العراف – السلسلة الرابعة | الجزء الأول
ديسمبر
لازم علشان تفهم اللي بيحصل واللي جاي تقرأ السلاسل القديمة من العراف
وقفنا المرة اللي فاتت لما لميس ماتت والاغتيال اللي حصل كان المقصود بيه حد من عيلة العراف علشان يتوجع ويتقهر وكمان عمار من كتر الصدمة والزعل اللي حصله في حب عمره لميس وقع من طوله وسط العيلة والكل جري عليه
بس ماسأل مخها مش معاها وبتحاول تفهم كل ده حصل ازاي
فلاش باك
ايفسون: لميس مرات عمار هتموت يا ايفسون
ماسأل: انت بتقولي ايه لازم عمار يعرف حالا
ايفسون: حتي لو عرف ده مقدر ومكتوب ومش هيقدر يغيره يا ماسأل بالعكس هيتأذي لو حاول يعمل عكس الطبيعي
ماسأل: والحل هكون خائنة وانا مخبية على جوزي سر زي ده
ايفسون: لا يا ماسأل انا مكلمتش معاكي في السر ده اصلا وراحت ايفسون عملت سحر خليت ماسأل تنسي كل حاجة علشان متعش بالذنب انها مش قادرة تعرفه الحقيقة
رجوع من الفلاش باك
في المستشفي(بلد العراف)
الدكتور: للاسف لميس هانم جتلنا ميتة ملحقناش نعمل حاجة شدوا حيلكم
نبيلة: يا حبيبتي يا بنتي هعيش من غيرك ازاي
نهي: اهدي يا نبيلة انا حاسة بيكي اهدي يا حبيبتي
ماسأل: وعمار يا دكتور ماله فجأة وقع من طوله
الدكتور: ارهاق والصدمة اللي حصلتله فقد التوازن والوعي وهو في غيبوبة دلوقتي
هالة بعياط: هيفوق امتي يا دكتور
الدكتور: قريب هو بس العقل رافض اللي حصل فلازم يسمع لحد منكم علشان يحفز العقل انه يرجع للدنيا تاني
ماسأل افتكرت انها حامل: انا هدخله يا دكتور وهحكيله اني حامل شكله نسي
نهي والكل مستغربين: انت حامل من امتي
ماسأل: مش وقته يا ماما بس بقالي اسبوع وهو عارف من اول يوم
دخلت ماسأل عند عمار وفضلت قاعدة جمبه وتحكيله عن الحمل وعن ابنه اللي جاي وازاي يسيبه ويمشي كده ولازم يرجع للحياة ويتمسك بيها وهي عارفة انه بيحب لميس اوي بس هي عايشة دلوقتي في مكان أحسن وافضل وانها بتحبه وهتزعل لو شافته كده وهي دلوقتي حاسة بيه
وقتها عمار بيفوق من الغيبوبة وبيكون مغمض عينه وعينه بتدمع وماسأل بتلاحظ ده
ماسأل: خليك مغمض متفتحش عيونك، كويس اني اطمنت عليك وخليك قوي يا حبيبي علشان تقدر تقوم لينا ولابنك اللي جاي
انا: ماسأل انا تعبان اوي وموجوع اوي يا ماسأل لميس ماتت
ماسأل: حاسة بيك يا حبيبي ولو حابب مساعدة من ايفسون اجبهالك دلوقتي
انا: وهي ايفسون هتعملي ايه غير انها هتهدي الوجع بس ماشي هتايها يا ماسأل وخليها تهدي وجع نبيلة ونهال والكل لميس مش مبسوطة واحنا بنتوجع كده
ماسأل: حاضر يا حبيبي متقلقش
خرجت ماسأل من الاوضة
نهي: ها يا ماسأل خير طمنيني
ماسأل: فاق يا ماما متقلقيش وطالب يشوفك يا نبيلة
نبيلة: حاضر
دخلت نبيلة عند عمار
انا: اسف على اللي حصل كل ده ذنبي وبسببي
نبيلة: متقولش كده انا عارفة انك بتحبها ومتقدرش تأذيها بس قلبي وجعني اوي عليها يا عمار مش قادرة استوعب انها ماتت ومبقتش جمبي
انا بعياط: اسف يا نبيلة بجد اسف
نبيلة وهي بتعيط: بتمسحلي دموعي، متعيطش انت راجلنا ولازم تبقي قوي
برة عند ماسأل
ماسأل: صخر احنا رايحين السرداب دلوقتي، جهزلي عربية بحراسة وبلغ جبل يحرس المكان هنا مكانك علشان نتحرك
عامر: على فين يا ماسأل
ماسأل: اسفة يا عامر مقدرش اقولك رايحة فين
عامر: لا مش قصدي أدخل
صخر: احنا جاهزين يا ماسأل هانم تحبي نتحرك
ماسأل: يلا بينا بس ثواني يا صخر
ماسأل راحت لهالة وهي قاعدة بتعيط على صاحبها عمار
ماسأل: لما نبيلة تخرج ادخلي لعنده يا هالة
هالة بعياط ودهشة: بجد يا ماسأل تسمحيلي أدخل
ماسأل: اه ادخلي، انا عارفة انك بتحبيه وباين عليكي من أول يوم جيتي العزبة وانا محترم شعورك ومتستغربيش اني عاقلة بس عمار عندي حاجة تانية وانا عنده حاجة تانية مش مجرد جوزي وبس
هالة: شكرا يا ماسأل وشكرا انك فهماني
بعد مرور ساعة على الطريق
صخر: وصلنا يا ماسأل هانم
ماسأل: صخر خليك هنا وهحاول متأخرش عليك، بس انت فاهم اني ممكن اتأخر باليوم او يومين بالنسبة ليك تمام
صخر: متقلقيش انا هنا في الجحيم ومنتظرك
مشيت ماسأل ودخلت السرداب وأول ما دخلت اتنقلت للعالم بتاعها عالم الجن والقوة الخارقة
جريت ماسأل على طول على ايفسون ودخلت ليها قاعة المملكة
ماسأل: ايفسون محتاجكي ضروري عمار بيموت ولميس ماتت
ايفسون بهدوء: متقلقيش كنت عارفة انها هتموت (وخبت ايفسون عنها انها تعرف هي كمان لانها مسحت ليها الكلام ده من الذاكرة)
ماسأل: هتقدري تساعديني من وانت هنا ولا لازم تبقي بشرية
ايفسون: شكل وعدي لعمار العراف لازم يتنفذ واتحول بشرية
اوزيس: بس لازم تاخدي موافقتي يا ايفسون علشان تتحولي بشرية ولا انت ناسية
ايفسون: لا مش ناسية يا مولاي، بس العراف بيتوجع وكل اهله بتوجع وانت عارف ان الحل عندي
اوزيس: بس انا مش موافق يا ايفسون، سبيهم يتوجعوا شوية
ماسأل: جدي متمنعش ايفسون انها تساعد العراف ومتنساش ان العراف النائب بتاعك ومن بعدك يعني كلمته من كلمتك
اوزيس: اديكي قولتي من بعدي مش في حياتي يا ماسأل
ماسأل: طب علشان خاطري اسمح ليها بالتحول خلينا نلحق عمار والعيلة
اوزيس: اسف يا ماسأل بس مش هينفع
ماسأل بغضب: مينفعش ليه مانت لازم تديني سبب ليه مينفعش
اوزيس بغضب شديد: لان عمار العراف……..وسكت
ماسأل: كمل عمار ايه سكت ليه هو في ايه بيحصل
ايفسون: معرفش يا ماسأل في ايه يا اوزيس ما تكلم
الملكة أليف (زوجة اوزيس) دخلت عليهم: هقولكم انا في ايه مادام اوزيس مش راضي يتكلم
اوزيس: مينفعش يا أليف مينفعش حد يعرف السر ده
أليف: انت خبيت كتير بالاتفاق مع محمد العراف
ماسأل: ياريت تكلمي يا أليف لان مفيش وقت
أليف: اللي حصل زمان هو ……….هرخم عليك ومش هحكيلك دلوقتي هههههه
في تركيا مقر جينكيز التنين
جينكيز: هاهاها المرادي كسبنا العراف وبجدارة كمان ياوريني بقي هيعمل ايه
كولكان داخل بسرعة عليه: باشا اكتشا مش موجودة وهربت
جينكيز: أكيد خاينة ودخلت وسطنا
كولكان: تؤمر اننا نروح وراها ولا نعمل ايه
جينكيز: سيبها كده كده تعرف اللي الكل يعرفه
مراد (عضو): ناوي على ايه يا جينكيز الفترة الجاية
جينكيز: كفاية اللي حصل بس من رأيي نعمل اجتماع مع التفاحة الحمراء ونشوف دماغهم ماشية ازاي اليومين دول
انطوان (عضو): من رأيي نفس كلامك برضو خصوصا ان نديم السيوفي في مصر حاليا ودي حاجة غريبة ليه يرجع بعد كل السنين دي
جينكيز: بس انا ممنوع أدخل مصر بقي اسمي محطوط أنتربول وكمان العراف هيركز معايا اليومين دول جامد
كولكان: أدخل انا بدالك يا باشا وممكن تستني انت هنا وهبلغك أول بأول
انطوان: فكرة كويسة وكمان مراد هيفضل هنا في تركيا
مراد: بس لازم يا جينكيز تجهز نفسك وتزود الحراسات هنا لان عمار حالياً في المستشفي ومنعرفش هيخرج ويفوق من الصدمة دي امتي انت قتلت حب عمره
جينكيز: بص عمار العراف كان لازم يتوجع ويتعلم عليه وكل المافيا دلوقتي بتكلم عن الحركة اللي عملناها ولو عمار مردش على الحركة دي خلال وقت قصير هتلاقي كل المافيا اتشجعت زينا وعملت اللي هي عايزة قبل جلسة العهد
انطوان: تفتكر جلسة العهد اصلاً هيختاروا حد غير العراف بعد الحركة بتاعتنا دي
جينكيز: لو العراف مردش على الحركة اللي عملناها دي وقتها في جلسة العهد العالمية هيختاروا شخص تاني يكون هو الأب الروحي ليهم
كولكان: وطبعاً في احتمال كبير يختاروك يا باشا خصوصاً انك انت اللي عملت فيه كده
جينكيز بفخر: طبعاً انا المرشح الأول للاب الروحي والمنصب وهكون وقتها كبيرهم كلهم في العالم كله وساعتها العراف وعيلته هترجع خطوات كتيرة لوراء
مراد بقلق: ما تهدي شوية يا جينكيز، عمار لحد دلوقتي كل اللي بيعمله ده لعب عيال وبيضربك على خفيف عمار لو استخدم قوته الحقيقية انت هتدمر حرفيا
جينكيز بقلق شوية: ميقدرش يعمل حاجة يا مراد، هو دلوقتي مكسور وفي غيبوبة كمان دخلت غيبوبة من كتر حزنه على السنيورة بتاعته
انطوان: انا هقوم اتواصل مع نديم السيوفي واخليه يحدد معاد ونشوف هنقابلوا هناك في مصر ولا هنا ولو هيجي هنا يبقي مصلحة علشان تحضر يا جينيكز
في مصر فيلا نديم السيوفي
جت مكالمة لنديم من انطوان عضو من اعضاء جماعة التنين وبلغه فيها ان التنين بيحدد معاد مقابلة ليهم مع بعض ولازم يكلموا
نديم: انطوان كلمني وبيقولي جينكيز عايز يجمع معانا انا والتفاحة الحمراء
خديجة: على قد ما انا بكرهه عمار بس بجد صعبان عليا كل العالم بقي ضده دلوقتي
داليا: نديم عمار فعلاً كويس مش يمكن انت عارف او فاهم الموضوع غلط من زمان
نديم بيفكر وبيرد عليها: يمكن يا داليا بس برضو لازم نفهم كل حاجة قبل ما اظلمه لان وقتها هتكون التفاحة الحمراء في ضهره
خديجة: بابا عمار برئ ولا لا، لازم نكتشف المعلومة دي قبل اجتماع العهد
داليا: انت حنيتي لعمار ولا ايه يا خديجة
خديجة بكسوف وبغضب: لا طبعاً انا بكره عمار العراف هو وكل عيلته انا قائمة
نديم: ليه كده ليه بتقوليلها الكلام ده وانت عارفة انها بتكرهه
داليا: لا بنتك بدأت تلين يا نديم وفاكر لما قولتلك في الطيارة
فلاش باااااااااااك
داليا: اخيراً راجعين مصر مش مصدقة نفسي اننا في الطيارة
نديم: انت فرحانة اوي كده، انا قلقان على بنتك وجنانها
داليا: متقلقش خديجة شاطرة وذكية زيك وهتقدر تتصرف كويس اوي
نديم: مش عارف اصلاً هنتعرف على عمار العراف ازاي
داليا: انا معرفش شكله ولا شوفته قبل كده
نديم: اصبري معايا صور ليه على الأي باد وفرجها نديم على صور عمار العراف اللي معاه وداليا مبهورة من جواها
داليا: احا انت متأكد ان ده العراف اللي مخوف الكل…؟
نديم: اه هو ماله؟
داليا: كاريزما يا نديم وقمر، انا خوفت
نديم: خوفتي من ايه
داليا: بعدين بعدين
باك من الفلاش
داليا: اهو ده اللي خوفت منه وقتها يا نديم ان بنتك لما هتشوفه هتحبه وممكن تقع في غرامه وواضح اوي عليها ان خديجة بدأت تلين من يوم الفرح بس بتكابر وتقاوح
نديم: يمكن كلامك صح ولو فعلاً طلع العرافين انهم ملهمش علاقة بحادثة زمان يبقي مفيش عداوة يا داليا ومفيش مانع انها تحبه مادام هي اختارت كده
داليا: معنديش مانع ومقولتش حاجة بس افرض الموضوع مفهوش جديد وان فعلاً العراف هو اللي اقتل ابوك زمان وقتها هنعمل اي بنتك هتبقي ضاعت مننا
نديم: لازم نعرف بسرعة عزت العراف اللي قتل ابويا ولا لا
خديجة كل ده مكنتش طلعت وكانت واقفة من بعيد وبتسمع كل كلامهم وبعدين طلعت
اللي جاي ده على لسان خديجة السيوفي
انا مش هنكر اني فعلاً اعجبت بيه يوم ما روحت فرح اخته شخص واقف بهيبة وشموخ رهيب ولا وسامته وعضلاته بجد شخص جنان يخلي اللي تشوفه تدوب فيه نفسها وتبقي هايجة اوي عليه وكمان تحبه في لحظتها زي ما بيقولوا كده حب من أول نظرة بس وقتها فوقت وافتكرت التأر اللي بينا وان عيلته اللي قتلت جدي السيوفي بس لازم نتأكد هو فعلاً ولا لا، لأن يمكن اللي نقل الخبر وقتها كان عايز يبني شر وحرب بين العيلتين لانهم كانوا اقوي عيلتين وقتها
لازم اروح المستشفي لعمار وأتاكد منه بنفسي واللي يحصل يحصل وقامت خديجة تلبس
نزلت خديجة بعد نص ساعة من فوق ولقيتهم قاعدين زي ما هما بيكلموا
داليا: على فين يا خديجة
خديجة: رايحة للعراف لازم افهم كل حاجة وأكيد هيبقي عنده اجابات ليه اكون شايلة كره وحقد لشخص انا مش عارفة هو مذنب ولا برئ لازم اعرف بنفسي
داليا: يبقي اللي خايفة منه حصل يا خديجة صح
خديجة بكسوف وانفعال: اه حصل يا ماما، ومش عيب انه يحصل لانه فعلاً يتحب من أول نظرة وبدأت اضعف ولازم افهم هو برئ هو وعيلته ولا لا علشان احافظ على قلبي منه
داليا: مفيش مرواح في حتة يا خديجة ورجلي على رجلك او نديم هيروح معاكي
نديم: استني يا خديجة هاجي معاكي
خديجة: انا مش صغيرة وهروح لوحدي سلام
في مكان بعيد ومنعرفش عنه حاجة
صوت: عرفت اللي حصل يابني كل البلد مقلوبة من امبارح
صوت2: لا معرفتش مانت عارف ياعم يدوب لسه راجع من السفر وملحقتش ارتاح اصلاً ورايا شغل قد كده
صوت: اخوك مراته اتقتلت امبارح مش ناوي تظهر لخوك بقي
صوت2: احا انت بتكلم جد عمار مراته اتقتلت
صوت: اه امبارح في فرح سيلين اختك
رسلان: انت ازاي متقوليش كل ده اول ما وصلت امبارح
باسل صاحبه: لانك قولت مش هتظهر لخوك غير وانت محقق نجاح كبير في سفرية امبارح
رسلان: عمار فين دلوقتي
باسل: عمار في المستشفي حالياً جاتله غيبوبة بسبب الصدمة
رسلان: جهز عربية حراسة بسرعة لازم اتحرك فوراً وارجع القاهرة بسرعة يا باسل
تعالوا بقي نتعرف على رسلان أخو عمار العراف
رسلان محمد العراف عنده 25 سنة يكون الأخ الاصغر للعراف، رسلان شاب طويل وقريب من ملامح عمار العراف بس هو على صغير عمار اكبر منه بحوالي 5 سنين، رسلان خاطب بنت خاله وبيحبها وشغله نظيف ومحترم في السياحة
يعرف انه اخو عمار العراف من وهو صغير بس مكنش عايز يظهر ولا يبان الا لما يكون واقف على رجله ويشرف نفسه وابوه واخوه انه حتى وهو لوحده قدر انه ينجح
فلاش باااااااااااااااااااااااك
منال ام رسلان: بص يا حبيبي انت مش صغير دلوقتي انت داخل الكلية خلاص وانا قربت اموت والتعب مسكني جامد اسمعني كويس
رسلان: متقوليش كده يا ماما
منال: متتعبش قلبي واسمعني، انت اسمك رسلان محمد العراف انت من عيلة العراف يا حبيبي مش مجرد تشابة اسماء وابوك هو محمد العراف بس ابوك مات وانت كان عندك 10 سنين وانا اللي ربيتك انا وخالك اخوك وعيلتك ميعرفوش عنك حاجة لان قبل ما ابوك يموت كان ناوي يقولهم بس ملحقش يقول وافتكره الخالق
رسلان بعياط: يعني انا ليا اخ كبير وعيلة وكل ده محدش فيهم جالنا ولا سألنا عننا
منال: يا حبيبي متعيطش اخوك فعلا ميعرفش عنك حاجة وبعدين انت دلوقتي عرفت كل حاجة وهعرفك عنوان اهلك وحابب تروح روح علشان اكون مطمنة عليك قبل ما اموت
رسلان: لا يا امي مش هروح عندهم الا لما اكون قوي وقادر اقف على رجلي علشان اكون زيهم ومحدش يفتكرني ضعيف اه انا بحبهم بس هأجل اللقاء شوية
منال: اعمل اللي تحبه انت مسكت شغل خالك والشركة وبقيت ناجح وانت لسه يدوب في بداية طريقك متنسانيش يا حبيبي وعمال اهل ابوك اكنهم اهلك ولو والدة عمار عايشة هي امك التانية اياك تعاملها وحش وخليك في ضهر اخوك وسنده والدرع بتاعه واياك تسمح لحد انه يكرهكم في بعض
رسلان: حاضر يا ماما
رجوع من الفلاش باااااااااااك
رسلان وعينه مدمعة: وحشتني يا امي جيه الوقت اللي كنت مستنيه من 6 سنين اني اشوف اخويا واهلي وكمان عرفت ان عندي اخوات بنات
باسل دخل عليه: جاهزين يا رسلان تحب نتحرك امتي
رسلان: يلا بينا يا باسل
باسل: ممكن تهدي طيب، عمار كويس متقلقش وبعدين انت لازم تكون قوي علشان تقدر تقف في ضهر اخوك
رسلان: مش عارف لما اشوفه هقوله ايه ولا هتعامل ازاي معاه اصلاً
باسل: انت عيشت 6 سنين بتحبه وبتتمني تقابله من يوم ما عرفت فممكن تهدي بقي وتركز في اللقاء اللي مستنيك
رسلان: حاضر يا باسل يلا علشان نلحق نوصل القاهرة بدري
في المستشفي(بلد العراف)
هالة: طنط ممكن أدخل لعمار
أسيل: ليه، عمار تعبان عايزة تدخلي ليه
نهي: عيب يا أسيل واهدي شوية، ادخلي يا هالة لو حابة
دخلت هالة عند عمار ونهي مسكت أسيل
نهي: انا فاهمة شعورك تجاة عمار وانك غيرانة عليه بس لازم نحافظ على شكل عمار وشكلنا قدام الكل ونداري الشعور بتاعنا ماشي يا حبيبتي
أسيل: ماشي يا ماما انا اسفة
عند هالة جوا: كويس انك بخير كنت هموت من القلق عليك ومرضتش اروح ألا لما ادخل اطمئن عليك
انا: متقلقيش انا كويس وهكون بخير ولازم اقف على رجلي في اسرع وقت
هالة: ارتاح دلوقتي واهدي
انا: بقولك ايه اسمعيني كويس اوي ونفذي اللي هقوله ليكي بالحرف الواحد
خرجت هالة من عند عمار وهي منهارة من العياط وعمالة تعيط جامد
أسيل والكل: في ايه عمار حصله حاجة انطقي
سيلين ورامي: العراف كويس في ايه يا هالة انطقي
هالة: عمار دخل في غيبوبة وحصله تشنجات يا طنط
نهي: ابني !! هيضيع مني ابني بيموت بالبطئ
الدكتور خرج من جوا: انا اسف الجسم رافض يستجيب تاني وعمار بيه دخل في غيبوبة تاني ادعوله يقوم منها بسرعة
أسيل بعياط: لا عمار مينفعش يسيبني انا اموت لو حصله حاجة
نهلة بعياط: اهدي يا أسيل هيبقي كويس وبخير اهدي يا حبيبتي
نبيلة ونهال: لا منقدرش نخسرهم هما الاتنين
فلاش باااااااااااااااااااااااك
انا: اسمعيني كويس يا هالة
هالة: خير يا عمار قول وانا عيني ليك
انا: دلوقتي انا لازم اظهر قدام الكل اني في غيبوبة ومفوقتش اصلاً والكلام ده لاعدائي لكن عيلتي عرفت اني فوقت بس هيعرفوا اني دخلت في غيبوبة تاني
هالة: ليه يا عمار، الكل خايف عليك
انا: بالعكس كده حماية ليهم يا هالة، لو الكل عرف اني فوقت من الغيبوبة وقتها كل عيلة العراف هتتصف لان اللي حصل ده مش هيعدي على خير
هالة: انا مش فاهمة حاجة بس هنعملها ازاي
انا: اندهيلي الدكتور
جيه الدكتور: خير يا عمار بيه محتاج حاجة
انا: اديني دواء او اي حقنة تخليني انام 8 ساعات او اكتر
الدكتور: مينفعش تاخد اي مهدئات او منوم غلط على صحتك
انا: دكتور انا عايز الكل يفتكر اني دخلت غيبوبة تاني والحل اني انام لحد ما العيلة والكل يمشي من المستشفي
الدكتور: حاضر مع اني رافض طلبك
هالة: ياريت تنفذ يا دكتور وبلاش مقاوحة مع العراف ومش هوصيك محدش يعرف باللي بيحصل ده نهائي
خرج الدكتور وكملت كلام مع هالة: الوحيدة اللي هتعرف اني مش في غيبوبة هو انت وماسأل وبينك وبين أسيل تعرفيها غير كده مش عايز حد تاني يعرف الا لو ظهرت حاجة او مصيبة تعرفوني
هالة: حاضر، هنستني ماسأل ولما تيجي هنمشي ارجعهم لبيت العزبة ولا القاهرة
انا: سبيهم عمي سليم هيتصرف
هالة: هتعرف عمك ولا لا
انا: عمي عارف الخطة من قبل ما اقولها ليكي بس هو بعيد عن المستشفي دلوقتي بيشوف تأمين الحاجة اللي طلبتها منه
رجووع من الفلاش باااااااااااااااك
وصل عمي سليم: طمنوني حصل ايه
نهي: عمار بعد ما فاق دخل في غيبوبة تاني يا سليم ابني بيضيع مني
سليم: متقلقيش هيكون كويس المهم دلوقتي لازم ترجعوا لبيت العزبة وجودكم هنا خطر
نهي: مش هسيب ابني يا سليم
رامي: نهي هانم كلام سليم بيه صح، لازم نأمنكم كويس وهنا صعب دي مستشفي ومتقلقوش عمار عليه حراسة الموت كلها
هالة: اسفة اني هدخل بس كلام استاذ رامي صح لازم ترجعوا للبيت
نهي: حاضر يا سليم اللي تشوفه وانت هترجعي يا هالة معنا انت ومامتك ومفيش اي اعتراض لحد ما يقوم بالسلامة لأنك في خطر بسببنا
هالة: متقوليش كده يا طنط انا مش خايفة
الكل واقف وبيكلموا وجبل جاله خبر على اللاسلكي
حارس: سيادة القائد جبل في شخص هنا بيقول انه عايز يشوف العراف
جبل: مين الشخص
حارس: رسلان محمد
جبل: انتظر لحظة، سليم باشا في شخص اسمه رسلان محمد طالب يدخل يطمئن على العراف
سليم: خليه يدخل ولو معاه سلاح يتأخد منه ويتفتش
جبل: دخله يابني بس يتفتش الأول
حارس: معاه حراسة وشخص تاني عايز يدخل اسمه باسل
جبل: دخله هو واللي معاه من غير حراسة وفتشهم كويس
دخل رسلان من باب المستشفي واتجه بكل شموخ للدور اللي فيه العراف وطبعاً في كل دور في حراسة وتأمين جامد
نهي والكل مستنين يشوفوا مين اللي جاي يشوف عمار ولقوا رسلان ظهر قدامهم (وللمعلومة رسلان في ملامح من عمار زي نهلة بظبط اكنهم توأم)
سليم: أهلا بيك يا رسلان طلبت تطمن على العراف
رسلان: أهلا بيك يا سليم بيه
نهي: غريبة اكنكم توأم انت مين
هالة: لولا ان عمار في غيبوبة كنت افتكرت انه انت لولا ان بشرتك غامقة شوية
رسلان بابتسامة: اعرفكم بنفسي أنا رسلان محمد العراف اخو عمار العراف من الأب
نهي والكل بدهشة: لولا ان في شبه بينكم كنت قولت انك كداب
سليم: انت ابن منال صح
رسلان: صح يا عمي سليم انا رسلان ابن منال بس تعيش انت
نهي: سليم انا مش فاهمة حاجة مين ده
أسيل: هو احنا عندنا أخ ولد غير عمار
سليم: محدش كان يعرف حاجة الا انا ومحمد العراف قبل ما يموت وهو اللي طلب مني مقربش من رسلان ولا نيجي جمبه وهو اللي اختار ان عمار اللي يبقي الكبير من بعده ورسلان يكون اخو عمار الصغير واخوكم يا بنات
رسلان: انا مش طالب اي مشاعر من اي حد فيكم بس انا طول الوقت من ساعت ما عرفت ان ليا اخ وعيلة وانا مقرر مقفش قدامه الا وانا ناجح علشان اكون قادر اكون ضهر وسند ليه ولسه جاي من السفر النهاردة واول ما سمعت باللي حصل قررت اني اجي ولازم اكون في ضهره
هالة: نورت يا رسلان، انا صديقة عمار المقربة بس للاسف عمار دخل في غيبوبة تاني
رسلان: نعم انت بتقولي ايه، هو مش كان فائق
أسيل بغضب: انت بتكلم كده ليه ملكش حق تكلم بصوت عالي اخوك الكبير عايش وهو اللي يكلم معنا ويحقق مش انت
رسلان: مين انت بقي علشان تكلميني كده
سليم: اهدوا مش عايز اي دوشة، دي أسيل اختك الصغيرة يا رسلان
رسلان بهدوء: اسف يا جماعة على الازعاج اللي عملته بس ممكن ادخل عند عمار
سليم: ما هو في غيبوبة يابني هنشوف الدكتور الاول بس مين اللي معاك ده
باسل رد: انا صاحبه ومدير مكتبه يا سليم بيه وكنت متابع اخبار العراف اول باول وببلغه بيها
سيلين: انا سيلين اختك يا رسلان ودي نهلة اختنا برضو وكمان أسيل
رسلان: عارفكم كلكم يا سيلين واتمني يجي يوم ونكون قريبين من بعض لاني الأول كنت وحيد ودلوقتي ليا ضهر بيكم
هالة انسحبت وسط الهيصة اللي حاصلة برة دي ودخلت لعندي كنت لسه مخدتش الدواء اللي يخليني انام
انا: في ايه خير جيتي تاني ليه كنت لسه هاخد الدواء
هالة: مش عارفة اقولك ازاي بس حصل حاجة غريبة
انا: خير قولي
هالة: في شخص جيه دلوقتي اسمه رسلان وبيقول انه اخوك الصغير رسلان محمد العراف
انا بفرحة وبهدوء: احيراً شرف البيه ههههههههه
هالة باندهاش: غريبة انت متصدمتش يعني ان ليك اخ ولد لا وكمان كنت مستنيه
انا: انا عارف عنه كل حاجة من حوالي 6 شهور او سنة بس لما دورت وراه عرفت انه رافض يقابلني الا لما يكون قدوة ليا وقادر يبقي ضهر ليا واحترمت مشاعره ومرضتش اعرفه بنفسي ولا اكلمه
هالة: عمار ده فيه شبه منك بس هو بشرته اغمق منك هههههه
انا: ابويا شكله كان بيخلي كل حريمه تمسك صورتي وتتوحم عليا نهلة طالعة شبهي وكمان رسلان
هالة: هيعرف الحقيقة ولا
انا: اه هيعرفها منك انت، لأنه بقي ضهري وسندي يا هالة ورسلان كويس ومحترم وملهوش في الدوشة بتاعت العرافين وزي ما هو يختار بقي بس مش هيقابلني انا هيقابلني في بيتك
هالة: اسفة بس مش فاهمة بيتي ازاي
انا: هالة انا مش هينفع اخرج من هنا اروح مكان معروف او بتاعي وطبعاً اللي هيعرف اني مش في غيبوبة هو صخر والفريق بتاعي وانت وماسأل وأسيل ورسلان يعني مش هينفع ارجع القصر الحراسة ذات نفسها مش هتعرف
هالة: حاضر بس طنط نهي قالت اني هرجع معاهم للعزبة
انا: هترجعي معاهم عادي وتسيبي سلوي هناك وتنزلي القاهرة بأي حجة
هالة: حاضر يا عمار
انا: ماسأل لسه مرجعتش صح
هالة: لسه يا عمار ولا هي ولا صخر
برة عندهم دخلت عليهم خديجة السيوفي
خديجة: مساء الخير ممكن اشوف العراف
سليم: مساء النور يا خديجة
خديجة: حضرتك تعرفني
سليم: اه خديجة السيوفي بنت اخويا وحبيبي نديم السيوفي
خديجة باستغراب: حضرتك مين
سليم: انا سليم العراف عم عمار العراف
خديجة: تشرفت بيك عايزة اشوف العراف لو سمحت
سليم: اسف يا بنتي عمار في غيبوبة بعد ما فائق دخل فيها تاني
خديجة: انا لازم اكلم ضروري معاه حياة او موت
سليم: تحبي نكلم طيب مع بعض يمكن أقدر اساعدك
خديجة: معنديش مانع بس في مكان تاني بلاش هنا
في العالم الآخر عند ماسأل
ماسأل: طب علشان خاطري اسمح ليها بالتحول خلينا نلحق عمار والعيلة
اوزيس: اسف يا ماسأل بس مش هينفع
ماسأل بغضب: مينفعش ليه مانت لازم تديني سبب ليه مينفعش
اوزيس بغضب شديد: لان عمار العراف……..وسكت
ماسأل: كمل عمار ايه سكت ليه هو في ايه بيحصل
ايفسون: معرفش يا ماسأل في ايه يا اوزيس ما تكلم
الملكة أليف (زوجة اوزيس) دخلت عليهم: هقولكم انا في ايه مادام اوزيس مش راضي يتكلم
اوزيس: مينفعش يا أليف مينفعش حد يعرف السر ده
أليف: انت خبيت كتير بالاتفاق مع محمد العراف
ماسأل: ياريت تكلمي يا أليف لان مفيش وقت
أليف: اللي حصل زمان هو، ان محمد العراف مضي العهد مع اوزيس جدك بانه يكون صاحب القوة والمعرفة ويتجوز من هنا وزي ما الكل عارف ان محمد العراف اتجوز ايفسون
ماسأل: ما كلنا عارفين كده حتى ايفسون كمان
أليف: اللي محدش يعرفه، ان محمد العراف موافقش ان ايفسون تتحول وتبقي بشرية وقالها خليكي هنا وعادي انا هجيلك كل فترة لان وقتها كان بيدور يتنقل بين العالمين عن طريق السرداب برضو عكس اللي عمار عمله واختار انك تبقي بشرية علشان تعيشي جمبه على طول
ايفسون: كل ده انا عارفة بيه يا أليف في ايه جديد
أليف: محمد العراف اتجوز من نهي بعد جوازه على طول من ايفسون بس للاسف نهي مبتخلفش………
وبس كده يا ترى رسلان العراف هيكون فعلاً ضهر وسند عمار العراف، وازاي نهي مبتخلفش امال عمار يكون ابن مين ويا ترى عمار ناوي على ايه وايه خطته
الي اللقاء في الجزء الثاني من السلسلة الرابعة العراف