العراف – السلسلة الرابعة | الجزء الثاني

أليف: انت خبيت كتير بالاتفاق مع محمد العراف

ماسأل: ياريت تكلمي يا أليف لان مفيش وقت

أليف: اللي حصل زمان هو، ان محمد العراف مضي العهد مع اوزيس جدك بانه يكون صاحب القوة والمعرفة ويتجوز من هنا وزي ما الكل عارف ان محمد العراف اتجوز ايفسون

ماسأل: ما كلنا عارفين كده حتى ايفسون كمان

أليف: اللي محدش يعرفه، ان محمد العراف موافقش ان ايفسون تتحول وتبقي بشرية وقالها خليكي هنا وعادي انا هجيلك كل فترة لان وقتها كان بيقدر يتنقل بين العالمين عن طريق السرداب برضو عكس اللي عمار عمله واختار انك تبقي بشرية علشان تعيشي جمبه على طول

ايفسون: كل ده انا عارفة بيه يا أليف في ايه جديد

أليف: محمد العراف اتجوز من نهي بعد جوازه على طول من ايفسون بس

ايفسون: بس ايه سكتي ليه كملي كلامك يا أليف

أليف: عمار مش ابن نهي يا ايفسون، عمار ابنك انت

ماسأل: نعم بتقولي ايه ازاي ده عمار بشري اصلاً ازاي ابن ايفسون

ايفسون بصدمة: نعم بتقولي ايه عمار ابني طب ازاي

أليف: هحكيلك

فلاش باااااااك

محمد العراف: اوزيس ايفسون حامل وانا مش عارف اتصرف ازاي كده الولد هيبقي جن مش بشري ولا هيبقي ايه بظبط

اوزيس: لا يا محمد، الولد هيبقي نصف بشري ونصف جن لو أتولد هنا لكن لو اتولد في عالم البشر هيبقي بشري بالكامل

محمد: طب ازاي هيحصل انه يبقي بشري

اوزيس بيفكر: بص عندي حل بس مينفعش حد يعرفه خالص حتى ايفسون

محمد: انطق خير

اوزيس: نهي مراتك مبتخلفش صح بس هي متعرفش كده ولا عرفت

محمد: لا نهي متعرفش حاجة وخايف اجرحها

اوزيس: حلو اوي بص بقي انت هتأخد ايفسون للعالم البشري معاك بس وهي جِنية مش بشرية وهتدي نهي منوم قوي، وانا بنفسي اللي هنقل الجنين من بطن ايفسون لبطن نهي الجنين كده عنده قد ايه يا محمد

محمد: اعتقد يومين او 3 ايفسون قالتلي من يومين

اوزيس: كويس اوي كده هنقدر ننقل الجنين وده طبعا مخالف للطبيعة بس هنعمل ايه مادام حصل اللي حصل وايفسون مش بشرية يبقي لازم ابنك يتربي في عالم البشر علشان يكون معاك يا محمد

خد اوزيس ومحمد العراف ايفسون وهي غايبة على الوعي ووصلوا للفيلا عند نهي، وكانت غايبة عن الوعي هي كمان بسبب سحر اوزيس والاتنين بقوا على سرير واحد

محمد: هنعمل ايه دلوقتي

اوزيس: مردش على محمد وبدأ يقول طلالسم وتعويذة سحر نقل الجنين من بطن ايفسون لبطن نهي

اوزيس خلص الطلالسم وكلم محمد العراف: بص يا محمد دلوقتي نهي بقيت حامل خلاص

محمد: طب وايفسون لما تفوق وتكتشف مانت عارف انها بتعرف حاجات

اوزيس: متقلقش ايفسون هتنسي كل حاجة من قبل حتى ما تبلغك انها حامل وبعد كده خلى بالك وانت معاها يا عراف فاهمني أكيد

محمد: فاهمك يا اوزيس شكرا ليك على المساعدة بس ده يفضل سر بينا ولا نهي تعرف ولا حتى اي حد

رجووووع من الفلاش بااااااااك

ايفسون بحزن ودهشة: يعني عمار يكون ابني انا

أليف بحزن: ايوة يا ايفسون ابنك اللي كنتي حامل فيه بس اتنقل في رحم نهي وهي بقيت امه اللي اترب في بطنها وكبر معاها

ماسأل بحزن ودهشة: يعني عمار كده عنده 2 أم ايفسون و نهي…عمار لو عرف حاجة زي كده معرفش ردة فعله هتبقي ايه

اوزيس: مش لازم يعرف

ايفسون بغضب: ازاي مش لازم يعرف يا اوزيس مش كفاية اللي عملته فينا زمان كمان عايز تحرم ابني من انه يعرف الحقيقة، اول ما شوفته حسيت بشعور غريب حسيت انه حتة مني بس قولت يمكن بسبب حبي الكبير لمحمد العراف وانه شبهه بس احساسي طلع صح انا موافقة يا ماسأل هاجي معاكي

اوزيس: وانا قولتلك لا يا ايفسون مش هتتحولي لبشرية

ايفسون: متنساش اني اختك يعني من العائلة الملكية وليه الحق اني اختار انا عايزة ايه ومش عايزة ايه عن اذنكم يلا يا ماسأل

خرجت ايفسون وماسأل من قاعة الملك اوزيس ورجعت لمكانها اللي بتقعد فيه

ماسأل: انا مصدومة بجد عمار يبقي ابنك يعني انا وعمار قرايب

ايفسون بحزن: يعتبر مش ابني بشكل كامل بس هو كان في بطني الاول وبعدين اتنقل في بطن نهي يعني احنا الاتنين امهااات لعمار

ماسأل: ناوية على ايه يا ايفسون هتيجي معايا ولا لا احنا بقالنا يومين هنا وانا معرفش حاجة عنه

ايفسون: هتحول لبشرية بس معايا قوة الجن زي ما هي وهيكون عمري 40 سنة وطبعا هعمل خلطة سحر الجمال

ماسأل: طب بسرعة يا ايفسون مفيش وقت

عد حوالي ساعة لحد ما ايفسون عملت الترياق وشربته وجسمها وهيئتها بقوا بشرية تماماً نفس جمال ماسأل واكتر منها كمان تشوفها متقولش انها 40 سنة ابداً تقول انها 30 سنة ولسه شابة

ماسأل: احية انت كده اتحولتي ده عمار لو شافك مش هيعرفك هيفتكرك واحدة صاحبتي ههههههه

ايفسون: تصدقي مشتاقة اوي اشوفه عكس كل مرة المرادي هشوف ابني اللي اتربي واتولد بعيد عني يلا بينا

واتنقلت ايفسون وماسأل للسرداب..خرجوا من هناك لقيت صخر زي ما هو في العربية

ماسأل: صخر انت لسه هنا اسفة اتأخرت عليك

صخر: ولا يهمك انت غيبتي يومين كاملين، بس عندي اخبار مش كويسة

ماسأل وايفسون بقلق: خير عمار كويس

صخر: العراف دخل في غيبوبة تاني وجسمه رافض يستجيب للعلاجات

ماسأل: بسرعة يا صخر خدني المستشفى

صخر: الكل في العزبة دلوقتي تحبي نروح هناك الأول

ماسأل: ماشي يلا بينا

اتحرك صخر بايفسون وماسأل للعزبة وهما على الطريق صخر كان مستغرب مين دي اللي خرجت مع ماسأل لانه عارف اصل ماسأل ايه

وصلت ماسأل للقصر

ماسأل: عمار كويس حد يرد عليا عمار كويس

نهي: اهدي يا حبيبتي عمار كويس بس دخلت في غيبوبة تاني

أسيل بعياط: عمار مش هيموت صح يا ماسأل

ماسأل بعياط: لا يا حبيبتي مش هيموت متقلقيش

ايفسون: مساء الخير التعزية ليكم شدوا حيلكم

نهي: مساء النور شكرا ليكي مين حضرتك

ايفسون: قريبة ماسأل لما سمعت اللي حصل جيت على طول لاني بعز عمار اوي

سليم: اهلا بحضرتك يا مدام….

ايفسون: انا ايفسون

سليم: اهلا بيكي اتفضلي

ماسأل بعياط: عمي سليم عايزة اشوف عمار حالا

سليم: مش هينفع يا ماسأل الدكتور مانع الدخول لعنده حتى رسلان معرفش يدخل

ماسأل: مين رسلان، حضرتك مين

ايفسون ردت قبل ما رسلان يرد: انت اخو عمار الصغير صح

رسلان بدهشة: صح حضرتك عرفتي ازاي

ايفسون: باين عليك يا رسلان شبه محمد العراف وهو صغير اوي

نهي باستغراب: وحضرتك تعرفي محمد العراف جوزي منين

ايفسون بلجلجة: شوفت صورته مع عمار قبل كده

هالة مسكت تليفونها وبعتت رسالة لتليفون ماسأل وأسيل وصخر ورسلان كمان

وخدت رقم رسلان مني انا قبل ما ادخل في النوم بسبب المنوم

هالة: ماما انا لازم ارجع القاهرة حالا حصلت مشكلة في فرع الشركة ولازم احلها بنفسي

سلوي: طيب نرجع سوا هقعد ليه هنا لوحدي

نهي: مفيش الكلام ده يا سلوي احنا بقينا صحاب هتفضلي هنا لحد ما نطمن عليكي وصخر هيروح مع هالة لانها مينفعش تبقي لوحدها

أسيل بتشوف التليفون: متقلقيش يا حلوة عمار كويس وهيقابلك بعد شوية متبينيش اي ردة فعل

ماسأل بتشوف التليفون: متقلقيش يا ماسأل عمار بخير وكويس وهيشوفك بعد شوية متبينيش اي ردة فعل

رسلان: أخوك مستنيك وكان عارف بيك من فترة بس سابك علشان محبش يضغط عليك وهو مستنيك

ونفس الرسالة وصلت لصخر ان عمار كويس وعايزك

هالة: استأذن انا يا جماعة

ماسأل: وانا كمان عايزة اروح المستشفي وهأخد ايفسون وأسيل معايا

سليم: طب اصبري هوصلكم انا لان صخر هيروح مع هالة وجبل عند عمار

رسلان: خليك يا عمي انا هوصلهم ومتقلقش الحراسة بتاعتي برة

نهي: رسلان يمكن مقابلتنا مكنتش لطيفة بس خلي بالك على نفسك وخد حراسة من رجالة الموت مع حراستك

رسلان: حاضر حضرتك

نهي: مسمهاش حضرتك اسمها يا ماما انا مامتك زي منال

رسلان بفرحة: حاضر يا ماما

خرجت هالة عند صخر

هالة: جاهز للي عمار طلبه منك

صخر: متقلقيش الحراسة دلوقتي بتتغير عند عمار وبلغت الفريق بتاعه كمان

هالة: طب يلا بينا

وخرجت ماسأل هي كمان ورسلان معاهم

رسلان: هي مين هالة دي اللي بعتت لينا الرسائل

ماسأل: صاحبة عمار ومتقلقش هي ثقة

أسيل: المهم دلوقتي نشوف عمار كويس ولا لا ممكن نتحرك بقي

فلااااااااااش باااااااك

انا: بقولك ايه يا دكتور انا مش هاخد الدواء وفاكس منه انا عايزك تديني مفتاح عربيتك وهدومك والبالطو الأبيض كمان

الدكتور: حاضر يا عمار بيه بس هتخرج ازاي من غير الحراسة ما تشوفك

انا: مانت هتتصل بحد دلوقتي انه ياخد الحراسة الي على الباب ويقولهم هنجهز اوضة العناية للعراف فلازم تيجي الحراسة معنا

وفعلا الدكتور عمل كده والحراسة اتحركت

وانا لبست هدوم الدكتور ولبست البالطو كمان وخرجت من الاوضة ومشيت من الباب الخلفي ونزلت الجراچ ولقيت عربية الدكتور وكان قايلي على الارقام بتاعتها وخدتها واتحركت على القاهرة

في فيلا نديم السيوفي

رجعت خديجة من برة بعد غياب اكتر من 5 ساعات

داليا: انت كل ده فين قلقتيني عليكي انت كويسة حد عملك حاجة

خديجة: انا كويسة وبخير متقلقيش

نديم: قلقتينا يابنتي ومشيتي من غير الحراسة كمان

خديجة: انا كويسة بس معرفتش اقابل العراف

نديم: نعم امال كل ده فين

خديجة: العراف في غيبوبة وتعبان

داليا: امال اتأخرتي ليه يا حبيبتي كل ده

خديجة: قابلت سليم العراف وقعدت معاه كمان

نديم: وقالك ايه اكلمتي معاه في حاجة

فلااااااااااش بااااااااك

سليم: ابوكي صديقي من زمان وحبيبي كمان كانت اول مرة اشوفه من 20 سنة يوم الفرح بتاع سيلين

خديجة: غريبة مع انكم اعداء وبينكم تأر

سليم باستغراب: اعداء وتأر ايه يابنتي مفيش الكلام ده

خديجة بغضب: ازاي مفيش الكلام ده مش انتوا قتلتوا جدي والعراف الكبير قتله زمان

سليم بدهشة: محصلش يا بنتي وعزت العراف مقتلش السيوفي جدك اللي قتل السيوفي شخص تاني خالص وحاول يضرب العيلتين في بعض ووقتها طبعا ابوكي كان صغير ومحمد العراف استلم مكان ابوه وكان خايف على ولاده علشان كده لحد النهاردة بنكتشف انه عنده ولاد جديدة

خديجة: مين اللي قتل جدي مادام مش العراف

سليم: عمار العراف اللي يقدر يرد على سؤالك مش انا ولازم تستني العراف يفوق وبلاش الكرهه والحقد يا بنتي لان العراف مش هو اللي عملها بس للاسف اضحك على ابوكي وقتها وصدق ان العراف اللي عملها بسبب كان في خلاف بينهم وقتها

رجووووع من الفلاش بااااااااك

نديم: يعني مش عزت العراف اللي عملها وانا عايش 20 سنة من عمري فاكر انه هو

داليا: ما يمكن سليم العراف بيكدب علشان يداري على اللي حصل زمان

نديم: العرافين مش بتكدب يا داليا حتي لو على رقبتهم حكم الاعدام وهينقذهم مش بيكدبوا ابداً

خديجة: يعني كلام سليم العراف صح وان مفيش بينا تأر كده

داليا: وانت فرحتي كده ليه مش يمكن كداب ولسه منعرفش عمار هيفوق امتي

خديجة: انا مفرحتش ولا حاجة بس فرحت ان جدي مماتش على ايد الناس دي وهنستني العراف يفوق ونشوف عن اذنكم

في فيلا هالة المحمدي

وصلت الأول ومكنش حد وصل خالص وكانت هالة سابلتي المفتاح وقالتلي انها هتأخد مفتاح سلوي امها في السر

دخلت وغيرت هدومي اللي خدتها من المستشفي كانت ماسأل جابتلي طقم جديد قبل ما تمشي وجهزت ومنستش شياكتي حتي في وقت احزاني

وقعدت مستني وصلوهم بالسلامة

بعد نصف ساعة من الانتظار سمعت صوت العربيات من غير اي حراسة وهتعرفوا ازاي بعد شوية رسلان خلع منهم

الباب اتفتح وجريت عليا أسيل اول ما شافتني

أسيل: حبيبي انت كويس يا قلبي فيك حاجة طمني

انا: بخير يا حبيبتي وكويس لما شوفتك

قربت ماسأل عليا وحضنتني هي كمان

ماسأل: وحشتني اوي اسفة اتأخرت عليك بس غصب عني

انا: ولا يهمك المهم انها جت معاكي نورتي يا ايفسون

ايفسون بنظرة عتاب وحزن: بنورك يا حبيبي

انا: مش ناوي تقرب عليا ولا ايه تعال في حضني يالا

رسلان جيه بسرعة لحضني وحضنته وكنت فرحان اوي انه بخير وكويس وقعلا ناجح وهيبة قدامي

رسلان: ياااااااااه كان نفسي في الحضن ده من زمان اوي كان نفسي اترمي في حضنك ياخويا واقولك اني اخوك

انا: وانا كمان يا حبيبي بس ادينا مع بعض خلاص واوعدك مش هسيبك تاني

رسلان: عمار انت ضهري وسندي من النهاردة وانا جمبك وفي ضهرك

انا: مع انك مش بتحب السلاح ولا الدم

رسلان: مش بحبهم بس مش هسيبك رجلي على رجلك يا عمار

انا: وانا عايزك في ضهري يا رسلان نورت يا رسلان العراف

انا: هالة شكرا انك كنتي قد المهمة اللي قولتلك عليها

هالة: اطلب اي حاجة وانا تحت امرك

صخر: اتبسط انك بخير وانك مخبتش عليا خبر غيبوبتك المزيف ههههه

انا: عيب انت سري ودراعي اليمين ومن النهاردة انت ورسلان اصحاب اسراري

رسلان وصخر: اؤامرك يا عراف ههههه قصدي يا عمار

ايفسون: ممكن تمسك ايدي وتركز في عيني شوية صغيرين

انا وفهمت ايفسون: لا يا ايفسون مش دلوقتي لازم افضل بالنار اللي جوايا

ماسأل: ليه يا عمار خليها تعالجك علشان قلبك يهدي شوية

انا: لا انا كده كويس مش عايز انسي وجعي ولا يهدي حتى عايز النار تأكل في قلبي كده علشان مش هسيبهم عايشين

رسلان: شوف عايز اي وانا افديك برقبتي

انا: متقولش كده انا مش حمل خسارة حد تاني بحبه انتوا فاهمين

الكل: فاهمين

انا: صخر فين الفريق

صخر: على الطريق يا عراف قدامهم شوية ويوصلوا

انا: تمام، أحب اعرفكم بالشخص الجديد تعالى يا اكتشا

اكتشا خرجت من اوضة المكتب الجاسوسة بتاعتي اللي كانت عند التنين طول الفترة اللي فاتت

اكتشا: اؤامرك يا عراف

انا: اعرفكم باكتشا الجاسوسة اللي كانت عند التنين وشافته وعرفت هو مين شكلا وكل حاجة عنه وهي اللي بلغتني بالاغتيال بس كانوا شاكين فيها وقالوا قدمها قبل الاغتيال بدقائق

أسيل غيرانة من لبس اكتشا وشكلها ودخلت جوا حضني: المهم انك كويس

انا: بوست أسيل من خدها، كويس طول مانتوا بخير بس قلبي وجعني على لميس وعيني دمعت

ايفسون جريت عليا ومسحت دموعي: متعيطش متخليش قلبي يوجعني عليك

انا باستغراب: حاضر يا ايفسون

وصل الفريق واحنا بنكلم وجيه وقت الجد يا صديقي جاهز للي هتسمعوا دلوقتي

في مكان تاني منعرفش عنه حاجة هههههههه خلاص مش هرخم عليك المرادي تعال نشوف العراف عايز اي منهم

إيلا: اوووووف كويس انك بخير خوفت فعلا تكون دخلت في غيبوبة

انا: متقلقوش انا بخير اهو بس الي جاي معرفش هخرج منه بخير ولا لا وعايزكم معايا وليكم حرية الاختيار ومش عايز رد دلوقتي

رسلان: اسف بس من قبل ما اسمعك انا في ضهرك ومعاك

صخر والكل: واحنا كمان يا عراف انت عارف اننا فداء ليك

انا: اسمعوني كويس طيب، دلوقتي اجتماع العهد قرب اوي وطبعا لو العراف معملش ردة الفعل بتاعته قبل الاجتماع يبقي بيعرف الكل انه بقي مستسلم لاي هجوم ووقتها كل دول العالم كل كبير مافيا فيها هيحاول يقتلني وهيهجم علينا والمرادي العيلة كلها مش انا وبس ولو مردتش عليهم في أقرب وقت حرفيا الكل هيعرف ان العراف بيتنازل عن العرش ووقتها الكل هيطمع فيه ويهجم عليا علشان اللي هيموتني هيمسك مكاني

إيلا: معني كده انت عملت حوار الغيبوبة علشان تعرفهم انك مش معاهم اصلا وتعرف ترد عليهم وتفاجئهم

انا: صح كده شاطرة بس المرادي الهدف مش سهل لاننا رايحين في ارضهم والموضوع مش زي مارتن ولا نوح المرادي احنا رايحين تركيا

رسلان: اشمعنا تركيا هو التنين هناك

اكتشا: ايوة اخر معلوماتي انه هناك بيجهز لاجتماع العهد وكمان انطوان ومراد هناك وكولكان طبعا

ماسأل: اسفة اني بدخل في كلامكم بس انا عارفة انك قوي وتقدر عليهم بس المرادي انت بتقول انك رايح لارضهم برجلك ومن غير حراسة الموت ولا حتى الكتيبة الخاصة امال هتحمي نفسك ازاي

انا: متقلقوش من نقطة الحماية لان معمول حسابها كويس اوي في ناس هناك هتساعدنا اول ما نوصل بكل حاجة نطلبها

صخر: الهدف مين

انا: جماعة التنين كلها يا صخر ومش هنرجع الا لما الكل والعالم كله يشوف صور جينكيز وعصابته مرمين جمب بعض

رسلان: انا جاهز يا عمار

انا: انت هتفضل هنا يا رسلان بلاش انت تدخل في الانتقام والدم دي مش حربك انت

رسلان: اسف اني هخالف كلامك بس مفيش الكلام ده رجلي على رجلك انا مش صغير يا عراف

ايفسون قاعدة سرحانة فيا: ابني واقف قدامي ومش قادرة اقوله اني امك ولا حتي اخده في حضني اي العذاب ده بس

انا وركزت مع ايفسون وافكارها: ايفسون انت بتفكري في ايه اللي عرفته ده صح انت بتهزري اكيد الكل يخرج يا جماعة لو سمحتهم وتفضل ايفسون وماسأل

خرج الكل من الاوضة وسابوني انا وايفسون وماسأل

انا: انت كنتي بتفكري في اي من شوية جاوبيني

ماسأل: عمار اهدي، انت تعبان كنا هنحكيلك بس بعد الاجتماع

انا بغضب: تحكيلي ايه، تحكيلي ان ايفسون امي طب ازاي ازاي انا مخي هينفجر

ايفسون بعياط: اهدي يا حبيبي هفهمك كل حاجة انا مكنتش اعرف غير دلوقتي قبل ما اتحول اوزيس كان رفض تحولي وأليف اللي حكت لينا كل حاجة اهدي يا حبيبي هحكيلك كل حاجة

وحكيتلي ايفسون كل حاجة وكل معلومة تعرفها عن الموضوع وانا مش مستعوب اصلا ازاي ابويا يعمل كده وليه رفض يحول ايفسون مادام كانت حامل فيا وينقلني في بطن نهي اي الحاجة اللي اول مرة اسمع عنها دي ولا حتى *** في حضانة يصدق اللي بيتقال بس الجن قادر على قدرات خارقة ادهاله الخالق بس مش للدرجة

انا: سيبوني لوحدي لو سمحت

خرجوا هما الاتنين وانا مصدوم ومش مصدق السر الجديد كل ده بيحصلي من بعد موتك يا حبيبتي كل ده بيحصل وانا لوحدي يا لميس وحشتيني اوي يا لميس وحشتيني يا حبيبتي وصرخت بعلوو صوتي اااااااااااااااااه

أسيل: عمار ماله في ايه وبيصرخ ليه كده سبوني ادخل

ماسأل بحزن: مش هينفع يا أسيل سبيه لوحده شوية

أسيل: فهموني عملتوا ايه في اخويا عملتوا فيه ايه

ايفسون بزعيق: زي مانت خايفة على اخوكي انا خايفة على ابني كمان ممكن تهدي

أسيل بدهشة: انت بتقولي ايه ابنك ازاي، ده ابن ماما نهي انت بتخرفي

ماسأل: أسيل اكلمي حلو، ايفسون طلعت مامة عمار ونهي مش مامته اصلا

رسلان: احية اخويا مش هيستحمل كل الضغط العصبي ده عليه

صخر بحزن: متقلقوش عليه هيبقي كويس عمار قوي

إيلا ومونيكا وعامر وسارة: عمار قوي بس الحمل بقي كتير اوي عليه

هالة: صعبان عليا اوي موت لميس وخبر مامته عمار فعلا بيتوجع

ماسأل: انا هدخله وهطمنكم

دخلت عليا ماسأل لقتني قاعد في الأرض وساكت جريت عليا خدتني في حضنها

ماسأل: علشان خاطري بلاش تعمل كده انت قوي وانا عرفتك دائما وانت قوي بلاش تضعف لميس مستنية حقها تجيبه ليها

انا: هي فعلا امي يا ماسأل امال نهي تبقي مين

ماسأل: حبيبي هما الاتنين امهااات ليك واحدة هي اللي حملت فيك وواحدة هي اللي ولدتك من بطنها وربيتك

انا: ليه ليه ابويا يعمل كده فيا ويخبئ كمان السر عني

ماسأل: عمار فوق يا حبيبي انت وراك حاجات مهمة سيبلي الموضوع ده انا هحله وهعرف الكل بالطريقة الصح هترجع تلاقيه محلول

انا: طب انا اتعامل معاها ازاي دلوقتي

ماسأل: امك يا عمار من امتي وانت بترفض اي فرد جديد في العيلة اديك خدت رسلان في حضنك وهي كمان محتاجة حضنك وانت محتاجها يا حبيبي اندهالك

انا: ماشي يا ماسأل

خرجت ماسأل وندهت ايفسون علشان تدخل

ايفسون: انت كويس صح

انا: انا تعبان اوي خديني في حضنك حسسيني بيكي

ايفسون جريت وخدتني جوا حضنها وفضلت تعيط وانا كمان بعيط في حضنها…انا اسفة غصب عني لو بايدي مكنتش بعيدت عني ولا لحظة

انا: متتأسفيش ملكيش ذنب في حاجة يا ماما

ايفسون: طلعة منك حلوة اوي كان نفسي اسمعها اوي طول حياتي بس ابوك دائما لما كان بيلمسني مكنش بينزل جوايا احممم اسفة معرفتش قولت كده ازاي

انا: ولا يهمك بس ايه القمر ده انت لما بقيتي بشرية احلويتي اكتر

ايفسون بكسوف: عيونك اللي حلوة يلا قوم الكل مستني برة

خرجت من الاوضة وايفسون في حضني وكنا كويسين واتقبلتها بسرعة

هالة: انت كويس احمم قصدي عامل ايه

انا: بخير يا هالة اسف قلبنا بيتك دوشة

هالة: عيب متقولش كده البيت بيتك

صخر: هنتحرك امتي يا عمار

انا: حضر طيارة خاصة يا صخر علشان هنتحرك بعد 3 ساعات

وصل على الجملة دي سليم العراف

سليم: اتأخرت عليكم

انا: لا تمام جيت في وقتك تعال عايزك

سليم دخلنا المكتب وعرفت منه كل اللي حصل

سليم: الخبر اتسرب خلاص والكل عرف انك في غيبوبة

انا: كويس اوي طبعا مش هوصيك تخلى بالك منهم هنا كويس اوي

سليم: متقلقش يا عمار بس في حاحة خديجة بنت السيوفي جت وكانت عايزة تشوفك

انا: ليه في ايه

سليم حكالي كل حاجة وقالها ايه كمان

انا: مش وقتها يا سليم انا عندي الاهم دلوقتي بس خليك على تواصل بيها وعايزك تركز بحمايتك على هالة وتفضل في العزبة وخلي بالك من ايفسون

سليم: مين ايفسون دي بقي

انا: امي يا سليم امي الحقيقية

سليم: نعم امال نهي تبقي مين

انا: امي برضو ماسأل هتشرحلكم كل حاجة بعدين

بعد مرور 3 ساعات كانت الطيارة جهزت وكل حاجة تمام

انا: ماسأل مش هوصيكي انت بدالي هنا وسليم معاكي خلى بالك من نفسك ومن البيبي

ماسأل: تروح وترجعلي بالسلامة يا حبيبي متتأخرش يا عمار وطمني

انا: حاضر يا حبيبتي، أسيل عايزك قوية ومتقلقيش هرجعلك

أسيل قربت من ودني: بحبك متتأخرش عليا يا حبيبي

هالة: تروح وترجع بالسلامة متقلقش كله هيبقي تمام هنا

انا: وقربت منها وانا بسلم عليها، يسلمك يا بطل انت لما ارجعلك هشوف قلبك عايز ايه

هالة بكسوف وصدمة: احممم ترجع بالسلامة

ايفسون: ملحقتش اشبع منك متتأخرش عليا ممكن

انا: متقلقيش هرجع مخصوص علشانك هههههه

انا: جاهزين يا شباب

الفريق واكتشا ورسلان: جاهزين ياعراف 

خدنا بعضنا وركبنا العربيات واتحركنا على مكان الطيارة الخاصة

وبس كده نتقابل في الجزء القادم ونشوف العراف مين هيساعده هناك وكمان نهي هتتقبل خبر انها مش أمه الحقيقية ازاي

اللي اللقاء في الجزء الثالث من السلسلة الرابعة