العراف – السلسلة الثانية | الجزء الخامس

في مكان تاني جديد.
بيتصل شخص على رقم مصري: كل حاجة تمام متقلقوش خالص انا تمام والدنيا ماشية زي الخطة بظبط.
الآخر: طب حلو اوي عال العال اتمني تستمر الدنيا حلوة كده.
المتصل: متقلقش كل حاجة تمام وتمام جدا كمان وقريب اوي هتسمع اخبار حلوة.
الآخر: اتمني خلى بالك على نفسك سلام.
على طريق فيلا عمار بتنزل اشخاص على بُعد 4 كيلو وبتبدأ تزرع قنابل في كل حتة على الطريق.
شخص غريب: تمام ياباشا زرعنا القنابل على الطريق واول ما يعدي من الطريق هنضغط على الزرار ونخلص منه.
الآخر: تمام يا رجالة خلوا بالكم لحد يشوفكم.
عندى في المستشفى.
الدكتور: اخبارك ايه دلوقتي عدت ال24 ساعة حاسس بحاجة.؟
انا: فل الفل وعايز اخرج بقي ممكن.
الدكتور: أكيد تقدر تخرج النهاردة شكلك زهقت مننا ههههه.
انا: اه زهقت من المستشفى وكفاية نوم 3 شهور.
لميس: تمام يا حبيبي هتخرج متقلقش هتلبس دلوقتي وهنتحرك.
انا: تمام يا لميس، شكرا ليك يا دكتور.
خرج الدكتور وقمت غيرت هدومي وكانت لميس معايا في الاوضة خلصت وخرجت لقيت رعد ونهلة.
نهلة: كنت استنيت يوم كمان يا عمار لسه بدري عايزين نطمن عليك.
انا: متقلقيش عليا يا حلوة انا كويس يلا عشان نروح.
رعد: عمار باشا جاتلك الدعوة دي من شخص اسمه فضل عزيز.
خدت الدعوة وفتحتها لقيتها دعوة لحفلة عيدميلاد بنت فضل باشا.
انا: تمام يلا بينا بلغ صخر اننا هنتحرك يأمن الدنيا كويس زي ما فهمته.
رعد: تمام ياباشا متقلقش.
انا: سلاحى فين…؟
لميس: في العربية يا عمار متقلقش.
نهلة: يلا بينا بقي انا حاسبت على المستشفى من الفيزا بتاعتك وكل حاجة تمام مش ناقص غير خروجك يا حبيبي يلا.
خرجنا من باب المستشفى ولقيت 5 عربيات حراسة كل عربية فيها 4 اشخاص من رجالة الجحيم بس لقيت معاهم مفاجأة.
انا: بتعملوا ايه هنا وليه مشوفتكمش من وقت ما صحيت.
احمد وسارة: محبناش نبقي تقال عليك وقولنا نستنى لحد ما ترجع الشغل بس لسه واصلين وعرفنا انك خارج النهاردة قولنا نقابلك هنا.
انا: مفيش الكلام ده اركب عربيتك وهات سارة معاك وتيجوا ورايا هنتغداء سوا ونكلم.
احمد: بس ورانا شغل مينفعش.
انا: انت نسيت اني اعلى منك في الرتبة ولا ايه وبديك امر نفذ يا احمد ههههه.
احمد: تمام يا فندم هنيجي وراك.
ركبت العربية ورعد اللي سايق وانا ولميس من وراء ونهلة قدام و قدامي عربية حراسة وورايا عربية حراسة وبعدين عربية احمد وسارة وبعدين باقي عربيات الحراسة.
رعد: امن الطريق يا صخر احنا قربنا عليك.
صخر: ابعدوا دلوقتي محدش يقرب خالص احموا العراف كويس في قنابل على الطريق محطوطة للعراف.
انا: مين الوسخ اللي يعمل كده وعارف اني خارج خلاص أكيد ده حد من رجالة التنين لان لحد دلوقتى التفاحة الحمراء ملعبوش معايا.
رعد: هنعرف كل حاجة بس دلوقتي حمايتك اهم انت والهوانم.
عند صخر عالطريق
بدأ ضرب النار وحصل اشتباك بين رجالتي من الجحيم و رجالة الشخص اللي بعتهم يزرعوا قنابل على الطريق والاشتباك انتهي بموت كل العصابة ومحدش من رجالة الجحيم وقع ولا حصله اصابة حتى وده عشان انا غيرت في لبسهم.
فلاش باااااااااااااك
انا: بقولك ايه اسمعني كويس اوي وركز
صخر: اتفضل ياباشا اؤمر.
انا: الرجالة اللي هتكون بتحمى الطريق والفيلل الجديدة والبيت عايزهم يلبسوا واقعي رصاص مش عايز شغل عشوائية وقلب ميت عايز شغل عالي وهادي في نفس الوقت عايزهم اكنهم ال999 فاهمنى ولا لا.
صخر: فاهمك ياباشا اؤامرك هتتنفذ حاجة تانية.
انا: ايوة عايزكم تجيبوا عربية نقل مجهزة من كل حاجة كاميرات واجهزة مراقبة وتصنت وخبير مفرقعات كمان من اللي ادربوا معاكم وانا عارف ان كل ده متعرف في الجحيم بمكالمة تليفون يخرجلي عربية و 3 من خبراء المفرقعات.
صخر: كل اللي طلبته هيتنفذ خلال ساعة متقلقش والطريق والبيوت هتتأمن بالطريقة اللي تحبها وقولتها عن اذنك.
انا: اتفضل واديني خبرة عشان شوية وهنخرج من هنا.
بعد ساعتين جاتلي مكالمة من صخر ان كل حاجة تمام والطريق وكل حاجة اتأمنت كويس وانهم شافوا ناس على الكاميرات والدرون المراقبة بانهم بيزرعوا قنابل على الطريق.
رجوع من الفلاش باااااااااااااك
انا: عفارم عليك يا صخر هو ده الشغل التمام.
صخر: متقلقش يا عراف باشا كل حاجة انت عملت حسابها حصلت وامنا الدنيا تقدر تعدي يا رعد خلاص.
رعد بقي مستغرب ازاي انا اتوقعت كل ده وازاي امنت الدنيا كده بسرعة.
بعد ما قفلت اللاسكلى مع صخر.
انا: متزعلش ولا تستغرب ازاي كل ده حصل من غير علمك.
رعد: مقدرش ازعل منك يا عراف بس استغربت ازاي كل ده حصل وصخر مش قالي حتى عشان اخلى بالي.
انا: صخر عمل المطلوب منه ومش معني انه مقالش ليك يبقي انا شاكك في حد انا عارف ان رجالة الجحيم متقدرش تخون العراف ولا حتى العرافين لانهم ولادنا والعراف بالنسبة ليهم
رعد: ابونا وانت ابونا اللي اتربينا دائما على حمايتك.
وصلنا الفيلا وفعلا الدنيا بقيت كلها امان وتمام التمام عكس الأول خالص وكل ده أحمد وسارة مستغربين هما داخلين على قصر الرئاسة ولا رايحين فيلا عمار اللي كانوا بيحموها قبل كده الوضع اتغير والحراسة بقيت اشد واقوي وبشكل ولبس مختلف وبقيت الدنيا اقوي وأمن من قصر الرئاسة حتى.
دخلت البيت والكل رحب برجوعي وانا في حضني لميس وفي ايدي التانية نهلة وورايا أحمد وسارة.
انا: معنا ضيوف وصحاب بيت في نفس الوقت لحد ما يقرروا هما عايزين ايه بظبط.
امي: اهلا بيهم نورت ياحمد انت وسارة الاكل جاهز.
انا: هاخد شاور سريع وانزل ليكم استنوني على السفرة.
طلعت وخدت شاور وظبطت دقني وسويتها وشعري كمان لاني بحلق لنفسي ورجعت احس بالانتعاش من تاني ولبست هدومي وحطيت البرفان اللي بيميزني وبيخلى الكل يعرف بوجودي
تحت عندهم.
امي: عمار خلص على فكرة وهتلاقوه نازل حالا.
لميس: عرفتي منين يا ماما.
امي: انت بتقولي ايه ماما ونبي انت حبيبة قلبي وفرحتيني بجد المهم هقولك بسرعة لان ريحته برفانه ظهرت شامة
لميس: اه فعلا عمار ريحته ظهرت ولسه بتكمل لقيتني في وشها.
انا: قدامك اهو بشحمي ولحمى.
قامت لميس وجريت عليا حضنتني قدام الكل وبعدين فاقت لنفسها واكسفت لان الكل قاعد وباصص لينا.
امي: خايفة نحسد حبكم الحلو اوي لبعض ده.
انا: احسدي براحتك يا ماما محدش هيقدر يبعدها عن حضني من النهاردة.
قعدت على رأس السفرة وجنبي على اليمين امي وعلى شمالي لميس وجنب لميس نهلة وسوزان وايمان عمتي والناحية التانية نبيلة ونهال واحمد وسارة كل واحد على جنب غير التاني.
انا: عارف اني تعبتكم بس ده مش بايدي دي حياة اكتبت عليا فيأما اعيشها بشكل ينفع الكل او انسحب منها وانا لسه مقررتش
ايمان: بس قرارك لازم يبقي بسرعة يا عمار مفيش وقت وانت عارف كده يأما انا اكمل واكون العرافة او انت تكون العراف.
انا: مش لما تجاوبي على سؤالي الأول وتقوليلي اللي طلبته منك يا ايمان.
ايمان: احمم انت لسه فاكر، حاضر يا عمار هجاوبك على كل حاجة بس اديني شوية وقت وهرجعلك عن اذنك.
وقامت ايمان وخرجت من قبل ما تأكل حتى.
امي: عارفة انك مبتحبش حد يدخل في شغلك او حياتك من وانت صغير بس ليه بتعامل ايمان كده مع انها بتقول انها كانت مجهولة في حياتك وانت بتحبها اوي.
انا: ومين قال اني مبحبهاش بالعكس هي غالية عندي بس هي بدأت تلعب معايا بدري اوي وانا فايق ليها بعدين نكمل يا امي وهفهمك كل حاجة.
انا: اما انت يا احمد انت وسارة.
احمد: خير في ايه معملتش حاجة هههههه انا حاسس اني في بيت الشبح والله هههههه
انا: ولا شبح ولا حاجة انت في بيت العرافين وقدام العراف اللي المفروض يكون الكبير وحواليك رجالة الجحيم اللي هي رجالة العراف وشوفت شكلهم عامل ازاي ولا اكنك في تدريب القوات الخاصة او في قاعدة عسكرية حتى.
احمد: حصل بس خايف عليك ومش فاهم انت ناوي على ايه وقلقان من اختيارك بصراحة.
انا: طب ما تقولي انت لو مكاني هتعمل ايه.
احمد: انا مش مكانك، بس لو بقيت مكانك هختار شغلي وهكمل حياتي طبيعي خصوصاً ان التنين والتفاحة الحمراء بدوا يتحركوا وطبيعي تواجهم بالقانون مش بطريقة تانية.
انا: قصدك البلطجة والمافيا يا احمد.
سارة: احمد ميقصدش كده يا عمار، احمد فاهم عيلة العراف من زمان اوي لاننا قرأنا الملف وفهمنا كل حاجة وعارفين ان عيلة العراف هي مفتاح البلد واقوي من رئاسة البلد نفسها وفي كل حتة في العالم ليكم شخص مخلص للعراف بجيش كبير محدش يتوقع عدده.
انا: شاطرين ومادام انتوا ومحسن وفضل عارفين كل ده تتوقعوا قراري ايه.
سارة: مش عارفة يا عمار بس انا عارفة انت جيبنا النهاردة ليه ومستنيه تكلم بس شكلك عيزني انا اللي اقول هههه.
انا: جايبكم ليه يا سارة وريني شطارتك.
سارة: جيبنا عشان تسألنا لو انت قررت مترجعش حابين نكون معاك ولا لا.
انا: ذكية وبيعجبني فيكي ذكائك على العموم القرار قراركم ونتقابل بكرة في الحفلة.
لميس: حفلة ايه يا حبيبي.
انا: جاتلي دعوة لحضور حفلة بنت فضل باشا عيدميلادها طبعا هنروح انا وانت.
انا: ياريت محدش يعرف اني قبلت الدعوة يا شباب.
احمد وسارة: تمام يا عمار.
انا: يلا بينا نأكل اسف اكيد الاكل بقي بارد اتفضلوا.

مكان بعيد منعرفش عنه حاجة
ندى: انا جيالك اسكندرية مش هسيبك لوحدك خدت اذن من ماما وجاية.
سيلين: يابنتي خليكي مكانك انا ورايا شغلي ولؤي بيقعد في البيت لوحده لحد ما نشوف ابوه ده هيجي امتي.
ندى: ممكن تهدي بقي على نفسك ونفكر في حياتنا بل لؤي بل بتاع.
سيلين: ندى متكلميش عنه كده انا بجد حبيته واتعلقت بيه وهو كمان حبني اوي.
ندى: هتتنفخي يا سيلين بس لما اشوفك اصبري عليا سلام انا نزلت من البيت وهركب تاكسي واروح للقطر.
سيلين: ماشي يا حبي على مهلك وركزي في الطريق.

في مكان تاني منعرفش عنه حاجة.
ابراهيم: منعرفش طريق لؤي لحد دلوقتي.
رامي: انا قابل الدنيا والرجالة بتدور ومفيش فائدة الواد ده راح فين ومحدش اتصل بيا اصلا يطلب فدية يعني مش مخطوف.
ابراهيم: انا قلقان لحد من اعدائك يوصل للواد الاول خلى بالك بقي.
رامي: والحل ايه انا كده جبت اخري وعملت كل اتصالاتي بكل اللي اعرفهم.
ابراهيم: متأكد انك عملت كل اتصالاتك.
رامي: قصدك ايه……ااااه لا انسي ان ده يحصل انسي خالص.
ابراهيم: براحتك بس هتتصل بيهم وقريب كمان سلام.
خرج ابراهيم وفضل رامي يفكر في كلام ابراهيم ابن عمو فعلا شكله هيخضع ويتصل بيهم لان ده الحل الوحيد بس هو بيكابر بسبب كبرياءه وعناده بس في نفس الوقت ده ابنه لؤي من وقت ما مامته ماتت وهو مش بيطيقه بس في نفس الوقت بيحبه اوووي.

مكان في ارض الوطن.
توصل طيارة شاتاي ومعاه كولكان الحارس الشخصي واكتشا المساعدة الجديدة ونفس الوقت عشيقته.
أول ما خرج شاتاي من الطيارة لاقي حراسة كتيرة مستنيه تحت بعربيات وكل حاجة متأمنة كويس متنسوش ان شاتاي عنده فرع لشركته في مصر ومعروفة بس أول مرة هيزور الفرع ده بنفسه دائما كان النائب بتاعه.
صوت: اهلا بيك يا باشا نورت مصر.
شاتاي: اهلا بيك يا نوح، عملت ايه في اللي طلبته منك.
نوح: عملنا استقبال يليق بخروج العراف من المستشفي بس هو طلع مأمن الدنيا كويس ومأمن نفسه هحكيلك ياباشا على الطريق وركبوا العربيات.
شاتاي: يعني العراف عرف يخلع من الكامين وقدر يعدي بسهولة.
نوح: للاسف اه بس منعرفش لسه ازاي عمل كده.
شاتاي: لازم نعرف ونتصرف عشان نعرف نواجه العراف.
في مبني الامن العام
محسن: فضل باشا، العراف خرج من المستشفى.
فضل: حلو اوي، الستر بقي لان كده نقدر نقول بدأت الحرب بين العراف وبين التنين.
محسن: كمان حصل هجوم على العراف وهو على طريقه للبيت بس قدر يعدي منه بالسلامة ومنعرفش لسه ازاي حصل كده بس احمد وسارة مع عمار ولما يرجعوا هنعرف.
فضل: تمام لازم نفهم عمار بيفكر ازاي وناوي على ايه اليومين دول.
محسن: هو قبل دعوة عيدميلاد بنتك ولا لا.
فضل: المفروض وصلت معرفش بقي هيقبل الدعوة ولا لا.
محسن: تمام ياباشا هسيبك بقي واشوف اللي ورايا ونتقابل بكرة في عيد الميلاد.
فضل: اتفضل يا محسن ولما سارة واحمد يوصلوا هاتهم وتعالى.
عند عمار في البيت
سارة واحمد مشيوا خلاص ومبقاش غير العيلة.
انا: زي مانتم شايفين انا اشتريت كل الفيلل الي جنبنا وبقي الحي كله تابع لينا وفي كل فيلا حراسة مشددة.
امي: في خطر تاني ولا ايه.
انا: الخطر هيفضل طول ما العراف عايش ولازم تتقبلوا الوضع ده.
لميس: وانت ناوي على ايه هتسيب الداخلية وتمسك شغل العيلة وتستلم العرش ولا هتعمل ايه.
انا: لسه مقررتش اي حاجة ومش هقرر الا بعد ما ايمان تقولي ايه حوار مفتاح الجبل ده.
ايمان دخلت عليهم من برة: هعرفك كل حاجة بس اتمني تكون هادي ومتتعصبش.
انا: اهلا يا ايمان تعالى ولا عصبية ولا حاجة.
سوزان: طب استأذن انا ونهلة عشان تكلموا براحتكم.
انا: لا خليكم عادي دي امور عائلية وانتوا من العيلة وبرضو الكلام ليكي يا نبيلة انت ونهال خليكم.
اقعدي يا ايمان ايه حوار مفتاح الجبل ده.
ايمان: بص يا عمار كل اللي اعرفه ان في مغارة في الجبل مقفولة بقفل والمفتاح ده كان مع محمد ابوك وقبل ما يموت بفترة جابلي المفتاح وادهوني وقالي ان عمار لما يطلبه وريهله مكان المغارة وهو هيعرف كل حاجة لوحده وقتها، طبعا انا مفتحتش المكان ولا اعرف اللي هناك وبكلمك بجد لان دي امانة بس انا شاكة في حاجات.
انا: شاكة في ايه قولي.
ايمان: حاسة ان محمد العراف مخبئ اسرار تانية وكمان العراف الكبير كان مخبئ سر محدش بيعرفه الا كل عراف بيمسك من بعده والسر ده مش هقدر اقولهولك الا لما تقرر هتستلم العرش مني وتكون العراف وكبير العيلة وكبير البلد كلها ولا لا وأكيد هتعرفه لما تروح المغارة ممكن يكون في هناك معلومات عنه.
انا: المغارة فين يا عمتي.
ايمان: في الجبل بعد البلد بشوية في مكان عند رجالة الجحيم.
انا: في اللاسكلى يا صخر تعالى.
صخر بعد دقيقتين: اتفضل يا عراف اؤمرني.
انا: عايز 3 عربيات تجهز عشان هنتحرك على الجبل في مقر رجالة الجحيم.
صخر: اؤامرك يا باشا، حد من العيلة هيتحرك معنا ولا لا عشان اعرف هسيب رعد ولا هيجي معانا.
انا: هنتحرك كلنا يا صخر جهز العربيات وجهز العربية الميرسيدس الكبيرة عشان العيلة تركب فيها.
صخر: اؤامرك ياباشا اقل من 10 دقائق ونكون جاهزين.
خرج صخر وادي امر بتجهيز العربيات والحراسة اللي هتتحرك مع عمار العراف.
انا: يلا نجهز بقي ونغير هدومنا عشان نلحق نرجع قبل حفلة بكرة.
امي: وليه هتاخدنا كلنا ما كفاية تروح انت وايمان وسيبنا هنا.
انا: مش هكون مطمن عليكم غير وانتوا معايا خصوصا ان رجالة الجحيم لسه مش عارفة تتعود أن حمايتكم قبل حمايتي.
طلعت انا ولميس الاوضة عشان نغير هدومنا.
لميس: وحشتني اوي يا حبيبي نفسي انام في حضنك والدنيا تبقي هادية من حوالينا.
انا: وحشتيني اكتر يا حبي اكتر اوعدك الامور تعدي اليومين دول وتخلص وهاخدك ونسافر انجلترا نغير جو شوية ونقدي كام يوم حلوين مع بعض.
لميس: بجد يا عمار هنسافر بجد.
انا: اه يا حبي هنسافر بس سبيني ارتبها وامن الدنيا هناك قبل ما نتحرك.
لميس: بحبك اوي.
انا: وانا كمان بحبك، يلا البسي بدل ما اشدك على السرير بجسمك الفاجر ده وضربتها على طيزها.
لميس: اااااه براحة يا عمار وجعتني.
انا: بت اتلمي ورانا سفر ومشوار مهم يلا اجهزي.
لميس: حاضر يا حبيبي هاخد شاور بسرعة تكون انت ظبط حالك ولبستك.
فتحت دولابي واخترت بليزر أسود وتيشيرت ابيض وبنطلون اسود وكوتشي ابيض وخدت هدومي ودخلت الحمام اللي برا في الدور العلوي، ظبطت دقني بسبب التعب والغيبوبة كانت متبهدلة وعجبتني وهي تقيلة وكثيفة قررت اساويها واظبطها واخليها قصيرة بس اسيبها كثيفة وظبط شعري لاني بحب زي مانتوا عارفين انه يفضل طويل بس متساوي وشكله شيك ومحترم عشان هيبتي برضو وبعدها خدت الشاور التمام ولبست جوا عشان لو في حد من حريم البيت برة ولا حاجة محدش يكسف لما اخرج فجأة.
خرجت من حمامي ودخلت على لميس لقيتها قمر في لابسها بجد.
انا: ايه الجمال ده هموت عليكي كده بجد.
لميس: للدرجادي عجباك اوي كده وانا كمان هموت عليك اكتر هانت يا حبيبي، صحيح دقنك حلوة كده سيبها.
انا: قررت اسيبها فعلا يلا جاهزة.
لميس: اه يلا هنروح احنا ومين.
انا: هاخد نهى وانا وانت ونهلة والباقي هيفضل هنا مع حراسة متخافيش على نبيلة ونهال.
لميس: مش خايفة طول مانت جنبي وواثقة فيك كمان انك تقدر تحميني وتحمي الكل من غير رجالة ولا حتي حراسات
عمار انت دلوقتي او حتى بعدين هتفضل ضهري وسندي سوا فضلت في الداخلية او حتى قررت تمسك شغل العرافين وانا فاهمة ومقدرة اختيارك ومش هضايق منه بالعكس هفضل دائمًا ادعمك.
انا: مش بحبك من قليل يابنتي والله بحبكككككككك.
نزلت انا ولميس وكانت نهى والكل لابسين فاكرين نفسهم كلهم رايحين.
انا: مساء الخير يا جماعة.
نهى والكل: مساء النور يا حبيبي وشك نور وبقيت قمرين مش قمر واحد.
انا: تسلميلي يا حبيبتي جاهزة.
ايمان: هما مش كلهم جايين معنا صخر جهز العربيات المرسيدس الكبيرة.
انا: لا هاخد امي ولميس ونهلة وانت وهنتحرك والباقي هيفضل هنا ومعاهم رعد بالحراسة.
سوزان: تمام حلو جدا واحنا نشوف اللي ورانا برضو وهنستناكم هنا متقلقش علينا.
نهال: ما تاخدوني معاكم طيب اغير جو بدل قاعدة البيت اللي ضايقتني ومكناش بنخرج وقت الغيبوبة بتاعتك.
انا: ماشي يا لمضة تعالى انت كمان على الاقل تسلي نهلة ولميس لاني هبقي مشغول احنا المفروض نرجع قبل معاد الحفلة بتاعت فضل باشا يعني مش مطولين.
لميس: عادي يا عمار.
يا صخر يا صخر.
صخر: اؤامرك يا عراف.
انا: هو مش انا قولتلك قبل كده اسمي عمار مادام وسط اهلي ولو ناس غريبة قول اللي تحبه.
صخر: حاضر يا عرا… قصدي يا عمار.
انا: ركز ههههه، جهز عربية مرسيدس واحدة وشوف الحراسة اللي هتتحرك معنا وسيب رعد هنا مع باقي الحراسة.
صخر: عمار احنا هنتحرك بالحراسة الخاصة حراسة الموت لكن حراسة الجحيم هي اللي هتفضل هنا.
انا: مين حراسة الموت دي كمان مجبتليش سيرة عنهم يعني.
صخر: زي اللي حماتك قبل ما نيجي الفيلا بس اقوي منهم عايشين عشان يموتوا فداء ليك وبس هما درع الحماية ليك.
والحراسة دي وظيفتها هي الحماية للعراف وهو بيتحرك في مكان لكن الجحيم للبيوت والاماكن التانية.
انا: صخر كملي على الطريق احنا مستعجلين يلا.
صخر: يلا.. وطلع اللاسكلي وقال فيه امنوا المكان العراف خارج.
وفعلا لما خرجت لقيت تأمين مختلف تماما عن اي تامين حتى الداخلية مكنتش هتأمن كده.
ركبنا العربية وايمان عمتي اتحركت بعربيتها وسواقها الخاص ومعاها حراستها واتحركنا على الجبل في مكان اول مرة رجلي هتروحوا معرفش مستخبيلي ايه هناك بس مش مطمن تفتكروا هشوف ايه لما اوصل
كل ده هنعرفه في الجزء السادس من السلسلة الثانية
كان معكم العراف