقعد وتحط رجل على رجل وتطلب وتتشرط وتؤمر والحاجة كانت بتجيلها لغاية عندها

في نفس الوقت الحاجة أمينة كانت متأكده إن اللي في بطنها ده مش من صلب الحاج نعمان وان اللي في بطنها ده يا من أحمد يا من الحاج كرم  بس هي هتقول ايه ولمين، ماهي هي بالذات مينفعش تنبش في الموضوع ده وتحط في بوقها جزمة وتسكت

 

فات اسبوع والحاج كرم ماشفش فتحية نده على سامية وقالها اوصلي لفتحية في بيتها اطمني عليها وشوفيها بقالها اسبوع مختفية ليه، سامية فعلا راحت لفتحية علشان تطمن عليها زي ما الحاج كرم قالها وقعدت معاها وسامية قالتلها انها حبلة

سامية فرحت اوي وقالتلها دقي عالحديد وهو سخن وخلي الحاج يكتبلك حتة ارض استغلي فرحته بالعيل اللي في بطنك

فتحية :: فكرك كده ؟ ماشي انا هعمل زي مانتي بتقولي

سامية اخدت قعدتها مع فتحية ومشيت على بيت الحاج كرم وعرفته إن فتحية حبلت ونايمة على السرير علشان كده مش بتيجي

 

القضية بتاعة نعمة اتأجلت كمان شهر والحكم هيكون في الجلسه اللي جاية، المحامي طمن الحاج وطمن نعمة وقالهم ان الحكم هيكون في صالحنا ونعمة هتتخلع من جوزها في الجلسه اللي جاية.

الحاج نعمان اخد بنته نعمة وروح البيت وطلع الاوضة بتاعته علشان يريح شوية ويطمن على فتحية

الحاج :: عاملة ايه يا فتحية

فتحية :: بخير طول مانت بخير يا حاج

الحاج :: حافظي على اللي في بطنك يا فتحية

فتحية :: انت بتوصيني على ابني يا حاج، دانا ماصدقت ربنا رزقني بعيل منك يا حاج، بس انا كنت عايزة اطلب منك طلب يا حاج

الحاج :: انتي تؤمري يا فتحية  شاوري بس كده بصباعك

فتحية :: انا عايزة اتكلم معاك في حاجة بس والنبي ما تفهمني غلط

الحاج :: قولي يا فتحية  اطلبي عايزة اجيبلك ايه

فتحية :: بص يا حاجة الاول ربنا يخليك لينا ويطولنا في عمرك وربنا يجعل يومي قبل يومك بس انا من ساعة ماعرفت اني حبلة وانا خايفة ومرعوبة ويمكن مش بعرف انام وانا عارفة إن ده غلط على العيل بس اعمل ايه غصب عني

الحاج :: ليه كل ده يا فتحية  في ايه وعايزة تقولي ايه

فتحية :: بص يا حاج خليني صريحة معاك انت عيالك كلهم لغاية دلوقت شايفني خدامة ونظراتهم ليها على طول بتقول كده

بعد عمر طويل  ربنا يجعل يومي قبل يومك لو انت سبتنا احنا هيكون لينا مين بعد ربنا  عيالك هيرموني في الشارع انا وابنك

الحاج :: لا انا عيالي عمرهم ما يعملوا كده

صباح :: وانت تضمن منين زن الحريم يا حاج، ساعتها كل واحدة هتزن على ودان جوزها وتقولوا دي خدامة وانتوا اللي تعبتوا وشقيتوا

يا حاج انا مش طالبة منك حاجة كبيرة انا بس طالبة حتة الأرض الشرقية تكتبها بيع وشرا بأسمي ودي هتكون بتاعة ابنك لما يكبر لو لاقدر الله حصل حاجة

الحاج :: الأرض الشرقية ؟ لا صعب اوي

فتحية :: بقى كتير يا حاج على ابنك  ده ابنك زي ماهما ولادك

الحاج :: طيب يا فتحية انا مقدرش ازعلك بكره هروح للمحامي واخليه يكتبلك الأرض بيع وشرا

فتحية :: بجد يا حاج  بجد والنبي  تسلملي يا حاج ومنحرمش منك

 

اسماء في اوضتها نايمة جنب حسين

اسماء :: البت ياخويا من ساعة ما حبلت وهي عاملة فيها البرنسيسة قاعدة واكلة شاربة تؤمر وتتشرط

حسين :: معلش يا اسماء استحملي علشان خاطر ابويا

اسماء :: هو في حاجة مخليانا مستحملينها غير بس انها مرات عمي

حسين :: ما تقومي يابت تاخديلك دوش كده وتجيلي عايزك في موضوع خصوصي

اسماء :: انا واقفة على رجلي طول اليوم وتعبانة ومش قادرة عايزة انام

حسين :: بقى كده  نامي ياختي نامي

اسماء :: ثم كمان انت بتتعبني عالفاضي ويدوب بوسة في التانية وتحطة تروح منزلهم وتنام ومش بينوبني انا غير التعب

حسين :: طب نامي لحسن كلامك بيسد النفس

انتظروا الحلقة العشرين