كافيه المتعة | الجزء الثّالث – الحلقة العاشرة والأخيرة

انا: بصي في مشروع في دماغي تاني بس لسه شوية عليه اول ما اظبط نفسي هعمله واخليكي انتي ونسرين تمسكوه وتبقوا شغالين براحتكم ومعايا
نهاد: دا انت تبقى رحمتنا بجد
انا: محتاج بس شوية وقت علشان افوق من اللي أنا فيه وهعمل المشروع دا وانتو معايا فيه…
نهاد: بص احنا معاك في اي حاجة مريحة شوية عن اللي احنا فيه دا ونصحى براحتنا هههه
انا: دي اهم حاجة دي انكم تصحوا براحتكم ههه…. عموما هو مشروع كويس وشغله بيبقى بالليل مش الصبح
نهاد: من غير ما اعرف هو اي.. أنا معاك
نسرين: وانا كمان يا شهاب
انا: اشطا جدا… وقتها هبقى اعرفكم ومش هيطول متقلقوش بالكتير اووي شهر

قعدت شوية معاهم ودخلت المكتب وأشرف جالي معاه القهوة…

انا: كلمت الناس ولا نسيت كالعادة
أشرف: لا لا كلمتهم وعرفتهم ان السفر يوم الاربع
انا: طيب كدا تمام اوووي… جهز نفسك بقى انت كمان لانك هتسافر معايا وبعدين هبقى ابعت عربية لمراتك وولادك تجيبهم بس بعد الافتتاح بقى
أشرف: طب ما اخدهم معايا وخلاص يا ريس اهو يحضروا معايا الافتتاح ويبقوا جنبي
انا: انت متعب يا أشرف بس تمام… يبقى تتصل بالناس تاني تعرفهم انكوا هتسافروا يوم الثلاثاء وانا هخلي امير يقابلك هناك يوصلكوا للشقق… ال 3 شقق في عمارة واحدة قريبة من الكافيه
أشرف: مأجر 3 شقق لي يا هندسة.. كتير
انا: لا مش كتير علشان يبقى كل شيفت له شقة لوحده وبالنسبة ليك مأجر شقة ليك لوحدك انت واولادك
أشرف: بس دي تكلفة عالية اوي يا هندسة عليك واحنا لسه منعرفش ظروف المول دا وهيبقى شغال ولا ضعيف
انا: ملكش فيه يا عم أنا بحب الخسارة
أشرف: اذا كان كدا يبقى مليش دعوة بقى
انا: اتصل بالناس يا أشرف دلوقت علشان متنساش
أشرف: حاضر هخرج على طول دلوقت اكلمهم
انا: تمام.. روح انت بقى ظبط الدنيا

خرج أشرف وانا طلعت فوني رنيت على نوال ام نرمين

انا: ايه الاخبار يا قمر.. والبنات فين
نوال: بخير يا شهاب.. البنات موجودين اهم
انا: طب اعملوا حسابكم بعد بكره تكونوا مظبطين حاجتكم علشان هتنقلوا في الشقة اللي قصادي في العمارة أنا كلمت صاحبها خلاص واتفقت معاه هيجيب حد ينضفها بكره والمفتاح هيبقى معايا بكره بالليل ولو عايزين تنقلوا بالليل تمام مفيش مشكلة اجهزوا انتو بس
نوال: انت لسه مصمم يا شهاب
انا: خلاص يا نوال بلاش تيجي انتي بس ابعتي البنات هما هيعيشوا معانا هنا وخليكي عندك
نوال: بقى كدا يا شهاب مش عايزني اجي
انا: لا بقى انتي بتقلبي الغلط عليا لي..!؟ انتي اللي مش عايزة تيجي وكل شوية تتكلمي في الحوار بالرغم اننا اتفقنا على حل يرضي كل الاطراف
نوال: يا شهاب كدا المصاريف كتير عليك
انا: يا ستي هو أنا اشتكيت ليكي من المصاريف… وبعدين اطلبي انتي وملكيش دعوة ووقت ما اشتكي ابقي اضربيني بالجزمة
نوال: لا مينفعش اللي بتقوله دا بس بقى
انا: يا نوال الفلوس كتير متقلقيش وبعدين انتي لازم تتعوضي انتي والبنات على العيشه بتاعة زمان دي
نوال: يباركلك يا شهاب… نرمين فين
انا: قاعدة برة في الكافيه مع بنات صحابها.. بقولك ايه يا نوال… اجهزي دلوقت انتي والبنات على ما اوصل عندكم
نوال: هنروح فين يا شهاب
انا: اجهزي يلا يا نوال ولما اجي هتعرفي..
نوال: طيب على ما توصل هنكون لبسنا
انا: تمام… أنا هخرج اجيلكم دلوقت.. بسرعة بقى
نوال: حاضر… مع السلامة

قفلت مع نوال وخرجت برة روحت لنرمين والبنات قولتلهم هوصل مشوار صغير وجاي مش هتأخر…. ركبت العربية وصلت عند نوال بعد ربع ساعة طلعت لاقيت هالة بتفتحلي ولابسه وكله جاهز خدتهم ونزلت ركبنا العربية ومشيت على الكافيه

نوال: هنروح فين يا شهااب
انا: هنروح نقعد في الكافيه شوية واهو تشوفوه
اماني: جووز اختي القمر جدا
انا: هههههه ايه خدمة يا ام لسان
هالة: امال نرمين فين يا شهاب
انا: نرمين قاعدة هناك بس متعرفش اني جاي اخدكم
نوال: هو لسه كتير على الكافيه يا شهاب
انا: لا 10 دقايق بالكتير… مالك مش على بعضك لي
نوال: لا عادي مفيش حاجة بس مبحبش العربيات
انا: اول مرة اشوف حد مبيبحش يركب عربية
نوال: كنت بركبهم الاول بس بقيت بكرهم
انا: خلاص أنا فهمت… عموما هسرع شوية علشان مناخدش وقت اطول واحنا خلاص قربنا

وصلنا الكافيه نزلت أنا ونوال والبنات دخلنا الكافيه لاقيت نرمين والبنات بيهزروا ويضحكوا

انا: احترموا نفسكوا شوية صوتكم عالي
دينا: براحتنا يا عم… ايه دا مين دول!؟
نرمين: ايه دا.. انت كنت رايح تجيب ماما
انا: ايون قولت تخرج تشم هوا شوية
نرمين: تعال يا قلبي اقعدي جنبي تعالوا يا بنات
نهاد: هما دول مامتك واخواتك يا نرمين.. اهلا بيكم اتفضلوا اقعدوا منورين الدنيا
نوال: تسلمي يا حبيبتي..

طبعا قعدوا اتعرفوا على بعض وانا قعدت معاهم شوية لحد ما جالي أشرف وقالي في حد عايزك برة قومت خرجت معاه اشووف مين اللي عايزني

انا: مين دا اللي عايزني ومدخلش الكافيه لي.!؟
أشرف: معرفهاش يا هندسة اول مرة اشوفها..بس قولتلها تدخل ليك بس هي قالتلي اناديلك برة احسن.. بس بطل..
انا: اهدي يا علق انت لما اشوف مين دي
أشرف: هي دي اللي واقفة هناك وضهرها لينا
انا: طيب اخلع انت شوف شغلك وانا هشوفها

انا: احم احم حضرتك بتنادي عليا…!؟
بنت: ايون يا شهاب أنا اللي عايزاك
انا: تحت امرك.. بس مين حضرتك؟
بنت: أنا أمنية مرات أحمد اللي انت كنت شغال معاه
انا: امممم اهلا وسهلا بيكي طيب اتفضلي جوا
أمنية: لا معلش بلاش جوا لان مراتك وصحابك جوا وفي كمان ناس تعرفني مش عايزاهم يشوفوني وانا داخله معاك
انا: مش فاهم قصدك بس تمام اللي تحبيه
أمنية: ممكن نقعد في أي مكان تاني غير هنا
انا: موضوع مهم اووي يعني..!؟
أمنية: ايون مهم جدا والا مكنتش هجيلك
انا: تمام.. ممكن ثواني طيب

ناديت على أشرف قولتله هوصل مشوار وانه يروح لنرمين يقولها اني خرجت وراجع تاني مش هتأخر

انا: اتفضلي حضرتك.. تحبي تروحي فين؟
أمنية: أي مكان مش هتفرق

خدتها وروحت على كافيه كنت قعدت فيه قبل كدا مع نهاد بعيد عن الكافيه بتاعي بمسافه علشان تبقى مطمنة

انا: اتفضلي اقعدي.. اظن هنا كويس
أمنية: ايون تمام المكان هنا بعيد عن الناس
انا: اتفضلي قولي ايه المشكلة اللي معاكي
أمنية: بص يا شهاب…. من يوم ما انت اتخانقت مع أحمد وسيبت الشغل معاه وهو بقى متغير خالص وانا مكنتش اعرف ايه السبب قولت يعني دا واحد ساب الشغل ومشي وهييجي غيره… بس اتضح انك مشيت وفتحت مشروعك وبدأت الناس تمشي من عند أحمد وتيجي عندك وكمان الناس اللي كانت شغالة مع أحمد بقوا شغالين معاك ومع الوقت الكافيه وقف خالص وأحمد قرر يقفله ويمشي الناس اللي فضلت شغالة معاه…
انا: صح كلامك.. بس أنا مقولتش لحد يمشي والناس جات تشتغل معايا لان أحمد كان بيتعامل معاهم وحش
أمنية: عارفة دا كويس… بعد ما أحمد قفل الكافيه فضل قاعد في البيت فترة مبيتكلمش مع حد ومعاملته معايا بقت مش حلوة لحد ما في يوم قالي انه هيسافر يشتغل برة بدل القعدة دي وانا وافقته وقولتله هسافر معاه بس هو موافقش وقالي انه هيبقى يبعتلي لما يظبط نفسه هناك… جه ميعاد السفر بتاعه وانا روحت معاه للمطار ولما رجعت البيت لاقيته سايب ظرف وفيه جواب مكتوب قرأته لاقيته طلقني بس في ورقه كمان في الظرف لاقيته ناقل الكافيه باسمي وقالي اجيلك وانت هتشتريه مني علشان اعرف اصرف من فلوسه أنا واولادي
انا: يا نهار اسوود ايه دا كله…. طب ليه طلقك؟
أمنية: علشان أحمد سافر ومش هينزل مصر تاني… أحمد باعني أنا واولاده يا شهاب
انا: طب حتى لو أنا اشتريت منك المكان انتي هتعيشي هنا لوحدك ازاي بأولادك دول
أمنية: لا أنا هبيع الكافيه والشقة وهروح اعيش عند بابا وماما.. مش هعرف اعيش لوحدي هنا
انا: تمام… طيب ممكن بس تديني فرصة افكر في الموضوع لانك جاية في وقت الدنيا ضايعة معايا ولسه عامل مشروع تاني تقريبا مخلص على فلوس
أمنية: تمام مفيش مشكلة.. بس حاول تقرر بسرعة لاني عايزة ارجع عند بابا وماما في أسرع وقت
انا: تمام حاضر… اسبوعين بس وهرد عليكي
أمنية: تمام… دا رقم فوني كلمني وقت ما تقرر
انا: طيب انتي طالبه فلوس كام في المكان
أمنية: أنا مش عارفة هو تمنه كام.. بس عارفة انك مش هتضحك عليا لان دي فلوس ولادي وانت ابن اصول زي ما سمعت وعرفت من ناس كتير
انا: تمام يا أمنية… طيب انتي محتاجة اي حاجة دلوقت… اسف يعني انتي محتاجة فلوس؟
أمنية: لو محتاجة مش هتكسف منك بس تمام معايا مبلغ بصرف منه أنا والاولاد لحد ما ابيع المكان
انا: ياريت لو محتاجة حاجة تعرفيني في اي وقت حتى لو أنا مش اشتريت المكان… أحمد له فضل عليا بردو
أمنية: تمام يا شهاب… هستنى مكاملتك
انا: تمام يا باشا… تعال يلا اوصلك الوقت اتأخر
أمنية: تمام يلا بينا وبشكرك جدا
انا: مفيش حاجة تستاهل الشكر.. اتفضلي

مشيت أنا وأمنية وصلتها قبل بيتها بشوية وهي كملت وانا رجعت تاني للكافيه كانت الساعة بقت 11 تقريبا

انا: معلش بقى يا جماعة كان معايا مشوار مهم
نرمين: تعال يا حبيبي اقعد هنا
دينا: نحن هنا يا بشر… عيب كدا في سناجل قاعدين
انا: بس يا كلب البحر انتي.. شششششش
دينا: أنا مش هرد عليك علشان طنط نوال بس
انا: اهلا اهلا انتو اتصاحبتوا خلاص
نوال: دمها زي العسل دينا أنا حبيتها
دينا: ملكش دعوة بقى انت… تطلع منها
انا: اولعي ب جاز وسخ وانا مالي…
كرستين: يا ساتر عليكو انتو الاتنين
انا: في حاجة يا اخ انت كمان
كرستين: مفيش يا عم أنا هسكت احسن
انا: احسن بردو… هطير أنا بقى اكمل باقي الفواتير
دينا: ايون يلا مع السلامة.. طرينا
انا: هقعد وهنفخك يا كلب البحر
نوال: بس بقى انت وهي هو انتو ايه مولودين فوق بعض
انا: ام شخة دي هتتولد معايا… دي خربت خالص
نرمين: خلاص يا قلبي كمل انت شغلك وسيبك منها
دينا: ايون يا محنو كمان كمان
نرمين: لا بقى انتي تستاهلي اللي يعمله فيكي
انا: أنا بقول امشي احسن علشان مش افرتك وشها
نوال: ايون بالضبط يا شهاب انت الكبير

مشيت دخلت المكتب وجالي اشرف

أشرف: تمام ب هندسة كلمت الناس على يوم الثلاثاء وكله تمام وجاهزين
انا: تمام يا أشرف كدا فل.. هتاخدهم وتروح تقابل امير يعرفكم الشقق وتقولهم يفضلوا اليوم دا وترجع تاني علشان تاخد مراتك وتمشي معايا يوم الاربعاء
أشرف: تمام يا ريس اتفقنا

خرج أشرف وانت قعدت في المكتب شوية لاقيت نرمين داخله عليا

نرمين: شهاب ماما عايزة تروح البيت.. تيجي توصلهم؟
انا: حاضر يا حب هاجي اوصلهم دلوقت
نرمين: تسلملي… بس حركه حلوة اوي انك تجيبهم يشموا هوا.. اتبسطت اوي على فكرة
انا: يا باشا اي حاجة هتبسطك توقعي اني هعملها
نرمين: يخليك ليا يا قلبي ومنحرمش منك
انا: طب يلا بقى ليفتكروا اني بعمل فيكي قلة ادب ههه
نرمين: لا لا يلا دول دماغهم صعبة خصوصا دينا

خرجت أنا ونرمين من المكتب اخدت نوال وهالة واماني وصلتهم لحد البيت واستنتهم يطلعوا ويشاورا ليا من البلكونة وقولتلهم لما مفتاح الشقة يبقى معايا هكلمهم علشان اجي اخدهم ينقلوا على طول فيها…. رجعت الكافيه تاني خدت نرمين روحنا الشقة كملنا قاعدة شوية ودخلنا نمنا وتاني يوم صحينا العصر على مكالمة من الحاج ادهم قالي انه في الشقة قصادي وهي اتنضفت وكله تمام… خرجت اخدت منه المفتاح وكلمت نوال قولتلها تجهز هي والبنات لاني هروح اخدهم دلوقت

انا: نرمين أنا هنزل اجيب نوال واخواتك البنات
نرمين: تمام يا حبيبي وانا هعمل الغدا علشان نتغدى كلنا سوا
انا: تمام… لما اقرب من البيت هكلمك علشان تحضري السفرة

نزلت ركبت العربية وصلت عند نوال وطلعت لاقيتهم مجهزين الشنط وكله تمام خدت منهم الشنط نزلتها العربية وقولتلهم ينزلوا يركبوا وقفلت أنا الشقة وشيلت الكاميرات اللي كانت مرتكبه فيها ونزلت ركبت العربية وقبل البيت بمسافه كلمت نرمين قولتلها اننا قربنا علشان تحضر الغدا على ما نوصل الشقة

وصلما العمارة طلعت بالشنط وفتحت الشقة بتاعتهم دخلت شنطهم جوا ونزلت خدت الباقي وطلعنا كلنا كانت نرمين فتحت الباب قولتلهم يدخلوا عندي وانت دخلت باقي الشنط في الشقة عندهم ورجعت للشقة عندي قعدنا اتغدينا كلنا كانت الساعة وصلت ل 6 المغرب

نوال: يلا يا بنات علشان نقوم نظبط الهدوم
انا: ما تخليكي يا نوال والبنات يظبطوا هما كل حاجة
نوال: كفاية عليهم يظبطوا اوضتهم وانا هعمل اوضتي
نرمين: طب استني يا ماما شوية وهاجي معاكي
انا: طيب أنا هنزل الكافيه وعيشوا انتو بقى
نرمين: تمام يا حبيبي…. ممكن نبقى نيجي نقعد شوية في الكافيه أنا وماما والبنات لما يخلصوا
انا: تمام وقت ما تحبوا تيجوا أبقى رني عليا اجيلك
نرمين: اووكي…

نزلت الكافيه ومشي اليوم عادي ونوال كانت نقلت قصادنا وكل يوم نتغدى سوا والجو بقى اسري حلو….. عدى كذا يوم لحد يوم الثلاثاء الصبح لاقيت أشرف بيكلمني العصر الساعة 3

انا: ايون يا أشرف.. انتو فين دلوقت
أشرف: احنا قربنا نوصل محطه اسكندرية يا هندسة
انا: تمام أنا هكلم امير دلوقت يستناكم هناك
أشرف: تمام يا هندسة مستني ردك عليا

قفلت مع أشرف وكلمت امير قولتله انهم قربوا على اسكندرية يروح يستناهم علشان ميعرفوش المكان…. رنيت على أشرف تاني بعدها

انا: لما توصلوا يا أشرف استنوه قدام باب المحطة
أشرف: تمام يا هندسة هكلمك لما يوصل
انا: خلاص تمام وأبقى رن عليا لما توصلوا الشقة
أشرف: تمام يا باشا… سلام

قفلت معاه ونزلت ل حسام الكافيه قعدت معاه شوية لحد ما أشرف كلمني قالي انهم وصلوا الشقة والناس دخلت تريح وهو هيرجع تاني على طول علشان ياخد مراته ويسافر معايا بكره الصبح…. قفلت معاه ورنيت على ماجد

انا: الباشا الكبير اخبارك ايه
ماجد: حبيبي يا هندسة أنا بخير.. انت عامل ايه
انا: كله تمام يا ريس… أنا بتصل بيك اعزمك على افتتاح الكافيه يوم الخميس في اسكندرية مستنيك تنورني انت والمدام وشيرين طبعا
ماجد: الف مبروك يا حبيبي واكيد جاي متقلقش.. مفيش اغلى منك عندي يا هندسة وانت عارف
انا: حبيبي يا باشا.. مستنيك اكيد
ماجد: وانا جاي اكيد متقلقش
انا: تمام يا ريس… مع السلامة

دخلت كرستين المكتب

كرستين: مالك من ساعة ما وصلت وانت مقضيها مكالمات مفصلتش.. لي دا كله
انا: الناس سافرت النهارده وكنت بطمن عليهم وكمان اتصلت ب ماجد الحلفاوي عزمته على الافتتاح
كرستين: حركه جامدة منك دي يا شهاب
انا: المهم انتي هتيجي بعربيتك ولا ازاي
كرستين: ايون هجيب عربيتي وهيبقى معايا دينا ونهاد وكرستين… اشمعنى يعني بتسأل
انا: علشان أشرف ياخد عربية دينا لانه هياخد مراته واولاده وكنت هقولك تاخدي دينا معاكي في العربية
كرستين: طب تمام.. وانا هكلم دينا تجيبها وتسيبها هنا لأشرف بس انت قوله يمشي براحته علشان ميحصلش حاجة
انا: تمام متقلقيش… هنتحرك بكره على العصر كدا
كرستين: خلاص تمام جدا… هي نوال مامت دينا هتيجي الافتتاح هي والبنات؟
انا: امال يعني اسيبهم يا كرستين.! لازم ييجوا وكمان البنات عايزة تخرج تتفسح واعملي حسابك أنا واخد شقتين في عمارة جنب المول بشوية انتي ونهاد ودينا ونسرين في شقة وانا ونرمين وامها واخواتها في شقة في نفس العمارة.. ومش عايز ايه حركه غبية منك واسلوب النحنه دا تنسيه خالص يا كرستين
كرستين: متقلقش يا شهاب مفيش كلام من دا
انا: لما اشووف دماغك دي هتوصلنا لفين

قضيت اليوم عادي خالص وقولت لشيفت الليل ان الكافيه معاهم ومسؤول منهم الفترة دي لحد ما ارجع انا

تاني يوم صحيت الضهر وكلمتهم كلهم علشان يقوموا يجهزوا وقولت ل دينا تسيب عربيتها قدام الكافيه علشان أشرف ياخدها يسافر بيها هو ومراته وولاده

نرمين: احنا جاهزين يا شهاب… واقفين على اللبس بس
انا: كويس جدا مش عايز نتأخر العصر بالضبط نمشي
نرمين: وقت ما تحب نمشي قولنا هنلبس ونمشي على طول.. كلم البنات علشان يجهزوا هما كمان
انا: كلمتهم خلاص صحيتهم من النوم

الساعة 3 العصر كنا جاهزين… نزلت أنا ونرمين ونوال وهالة واماني ركبنا العربية وطلعنا على الكافيه وكلمت الكل قولتلهم يتجمعوا في الكافيه وكلمت أشرف قولتله ييجي على الكافيه بردو علشان اول ما يوصل هنمشي كلنا

عل الساعة 4 كان الكل موجود واتحركنا على اسكندرية وصلنا هنا الساعة 7… أشرف خد مراته وولاده وراح لشقته اللي في العمارة التانية وانا والبنات ونرمين واخواتها وامها طلعنا العمارة التانية وكل واحد راح للشقة بتاعته…. قعدنا اتغدينا وظبطت الدنيا وكلمت امير قولتله اني هنزل له….. كلمت أشرف قولتله يجيب مراته عند البنات هنا لانه هينزل معايا على الكافيه… ربع ساعة وصل أشرف ومعاه مراته واولاده ودخلوا سلموا على الكل وسيبناهم ونزلنا احنا للكافيه…

وصلت الكافيه لاقيت امير مستنيني هناك وكل حاجة جاهزة تمام جدا… قعدنا في الكافيه شوية نتكلم ونتمنى اليوم يعدي كويس بدون ايه مشكلة

انا: هو الافتتاح هيكون امتى يا امير
امير: هيبدأ من 8 الصبح لحد اخر اليوم يعني على 12 كدا بيبقى في تخفيض في اسعار المنتجات يعني تقدر تقول بنشد رجل الناس للمكان
انا: على خير يا معلم…

قعدنا لحد 11 بالليل وقومت أنا وأشرف مشينا روحنا البيت وأشرف خد مراته ورجع شقته وانا دخلت انام أنا ونرمين والكل راح ينام… صحينا تاني يوم على 7 الصبح لبسنا ونزلنا للمول… نرمين وامها والبنات كلهم دخلوا المول يلفوا فيه براحتهم وانا خدت أشرف والطقم اللي معاه ودخلنا الكافيه ظبطنا الجو والناس بدأت تدخل المول وتلف واللي يحب يشرب حاجة ييجي على الكافيه وكان الشغل عال العال… على الساعة 5 المغرب لاقيت ماجد ومراته وشيرين داخلين الكافيه ومعاهم طقم حرس ابن حرام…. قومت سلمت عليه وعلى اللي معاه

انا: منورني يا ماجد باشا… شكرا انك جيت
ماجد: يا هندسة أنا قولتلك هاجي يبقى هاجي.. انت مهم عندي جدا ومينفعش ازعلك مني
انا: حبيبي يا باشا… طب اتفضلوا..
ماجد: حلو المكان جدا وخصوصا الكافيه في مكان مميز في المول وتصميمه جميل جدا.. ذوقك حلو يا شهاب
انا: تسلملي يا باشا….

طبعا امير حد قاله ان في شخص مهم دخل المول بحراسه مشدده يعني شخصية هامه جدا

امير: بقولك يا شهاب… مشوفتش راجل كدا ماشي وراه حراسة شكله حد مهم جدا
انا: اه قصدك على ماجد.. قاعد هناك اهو
امير: انت تعرف الراجل دا يا شهاب.!؟
انا: ايون في بينا شغل على خفيف كدا
امير: هو مين ماجد دا اصلا
انا: دا ماجد الحلفاوي عضو مجلس شعب… دا اللي خلصك من حوار المحافظ والمحل
امير: لا يا راجل.. بتتكلم حد.!؟
انا: ههزر معاك في دي يا امير يعني.!؟
امير: طب مش المفروض اشكره ولا ايه..!؟
انا: دا المفروض يعني… طب تعال معايا

خدت امير وروحت ل ماجد على ترابيزته

انا: لمؤاخذه يا باشا… دا امير صاحب المول دا… دا صاحب المشكلة مع المحافظ لو فاكرها
ماجد: ايون طبعا فاكر… اهلا يا امير.. الف مبروك
امير: اهلا بيك يا باشا.. تسلم ومنورنا يا باشا… كنت حابب اشكر حضرتك على اللي عملته مع المحافظ دا لانه راجل رخم اوي ماشي بالعافية في كل حاجة
ماجد: لو في اي حاجة موقفاك عرف شهاب وهو يكلمني وانا هتصرف… انت تبع شهاب يعني من اهم الناس عندي
امير: حبيبي يا باشا منورنا تاني وفرصة سعيدة جدا

مشيت أنا وامير…

امير: شكله تقيل اووي الراجل دا يا شهاب
انا: ايون عضو مجلس شعب بقى وانت فاهم الحصانة
امير: واضح انه بيحبك فشخ وطلباتك على طول مجابة
انا: شغل مصالح يا امير.. قولتلك بينا شغل خفيف
امير: تمام… هروح أنا بقى اتابع الجو في المول..
انا: تمام اشطاا

كملت باقي اليوم.. كانت نرمين والبنات كلهم وصلوا ومعاهم مرات أشرف واولاده ولاقيتهم جايبين حاجات كتير فششخ تقريبا ايه محل كانوا بيدخلوا يشتروا منه

انا: ايه كمية الاكياس دي… انتو شطبتوا على المول
نرمين: يعني شوية نواقص وبصراحة المول جميل وفيه حاجات كتير حلوة اووي
انا: تعيشوا وتشتروا… مش جاعنين ولا ايه
نرمين: مهو احنا الصراحة اكلنا في المطعم من شوية
انا: طب تمام… هتمشوا دلوقت ولا تقعدوا شوية
نوال: أنا شخصيا مبقيتش قادرة.. عايزة اروح افرد جسمي لأني تعبت من كتر المشي طول النهار
انا: طب اقعدوا خدوا نفسكم وبعدين ابقوا امشوا
كرستين: ايون صح لاني مش قادرة اقف خالص
انا: حد قالكم تاخدوا المول كله لف… انتو ايه مبتتعبوش… دا أنا واقف مكاني وتعبت
نرمين: المحلات بتشدنا يا شهاب كل ما نعدي من قدام محل ندخل نشتري منه اي حاجة وكمان الحاجات رخيصة النهارده فكله بقى يشتري
انا: طيب تمام خدوا نفسكم وابقوا روحوا البيت ريحوا لحد ما اخلص أنا وهبقى اجيلكوا

فضلت في الكافيه لحد الساعة 2 بالليل كان الجو بدأ يخف شوية عن النهار… أنا كنت خلاص تقريبا فصلت من كل الاتجاهات… ناديت على مروان (دا يبقى المسئول عن شيفت الليل قصاد أشرف)

انا: مروان أنا خلاص كدا جيبت اخري مبقيتش قادر
مروان: طيب يا هندسة لو تعبان روح انت ريح شوية واحنا موجودين هنا ومتقلقش كل هيمشي زي الصبح
انا: تمام يا مروان ولو في حاجة كلمني على طول
مروان: تمام يا باشا… تصبح على خير

مشيت من المول وصلت البيت لاقيتهم صاحيين وعمالين يضحكوا ويهزروا

انا: طبعا ما انتو نمتوا وصاحيين دلوقت تروشوا
نرمين: انت جيت يا قلبي… استنى احضرلك تتعشي
انا: لا لا أنا مش عايز حاجة غير اني انام ومحدش يصحيني لو سمحتم أنا مش شايف قدامي
نوال: طيب كلك لقمه الاول يا شهاب وبعدين نام
انا: مش قادر يا نوال بجد عايز انام وبس

سيبتهم ودخلت على السرير اترميت بهدومي زي ما أنا وروحت في النوم في ثانيه…


نهاية الجزء الثالث، إلى اللقاء في الجزء الرّابع