زى ما بقولّك كده – الجزء الثّاني | الحلقة الثالثة

بيبدا الجزء الثالث لما خالد راح معا سيف عشان يتدرب وبيدخل خالد المكان وبيكون مكان كبير وهادى جدا

 

سيف: روح نام دلوقتى عشان هنصحى بكرة الصبح نبدا التدريب

 

خالد: هنبدا التدريب على التحكم فى الاختفاء الاول صح

 

سيف: طبعا وبعدين انتا اصلا لسه جسمك ميستحملش قوة الكهرباء دلوقتى

 

خالد: امال هتدربنى عليها ازاى

 

سيف: هنبقى نشوف الموضوع ده بس لما تعرف تتحكم فى الاختفاء الاول

 

خالد: ويعنى هيا الاختفاء دى سهلة وهتعلمها بسرعة

 

سيف: قولتلك مفيش حاجه سهلة ومدة تعليمك دى هتبقى على حسب ذكائك وقدرة جسمك بس هيا على الاقل اسهل من الكهرباء وجسمك يقدر يستحملها

 

خالد: طب اشمعنا الكهرباء جسمى ميقدرش عليها

 

سيف: عشان الكهرباء دى قوة من الفئة A ودى والفئة دى بتبقى اقوى فئة من فئات القوة وبتحتاج مصدر طاقة كبير صعب على الجسم العادى انو يستحمله وخلى بالك الى اتولدو وهما عندهم القوة دى قليلين اوى ودول مميزين عشان القوة دى الى بيعرف يتحكم فيها بتبقى قوته الجسدى وسرعته وقوة التحمل عنده عالية غير القوة العادية

 

خالد: وهيا الكهرباء بس هيا الى من الفئة A

 

سيف: لا فى حاجات كتير زى النار والهوء والماية والمعادن وحاجات تانية بس كل ده مش مهم المهم دلوقتى ان انتا عندك قوتين الكهرباء والاختفاء وواحدة منهم فئة A يعنى انتا مميز

 

خالد: بس انتا قولتيلى ان مفيش حد عنده قوتين غيرى وقولتيلى ان انا ممكن يبقى عندى نفس قدرات جدى وابقى الوريث بتاعه

 

سيف: لما فكرت فيها لقيت انها مستحيلة انتا يمكن طلعت فلتة ومميز وعندك قوتين بس مستحيل يبقى عندك كل قوة جدك لان اصلا جسمك مش هيستحمل كل الطاقة دى

 

خالد: طب اشمعنا جدى استحمل

 

سيف: عشان جدك كان جسمه مش بشرى زينا اصلا جدك مكنش بشرى جدك اتولد نتيجة تجربة فا طبيعى ان جسمه يبقى مجهز انه يستحمل كل الطاقة دى بس احنا جسمنا بشرى عادى وجسم البشر ضعيف

 

خالد: هيا حجم طاقة جدك كان كبير للدرجادى

 

سيف: يبنى انتا عارف جدك كان عنده كام نوع طاقة اصلا

 

خالد: كام يعنى

 

سيف: جدك كان عنده ١٢ قوة ودول المعروفين وممكن كان جدك يبقى عنده انواع اكتر بس محدش يعرفهم

 

خالد: يااا للدرجادى كان قوى

 

سيف: يبنى جدك ده قوته كافية انها تدمر كوكب بحاله

 

خالد: انا عندى فضول اعرف عنه اكتر

 

سيف: للاسف معرفش عنه حاجه غير الى انا قولتهالك

 

خالد: تمام خلاص

 

سيف: يلا بقى روح نام عشان اول متصحى هنبدا التدريب

 

خالد: تمام

 

وبينام خالد وبيصحى تانى يوم بياكل وبيروح ل سيف عشان يبدا تمرين

 

سيف: بوص التدريب بتاع قوة الاختفاء ده مفيهوش حاجه بدنيا يعنى كل الى هتحتاجو انك تركز شوية بس وتستخدم عقلك

 

خالد: تمام

 

سيف: دلوقتى انتا هتقعد على الارض وهتغمض عينك وهتبدا تركز عشان تخلى جسمك يظهر

 

خالد: ازاى انا حاولت كتير معرفتش بلاقى جزء بسيط بس من ملامحى هو الى بيظهر

 

سيف: بوص عايزك تغمض عينك وتحس بكل حته فى جسمك وتبدا تتخيل وتركز فى شكل جسمك وتفتكره بالتفصيل وتتخيلو عشان يظهر بوص عشان هتبقى صعبة عليك انك تركز فى جسمك كله دلوقتى فا ركز على حاجه حاجه دلوقتى يعنى مثلا ركز على شكل ايدك وتخيل وانتا مغمض عينك ان فيه فراخ ودراعك بيظهر منه واحدة واحدة

 

خالد: تمام

 

وبيروح خالد وبيقعد على الارض وبيغمض عينه وبيبدا يفتكر شكل دراعتو الاتنين وبيرسمهم قدامه وبيحفظ شكلهم وبعد كده بيتخيل ان دراعو بيظهر وبعد مبيتخيل بيفتح عينه عشان يشوف النتيجة بيلاقى ان دراعه مظهرش

 

خالد: اى يا سيف انا دراعى زى مهو محصلش حاجه وعملت كل الى انتا قولت عليه

 

سيف: لا انتا زهنك مشتت ولازم تعمل كده وانتا هادى ومفيش حاجه فى دماغك غير شكل دراعك وعشان تسهل على نفسك تخيل انك فى مكان فيه نور ابيض ومفيش حاجه حوليك ودراعك بيظهر واحدة واحدة بلاش تتخيل وهو بيظهر كله مرة واحدة لا ركز وحط شكل دراعك فى دماغك وبعد كده خليه يظهر واحدة واحدة وبعد كده خليك شوية مركز عليه وهو ظاهر وبعد كده افتح عينك وشوف النتيجه

 

وبيبدا خالد يغمض عينه وبياخد نفس وبيخرجه واحدة واحدة وبيصفى زهنه وبيركز شوية وبيفضل يرسم شكل دراعه فى عقله وبعد كده بيتخيل انه فى مكان فيه نور حواليه وبيفضل مركز على زويا من المكان ده لفطرة من الوقت بعد كده بيتخيل ان كف ايده بيظهر واحدة واحدة وبيتخيل شكل دراعه وهو بيظهر وبيبقى مركز فى كل تفصيلة من تفاصيل دراعه لحد ما بيتخيل ان كتفه كله ظهر وبيفضل مركز شوية وبعد كده بيفتح عينه براحه وبيكون عدى حوالى ربع ساعة وهو كده وبيبوص على دراعه بيلاقيه ظاهر

 

خالد: انا شايف دراعاتى الاتنين قدامى يا سيف

 

سيف: ايوا انتا نجحت وحلو اوى انك عرفت تعملها من تانى مرة كان فيه غيرك بيبقى معاهم القوة دى بيقعدو حاولى يومين يحالو عشان بس يخلو كف ايدهم يظهر وبيفشلو بدل المرة ١٠٠ بس انتا شكلك بتتعلم بسرعة

 

خالد: بس دى طلعت صعبة اوى انا كنت فاكر انها سهلة بس خدت منى تركيز جامد اوى

 

سيف: قولتلك مفيش حاجه سهلة

 

خالد: هو صح موضوع جدك ده كان من قد اى وهو فيه كتير اتولدو عندهم طاقة والعيلة كانت كبيرة

 

سيف: يااااا حوار جدك ده من ٢٠٠ سنة يا خالد ويما ناس اتولدت عندهم قدرة الاختفاء دى

 

خالد: امم بس كده هو مش جدى ابو ابويا هو يعتبر كده جد جد جد جدى أساسا

 

سيف: ايوا امال انتا كنت فاكر اى

 

خالد: طب هخفى دراعى ده ازاى دلوقتى

 

سيف: لا انتا هتفضل كده انتا هتتعلم إزاى تظهر جسمك واحدة واحدة الاول بعد كده هتتعلم إزاى تخفيه واحدة واحدة وبعد كده هتتعلم إزاى تظهر جسمك كله مرة واحدة وبعد كده هتتعلم إزاى تخفيه مرة واحدة بعد كده هتتعلم ازاى تظهر وتختفى بسرعة

 

خالد: اى كل ده دنا هقعد كتير عشان اتعلم كل ده

 

سيف: يبنى انتا لى مفكرها سهلة منا بقولك هتاخد وقت ومجهود

 

خالد: ماشى يعم سيف اى الخطوة الجاية

 

سيف: هتتخيل رجلك وهيا بتظهر بنفس الطريقة وهتفضل تعمل كده معا كل اعضاء جسمك لحد متظهر كلك

 

خالد: بس ثوانى هو مش انتا قولت ان انا محتاج اشحن قوتى كل شوية

 

سيف: اه

 

خالد: طب منا كده لما قوتى تخلص هظهر كلى

 

سيف: عادى لما تشحنها هتختفى تانى

 

خالد: ايوا منا كده هختفى كلى ازاى جسمى بقى هيظهر واحدة واحدة

 

سيف: ايوا منتا هتتخيل مثلا ان دراعك بيظهر تانى وهتعيد الى انتا عملته

 

خالد: لا كده كتير اوى

 

سيف: يا خالد متخفش مش هترجع لنقطة الصفر انتا طالما عملتها مرة يبقى سهل تنفذها تانى وبعدين الطاقة الى جواك مش بتخلص بسرعة ممكن تقعد من ١٠ ايام لحد ١٥ يوم وممكن فى الفطرة دى لو ركزت معايا وانتا شكلك بتتعلم بسرعة وتظهر جسمك كله ابل ما وقت قوتك يخلص

 

خالد: تمام لما نشوف اخرتها

 

وبيعدى كذا يوم وخالد كل يوم بيعمل نفس الى عمله وبيظهر جزء من جسمه لحد ما عده ١٣ يوم وكان جسم خالد كله ظهر

 

سيف: مبروك انتا كده عديت المرحلة الأولى

 

خالد: انا كان شكلى وحشنى اوى يجدع 😂

 

سيف: متخفش مهو هيوحشك تانى منا دلوقتى هعلمك الاختفاء

 

خالد: بس كده مش المفروض طاقتى شوية وهتخلص دلوقتى انا عايز اعرف لو خلصت ورجعت شحنتها تانى انا كده هرجع اختفى ساعتها انتا هتعلمنى ازاى ولا انا هفضل ظاهر زى منا المرادى ولا ايه

 

سيف: يبنى طول منتا ظاهر طاقتك مش هتخلص لانك كده انتا مبتستعملهاش اساسا طاقتك بس هتخلص وهتحتاج تشحنها وانتا مختفى

 

خالد: اه تمام فهمت

 

سيف: يلا بقى روح نام عشان لما بكرة هنكمل تدريب

 

خالد: تمام

 

وبيروح خالد ينام ولما بيصحى بيروح ل سيف عشان يكمل تدريب وسيف بيخليه يعمل عكس الى كان بيعملو بدل ما كان بيتخيل ان جسمه بيظهر بقى بيتخيل ان جسمه بيختفى لحد ما عدى شهر وكان سيف جسمه اختفه بلكامل واتعلم تانى مرحلة وبيعيد شحن طاقته بنفس الطريقة الى بيشحن بيها طاقته

 

خالد: اى الى جاى

 

سيف: حلو اوى كده عديت تانى مرحلة فاضل انك تتعلم ازاى تظهر جسمك مرة واحدة وازاى تختفى مرة واحدة وتتمرن عليهم اكتر عشان تبقى سريع

 

خالد: بس انا اخدت شهر عشان اتعلم كل الى اتعلمته ده يبقى كده هاخد وقت كبير عمال مقدر اظهر جسمى واخفيه بسرعة

 

سيف: بلعكس انتا انتا كده عديت ب اكتر مرحلتين بياخدو وقت وانك تتعلم الباقى هياخد معاك اسبوع وعايز اطمنك انتا متخدتش وقت انتا اتعلمت بسرعة غيرك بياخد ٦ شهور فى المرحلة دى

 

خالد: تمام يلا نخش على الجديد

 

سيف: تمام انا عايزك تقعد وتغمض عينك وتركز بقى فى شكل جسمك كله كويس وتتخيل ان جسمك ده بيظهر واحدة واحدة

 

خالد: تمام

 

وبيعمل خالد الى سيف قاله عليه وبيفشل اول وتانى مرة لحد ما بيركز وبيخلى جسمه يظهر اخيرا بس كل ده كان فى وقت تلات ساعات وده وقت كبير

 

سيف: تمام اعكس بقى وتخيل انك بتختفى

 

خالد: تمام

 

وبيعمل خالد الى سيف قاله عليه وبياخد برضه تلات ساعات عمال مبيعرف يختفى تانى

 

سيف: حلو بس خلى بالك انتا بتاخد وقت كبير عمال مبتظهر وتختفى انا هدربك على السرعة ولازم تظهر وتختفى فى خلال ٥ ثوانى

 

خالد: مش شايف ان الحوار ده صعب ؟

 

سيف: لا مش صعب ومعا التدريب هتقدر

 

خالد: ماشى

 

وبيفضل خالد يدرب على سرعة اختفاه وظهوره وكل شوية كان بيتطور يعنى مرة قعد ساعة ومرة قعد نص ساعه ومرة قعد ١٠ دقائق ومرة قعد دقيقة ومرة قعد ١٠ ثوانى وبيعدى تلات ايام

 

سيف: انتا وصلت لمستوى حلو اوى عايزك بقى المرادى تركز وتوصل ل ٥ ثوانى

 

خالد: تمام

 

وبيغمض عينه خالد وبياخد نفس وبيحط شكله فى دماغه ومرة واحدة بيتخيل انه ظهر بيفتح عينه لقى نفسه ظهر فى ثانية

 

سيف: اى ده مستحيل انتا عملت كده ازاى

 

خالد: مفيش ركزت بس شوية

 

سيف: ازاى ده اكتر واحد كان بيعرف يظهر ويختفى بسرعة كان بيقعد ٥ ثوانى ومفيش حد عرف يقعد اقل من كده انتا عملتها ازاى

 

خالد: اى يعم انتا هتحسدنى ولا ايه 😂

 

سيف: لا يعم مبروك انتا كده بقى اتعلمت ازاى تقدر تتحكم فى قوة الاختفاء والظهور ناقص بقى انى اعلمك ازاى تتحكم فى الكهرباء

 

خالد: تمام يلا نبدا

 

سيف: بس خلى بالك الكهرباء مش زى الاختفاء الكهرباء اصعب

 

خالد: تمام

 

سيف: بوص بقى على التمرين الى هتعملها ١٠٠ ضغط و١٥٠ بطن و تجرى ٥ كيلو رايح جاى

 

خالد: اى يعم كل ده طب وده دخلو اى بالكهرباء هو انا رايح الجيم

 

سيف: منا قولتلك دى غير دى الاختفاء كانت مجهود زهنى بس اما الكهرباء هتبقى زهنى وبدنى لازم تجهز جسمك الاول عشان يقدر يستحمل الطاقة

 

خالد: ايوا بس انا كنت بروح جيم وجسمى زى منتا شايف كده مش وحش

 

سيف: مش كفايه لازم تتمرن اكتر وخلى بالك لما تخلص كل التمرين دى هذود لحد ما ما يبقى جسمك جاهز

 

خالد: ماشى يعم لما نشوف اخرتها

 

سيف: يلا بلاش كلام كتير

 

وبيبدا خالد يدرب وبينزل ٥٠ وبيوقع على وشه واخره يعمل ١٢٠ بطن وكان اخره برضه انه يجرى ٢ كيلو وكان بيموت وهو بيجرى وبيفضل على كده لحد موصل ل ١٠٠ ضغط و ١٥٠ بطن وقدر يجرى المسافة الى سيف قاله عليها وفضل كام يوم يدرب لحد ما بقى بيعمل كل ده بسهولة وسيف كان كل ما بيلاقيه اتقن التدريب بقى بيذودله العد وفضل على كده لمدة شهر وبقى بيقدر يعمل ٥٠٠ ضغط و ٧٠٠ بطن وبقى بيجرى ١٠ كيلو وجسمه دلوقتى بقى فورمة جامدة

 

سيف: كده انتا تمام اعصابك وجسمك دلوقتى يقدرو يستحملو الطاقة

 

خالد: اخيرا

 

سيف: معلش انا عارف انك تعبت بس كان لازم عشان ميحصلكش حاجه لو الطاقة دخلت جسمك

 

خالد: تمام

 

سيف: دلوقتى انا هحطلك جهاز فى ايدك بينقل شحنات كهربائية بالتدريج انا عايزك بقى على قد متقدر تستحمل الشحنات دى وتوزعها على جسمك كله واعصابك وهتحس فى الاول بالم بس استحمل على قد متقدر

 

وبيحط سيف الجهاز فى ايد خالد وبيبدا خالد يستقبل الشحنات الكهربائيه وبيبقى فى الاول حاسس بالم بس بيستحمل وبييبدا يحس بالكهرباء جوا جسمه وبيحاول يتحكم فيها وبيفضل يوزعها على اعصابه وفى كل جسمه وبيفضل على الحال ده لمدة نص ساعة ما بيلاقى الالم كل شوية بيذيد وبيشيل الجهاز من ايده

 

خالد: خلاص مبقتش قادر استحمل اكتر من كده

 

سيف: لا هو اصلا كده كفايه انتا كده يعتبر الطاقة اتفعلت جوا جسمك انا بس كنت بدربك عشان لما تيجى تشحن قوتك توزعها على اعصابك وكل جسمك عشان تتفعل

 

خالد: تمام

 

سيف: دلوقتى انا عايزك بقى تركز وتحس بالكهرباء وهيا فى جسمك وتحركها على اعصابك وتحركها فى جسمك لحد متحس انك متمكن فى التحكم فيها وانك بتوزعها بكل سهولة

 

خالد: تمام

 

وبيعمل خالد الى سيف بيقول عليه وبيفضل يحرك الكهرباء فى جسمه لحد ما بيبقى خلاص بقى متمكن من تحركها فى جسمه

 

سيف: دلوقتى انتا بتتحكم فى قوتك كويس جدا دلوقتى بقى انا هعلمك تستفاد منها

 

خالد: إزاى

 

سيف: بوص شايف الصخرة الى قدامك دى

 

خالد: اه

 

سيف: دلوقتى بقى انا عايزك تاخد جزء من الطاقة الى فى جسمك وتركزها فى قبضة ايدك وتضرب الصخرة دى

 

خالد: تمام

 

وبيروح خالد على الصخرة دى وبيجهز قبضة ايده وبينقل ليها جزء من الطاقة وبعد كده بيضرب الصخرة دى والصخرة بتتكسر بسهولة

 

خالد: اى ده الصخرة اتكسرت ازاى

 

سيف: عشان انتا ركزت جزء من الطاقة على ايدك ولما ضربت الصخرة ايدك كانت جواها شحنات كهربائية فا كانت قوية

 

خالد: قوية ! هو مش المفروض الكهرباء دى مثلا لو استعملتها فى عاركة يعنى مثلا اجى المس الى قدامى اكهربه

 

سيف: لا الموضوع اكبر من كده بكتير مش شرط تكهرب الى قدامك لو عايز تكهرب الى قدامك يبقى تنقل شحنات كهربائية بس لجلدك اما لو عايز تذود قوة ضربتك يبقى تنقل الطاقة لقبضة ايدك ولو عايز تخلى ضربتك سريعة يبقى تنقل الطاقة لاعصاب ايدك بعد كده لقبضة ايدك هتلاقى الضربة سريعة اوى

 

خالد: امم فهمت

 

سيف: روح على الصخرة الى هناك دى واكسرها ب ايدك

 

خالد: لا دى كبيرة اوى دى تكسر ايدى دى

 

سيف: روح واسمع الكلام ونفذ الى انا هقولك عليه

 

خالد: تمام

 

وبيروح خالد عند الصخرة وبتكون كبيرة اوى

 

خالد: ها اعمل اى

 

سيف: حط شحنات كهربائية كتيرة فى ايدك حط الشحنات الى فى جسمك كلها على قبضة ايدك

 

خالد: بس كده كتير ده ايدى هتفرقع

 

سيف: اسمع الكلام

 

وبيحط خالد الشحنات كلها فى قبضة ايده لحد ما ايده بتنور ازرق

 

سيف: اضرب الصخرة بقى

 

وخالد بيضرب الصخرة والصخرة برغم حجمها بتتكسر حتت ومبيبقاش فيها حته سليمة

 

خالد: اى ده انا ايدى نورت

 

سيف: ايوا منتا عشان جمعت طاقتك كلها فيها ودى بتخلى ضربتك قوية جدا وبعد كده لو عايز تعمل ايدك الاتنين بنفس الطريقة جمع نص طاقتك على القبضة اليمين ونص طاقتك على الشمال ساعتها ايدك الاتنين هينورو ولو عايز تعمل كده على رجلك وايدك جمع ربع هنا وربع هنا وساعتها ايدك ورجلك هينورو بس متعملهاش كتير عشان بتستهلك طاقة ياما احسنلك توزع شوية على اعصابك وشوية على قبضة ايدك ساعتها برضه هتكون ضربتك سريعة وقوية

 

خالد: تمام

 

سيف: دلوقتى بقى انا عايزك تجمع الطاقة على اعصاب رجلك وتجرى هتلاقى نفسك سريع سرعة البرق

 

خالد: تمام

 

وبيعمل كده خالد وبيجرى ١٠ كيلو متر فى ثانية وبيرجعهم فى ثانية

 

سيف: ولو عايز تذود سرعتك اكتر يبقى ذود الطاقة فى اعصابك وسرعتك هتذيد

 

خالد: وده مش خطر على اعصابى

 

سيف: لا مش خطر انتا خلاص اعصابك بقت تقدر تتحمل اكبر كم من الكهرباء بس المشكلة ان كل متذود السرعة استهلاكك للطاقة هتذيد وهتخلص بسرعة

 

خالد: تمام

 

سيف: دلوقتى بقى مش ناقص غير انك تتعلم تحط الشحنات على جلدك وتطلقها زى الرصاص

 

خالد: اى ده هو ينفع

 

سيف: اه ينفع وكل متحب تذود قوة الطلقة ذود الشحنات على جلدك

 

وبيعمل كده خالد وبيحط الشحنات على جلد ايده وبيعمل ايدو على شكل مسدس وبيطلق بتظهر زى شعاع صغير كده بينطلق من صباعه

 

سيف: وفى حركة بقى تانية بتبقى عاملة شبه القنبلة هتضم ايدك الاتنين على بعض وتجمع الشحنات لحد متلاقى كورة زرقة كده اتشكلت بين ايدك واحدفها دى بقى كافية انها تدمر مدرعة

 

وبيجرب خالد الى سيف قاله وبيفذها على صخرة قدامه الصخرة بتفجر على طول

 

خالد: يااااا دنا كنت فاكر ان القوة دى اخرها انى اكهرب بيها حد ولا حاجه دى طلعت مميزة اوى

 

سيف: طبعا مميزة مهى لو ماكنتش مميزة مكنش تعلمها هيبقى صعب

 

خالد: كده اى الى ناقص بقى

 

سيف: ناقص انك تعرف تستخدم الطاقتين معا بعض

 

خالد: تمام يلا نبدا عشان عايز اخلص وارجع لحياتى عشان هشوف هعمل اى بقى

 

سيف: تمام بوص بقى وركز معايا دلوقتى انتا هتختفى ولما تختفى عايزك تركز وتحس بالطاقة الى فى جسمك وتوزعها على اعصابك وجسمك تانى بعد كده تنفذ كل الى انتا عملته وانتا ظاهر

 

وبيعمل كده خالد وبيختفى وبيعيد كل حاجه اتعلمها فى التحكم بالكهرباء تانى وفى الاول بيبقى مش متقنها اوى لانه مش عارف يركز فى طاقتين فى وقت واحد بس بعد كده بيتعود وبيتقنها وبيبقى كده خلاص اتعلم كل حاجه

وبيبقى عدى ٦ شهور على ما اتدرب على كل حاجه وخلاص كده بقى هيرجع يكمل حياته

 

سيف: كده انا عملت الى عليا وعلمتك كل حاجه

 

خالد: شكرا يا صاحبى بجد مكنتش عارف من غيرك هعمل ايه

 

سيف: متقولش كده يا صاحبى دحنا اهل يجدع

 

خالد: صح انا عايز اشوف صورة امى وابويا عشان على الأقل ابقى عارف شكلهم انا عمرى مشوفتهم

 

سيف: حاضر يا خالد تعالى معايا على البيت وانا هوريك البوم صور هتلاقى فيه صور لابوك وامك

 

خالد: تمام

 

وبيركبو العربية وبيروحو على البيت بتاع سيف وفى الطريق بيتكلمو

 

سيف: بقولك اى متستخدمش الطاقتين فى وقت واحد غير لما تنطر تعمل كده عشان لما تستخدم الطاقتين فى وقت واحد هيستهلك جزء كبير من طاقتك وانك تشحن طاقتك كل شوية ده مش حلو وهياثر على جسمك على الاقل حاول تحافظ على قوتك وتشحنها كل شهر مرة وانا دلوقتى هديك جهاز هيقيس الطاقة فى جسمك ولما طاقتك تقرب تخلص هتبقى عارف وهتبقى عارف مستوى الطاقة فى جسمك

 

خالد: تمام

 

وبيدله سيف الجهاز وبيلبسه بيلاقى مستوى الطاقة ٩٧ فى الميه وبعد شوية بيوصلو البيت وبينزل خالد هو وسيف وبيطلعو على البيت وبيطلعله سيف صور وبيقعد يتفرج عليها وعينه بتدمع وبيفتكر زكرياتو معا اهله والقسوة الى كان بيشوفها منهم وبيبقى بيتمنا انه كان يبقى عايش معا اهله الاصليين لانه اكيد مكنوش هيبقو قاسيين عليه بلطريقة دى وبيطلب من سيف ان يوديه قبر امه وابوه وبيروح خالد على قبر امه وابوه والاتنين بيكونو مدفونين معا بعض بيقرلهم الفاتحة وبيفضل يبوص على قبرهم وعينه بتدمع وبيتكلم

 

خالد: معا انى مشوفتكمش بس انا زعلان زعلان عشان لما فكرت فى كل الى حصل فى حياتى بلاقى نفسى انى كنت عايز اعيش معاكم واشوف حنانكم وتخدينى فى حضنك يا امى وتدافع عنى يا بابا تعرفى يا امى انا كنت بسال نفسى هيا لى امى مبتحضنيش ولما عرفت انها مش امى وانك انتى امى حسيت انى عايز اترمى فى حضنك واحكيلك كل الى حصلى انا اتهنت يا امى واتزليت ومكنش فى حد جمبى خسرت كل حاجه حتى البت الى حبيتها ومكنتش عايز من الدنيا حاجه غيرها راحت من ايدى واتجوزت الى كان السبب فى كل الى حصلى ده بس انا مش هسكت انا هاخد حقى من كل حد اذانى وبلنسبة لحقكم مش هسيبه وهاخده ابل ما اخد حقى كمان انتو خلفتو راجل سلام يا امى سلام يا بابا

 

وبيمشى خالد وبيروح يقعد معا سيف شوية

 

سيف: ناوى على اى يا صاحبى

 

خالد: اول حاجه هعملها هاخد حقى وحق ابويا وامى ومش مهم اى حاجه بعد كده

 

سيف: طب هتاخد حق امك وابوك ازاى

 

خالد: هوصل للى عمل كده وهقتله

 

سيف: هتوصله ازاى

 

خالد: هوصله ولما اوصله مش هحله وهخليه يندم على اليوم الى فكر يجى فيه على اهلى وهاخد حقى من اى حد عمل معايا حاجه وحشة ولو على موتى مش هسيب حقى والى جاى خراب على الكل