الشيكولاتة العجيبة – الحلقة الخامسة والعشرون
ديسمبر
اميرة مراحتش الأوتيل في الميعاد اللي كانوا قايلين عليه لان عفاف كانت اتصلت بيها وقالت ان السهرة بتاعتها اتأجلت وانها هتروح في نفس الميعاد بالليل بس بعد يومين كمان وفعلا بعد يومين كمان وفي في الميعاد المحدد اميرة كانت في الأوتيل وراحت لخدمة الأوتيل وقالت ان عندها ميعاد في غرفة 502
اه يا فندم فعلا فيه ميعاد واستاذ مدحت بلغني وحضرته منتظرك في الغرفة فوق
ياعم عم احمد اطلع مع المدام غرفة 502
اميرة طلعت مع الراجل ل غرفة 502
وكان في انتظارها مدحت وراجل سعودي
مدحت عرفهم ببعض واستأذن من السعودي وراح نازل .. واميرة عارفة هتعمل ايه وايه المطلوب منها لانها مش اول مرة تشتغل الشغلانة دي بس المرة دي على عينها
اميرة دخلت الأوضة وكانت لابسة عباية تحت چيبة چينز قصيرة فوق الركبة وباضي وردي وقلعت الطرحة وخرجت
كان فيه في الصالة طرابيزه مليانة بالمزه واللوز والفسدق وزجاجتين شامبانيا
اميرة قعدت جنب الرجل السعودي وبدأت تقنع نفسها تاخد الموضوع بالبساطة والرضا
فضلت تشرب هي والراجل السعودي اللي كان اسمة فهد العنتبلي
بعد ما اميرة قضت السهرة مع السعودي وانبسط منها وهي ماشية كتبلها شيك ب خمس الف جنيه دول خاصين بيها بعيد عن حساب مدحت اللي متفق معاه عليه
وبعد ما روحت البيت مدحت اتصل عليها وبلغها انها نجحت في اول مهمة وان ليها كده عندة 1000جنيه تمن الليلة
………….
مرت الايام والمهلة اللي وخدها خلصت وكنت مقرر إنه مهما حصل مش هوافق اني اورط نفسي في العمل مع مدحت وعفاف و ولاء وانهم مهما هددوني مش هوافق وكنت متخيل ان الموضوع مش يكون اكتر من كونه تهديد
الساعة 9 مساءآ ولاء جتلي العيادة علشان تكشف ولأنها بقالها فترة لا بتشوفني ولا بنتكلم فون زي الأول.. مع العلم ان ولاء متعرفش حاجة عن التهديد اللي وصلني من عفاف ورغبتهم في انضامي ليهم .. لكني كنت متخيل ومقتنع مئة بالمئة ان ولاء هي اللي زاقة عليا عفاف ومدحت
ولاء دخلت مساء الخير يا وليد
انا: مساء النور يا مدام ولاء
ولاء بصت ليا بأستغراب علشان يكلمها رسمي
انا: خير بتشتكي من ايه
ولاء: في ايه يا وليد ؟ مالك رخم كده ليه
انا: مفيش .. مش حضرتك جاية علشان تكشفي
ولاء: لا جاية علشان اشوفك… مالك بقى
انا: وده بجد بقى ولا استعباط
ولاء: وليد متعصبنيش … مالك ؟
انا: على اساس انك مش زاقة عليا عفاف صاحبتك والبيه بتاعكم اللي اسمه مدحت
ولاء: انا مش فاهمة تقصد زقاهم دي معناها ايه
انا: بقولك ايه هتصيعي عليا وتعملي نفسك مش فاهمة يبقى بلاش منه الكلام خالص وتتفضلي تمشي وتاخدي تمن الكشف اللي دفعتيه بره
ولاء: اقسملك بربي ما فاهمة انت بتتكلم عن ايه
وليد: مين يعرف موضوع الشيكولاتة غيرك .. انا مقولتش لجن ازرق عليها غير. ليكي انتي وقولتلك لما كنت متنيل سكران
ولاء: ايوة انا قولت لمدحت فعلا عليها .. وهو اخدها مني وبعدين رجع قالي ان ملهاش تأثير نهائي وملهاش اي لازمة
وليد: يا سلام بأمارة ماعايزني انضم ليكم ويشتري مني القطعة الواحدة ب500 جنيه
ولاء: نعم ؟؟ يعني مدحت وعفاف قرطسوني
انا: ياريت تبلغي مدحت اني مش معاكم واعلى ما بخيلكم اركبوه
ولاء: وليد بعد اذنك متتكلمش معايا بالشكل ده وثواني انا هسمعك الكلام بنفسك
طلعت تليفونها واتصلت بمدحت
ولاء: الو يا مدحت
مدحت: ايوة يا ولاء
ولاء: بقولك ايه لو الشيكولاتة لسة معاك هاتها وانا هأكلها لاميرة النهاردة علشان هسهر عندها
مدحت: ايه يابنتي انتي نسيتي ولا ايه مش انا قولتلك ان عفاف اكلتها وطلعت شيكولاتة ملهاش اي ستين لازمة
ولاء: يا خسارة دانا كنت عشمانة ان كلام وليد يكون صح
مدحت: ولا ليها اي لازمة .. وشكلة كان بيخرف بسبب الشرب اللي شربه
انا: ماشي خلاص
مدحت: بس ايه اللي غير رأيك ناحية اميرة مش كنتي رافضة اننا نعمل معاها حاجة او نضمها لينا
انا: لا انا بس كنت عايزة اتاكد من كلام وليد
ولاء قفلت مع مدحت وبصتلي وقالت صدقت اني معرفش حاجة
وليد: اه بس بردو انتي ليه قولتي لمدحت وحكيتي له على كل اللي قولته في الليلة الزفت دي
ولاء: بص انا هستناك بعد العيادة في شقتي، انت وراك شغلك وانا مش عايزة اعطلك
انا: حاضر جايلك وهبات الليلة معاكي
ولاء: تنور يا وليد … بيتك يا حبيبي
روحت بعد العيادة ل ولاء قضيت الليلة عندها وصالحتني وفهمتني انها كانت عايزة فعلا الشيكولاتة بس من غير ضرر ليا ولا لمرات اخويا وان كل الحكاية كانت مش هتتخطى التهديد لو رفضت لكنها تراجعت في النهاية وبلغت مدحت وده اللي خلاه يجيلي من وراها ومن غير علمها
في النهاية صدقت ولاء لانها اثبتت صدق كلامها لما اتصلت بمدحت قدامي في العيادة
مر يوم ولقيت عفاف بتتصل بيا علشان تعرف قراري ايه شتمتها في التليفون وهددتها انهم لو مبعدوش عني هبلغ عليهم وعلى مدحت بتاعها .. وان مفيش في ايدهم دليل واحد يثبت اني نمت مع مرات اخويا او نمت مع هند اللي شغالة معايا في العيادة
وقفلت مع عفاف على كدة
فات اسبوع وكان ميعاد خطوبة عامر ابني على بسمة
قبل الفرح بيوم راح عامر و خطيبته وامها وحنان مرات فريد اخويا اشتروا الدهب
واميرة لما عرفت من ولاء قبلها بأسبوعين حلفت ان محدش هيزوق بسمة غيرها
ولاء اعتذرت عن الحضور علشان جالها شغل مفاجئ
اخويا شريف حجز في القاعة وبسمة يوم الفرح راحت الكوافير عند اميرة وخرجت من هناك
وقضينا الليلة في وسط فرحة العيلة والجيران واصحابي
وشربات جت الفرح ومشيت في نص الليلة علشان متتأخرش لانها هتروح موصلات
في نص الليلة لقيت مدحت وعفاف والبنات جايين القاعة وبيسلموا علي وبيباركولي على خطوبة ابني وانا مكنتش مطمن لجيتهم الليلة دي برغم ان محدش فيهم جابلي سيرة الشيكولاتة ولا سيرة رفضي من عدمه
لكن مجرد حضورهم الفرح برغم اني شتمت عفاف في التليفون ده خلاني اشعر بالقلق، وعرفت ساعتها ان مدحت هو اللي بعد ولاء ومخلهاش تحضر وجابلها الشغل مخصوص في اليوم ده
ومش بس كده ده مدحت جه قدام ابني وخطيبته ومرات اخويا وقال إنه حاجز لينا طرابيزه في صالة في الأوتيل وان العشاء والسهرة دي نقوط منه ليا وعرفهم اننا صحاب من زمان.. طبعا مقدرتش ارفض
وبعد الفرح اخدنا كلنا .. انا وعامر وخطيبته ومحسن وحنان وامل وشريف وفريد
كلنا بربطة المعلم كنا معزومين على العشاء في الأوتيل
مدحت اتعرف على اخواتي فريد وشريف وكان متعمد إنه يظهر ويضحك معاهم ومبين اوي إنه شخصية ظريفة وانه بتربطني بيه صداقة قوية من سنين
وعفاف اتعرفت على حنان وعلى امل وضربت بينهم صحوبية وصداقة واخدت منهم ارقام تليفوناتهم بحجة انها حبتهم وعايزة تبقى تزورهم ما بين الوقت والأخر
قضينا الليلة ومشينا من الأوتيل على الفجر
روحت وانا حاسس نفسي مهدود من التعب وما صدقت رميت جسمي على السرير
ولاني كنت واخد اليوم ده اجازة نمت تقريبا لغاية الضهر
مرت الأيام وانا كنت نسيت خالص موضوع الشيكولاتة وقولت في بالي انه كان مجرد تهديد وان مفيش حاجة هتحصل
لغاية ما في يوم وانا في العيادة .. كانت الساعة تقريبا 10 سمعت صوت خناق وزعيق جامد مع هند لما خرجت عرفت ان فيه واحدة بتتخانق مع هند وكانت ماسكة بنت صغيرة في ايدها الست دي عايزة تدخل تكشف قبل الناس اللي قاعدة وانها مصممة تدخل يا اما هتجيب ناس تكسر العيادة وزعقت مع الست واديتها فلوس الكشف وقولت ليها اني مش هكشف عليها لا دلوقت ولا في دورها ورحت طردها من المستشفى
في وسط الخناقة والستات واقفة تهدي واللي واقفة تتفرج ….. البنت الصغيرة كان معاها كيس دخلت اوضة الكشف بالشنطة وراحت حطتها تحت سرير المرضي وخرجت
وبعدها الست مشيت
طبعا محدش فينا اخد بالة ولما الدنيا هديت كملت كشف عادي على المرضي
الساعة 1 2بالليل بعد ما قفلت العيادة وطلعت شقتي .. سمعت صوت تخبيط جامد على باب العمارة .. خرجت من الشباك بصيت لقيت قوة كبيرة من الشرطة قدام باب البيت
لبست هدومي ولسة هفتح الباب علشان انزل اشوف فيه ايه لقيتهم قدام باب الشقة
ومطلوب القبض عليا
سألت ليه مطلوب القبض عليا قالولي دلوقت حالا هتعرف ونزلت معاهم وطلبو مني افتح العيادة
فتحت ليهم العيادة وكان كل البيت عندي واقف ومش عارفين فيه ايه والكل كان متوقع ان فيه حاجة غلط خصوصا ان سيرتي الذاتية كويسة وسمعتي طيبة واهلي كلهم عارفين اني مليش في السكك الشمال
شوية ولقيتهم خارجين من العيادة ومعاهم شنطة صغيرة بيضا بلاستك وبعد تفتيشها كان فيها اربع اكياس بودرة ومبلغ 1000 جنيه
الظابط: البودرة دي بتعمل ايه هي والفلوس في العيادة عندك
انا: انا معرفش حاجة عن الشنطة دي ومعرفش جت العيادة ازاي
الظابط: خدوه على الميكروباص .. هناك هنعرف بطريقتنا
بابا وماما حاولوا يفهموا من الظابط في ايه واخويا شريف وفريد طلعوا ورايا القسم
اول ما وصلت القسم اخدوني في اوضة معتقدش انها الحجز .. لانها اوضة نضيفة ومتبيضة ومكنش فيها حد غيري
وقعدت مستني اني اروح للظابط علشان يحقق معايا لكن محدش جالي الليلة دي ولا حتى اخواتي عرفوا يقابلوني وكل ما يسالو في القسم يقولوا ان مفيش حد جالهم بالاسم ده … مع اني كنت جوا القسم بالفعل
طول الليل دماغي عمالة تودي وتجيب ومش عارف مين اللي حطني في المصيبة دي وجه في بالي ان هند ممكن يكون جوزها بيتاجر في المخدرات وانها عاملة العيادة مخزن للبضاعة بتاعته
فضلت قاعد وحاسس دماغي هتقف من كتر التفكير لغاية الساعة 8 الصبح دخلولي اكل وبعدين محدش جالي تاني لغاية بعد العصر
كل ده و اخواتي لفوا عليا من القسم ده للقسم ده ومفيش فايدة محدش فيهم عارف طريقي
فين لما عسكري جه واخدني ل اوضة الظابط
وهناك كانت المفاجئة .. مدحت هو اللي مستنيني في اوضة الظابط
مدحت مبتسم وقاعد حاطط رجل على رجل ومولع السيجارة وقدامة على المكتب فنجان قهوة
مدحت: ازيك يا دكتور وليد ؟ معلش انا بتأسفلك جدا على الليلة الصعبة دي .. بس خد بالك انا مهنش عليا اخليهم ينزلوك الحجز مع المجرمين الوحشين
انا: انا كده فهمت … انت بقى اللي ملفق ليا التهمة دي
مدحت: هي لسة مبقتش تهمة … في ايدك الحرز يطلع سكر بودرة وفي ايدك يطلع كوكايين
انا: مش فاهم يعني ايه
مدحت: يعني انت لغاية دلوقت هنا ضيف مش متهم .. لكن لو موافقتش على المطلوب منك … مش هتخرج من هنا غير على لومان طره
انا: اااااه فهمت انت حبايبك هنا كتير
مدحت: ينور عليك … شوفت بقى ان خيولي كتير وبركب الخيل اللي بيعجبني ازاي… ايه قولت ايه ؟ سكر ولا بودرة
انا: سكر يا استاذ مدحت
مدحت: عين العقل يا دكتور … انت كده عارف مصلحتك… اسيبك انا وانت بالكتير ساعة وهتبقي في بيتك
وفعلا مكملتش الساعة وكنت في البيت
اول ما روحت كله بقى بيسألني فيه ايه وايه اللي خرجوه ده من العيادة
وانا قولت ان واحدة هي اللي حطت اكياس سكر مطحون لما اتخانقت وطردتها من العيادة وانها عملت كده علشان تعلمني الادب
وطلعت شقتي اخدت دش سخن ومددت جسمي على السرير وانا عمال افكر في اللي عمله فيا مدحت زفت وانا مفيش قدامي مفر من عمل اللي يطلبوه مني خصوصا بعد ما عرفت إنه واصل جدا وايده طايلة
تاني يوم الساعة 9 الصبح صحيت لقيت شربات رانة عليا اكتر من عشرين مرة ومكنتش سامع التليفون وبتطمن عليا اني خرجت وقعدنا نتكلم انا وهي اكتر من ساعتين وكانت عايزة تجيلي البيت لولا اني قولت ليها مينفعش خالص دلوقت
على الساعة خمسة المغرب عفاف كلمتني وسألتني فيه كام قطعة شيكولاتة عندي دخلت شوفت اللي في التلاجة وقولت اللي عندي 50 قطعة برغم ان التلاجة فيها 63قطعة ..
قالت انها هتعدي عليا كمان ساعة تاخدهم مني وهتديني تمنهم
وفعلا بعد ساعة بالظبط عفاف رنت عليا وقالتلي انها تحت البيت … حطيت الخمسين قطعة شيكولاتة في شنطة بلاستك سودا ونزلتهم ليها وادتني 25000جنيه وقالت انها هتبلغني لما يخلصوا علشان اعمل غيرهم
لما مسكت الفلوس حسيت احساس غريب مكنتش متوقع نفسي هحسه .. شعور غريب بالسعادة … 25000 جنيه جولي من الهوا ومن غير تعب .. يمكن لو بتاجر في المخدرات مش هكسب المكسب ده … وده من غير اي خطورة
تليفوني رن بصيت لقيت اللي بيتصل صاحبي فودة
انا: ايوة يا فودة
فودة: ايه اللي سمعته ده انت كنت في القسم فعلا
انا: اه بس خرجت على طول .. موضوع كده كيدي والحمد لله خرجت
فودة: طيب انت هتفتح العيادة ولا هتأجز النهاردة
انا: لا ياعم هفتح عادي ليه
فودة: خلاص يبقي نتقابل بعد ما تخلص العيادة
انا: حاضر .. هنسهر فين ؟
فودة: في الكافية بتاعنا
انا: خلاص ماشي
الساعة 5.15 اتصلت هند بيا وقالت انها عايزة تشوفني قبل ما ميعاد العيادة يجي وانها دلوقت في العيادة
لبست هدومي ونزلت واول ما دخلت لقيتها كانت واقفة في نص العيادة وعمالة تروح وتيجي وجاتلي جري وراحت وخداني في حضنها وضمتني ليها وبقت عمالة تعيط
وهي في حضني وبتعيط امل مرات اخويا شافتنا ونزلت بسرعة قبل ما ناخد بالنا
لكني حسيت بحد نازل روحت بصيت لقيت الباب نسيت اقفله وجريت ابص اشوف من اللي نازل على السلم لقيتها امل بتنزل بسرعة.. عرفت انها شافتني
قفلت الباب وروحت ل هند ومسحت دموعها بأيدي وهي بتبكي وتقولي انها مكنتش هتسامح نفسها لو كان جرالي حاجة وانها المفروض كنت خدت بالها من اللي دخل الأوضة ساعة الخناقة
انا: خلاص محصلش حاجة واديني خرجت
هند: انا كنت خايفة عليك اووي
انا: بس انتي عرفتي منين
هند: عرفت من ام محمود جتلي البيت وهي خايفة عليا وكانت فاكرة اني اتقبض عليا معاك .. وانا جيت هنا بعد ما اخدوك وعرفت من مامتك انهم قبضوا عليك علشان لقيوا شنطة فيها مخدرات في العيادة
انا: المهم اني انا اهو قدامك وخرجت
هند ضمتني اوي عليها وحطت ايدها على خدودي وعيونها بصت لعيوني وقالتلي ربنا يخليك ليا وميحرمنيش منك ابدا يا وليد
معلش مش قادرة اقولك يا دكتور
انا: دي أحلى مرة اسمع فيها اسمي على فكرة
هند: ربنا يخليك ليا يارب
انا: طيب انا هفتح الباب عشان امل شافتك وانتي في حضني اكيد هتطلع تاني
هند: يالهوووي لا خلاص افتحه وانا همشي
انا: لا مينفعش تمشي هتشك اكتر
فضلت قاعد انا وهند وامل كل شوية طالعة نازلة على شقتها وانا واخد بالي
ميعاد العيادة جه وانا دخلت اوضة الكشف وبدأت كشف تقريبا ساعة ..
الساعة 10هند دخلتلي وقالتلي ان مدام مريم بره وعايزة تدخلي