قامت نرمين خدت شاور وخرجت تعمل قهوة وانا دخلت اخد شاور بسرعة.. خلصت الشاور وخرجت لنرمين لاقيتها قاعدة في الانتريه قعدت معاها
نرمين: موضوع ايه بقى اللي هتاخد رأيي فيه
انا: أنا بفكر نروح عند المأذون بكره واكتب عليكي ودا يعتبر قرار نهائي مش تفكير
نرمين: ايي انت بتتكلم بجد يا شهاب!؟
انا: ايون طبعا بتكلم جد ومن فترة وانا عايز اقولك واشوف رأيك اي.. يعني لو مش موافقة قولي
نرمين: مش موافقة ايه دا أنا من بدري نفسي يحصل كدا
انا: طب لي مقولتيش كدا من بدري
نرمين: مينفعش أنا اللي ابدأ ب دا يا شهاب
انا: لا ينفع خصوصا ان احنا مفيش بينا كسوف ولا احراج ولا ايه حاجة من الهبل دا….
نرمين: مش مهم مين يبدأ.. المهم اني موافقة طبعا.. نفسي اخلف منك ولد شبهك في كل حاجة ما عدا عصبيتك ههههه يبقى حرام اعيش مع اتنين عصبيين
انا: لا خلاص أنا رجعت في كلامي
نرمين: لا لا مفيش الكلام دا.. هتجوزك بالعافية
انا: بس قوليلي ايه رايك في المفاجأة دي ههه
نرمين: قمر جدا شبهك
فضلنا نتكلم شوية واحب فيها شوية لحد الساعة ما وصلت ل 4 العصر لاقيت فوني بيرن
انا: الو…. ايه يا بني في حاجة ولا ايه!؟
أشرف: لا مفيش حاجة بس الناس قاعدة معايا وعايزين يكلموك.. عايزين يعرفوا هينزلوا شغل امتى
انا: طب افتح الاسبيكر علشان الكل يسمع
أشرف: تمام.. كدا الكل سامعك يا هندسة
انا: ازيكم يا شباب عاملين اي…
كلهم: بخير يا هندسة…. طمنا عليك
انا: أنا زي الفل يا بشوات… انتو اخدتم فلوسكوا من أحمد ولا لسه
أشرف: كله قبض امبارح وكلمنا أحمد كلنا قولنا له اننا مش هنروح الشغل تاني
انا: دا انتو متفقين ومظبطين كل حاجة بقى
أشرف: قولتلك يا هندسة الناس جايبة اخرها من أحمد ومن طريقته في الكلام معانا من يوم ما انت مشيت
بنت 1 : يا هندسة احنا خلاص مش عايزبن نفضل معاه وعايزين نرجع نشتغل معاك تاني زي الاول
انا: عموما يا شباب أنا خلاص استلمت الكافيه النهارده وانا كنت متفق مع أشرف لو عايزين نتقابل النهارده ونروح سوا الكافيه معنديش مشكلة
أشرف: أنا قولت ليهم يا هندسة وهما موافقين وجاهزين من النهارده كمان وانا هكلم الناس اللي كانت بتسأل عليك واعرفهم انك فتحت الكافيه وهبقى ابعتلهم العنوان بتاعه
انا: خلاص تمام هكلمك المغرب وابعتلك العنوان
أشرف: تمام يا ريس والناس كلها هتتجمع وهنقابلك
انا: تمام يا بشوات… هستناكم في الكافيه
نرمين: دا أشرف اللي كان معاك في الكافيه؟
انا: ايون هو ومعاه باقي الطقم اللي كانوا شغالين معانا وسابوا الكافيه اللي كنت فيه وعايزين يبقوا معايا
نرمين: طب كويس كدا يبقى هتشتغل زي ما كنت عايز وأشرف كويس في الشغل وكمان الناس اللي معاه
انا: هقابلهم بالليل اخدهم معايا الكافيه من النهارده
نرمين: طب مش هتتغدى.!؟
انا: انتي جعانة؟ .. أنا مش عايز اكل خالص
نرمين: أنا مش جعانة بس علشانك انت
انا: بصي خلينا ننام شوية ونصحى نروح الكافيه وبعد كدا هبقى اخدك نتعشى بره
نرمين: تمام جدا… يلا علشان ننام شوية وياريت تظبط منبهك علشان تصحيني معاك ههه
انا: ماشي يا ستي.. يلا تعالي في حضني
دخلنا الاوضة وخدتها في حضتي ونمنا بسرعة جدا… صحيت على الساعة 7 وفوني بيرن كانت كرستين
انا: ايوون يا كرستين
كرستين: انت لسه نايم يا شهاب.. قوم يا عم
انا: انتي فين دلوقتي
كرستين: أنا في البيت بلبس وخلاص خارجة اهو
انا: تمام أنا هقوم البس ونرمين تلبس ونروح على الكافيه
كرستين: خلاص بص هستناك قدام الفيلا تعدي عليا
انا: تمام نص ساعة بالضبط واكون عندك.. سلام
انا: نرمين.. قومي يلا الساعة 7 خلينا نلبس وننزل
نرمين: 7 بجد… طب ربع ساعة واكون جاهزة
قومت أنا ونرمين ظبطنا ولبسنا ونزلنا ركبنا العربية وانا ماشي رنيت على كرستين قولتلها تخرج قدام الفيلا علشان نمشي على طول… وصلت عن كرستين وركبت معانا واتحركنا على الكافيه
كرستين: ايه النوم دا كله يا نونو
نرمين: مش عارفة مالي بقيت بنام كتير اوي
انا: علشان اول مرة تسهري امبارح مع البنات في جسمك تعبك وبقيتي كل ما تقعدي في مكان تنامي على نفسك
نرمين: ممكن صح فعلا اول مرة اسهر كدا امبارح
كرستين: لا اعملي حسابك بعد كدا هتسهري كتير جدا
نرمين: مش متعودة على السهر يا كرستين
كرستين: احنا هنعودك يا قمر
وصلنا الكافيه ونزلنا فتحته والبنات دخلت جوا وانا وقفت برا كلمت أشرف قولتله اني في الكافيه وهبعتلك لوكيشن للمكان وهو يجيب باقي الطقم وييجي قالي انه مع الناس وهييجي على طول دلوقت
قفلت مع أشرف ورنيت على دينا قولتلها تكلم ليلى ونهاد ونسرين وييجوا على الكافيه احنا هناك
رنيت على شيرين لاني كنت واعدها اني اكلمها لما يكون عندي مكان خاص بيا وبعتلها لوكيشن وقالت هتيجي هي وصحابها وهما شلة كبيرة نوعا ما…. طبعا كدا كدا في ناس بتقعد في الكافيه بس مش كتير اوي يعني
دخلت الكافيه والبنات جوا كانوا في المكتب ودخلت قعدت معاهم شوية لحد ما لاقيت أشرف وصل هو والطقم كله وبعد السلامات ومبروك والكلام الجميل كل واحد راح مكانه الطبيعي في الشغل
شوية ولاقيت دينا وصلت ومعاها البنات ودخلوا سلموا والكلام دا… كانت شيرين وصلت هي كمان بصحابها وقابلتهم سلمت عليهم وكانوا فعلا شلة كبيرة وقعدوا ونزل ليهم طلباتهم وكله فل الفل
بعد شوية كمان لاقيت ناس من اللي كانت بتقعد في الكافيه القديم وصلوا وسلمت عليهم وعرفت ان أشرف هو اللي كلمهم بعد ما أنا كلمته وبعتلهم لوكيشن المكان
كل دا في حدود ساعة ونص كان الكافيه فيه ناس كتير منهم ناس من الكافيه القديم وشيرين وصحابها وكمان الناس اللي كانت بتقعد في الكافيه دا وصلوا وطبعا شافوا مقابله اجمد من الاول وبقى عاجبهم النظام جدا من ضمن الناس دي شاب اسمه ياسر
ياسر: لو سمحت
انا: امرني يا باشا
ياسر: عندي سؤال بس… هو مين حضرتك وفين الاستاذ ماهر صاحب الكافيه دا
انا: أنا شهاب صاحب الكافيه الجديد.. استاذ ماهر باع الكافيه وانا اللي اشتريته منه
ياسر: أنا ياسر…. كنت حاسس كدا برضو لان النهارده في اختلاف جامد عن كل يوم حتى في المعاملة
انا: اتمنى يكون الاختلاف ايجابي مش سلبي
ياسر: اطمن حضرتك ايجابي جدا. أنا بقالي فترة صغيرة بقعد هنا وبصراحة اول مرة أبقى متكيف من المعاملة والطريقة وبصراحة اكتر المشاريب والشيش مختلفين تماما عن الفترة اللي فاتت… بجد تسلم دماغك على اختيار الناس اللي شغالة هنا
انا: يا باشا أنا تحت امرك.. انت بس تطلب وانا هتصرف
ياسر: شكرا جدا لذوقك… بس أنا حاسس اني شوفتك قبل كدا بس مش متذكر فين بالضبط
انا: مش واخد بالي للاسف… بس للعلم أنا كنت ماسك الكافيه اللي بعدنا بشارعين هنا.. ممكن نكون اتقابلنا هناك
ياسر: انت صح جدا…. فعلا أنا قعدت هناك مرة وانت موجود بس لما روحت تاني هناك لاقيتك مشيت وبقت المعاملة هناك مش تمام خالص مش زي ما قابلتنا انت فمشينا كلنا من هناك ومبقيناش نروح خالص
انا: يا باشا المكان هنا بتاعك في اي وقت تنورني وعلى فكرة الناس اللي انت بتشكر في مشاريبهم دول اللي كانوا معايا هناك يعني اللي هناك هتلاقي احسن منه هنا
ياسر: يا باشا احنا خلاص مقيمين هنا وهكلم الشلة اعرفهم ان انت بقيت معانا هنا.
انا: تنورنا يا باشا انت وصحابك كلهم في اي وقت
ياسر: تسلم… تشرفت جدا بمعرفتك يا شهاب باشا
انا: حبيبي يا غالي اتفضل يا باشا خد راحتك
خلصت مع ياسر ودخلت على شيرين وصحابها
انا: منورين جدا يا بنات واتمنى يكون المكان عجبكم
شيرين: بصراحة مكان جامد جدا وكمان انت جيبت الطقم اللي كان معاك هناك… حركة ملعوبه يا شهاب ههه
انا: يا ستي لا ملعوبة ولا حاجة… هما الناس زهقوا من المعاملة هناك بعد ما مشيت أنا وعايزين يشتغلوا معايا وكمان أنا حاببهم وحابب شغلهم فقولت يبقوا معايا وكدا كدا عارفين دماغي في الشغل وهنريح بعض
شيرين: الف مبروك بجد المكان تحفة وجميل
انا: تسلمي… لو احتجتم اي حاجة أنا موجود
نور(صاحبة عيد الميلاد اللي كان في الكافيه التاني) : ايه يا هندسة انت مش شايف غير شيرين ولا ايه
انا: يا باشا اللي ميشوفش القمر يبقى اعمى طبعا
نور: يلهوووي عليك أنا اتثبت خلاص هههه
انا: لا مقدرش اثبتك انتي بس اللي استعجلتي كنت لسه هسلم عليكم واحدة واحدة واقولك اسف على عيد ميلادك اللي باظ يومها كان يوم صعب سووري بقى
نور: انت لسه فاكر.. دا أنا قولت انك نسيت اصلا
انا: مقدرش انسى يا باشا الناس اللي بعزهم
نور: تسلم يا شهاب بجد على كلامك الجميل دا
انا: منورين جدا يا بنات عايزكم تاخدوا راحتكم جدا
شيرين: متقلقش هيقوموا دلوقت يتشقلبوا في الكافيه كله هيبوظوه ههههه
انا: براحتهم طبعا المكان بتاعهم ويعملوا اللي يحبوه
مشيت من عند شيرين وصحابها دخلت المكتب للبنات
كرستين: ايه يا شهاب الاخبار بره
انا: كله تمام جدا والكافيه مليان ناس ومبسوطين من المعاملة والطريقة وكله فل
نرمين: كويس جدا دي بداية جميلة
كرستين: مكنتش متوقعه كدا بصراحة.. أنا قولت اول يوم محدش هييجي كتير لحد ما الناس تعرف الكافيه
انا: أنا اتصلت ب ناس كانت في الكافيه القديم وكمان أشرف اتصل بناس كانت بتكلمه دايما تسأل عني وكمان في ناس كانت بتقعد هنا قبل ما نشتري الكافيه وعاجبهم النظام دلوقت اكتر
دينا: مبروك عليكم… احنا لازم نحتفل بقى بالنجاح دا
انا: هنحتفل يسطى…. كمان اسبوع هنسافر مطروح زي ما كنا متفقين والسفرية دي كلها عليا بمناسبة الكافيه ومش عايز اعتراض من حد
نرمين: محدش يقدر يعترض على كلامك يا حبيبي
انا: يبقى كدا كله موافق ومتفقين
كلهم: موافقين طبعا
عند أحمد في الكافيه
وصل أحمد قدام الكافيه وكان الطقم بتاع الصبح اللي شغال لسه لان أشرف وطقم الليل كله شغالين عندي أنا في الكافيه… أحمد واقف مش طايق نفسه لان مفيش حد يشتغل في شيفت الليل عنده وطبعا الناس اللي كانت شغالة الصبح مش هتقدر تكمل اليوم كله شغل خصوصا ان بالليل بيبقى في شغل كتير ومش هيقدروا يسهروا لحد الصبح شغالين وعمالين يتكلموا معاه يجيب حد يشتغل لانهم تعبانين ومش هيقدروا يكملوا باقي اليوم شغل صعب جدا عليهم شغل 24 ساعة وأحمد بيزعق معاهم بدل ما يكسبهم بالكلام
نرجع عندي في الكافيه
الساعة وصلت ل 11 بالليل والكافيه شغال تمام… ناس تمشي وناس تانية تيجي واللي يتصل بالشلة بتاعته تيجي الكافيه يسهروا وكله متكيف من الاسلوب والمعاملة الحلوة
دخلت المكتب للبنات جوا
انا: بقولكوا ايه يا بنات.. انتو هتفضلوا قاعدين هنا
كرستين: هنروح فين يا شهاب
انا: اخرجوا اتعشوا برة ولا اتمشوا شوية بدل ما انتو قاعدين هنا مبتعملوش اي حاجة وباين عليكو الملل
دينا: انت بتوزعنا ولا ايه يا عم شهاب
انا: تصدقي أنا غلطان ليكو… أنا اصلا واعد نرمين اني هاخدها اعشيها برة ومكنتش عايز اسيبكم هنا لوحدكم.. بس أنا غلطان اصلا…. يلا بينا يا نرمين نخرج نتعشى احنا وانتو خليكو هنا
كرستين: استنى بس يا شهاب انت عصبي لي دي دينا بتهزر بس مش اكتر… يلا بينا نتعشى كلنا
انا: لا انسووا خالص.. أنا هخرج أنا ونرمين بس
نرمين: معلش يا شهاب علشان خاطري خليهم ييجوا معانا
انا: خدي بالك يا نرمين ان انتي اللي بتخليهم يعملوا كدا
كرستين: نعمل ايه بس يا شهاب
انا: بتعملوا المصيبة وانتو عارفين ان نرمين هتتكلم ليكو وتخليني اسكت عليكو بدل ما افشخكم
دينا: ايون يا عم نرمين هي ضهرنا بقى
انا: اتفضلي يا ستي وكمان بتبجح اهو
نرمين: أنا غلطانة اني بدافع عنكو بقى… سوري يا كرستين بقى أنا مليش دعوة واللي شهاب هيقوله هعمله من غير كلام علشان خاطر الجزمة دي تسكت شوية
كرستين: يا بنتي انتي اسكتي بقى انتي لازم تخليه يفقش علينا… عاجبك يعني نفضل قاعدين هنا
دينا: لا لا دا أنا بهزر معاك يا هندسة
انا: وحياة امك… بقيتي بتهزري دلوقت
نهاد: خلاص بقى يا شهاب دا احنا بنحبك
انا: خليها تتأسف الاول وافكر بقى براحتي
دينا: يا سيدي أنا اسفة ليك وهسكت خالص اهو
انا: كدا شاطره… تمام مفيش مشكلة تخرجوا معانا بس لو قولتي كلمه مش عجباني برة هسيبكم كلكم هناك وامشي أنا ونرمين لوحدنا ومعرفكوش
كرستين: هنتعشى في صمت خلاص
ناديت على أشرف قولتله هروح مشوار صغير وهاجي على طول مش هتأخر وهو يتابع الجو في الكافيه
مشيت أنا والبنات روحنا مطعم نتعشى لاني كنت جعان اصلا وقعدنا اتعشينا كلنا وكله تمام
كرستين: صحيح يا شهاب هو انت اتفقت على مرتبات للناس اللي شغالة معاك ولا ايه بالضبط
انا: بصي اللي اعرفه ان الكل بياخد 3000 فأنا عايز ارفعهم شوية لان زي ما انتي شايفة الدنيا غالية
دينا: بس مترفعش مرتبهم اوي علشان ميطمعوش
انا: يا دينا لما ارفعهم من نفسي كدا ويكون مرتب كويس مش هيفكروا يطلبوا اكتر
نرمين: شهاب عنده حق لانهم هيشوفوه انه واخد باله منهم وحاسس بيهم وقتها صعب ان حد يتكلم في فلوس
كرستين: طب انت في بالك يبقى المرتب كام
انا: اقترحوا عليا كدا مرتب كويس
دينا: أنا شايفة 3500 كويس جدا
نهاد ونسرين وليلى: الرقم اللي قالته دينا حلو
انا: وانتي يا كرستين شايفة يبقى كام
كرستين: بصراحة أنا معرفش في قصة المرتبات دي في مش عارفة احدد رقم ممكن يكون عالي وممكن يكون قليل في مش عارفة بجد بص حدد انت رقم كويس
انا: وانتي يا نرمين شايفة اي؟
نرمين: بص يا شهاب الناس دي عندها استعداد تشتغل ليل ونهار علشان توفر مبلغ كويس تعيش منه هي واسرتهم ومممن كمان يشتغلوا اكتر من شغلانة علشان يقدروا يمشوا بيتهم واسرهم فأنا شايفه ان 4000 مرتب كويس وهيبسطهم ومش هيخليهم يتكلموا في رفع مرتبات
انا: انتي صح يا نرمين أنا كنت ناوي على 4000 بردو خصوصا ان أشرف والناس اللي معاه دي شرياني وضحوا بشغلهم القديم علشان يبقوا معايا وكانوا دايما بيسألوا عليا وفوق كل دا ان الدنيا تمام وطالما الدنيا معايا تمام يبقى لازم اخلي الدنيا تمام مع الناس بتاعتي
دينا: كلامك كويس يا شهاب بس هتزود 1000 جنيه مرة واحدة كدا… مبلغ مش شوية بردو
انا: يا دينا الناس دي محتاجة الجنيه وكل جنيه واحد بيفرق معاهم… معلش يا دينا انتي من اسره مرتاحة ماديا كويس جدا ومش هتفهمي الكلام اللي هقوله كويس…. انتي على سبيل المثال عايشة في فيلا وبتصرفي براحتك ومعاكي عربية بتتحركي بيها في اي وقت وأي مكان واي حاجة بتحتاجيها بتبقى عندك في لحظة… لكن في ناس من دول بيدفعوا فلوس سكن ايجار وفاتورة مياه وكهرباء كمان وفوق كل دا مصاريف بيتهم واولادهم والمدارس والدروس ولو حد منهم تعب محتاج دكتور وعلاج.. شوفي انتي بقى المرتب بتاعهم بيتقسم على كام حاجة…. يا دينا في ناس بتشتغل اكتر من شغلانة علشان يقدروا يكفوا بيتهم من المصاريف
ليلى: كلامك صح جدا يا شهاب وانا متفقة معاك فيه
انا: يا ليلى أنا واحد من الناس دي وعيشت بالطريقة دي وحاسس ازاي الواحد بيطلع عين اهله علشان بس يوفر جنيه واحد تحسبآ لأي وقت زنقه او موقف مفاجئ يحصل
كرستين: كلامك عجبني جدا يا شهاب وانا معاك فيه وكويس المبلغ اللي انت قولت عليه
انا: الموضوع في دماغي من بدري وكنت واخد قرار فيه بس حبيت اشارك معاكم القرار دا واسمع وجهة نظركم
نرمين: خلاص يبقى المرتب دا كويس يا شهاب
انا: على البركة… مش يلا بقى نمشي ولا ايه… الساعة بقت 1 بقالنا ساعتين قاعدين هنا وأشرف تلاقيه تايه في الكافيه لوحده
نرمين: تمام يلا بينا نمشي حلو كدا
انا: هترجعوا الكافيه ولا هتروحوا على فين
كرستين: ايه رأيكم نروح الفيلا عندي نكمل السهرة هناك براحتنا ولما شهاب يخلص يبقى ييجي هناك
دينا: أنا شخصيا معنديش مشكلة وممكن ابات معاكي كمان.. كدا كدا أنا صايعة ههه
انا: دا معروف عنك من زمان يا صايعة… ايه رايك يا نرمين هتروحي معاهم ولا تحبي اوصلك الشقة
نرمين: اي حاجة عادي… بس أنا لسه صاحية حتى لو روحت الشقة مش هعرف انام في هروح مع البنات لحد انت ما تخلص وتبقى تيجي تاخدني نروح سوا
انا: خلاص مفيش مشكلة يلا تعالي اركبي اوصلك للفيلا واروح أنا للكافيه ولما اخلص هجيلك
نهاد: طب يا بنات احنا هنروح بقى علشان ننام لان الاجازة بتاعتي أنا ونسرين خلصت وهنبدأ شغل من بكره ونبقى نتقابل بالليل بقى بعد ما نخلص شغلنا
انا: خلاص يا دينا وصلي نهاد ونسرين وانا هاخد نرمين وكرستين وليلى معايا اوصلهم وأبقى تعالي انتي ليهم
ليلى: أنا همشي أنا كمان لاني عايزة انام جدا
انا: هو النوم ماله كبس عليكم فجأة ليه كدا… عموما كلكم بكره تتجمعوا في الكافيه بالليل
نهاد: احنا بنخلص شغل العصر يدوب نتغدى ونريح شوية وهنييجي الكافيه على طول
انا: طب تمام.. وانتي يا ليلى ايه ظروفك؟
ليلى: أنا بخلص شغل بردو بعد العصر بشوية هظبط نفسي وهبقى في الكافيه بالليل زي النهارده كدا
انا: خلاص تمام جدا…. وصليهم انتي يا دينا وأبقى روحي على الفيلا ل نرمين وكرستين
دينا: تمام يلا يا بنات
خرجنا من المطعم ركبت أنا ونرمين وكرستين اوصلهم الفيلا والباقي ركب مع دينا… وصلت الفيلا نزلتهم ودخلت معاهم لجوا وبعدين خرجت ركبت العربية علشان اروح الكافيه لاقيت فوني بيرن
انا: يااه نونو لسه فكراني
نونو: من يوم المشكلة وانت اللي نسيتني
انا: مش ناسي بس كنت بخلص في كافيه جديد لحسابي وكنت مشغول شوية في الترتيبات بتاعته
نونو: بجد.!! بقى عندك كافيه خاص بيك
انا: ايون يا باشا ومستنيكي تنوري في اي وقت
نونو: لا انت تبعتلي اللوكيشن دلوقت حالا هلبس واجيلك أنا كدا كدا قاعدة لوحدي زهقانة
انا: تمام.. هبعتهولك دلوقت وهستناكي هناك
نونو: ابعته على ما البس ومش هتأخر عليك
انا: اوكي.. سلام
قفلت معاها وبعتلها لوكيشن المكان ومشيت بالعربية وصلت الكافيه دخلت لاقيت الناس لسه موجودة وناس جديدة موجودة بردو والدنيا تمام جدا
انا: ايه الاخبار يا أشرف
أشرف: كله تمام يا ريس والناس متكيفة على الاخر
انا: تمام جدا يا رايق… وشكم حلو على الكافيه
أشرف: حبيبي يا هندسة.. الناس بس من وقت ما عرفت ان الكافيه دا بتاعك وكل شوية حد ييجي من بتوع الكافيه التاني وتقريبا كدا أحمد قافل النهارده لان في عدد كبير من اللي كانوا بيقعدوا هناك موجودين ولما شافوا الطقم كله هنا وعرفوا ان الكافيه بتاعك قالوا انهم هييجوا هنا على طول ويسيبوا الكافيه التاني خلاص
انا: وأحمد قافل النهارده لي!! اكيد مش لاقي ناس تشتغل وطبيعي بتوع الصبح مش هيقدروا يكملوا شغل بالليل كمان.. 24 ساعة شغل كتير بردو
أشرف: دا بنسبة كبيرة كلامك صح
انا: يتعامل بدماغه بقى.. بس اكيد زعق معاهم لانه هو اصلا غشيم ومبيعرفش يحتوي ايه موقف
أشرف: ابن حلال ويستاهل يا ريس ههه
انا: روح يا عم شوف شغلك متشيلناش ذنوب ههه
أشرف: أنا بقول كدا بردو هههه
انا: انصررف يا ابني انت هههه… بص في واحدة هتيجي دلوقت تسأل عليا اول ما تقابلها دخلها المكتب عندي
أشرف: تمام يا مدير
انا: استنى يا أشرف…. هو مين اللي بينزل طلبات
أشرف: معايا بنت وشاب بينزلوا وبنتين على البوفيه وشاب على الشيشة.. احنا كلنا 6 شغالين
انا: تمام يا معلم… هو في حد فيكم متجوز
أشرف: أنا واللي شغال على الشيشة اللي متجوزين
انا: ايه دا انت متجوز بجد ولا بتحور على اهلي
أشرف: هحور لي بس… متجوز بقالي سنتين اهو ومعايا بنت وفي ولد جاي في الطريق كمان
انا: كمان… دا انت مش راحم نفسك ههه
أشرف: الوليه عايزة تخلف اعملها اي
انا: اسمها وليه..!؟ امشي ياض من هنا ههه
أشرف: هو انت متجوز يا هندسة؟
انا: ايون يا عم متجوز.. امال نرمين اللي دايما معايا دي اي… بفسحها شوية وخلاص؟
أشرف: مكنتش اعرف انها مراتك لمؤاخذه هههه
انا: اديك عرفت يا ناصح… بس احب اقولك ارحم نفسك شوية من النسوان هتمووت فوق واحدة منهم
أشرف: ما هما اللي بيشدوني للرذيله اعمل اي
انا: بس مش كدا يعني دا أنا اعرف عنك بلاوي
أشرف: تعرف ايه بالضبط يا هندسة
انا: ياض هو أنا داقق عصافير على قفايا ولا حاجة…. قولي اخبار البنت بتاعة عيد الميلاد اي؟؟
أشرف: احييه طب هروح اشوف شغلي انا
انا: هههههههه اتكل يلا يا ناصح
خلصت فقرة الاراجوز دي مع أشرف وروحت على البوفيه اشوف البنات اللي شغالة
انا: عاملين ايه يا بنات ايه الاخبار
بنت 1 : كله تمام يا هندسة وشكرا جدا انك قبلتنا معاك في الكافيه الجديد
انا: شكرا ايه يا بنتي.. أنا مكلم أشرف عليكم من بدري اصلا وكدا كدا كان معمول حسابكم معايا
شاب الشيشة: بصراحة يا هندسة احنا كنا خلاص جيبنا اخرنا من أحمد وعايزين نمشي بأي طريقة
انا: لي بس هو كان بيعمل ايه معاكم
شاب الشيشة: من يوم ما انت مشيت وهو بيتعامل معانا احنا بالذات وحش لاننا كنا معاك والدنيا تمام ولما هو مسكنا بقى يتكلم بطريقة مش حلوة محدش فينا كان قابل كلامه وكنا بنعمل معاه مشاكل كتير بسبب اسلوبه وتناكته وهو فاهم اننا بنعمل معاه كدا بسبب انك مشيت
انا: ما علينا يا شباب المهم تكونوا مبسوطين هنا
بنت 2 : بصراحة يا هندسة الواحد شغال النهارده وهو مبسوط وبيطلع ابداعاته في المشاريب هههه
انا: حصل جدا لان كذا حد بيشكر في المشاريب النهارده وكمان الشيش عاجبة الناس جدا… بصوا يا شباب انتو هنا في مكانكم يعني طلعوا كل اللي عندكم براحتكم ليكو مطلق الحرية وانتو عارفين أنا بحبكم وبعزكم جدا
بنت 1 : القلوب عند بعضها يا هندسة واحنا كمان بنحبك وبنحب الشغل معاك وكفاية المعاملة بتاعتك معانا لوحدها دي حاجة متتوصفش
انا: تمام يا بشوات..بعد اذنك عايز قهوة بس تقيلة بن
بنت 1 : من عينيا ثواني واعملهالك
انا: شكرا جدا… اسيبكم بقى لشغلكم
دخلت المكتب عندي قعدت بشرب سيجارة والقهوة وبعد شوية لاقيت الباب بيخبط وأشرف دخل قالي ان حد بيسأل عليا… دخلت نونو وأشرف مشي وقفل الباب لاقيت اللي بتترمي عليا وبتبوس فيا
انا: اهدي يا نونو يخربيتك مينفعش كدا
نونو: اصل انت مبتحسش ومش عارف أنا مشتاقه ليك قد ايه وانت ولا بتسأل حتى
انا: يا ستي قولتلك غصب عني كنت مشغول في الكافيه والترتيبات بتاعته يعني مش بمزاجي
نونو: ماشي يا شهاب انت خلاص بقيت صاحب ملك ومحدش يقدر يكلمك يا عم ههه
انا: لا طبعا يا نونو.. شهاب زي ما هو مبيتغيرش
نونو: كله هيبان مع الوقت يا سي شهاب
انا: المهم انتي اخبارك ايه
نونو: اهو عايشة مع الفراغ والملل
انا: امال صاحبتك فين؟؟
نونو: لو تقصد نوال فهي خلاص مبقيناش زي الاول ومبقيتش بشوفها كتير لانها خلاص عيارها فلت وبقت كل يوم في حضن واحد شكل ما انت عملت ليها معروف وانت مش واخد بالك يا معلم ههه
انا: معروف ازاي يعني مش فاهم
نونو: اليوم اللي بنتها شافتك معاها وانت اتخانقت معاهم ومشيت… هي وبنتها فضلوا يزعقوا مع بعض بسبب اللي بنتها قالته ليك.. وطبعا خلاص صورة الام باظت قصاد بنتها وحصل بينهم مشاكل وبقى كل واحد في البيت دا بيعمل اللي يعجبه ومش فارق معاه حد… حتى بنتها الكبيرة طلعت مش بنت وبتنام مع شباب والموضوع بقى واسع اوي يا شهاب.. بصراحة أنا قولت ابعد عنها واحدة واحدة احسن ما اسمي يظهر في ايه مصيبة من المصايب اللي بقت هي بتعملها كتير
انا: بصي من بدري وانا عارف ان نوال دي شمال جدا وحتي لما قالتلي انها هتسيب كل الرجالة علشان خاطري أنا بس… أنا وقتها مكنتش مصدقها ومكنش ينفع اصلا اخليها تعمل كدا واربط نفسي بيها ولا اخليها تربط نفسها بيا… عموما أنا ما صدقت الحوار دا يحصل علشان اخلع منها ومن بنتها لان بنتها كانت من بدري عايزة انام معاها بس أنا اللي كنت عامل عبيط وبخلع كل مره
نونو: بص أنا مبقيتش بحب افتح سيرتها
انا: عندك حق ياريت نقفل على الموضوع دا.. وياريت حتى لو قابلتيها او اتكلمتي معاها متعرفيهاش بالكافيه دا ولا تفتحي معاها ايه كلام يخصني
نونو: متقلقش أنا ناوية اعمل كدا اصلا
انا: تمام جدا….. المهم تشربي ايه يا باشا
نونو: لو عصير فراولة فريش يبقى تمام
ناديت على أشرف قولتله على العصير وخرج
نونو: قولي بقى انت فتحت الكافيه دا من امتى
انا: الكافيه دا موجود هنا من بدري.. أنا بس اشتريته من صاحبه لما عرفت انه عايز يبيعه واهي الدنيا مشيت
نونو: المكان جميل جدا وكمان الاستايل هنا حلو
انا: كنت بفكر اعمل فيه شوية تعديلات بس قولت استنى شوية لما الدنيا تظبط اكتر وأبقى رايق
نونو: هو مبدئيا حلو والديكورات فيه مش وحشة…. صحيح أنا شايفة أشرف دا اللي كان شغال في الكافيه التاني… بقى معاك هنا وساب هناك ولا شغال في الاتنين
انا: ههه لا شغال معايا بس وساب الكافيه التاني ومش هو بس.. دا الطقم اللي كان شغال معايا هناك كله بقوا شغالين هنا معايا لان صاحب الكافيه بقى رخم معاهم
نونو: شكلهم محترمين اصلا واسلوبهم حلو
انا: جدا جدا وانا عامل حسابهم معايا من قبل ما اخد الكافيه دا لان أحمد صاحب الكافيه كان مرخم عليهم جامد من يوم ما أنا مشيت وسيبته
نونو: عموما الف مبروك الكافيه ويزيدك كمان
انا: تسلمي يا قمر بجد… بنتك عاملة اي
نونو: كويسة وبخير وخلاص هانت اهي كم شهر وتنزل تعيش معايا هنا بدل ما أنا لوحدي
انا: ايون بقى يا عم وهتنسي كل الناس هههه
نونو: لا مش كلهم كلهم يعني هههه
انا: بصي اهم حاجة تكوني مرتاحة ومبسوطة وطز في ايه حد يا نونو… اللي يمشي ورا الناس يتووه… لو راحتك وسعادتك مبنيه على انك تنسي الناس في نصيحة مني انسيهم ولا كأنك شايفاهم وعيشي مع بنتك مبسوطة
نونو: عندك حق بجد وانا بقيت بفكر في كدا المهم عندي بنتي وتكون مبسوطة بردو وطز في ايه حد
انا: كدا انتي صح جدا..استغلي كل دقيقة مع بنتك انكم تبقوا مرتاحين مبسوطين وافتكري انها ملهاش غيرك وانتي ملكيش غيرها
نونو: هعمل كدا فعلا
فضلت ارغي مع نونو لحد الساعة ما وصلت ل 4 الفجر
نونو: يا نهار ابيض الساعة بقت 4 ازاي
انا: ايه دا بتتكلمي جد!!
نونو: الوقت جري معاك يا شهاب بسرعة… بعيدآ عن اللي حصل بينا بس بحب اتكلم معاك حدا وبحسك عقلك اكبر من سنك بكتير وفاهم الدنيا كويس جدا
انا: لاني اتبهدلت في الدنيا كتير يا نونو… واللي الدنيا بتيجي عليه بيتعلم كتير وبيدخل ايه موقف او كلام بيعرف يسد فيه.. تعليم الدنيا اهم من تعليم المدارس والجامعات يا نونو… الدنيا بتعلم عليك قبل ما تعلمك
نونو: بقيت بتعلم منك حاجات كتير يا شهاب
انا: كلنا بنتعلم من بعض يا نونو
نونو: طب استأذن أنا بقى علشان مش عايزة اعطلك اكتر من كدا وكمان عايزة اكلم بنتي شوية قبل ما انام
انا: مش معطلاني ولا حاجة يا نونو.. بس طالما مستنيه مكالمة من بنتك يبقى تمام بس لازم تيجي تاني
نونو: متقلقش أنا عرفت المكان خلاص هتلاقيني كل يوم عندك بس انت متزهقش مني ههه
انا: انتي عارفة اني مش هزهق.. وهستنى لما بنتك تنزل مصر تبقى تجيبيها معاكي بردو اشوفها
نونو: دا اكيد طبعا لازم اجيبها هنا
انا: نورتيني يا نونو بجد وكان ليكي واحشه جامدة
نونو: تسلملي يا شهاب كلك ذوق بجد
خرجت مع نونو وصلتها لحد عربيتها وركبت هي ومشيت وانا دخلت الكافيه تاني لاقيت ان الناس بدأت تقل شوية والشباب بتظبط في الكافيه نظافة وكدا
ناديت على أشرف وجالي
انا: انت ماشي بنفس النظام القديم ولا لا
أشرف: لا طبعا نفس شغلنا هناك ممشيه هنا وكل ترابيزة بيطلع ليها شيك مخصوص بيها
انا: طب أنا عايزك بردو تعمل دفتر شهري للحساب وتسجل فيه كل حاجة لان معايا شريك في الكافيه مش لوحدي فيه وطبعا لازم اخر كل شهر نتحاسب
أشرف: متقلقش يا هندسة أنا معايا كل شيكات الحساب اللي خرجت النهارده وهسجلها في دفتر كل يوم بتاريخه وبعد كدا هعمل لكل يوم ظرف فيه كل حساب اليوم بالشيكات بتاعته ومكتوب عليه تاريخ اليوم من برة علشان لو حبيت تراجع ايه يوم يبقى معاك الدفتر بالحساب والظرف بتاع اليوم بالشيكات وتقارنهم ببعض
انا: عجباني دماغك فشخ يا أشرف
أشرف: دا تعليمك يا هندسة انت صاحب الفكرة دي من ايام الكافيه التاني وهو دا الصح كمان
انا: طب علشان بس الناس تبقى عارفة.. الشيفت التاني هييجي الساعة 8 الصبح يستلم منكم وفي واحد اسمه حسام دا كان شغال هنا قبل ما اخد الكافيه ودا اللي هيبقى ماسك الشيفت التاني زيك كدا… انت بقى اتعامل معاه وفهمه الكلام دا علشان الشغل يبقى واحد
أشرف: سهلة وبسيطة الصبح اول ما ييجي هفهمه يعمل ايه بالضبط علشان الدنيا تبقى مترتبة
انا: هي مرتباتكم كانت وصلت لكام مع أحمد؟
أشرف: زي ما هي مفيش جديد من اخر مرة انت رفعت مرتبنا ووقف على 3000 جنيه
انا: كنت متأكد بردو ان أحمد مزودش حاجة
أشرف: أحمد مكنش هيزود اصلا لولا انت اللي اتكلمت يا هندسة… أحمد لو شافنا فلوس هياخدنا
انا: عموما سيبها بس بظروفها ومتقلقش كله هيبقى فل
أشرف: هندسة احنا جايين نشتغل معاك حبآ فيك مش علشان فلوس ولا ايه حاجة وانت عارف كدا كويس
انا: عارف ومتأكد بس بردو انت مش هتأكل بيتك وعيالك حب… لازم كل واحد ياخد حقه ويكون مكفيه
أشرف: صدقني يا هندسة مش هتفرق كتير
انا: عموما الكلام اللي هقوله دا ليك انت بس وميطلعش لحد تاني… أنا متفق مع شريكي ان مرتبكم 4000 في الشهر… قولي وجهة نظرك كدا حلو ولا
أشرف: دا حلو جدا جدا يا هندسة… الناس ممكن تموت فيها من الانبساط والفرحة هههه
انا: عليا الطماطم انت عيل فقري هههه
أشرف: بجد يا هندسة أنا شخصيا مش عارف اقولك ايه على اللي بتعمله معانا دا.. كتير جامد
انا: بس ياض يا فقري انت ههه… قولي بقى ايه رايك في شغل الكافيه النهارده
أشرف: بصراحة مكنتش متوقع العدد دا ييجي اول يوم للكافيه… يعني كويس جدا جدا وكمان لما أحمد قفل الكافيه النهارده جات في مصلحتنا الناس جات هنا تقضي اليوم وعرفوا ان الكافيه بتاعك ومش هيسيبوه تاني
انا: ماشي يا عم.. هاتلي بقى الشيكات اللي معاك دي أنا هسجلها في الدفتر اللي جوا لحد ما نعمل واحد جديد وانت بقى تابع الرجالة هنا لحد ما الشيفت التاني يوصل
خدت الشيكات من أشرف ودخلت المكتب سجلتهم وكله تمام كانت الساعة بقت 8 ونص الصبح دا كله وانا في المكتب… كان حسام وصل ومعاه كل الطقم اللي كان في الكافيه.. وقفت معاهم شوية واتعرفت على الناس وكله تمام وأشرف فهم حسام على النظام والشيكات وكدا… كان شيفت الليل بيسلم للشيفت التاني وكله استلم
انا: طب يا حسام انت كدا استلمت وكله تمام
حسام: تمام يا هندسة كله زي الفل وأشرف فهمني كل حاجة والشيكات هتتسجل ازاي وهعينها لحد ما هو ييجي يلم شيكات اليوم كله مع بعض ويتصرف فيهم
انا: تمام جدا…. همشي أنا علشان اريح شوية وهجيلك على العصر او بعده بشوية ولو في حاجة كلمني على طول
حسام: تمام يا هندسة..
انا: يلا يا أشرف ولا لسه قدامكم كتير
أشرف: خلاص يا ريس باقي الناس بيغيروا هدومهم وخارجين اهو هنمشي مع بعض
انا: طب تعالي عايزك شوية
خرجت ركبت العربية وأشرف ركب معايا
أشرف: خير يا هندسة
انا: انتو الطقم كله 6 شغالين صح… امسك دول 1200 جنيه كل واحد منكم 200 حلاوة اول يوم شغل للكافيه
أشرف: طب لي يا هندسة ما انت عارف ان في دخان بيطلع من الزباين وقت الحساب وزي ما اتفقنا قبل كدا بنلمه ونوزعه علينا اخر اليوم والنهارده طلع لينا مبلغ
انا: (قطعت كلام أشرف) مش عايز اعرف طلع ليكو كام… الدخان بتاع اليوم حاجة ودول حاجة تانية.. دول مني ليكو حلاوة اول يوم للكافيه انما الدخان دا بتاعكم انتو تتصرفوا فيه.. امسك ام الفلوس مش ناقص وجع دماغ
أشرف: تمام يا هندسة.. تسلم يا باشا بجد
انا: يلا انزل يا عم خلينا امشي ههه
أشرف: ههههه ماشي يا باشا.. تصبح على خير
انا: حبيبي وانت من اهل الخير… سلام
مشيت بالعربية وصلت للفيلا عند كرستين ودخلت لاقيتهم لسه صاحيين قدام التلفزيون
انا: ازيكم يا بنات
كرستين: بخير يا شهاب.. طمني على الشغل
انا: كله تمام جدا والكافيه ماشي عال العال
كرستين: طب كويس بداية مبشرة جدا
انا: يلا يا نرمين بقى ولا ايه
نرمين: يلا يا حبيبي أنا لابسه من الساعة 7 ومستنيه انك تيجي بس اتأخرت شوية
انا: سوري كنت لازم اقعد استنى الشيفت بتاع النهار علشان افهمه على النظام بتاعي في الشغل
نرمين: تمام يا حبي.. يلا بينا
انا: تصبحوا على خير يا بنات اشوفكم بالليل
كرستين&دينا: وانت من اهله يا شهاب.. باي
مشيت أنا ونرمين بالعربية بس مش طريق الشقة
انا: نرمين انتي معاكي بطاقتك؟
نرمين: ايون معايا دايما …. ليه؟
انا: شكلك نسيتي اني هتجوزك… هنروح للمأذون دلوقت
نرمين: هنتجوز ازاي من غير شهود يا شهاب
انا: متقلقيش أنا مكلم المأذون وقايل له اني هجيله على 9 الصبح ويحضر هو الشهود علشان نخلص بسرعة
نرمين: دا انت مظبط كل حاجة بقى
انا: اكيد طبعا يا قمرايه
وصلنا للمأذون ولاقيته محضر الشهود ناس تبعه ودخلنا كتبنا الكتاب وكله تمام.. نرمين بقت مراتي رسمي خلاص…. ركبنا العربية وروحنا على الشقة
انا: ألف مبروك يا عروسة يا بطل انتي هههه بصراحة بقى نفسي اعمل دخله دلوقت حالا
نرمين: حرام عليك بجد يا شهاب أنا مش قادرة من امبارح.. انت مفتري بجد وخليتي مش عارفة اتحرك بسبب اللي عملته فيا والبنات خدوا بالهم وطول الليل عمالين يقولولي شهاب شكله تقيل عليكي والكلام قليل الادب بتاعهم دا خلاني مكسوفة
انا: يا ولاد الوسخة… طب مقولتيش ليا لي وانا كنت فشختهم شوية الاوساخ دول
نرمين: لا هما كانوا بيهزروا بس انت عارف أنا مبعرفش اهزر في الكلام دا وهما بصراحة بجحين اوي ههه
انا: ما أنا عارفهم دول تربية وسخة هههه… ولا يهمك يا قمر أنا كدا كدا مش قادر اتحرك اصلا هموووت وانام
نرمين: خلاص تعال ننام وبكره يا عم اعمل كل اللي انت عايزو ومش هقولك لا خالص على اي حاجة
انا: وانتي من امتى بتقولي لا يا حب… أنا بس كنت بنكشك ههه أنا اصلا تعبان جدا بس قدامك صحتي بترجع تاني ليا هههه
نهاية الحلقة الرابعة
