كافيه المتعة | الجزء الرّابع – الحلقة الثّانية

قفلت مع ماجد افندي ورجعت الكافيه اتابع الجو لحد ما امير وصل قعدنا مع بعض نرغي في اي حاجة… واحنا قاعدين لاقيت واحدة داخله علينا

بنت: مش معقول.. شهاب.!
انا: ايه دا… انتي بتعملي ايه هنا…؟
بنت: انت اللي بتعمل ايه هنا… أنا متجوزة هنا من 5 سنين يا ابني مهو انت سيبت البيت ومتعرفش حاجة
انا: ايون صح… عاملة ايه يا مي
مي: أنا بخير المهم انت بتعمل ايه هنا
انا: الكافيه دا بتاعي يا بنتي وقاعد هنا يومين على الافتتاح وكدا
مي: الف مبروك يا هندسة المهم طمني عليك
انا: بخير وكله تمام يا باشا.. عايشة فين هنا
مي: أنا على بعد شارع من المول هنا قريبة جدا
انا: صح نسيت اعرفك.. دا امير صاحب المول وصاحبي من ايام الجامعة… دي مي جارتي في البلد يا امير
امير: اهلا وسهلا بحضرتك نورتي المول يا هانم
مي: شكرا جدا والف مبروك على الافتتاح
امير: تسلمي… اسيبكم لوحدكم شوية بقى
انا: تمام يا برنس لف لفه كدا وأبقى ارجع تاني مستنيك

انا: عاملة ايه يا مي وخلفتي ولا لسه
مي: كله بخير… اه خلفت معايا ولد اسمه مازن
انا: يتربي في عزك يا قمر… مبسوطة يعني وكله تمام
مي: اه كله تمام… انت اتجوزت بقى وخلفت!؟
انا: ايون اتجوزت بس لسه مخلفتش يعني مأجل الحوار شوية كدا لحد ما الدنيا تظبط معايا
مي: الخلفة بدري حلوة يا شهاب تفرح بيه وانت شباب
انا: يا ستي كل حاجة بوقتها بتبقى حلوة ليه نستعجل
مي: دايما انت كدا من واحنا صغيرين كنت بتفكر لكل حاجة قبل ما تعملها… مش هتتغير يا شهاب
انا: محدش بيتغير عن طباعه بسهولة يا مي
مي: على رايك… بتكلم مامتك وبباك ولا لسه زعلان منهم من يوم ما سيبت البيت ومشيت
انا: بتكلم مع امي عادي لكن أنا زعلان مع ابويا مش امي
مي: انسي بقى يا شهاب الكلام دا بقاله كتير جدا وبردو دا ابوك يعني سامحه بقى دا ربنا بيسامح
انا: الاحسن نقفل الموضوع لانه بيعصب
مي: انت دايما كدا بتتعصب من اللي مبيعجبكش
انا: قولتلك محدش بيتغير بسهولة يا مي… المهم انتي عملتي شوبينج ولا لسه جاية
مي: لا لسه واصله دلوقت في قولت اشرب قهوة علشان افووق لاني لسه صاحية
انا: لسه صاحية حالا ليه يعني…
مي: عادي جوزي مسافر وانا بنام براحتي
انا: طب تعالي يلا أنا هاجي معاكي تجيبي اللي عايزاه

قومت مشيت أنا ومي خدنا لفه حلوة واشترت اللي هي عايزاه وروحنا علشان تحاسب بس قابلنا امير هناك عند الكاشير ورفض انها تحاسب على اي حاجة وطبعا دي مجامله ليا قدامها وكدا وكمان يضمن زبون دايم

مي: شكرا جدا يا استاذ امير
امير: تؤمريني يا هانم… انتي تبع الغالي
انا: حبيبي يا امير… محتاجة اي حاجة تانية يا مي
مي: تسلم يا شهاب… كدا تمام جدا
انا: انتي معاكي عربية ولا هتركبي مواصلات
مي: لا عربيتي في الباركينج بره
انا: طيب تعالي اوصلك بقى

خرجت مع مي وصلتها لعربيتها وركبتها

مي: هات رقمك يا شهاب
انا: تمام اكتبي ****010
مي: تمام هرن عليكي دلوقت علشان تسيف الرقم
انا: تمام يا قمر… مع السلامة ولو محتاجة حاجة أبقى عرفيني أنا موجود هنا كمان يومين وهنزل القاهرة
مي: ايه دا هو انت مش عايش هنا..؟
انا: لا أنا قاعد في القاهرة بس جاي افتتح الكافيه هنا وهنزل تاني القاهرة لان في كافيه هناك وكمان في مشروع تاني بعمله هناك ومينفعش اطول هنا
مي: ايون بقى بقيت رجل اعمال وسيبت الهندسة
انا: هندسة ايه بس يا مي دا لقب وخلاص
مي: ربنا يوفقك يا شهاب للأصلح
انا: تسلمي يا جميل… براحتك وانتي سايقة
مي: اوك… باي يا شهاب

مشيت مي وانا رجعت للكافيه وشوية لاقيت امير جايلي

امير: ايه يا معلم وصلت صاحبتك؟
انا: صاحبتي ايه ياض دي جارتي في البلد وكان بقالي فترة جامدة لا شوفتها ولا اعرف عنها حاجة
امير: صحيح يا شهاب انت لي بعيد عن اهلك كدا وتقريبا لا بتسأل عليهم ولا هما معبرينك خالص هههه
انا: لا بعيد ولا حاجة بس أنا من ايام الدراسة وانا بيني وبين ابويا مشاكل جامدة علشان كدا سيبت البيت ومشيت من زمان لكن بكلم امي كل فترة يعني وبطمن عليها واكيد يعني محدش بينسي اهله يا امير
امير: خلي قلبك ابيض وانسي يا شهاب مهما كان ابوك بردو وهييجي يوم وتنسى اللي حصل اكيد فخليه قريب وهو عايش بدل ما يروح منك وتندم جامد انك مخدتش الخطوة دي من بدري
انا: سيبها لظروفها يا عم… المهم أنا قدامي بكره هنا وهنزل القاهرة وعايزك تبقى واخد بالك من أشرف والكافيه يعني مش أنا انزل وانت تنفض دماغك
امير: متقلقش يا عم عيب عليك انت صاحبي وفلوسك فلوسي وانا اصلا ناوي كل يوم هاجي لأشرف هنا لو محتاج حاجة او معاه مشكلة هشوفه يعني
انا: تسلم يا ابو الصحاب طول عمرك واطي مكنتش متوقع منك الرد دا بصراحة هههههه
امير: تصدق انك عيل خول
انا: حبيبي يسطى هههه…

كملت في الكافيه لحد 10 بالليل وجاتلي مكالمة من أمنية مرات أحمد اللي هشتري منها الكافيه القديم

انا: اهلا ازيك يا أمنية هانم.. اخبارك ايه انتي والاولاد
أمنية: كلنا تمام وبخير.. أنا كلمت السمسار وشاف الكافيه
انا: تمام جدا…. السعر المطلوب كام بقى
أمنية: هو بيقول 800 الف
انا: يعني بعد ما شاف المكان قدره بالمبلغ دا
أمنية: بص يا شهاب أنا ممكن اكلمه لما تنزل القاهرة ونقعد معاه او تقعد معاه لوحدك وتسمع منه انت
انا: على فكرة أنا مش بكذبك وانا موافق على السعر بدون ايه كلام وفلوسك جاهزة وهتاخديها كاش
أمنية: مش قصدي حاجة أنا بس عايزاك تسمع بنفسك
انا: تمام يا أمنية أنا واثق في كلامك ومتفقين
أمنية: تمام يا شهاب لما تنزل القاهرة كلمني
انا: ليا طلب بس… تجهزي انتي العقود وتبقى على الامضاء وانا هكلمك واجيب مراتي لانها اللي هتمضي
أمنية: تمام مفيش مشكلة يا شهاب انت بس لما تنزل القاهرة ياريت تتصل بيا وانا هقابلك في أي مكان
انا: تمام جدا يا أمنية… شكرا ليكي
أمنية: العفو يا شهاب… مع السلامة

قفلت مع أمنية وكلمت ماجد اشوفه كلم الراجل اللي في البنك ولا لسه علشان وقت ما اروح اسحب الفلوس

انا: ايه الاخبار يا باشا
ماجد: كله تمام يا شهاب اخبارك ايه
انا: بخير يا باشا… خلصتلي حوار البنك ولا لسه
ماجد: كله تمام اول ما تروح البنك فرع التجمع هتلاقي مدير البنك بنفسه مستنيك وهيخلصلك كل حاجة
انا: حبيبي يا ريس تسلم على تعبك
ماجد: لا تعب ولا حاجة يا حبيبي… المهم في شحنة هتاخدها معاك وانت نازل القاهرة متنساش بقى
انا: متقلقش يا باشا فاكر وكلها بكره وهروح الميناء
ماجد: تمام يا شهاب وانا هقابلك في القاهرة لاني نازل بكره اكيد كفاية كدا راحة
انا: تمام يا غالي نتقابل في القاهرة

قفلت مع ماجد وعدي اليوم تمام روحت الشقة وعرفت نرمين كل اللي حصل واننا هننزل القاهرة بعد بكره وهنروح البنك على طول نسحب الفلوس وندفع ل أمنية ثمن الكافيه ونبدأ على طول شغل فيه……. عدى تاني يوم عادي بدون جديد والساعة 10 بالليل خلاص بنجهز الشنط وحاجتنا علشان ننزل القاهرة

انا: بصي يا نرمين أنا هسيب عربيتي ليكي تنزلي بيها بكره انتي ومامتك واخواتك وانا هخلص مشوار هنا هجيب شحنة عربيات ل ماجد الحلفاوي وهنزل وراكم على طول مش هتأخر يعني
نرمين: هو لازم يعني يا شهاب تستنى الشحنة دي
انا: دا شغل يا نرمين وبعدين مش تنسي اني باخد عموله من ورا الشحنات دي يعني خير ورزق يا قمر ولا عايزاني اقوله لا وأبقى قطعت رزق جايلي… أنا تمام موافق طالما انتي عايزة كدا ودا اللي هيريحك
نرمين: انت متأكد وعارف اني مش بشك في قرار ليك وانت دايما بتعمل الصح بس بقلق عليك
انا: متقلقيش أنا بروح الميناء بلاقي كل حاجة خلصانة وبجيب العربيات وامشي على طول
نرمين: طب انت واثق في ماجد دا اصلي مش واثقة فيه الصراحة حاسة انه بيعمل حاجة غلط
انا: مين قال اني واثق جامد… أنا محرص منه وغالبا هتبقى دي اخر شحنة اوصلها له وبعد كدا الكلام بيني وبينه هيختلف تماما يا اما يفهمني بيعمل ايه بالضبط يا اما اشيل ايدي من الحوار دا خالص وكل واحد يبقى في حاله احسن من غير ايه مشاكل وحوارات
نرمين: المهم عندي تبقى بخير وتاخد بالك من نفسك
انا: متقلقش يا قمر.. ما تجيب بوسة من الشفايف وانت جامد كدا يخربيت حلاوتك دي هههه
نرمين: يوووه بقى يا شهاب انت على طول تكسفني
انا: طب خلاص خلاص هههه… المهم هنزل أنا ابص على الكافيه واقعد شوية وهجيلك قبل ما تمشي
نرمين: تمام يا حبيبي بس متتأخرش بقى عليا
انا: لو اتأخرت نامي انتي يا نرمين مش تستنيني لاني هقعد مع امير شوية وبعدين اظبط الكافيه مع الناس
نرمين: اممم ماشي يا حبيبي خد بالك من نفسك

نزلت روحت المول قابلت امير وطلعنا على الكافيه كان مروان اللي شغال في الوقت دا لان أشرف عنده ظرف

مروان: اهلا بالبشوات
انا: ازيك يا مروان ايه الاخبار
مروان: كل تمام يا هندسة
انا: تمام يا غالي… أشرف مشي من بدري ولا ايه
مروان: اه يعني بقاله حوالي ساعتين او تلاتة
انا: تمام طب أنا هنزل القاهرة بكره وعايزك بقى تاخد بالك من الكافيه انت وأشرف وامير موجود معاكم هنا لو في مشكلة او محتاجين حاجة كلموه على طول بدون تردد
مروان: تمام يا هندسة متقلقش كله هيبقى تمام ولو في حاجة هنتواصل مع امير باشا
انا: تمام يا مروان… ياريت بقى 2 قهوة رايقين
مروان: من عينيا يا هندسة… بعد اذنكم

امير: خلاص هتمشي بكره اكيد
انا: اه تمام كدا بقالي فترة بعيد عن القاهرة وانت فاهم في مشاغل تحت عايزة اللي يركز معاها لتضييع
امير: بس متنسناش يسطى يعني كل فترة كدا. تيجي تبص علينا هنا وتقعد معانا يومين ولا حاجة
انا: متقلقش يسطى مش هنسي هنا وكل فترة كدا هاجي ابص على الكافيه وعليك اكيد يعني وانت يا امير لو في حاجة هنا اتعامل انت او كلمني لو تعبت
امير: تمام متقلقش يسطى كل هيبقى تمام

قعدت شوية مع امير وكلمت أشرف ظبطت الدنيا معاه وبعد كدا روحت الشقة لاقيت نرمين نامت ودخلت نمت أنا كمان……. صحيت بدري فوقتهم ولبسوا وكله تمام…. نزلتلهم الشنط ونزلوا ركبوا العربيات ومشيوا هما وانا كلمت امير جالي بالعربية بتاعته وصلني لحد الميناء

انا: حبيبي يا امير تسلم كدا يسطى.. اتكل انت بقى ومعلش صحيتك من النوم بدري عارفك بتنام للعصر
امير: ولا يهمك يا صاحبي… انت هتنزل القاهرة ازاي
انا: يا اما هركب مع سواق التريلا اللي محمل العربيات يا اما هركب مواصلات وخلاص واستناه في مكان قريب من معرض العربيات
امير: لو عايزني اوصلك للقاهرة تمام يا عم معنديش مشكلة خالص.. انت كدا متعب على طول
انا: لا يا عم دا مشوار تقيل عليك أنا هتصرف… اخلع انت بس وخلي بالك من الكافيه ودا كفاية
امير: يا عم اسمع بس متقلقش
انا: تسلم يسطى لا أنا همشي مواصلات وخلاص

نزلت من العربية دخلت الميناء قابلت الراجل بتاع كل مرة خلصلي الورق والعربيات كانت تمام ومتحمله على التريلا اللي هتنقلهم للقاهرة… روحت لسواق التريلا خدت رقمه وفهمته اني هركب مواصلات وهقابله في مكان قبل المعرض بشوية هركب معاه ومشيت أنا ركبت ميكروباص القاهرة وسواق التريلا مشي في طريقة وبعد 2 ونص تقريبا وصلت القاهرة وروحت على المعرض على طول واتصلت بالسواق قالي قدامه ساعة ويوصل للمعرض… قابلت ماجد هناك واستغرب اني موجود عنده بس العربيات موصلتش وفهمته اللي حصل وفضلنا قاعدين لحد ما العربيات وصلت للمعرض ونزلت كمان

انا: كدا تمام يسطى ونحمد ربنا بالسلامة
سائق التريلا: حبيبي يا باشا… ايه خدمة تانية مني
انا: تسلم يا غالي… خد دول دخانك… اديته 1000 جنيه
سائق التريلا: تسلم يا باشا كلك ذوق…
انا: توصل بالسلامة يا معلم… تقدر تمشي انت
سائق التريلا: تمام يا باشا… سلام عليكم

مشي السواق ودخلت أنا ل ماجد المعرض

انا: كدا تمام يا ريس… دا ورق العربيات وكدا فل… عايز حاجة مني قبل ما امشي..!؟
ماجد: تسلم يا هندسة.. كدا تمام… عمولتك وصلت كدا وزيادة شوية عن كل مرة
انا: حبيبي يا باشا… سلام أنا بقى

مشيت من عند ماجد رنيت على أمنية عرفتها اني نزلت القاهرة وبكره تحضر العقود علشان تتمضي… وصلت الشقة عندي لاقيت نرمين محضره الغذاء ومامتها واخواتها متجمعين في الشقة اتغدينا وكله تمام

انا: اعملي حسابك بكره يا نرمين ننزل البنك نسحب الفلوس… أنا كلمت أمنية وقالت ان السعر 800 الف.. ايه رايك في السعر حلو ولا غالي
نرمين: انت اللي شايفه وعارفه يا شهاب، فلو انت موافق يبقى يستاهل وبعدين أنا لو هدفع فيه ملايين هبقى موافقة من غير ايه اعتراض
انا: دا اشمعنى يعني الموافقة دي
نرمين: لان دا اول مكان شوفتك واتعرفت عليك فيه
انا: يا ديني يا جدعان عليكو نسوان دماغها مبتنساش اي حاجة… يا نرمين بنتكلم في شغل دلوقت يخربيت ودانك
نرمين: مليش دعوة بالشغل انا… انت اتصرف وانا موافقة
انا: لا بقولك لو هتنفضي للمشروع من بدايته يبقى نكنسله احسن بدل ما نصرف كتير وفي الاخر يبقى بلح
نرمين: لا مش قصة هنفض… أنا هاخد بالي من المحل بس قصدي ان انت تتصرف في الشراء والتشطيب يعني
انا: اذا كان كدا ماشي… وانتو يا بنات جهزوا نفسكم لانكم هتبقوا مع نرمين في المحل بدل ما انتو قاعدين كدا لا شغلة ولا مشغلة واهو تسلوا وقتكم وانتي بالاخص يا أماني عايز لسانك اللي طولك دا يشتغل مع الناس بس تشديهم للمكان مش تتخانقي معاهم

اماني: متقلقش يا جوز اختي دا أنا هشرفك ههه
انا: كدا أنا قلقت جدا وربنا يستر عليك يا نرمين
نرمين: سيبهالي أنا المفعوصة دي ههه
انا: مع بعضكم بقى انتو احرار… هدخل انام شوية وبالليل هبقى انزل ابص على حسام والكافيه
نرمين: اوكي يا حبيبي وانا هصحيك الساعة 6

دخلت نمت كنا بعد الضهر بشوية وصحيت الساعة 5 لوحدي…. خرجت لاقيتهم قاعدين كلهم بره

انا: مساء الخير يا جماعة
نوال: صح النوم يا حبيبي
انا: اعمليلى قهوة يا نرمين على ما اخد شاور والبس

خدت شاور ولبست وشربت القهوة ونزلت وصلت الكافيه

انا: ازيكم يا شباب ايه الاخبار
حسام: اهلا حمدلله على السلامة يا هندسة
انا: تسلم يا حسام… ايه الاخبار والشباب عاملين اي
حسام: كله تمام يا رياسة والشغل عال العال
انا: تمام جدا ربنا ينور عليكم… في مشكلة او حاجة
حسام: لا خالص الدنيا تمام جدا… بس في شاب من اللي معانا عايز حضرتك في حوار كدا لو فاضي يعني
انا: مفيش ايه مشكلة… خليه ييجي على المكتب
حسام : تمام هبلغه دلوقت وابعته لحضرتك

دخلت المكتب في الكافيه وشوية لاقيت شاب داخل وغالبا دا اللي واقف على الشيش

شاب: لمؤاخذه يا هندسة
انا: تعال تعال ادخل يبني مالك واقف على الباب لي
شاب(مدحت) : بقولك يا هندسة كنت محتاج يومين اجازة كدا عقبال اولادك هخطب ومحتاج اجهز الدنيا
انا: الف مبروك يا مدحت مقدما وتمام خدلك يومين بس متنساش تعزمني بقى على الشبكة ههه
مدحت: يا باشا دا انت اول واحد لازم تحضر والا هلغي الخطوبة خالص هههه
انا: لا يا عم مش للدرجة دي يعني… امتى الخطوبة؟
مدحت: يوم الخميس اللي جاي
انا: يعني بعد بكره…. الف مبروك يا معلم.. ابعتلي بس العنوان وهجيلك وخد من بكره اجازة وانزل السبت
مدحت: تنوريني يا هندسة وشكرا جدا لحضرتك
انا: محتاج فلوس طيب ولا حاجة
مدحت: لا لا يا ريس كله تمام هي الاجازة بس
انا: خلاص تمام يا مدحت.. الف مبروك تاني
مدحت: تسلم يا باشا.. مستني حضرتك تنورني اكيد
انا: متقلقش هجيلك أنا والمدام وهرقص كمان في الشبكة
مدحت: حبيبي يا ريس…

خرج مدخت وانا قعدت شوية راجعت الفواتير وكدا…. كملت باقي اليوم في الكافيه وروحت الشقة قعدت مع نرمين شوية ودخلنا نمنا… صحيت الصبح الساعة 7

انا: نرمين.. قومي يلا الساعة بقت 7 البسي علشان ننزل البنك نسحب الفلوس ونقابل أمنية نخلص العقود
نرمين: حاضر يا شهاب… نص ساعة بس وهبقى جاهزة

دخلنا كل واحد اخد شاور ولبست وفضلت مستنيها لحد ما كانت الساعة بقت 8 وربع (طبعا ال نص ساعة عند الحريم تساوي ساعتين ونص ومتقدرش تعترض 🤷‍♂️) كنت أنا كلمت أمنية واتفقت معاها هخلص في البنك واكلمها علشان نمضي العقد وقولتلها تجيب السمسار دا معاها

انا: فعلا نص ساعة..!!
نرمين: عادي بقى يا حبي تعيش وتستنى ههه
انا: لا مهو كدا هموت مشلول حرفيا يا قلبي
نرمين: بعد الشر عليك ههههه

نزلنا ركبنا العربية واتحركنا على البنك… وصلنا ودخلت سألت على المدير وطلع ماجد مكلمه ومظبط كل حاجة معاه… خدنا في البنك ساعة وخرجنا بالفلوس كاملة 800 الف بلبل… اتصلت ب أمنية وانا في الطريق

انا: صباح الخير يا أمنية.. الفلوس جاهزة معايا تحبي نتقابل فين ونمضي العقود
أمنية: أي مكان تحبه يا شهاب اللي يريحك
انا: بالنسبة ليا عادي شوفي انتي تحبي فين وانا تمام
أمنية: معنديش مشكلة في أي مكان… ممكن نتقابل في الكافيه عندك وهجيب العقود والسمسار واجي انا
انا: خلاص تمام هستناكي في الكافيه واول ما توصلي ادخلي على المكتب على طول هستناكم هناك
أمنية: تمام هكلم السمسار حالا ونتحرك
انا: تمام يا أمنية… سلام

قفلت مع أمنية وكملت طريقي للكافيه

انا: أمنية هتجيب العقود وتيجي على الكافيه
نرمين: ايون يبقى احسن يا شهاب… بس انت ليه صممت اني اجي معاك وأبقى حاضرة امضاء العقود
انا: ناصحة طول عمرك… انتي اللي هتمضي على العقود مش أنا يا نرمين دي فلوسك والمكان هيبقى باسمك
نرمين: بس أنا مش عايزة امضي على حاجة ولا عايزة يبقى المكان باسمي يا شهاب
انا: كدا أنا هبقى مرتاح اكتر
نرمين: بس انت كدا بتعمل فرق بينا يا شهاب
انا: مين قال كدا… لا فرق ولا حاجة كل القصة اني عايزك يبقى ليكي مشروع يخصك انتي لوحدك يعني عايز اعمل منك سيدة اعمال يا نرموووو
نرمين: مهما ههقولك بردو مش هتقتنع غير بدماغك
انا: بالضبط كدا في خلينا نمضي العقود واحنا رايقين

وصلت الكافيه دخلت سلمت على الناس اللي شغالة كانت الساعة 10 الصبح والجو هادي عن بالليل

انا: ازيك يا هدى ( دي بنت مسؤولة عن الكافيه بالنهار وواقفة على البوفيه يعني متابعه الشغل قصاد حسام)
هدى: صباح الفل يا هندسة… ازيك يا نرمين هانم
نرمين: هانم ايه يا هدى بلاش الكلمة دي وحشة احنا بنات زي بعض وكمان السن قريب اسمي نرمين بس
انا: عظمة عليكي يا نرمين هانم ههه… ايه الاخبار يا هدى والناس اخبارها ايه والشغل عامل اي
هدى: كل تمام وزي الفل… حمدلله على السلامة
انا: تسلمي يا قمر… بصي يا هدى في ست اسمها أمنية ومعاها راجل هييجوا يسألوا عليا دلوقت ياريت تخليهم يدخلوا المكتب على طول أنا هستناهم جوا
هدى: من عينيا حاضر… طب اعملكم حاجة تشربوها على ما يوصلوا براحتهم
نرمين: ياريت يا هدى لو قهوة من ايدك القمر دي
انا: قهوة اي… بصي يا هدى اعمليلى أنا قهوة وهاتي لنرمين عصير فريش ايه عصير بس بلاش قهوة وياريت لو ايه ساندوتش ليها علشان لسه مش فطرت
هدى: من عينيا كلامك اللي يمشي يا هندسة

نرمين: عصير وساندوتش ايه يا شهاب عايزة اشرب قهوة
انا: شكلك نسيتي ان ممكن تكوني حامل يا نرمين ودا غلط علشان صحتك في كل الاحوال وكمان مش عايز ابني يطلع مدمن قهوة من صغره…. تعالي ندخل المكتب يلا

دخلنا المكتب قعدنا شوية كانت هدى جابت الحاجة ونرمين اكلت وشربت العصير وانا شربت قهوتي ولاقيت هدى بتخبط وأمنية والسمسار وصلوا…. قعدنا مضينا العقود وأمنية اخدت فلوسها وبعد كدا طلعت أنا وأمنية والسمسار سجلنا العقود في الشهر العقاري واديت للسمسار 10 الاف جنيه حقه ووصلت أمنية للبنك تحط المبلغ في حسابها وبعد كدا رجعنا الكافيه لان عربيتها هناك وكمان نرمين مستنيه في الكافيه

أمنية: مش عارفة اشكرك ازاي يا شهاب على كل اللي عملته معايا… انت شاب محترم جدا وربنا يرزقك الخير
انا: معملتش حاجة يا أمنية دا جزء بسيط من اللي أحمد عمله معايا اول ما قابلني وبعدين يا ستي لو مش علشان أحمد يبقى علشانك انتي والاولاد وخليكي فاكره دايما اني موجود في اي وقت محتاجة حاجة او الاولاد محتاجين حاجة تكلميني على طول بدون كسوف
أمنية: اكيد يا شهاب انت اخ بالنسبة ليا
انا: اكيد طبعا… تعالي طيب استريحي من المشاوير دي وبعدين أبقي روحي بيتك
أمنية: لا يدوب كدا امشي علشان الاولاد لوحدهم ومحضرين الشنط علشان هسافر عند بابا النهارده
انا: تمام يا باشا وخدي بالك من نفسك ومتنسيش اني دايما موجود لو في مشكلة او حاجة معاكي
امينه: تمام يا شهاب… شكرا ليك… مع السلامة

مشيت أمنية وانا دخلت الكافيه لاقيت نرمين ومعاها كرستين ودينا قاعدين على ترابيزة

انا: اهلا اهلا انتو وصلتوا
نرمين: تعال ارتاح يا حبيبي
دينا: يرتاح من ايه هو كان بيحارب ولا حاجة
نرمين: ملكيش دعوة انتي يا ام لسان
انا: علبا الطماطم هقوم افشخك أنا مش شايف حاجة
كرستين: مالك بس يا شهاب مش شايف لي انت تعبان.!؟
انا: لا الشمس مخلياني ضايع وانا مبعرفش اتحرك في الشمس واصلا من بداية اليوم مشاوير
دينا: ايون مهو هما الناس الملونة كدا الشمس بتتعبهم
نرمين: اسكتي يا جزمة انتي هيقوم يضربك
انا: سيبيها سيبيها هي حرة وهتجيبه لنفسها
نرمين: خلاص يا حبيبي… استني هنادي ل هدي تجيبلك كوباية ميه وتعمل قهوة تفوقك شوية
انا: ياريت يا نرمين… تسلميلي يا قمر


كرستين: قولي بقى عملت ايه النهارده.. خلصت ولا لسه؟
انا: ايون تمام العقود اتمضت واتسجلت كمان ومفتاح الكافيه معايا يعني من بكره نقدر نجيب ناس تشتغل فيه
نرمين: طب كويس جدا…. بس استنى شوية وبعدين أبقى جيب الناس تشتغل حتى تكون ريحت نفسك شوية من الافتتاح ونزلت على هنا خلصت الكافيه
انا: مش هتفرق يا نرمين الشتاء بدأ يدخل علينا وعايز اعمل افتتاح السنتر دا قبل الشتاء علشان ننزل لبس شتوي وحاجات جديدة هو دا الوقت المناسب
دينا: كلام شهاب صح ويبقى الافتتاح في دخلة الشتاء والناس بتشتري لبس جديد هيبقى توقيت ممتاز
انا: المطلوب منكم بقى تجيبوا اصحابكم وتفرجوهم على الحاجات اللي هتبقى موجودة واهو ان عجبتهم هيجيبوا صحابهم وكدا الدنيا هتظبط والسنتر هيتعرف بسرعة
كرستين: أنا شخصيا هكلم كل صحباتي واخليهم ييجوا الافتتاح وهما بيحبوا اللبس اصلا
دينا: وانا كمان هجيب صحابي كلهم يتفرجوا
انا: تمام جدا يا بنات…. هقوم أنا بقى اعمل شوية مكالمات كدا وارجعلكم تاني

دخلت المكتب طلعت فوني ورنيت على “مي”

انا: ازيك يا مي.. معلش بقى صحبتك من النوم
مي: ازيك يا شهاب… ولا يهمك أنا صاحية اصلا… انت نزلت القاهرة ولا لسه في اسكندرية
انا: لا نزلت امبارح ومحتاج منك خدمة… انتي فاكره شيماء جارتكم اللي ابوها شغال في المعمار
مي: ايون ايون… ربنا يرحمه بقى مات من سنة
انا: يا شيخة… بتهزري..!!
مي: لا بجد مات من سنة… في حاجة ولا ايه
انا: لا كنت عايز اكلمه اخليه ييجي يشتغل عندي في المحل في شوية تعديلات عايز اعملهم
مي: جيت متأخر انت يا شهاب.. ربنا يرحمه بقى
انا: يلا ما علينا بقى… المهم انتي ومازن بخير
مي: كله تمام وبخير يسطى… هتيجي امتى تاني
انا: هو أنا لحقت يا بنتي… معايا شوية شغل هنا
مي: طب لما تيجي بقى أبقى كلمني
انا: اكيد يا باشا… يلا بقى علشان لو عايزة تنامي
مي: تمام يسطى… مع السلامة

دا ايه الفقر دا يا جدعان… ما علينا نشوف بقى ايه حد ييجي يخلص الشغل دا وربنا يستر يكون شغله حلو….. كملت مكالمات ورنيت على أشرف

انا: صحيتك من النوم ولا ايه يا معلم
أشرف: حبيبي يا هندسة لا أنا صاحي اصلا قاعد مكان مروان شوية بعوض اليوم اللي كان مغطيه مكاني
انا: طب كويس… بقولك ايه عايز حد بتاع معمار يعملي شوية شغل كدا بناء ومحارة تظبيطات يعني
أشرف: خير يا ريس انت هتغير نظام الكافيه؟
انا: لا لا يا ابني أنا اشتريت الكافيه بتاع أحمد وهعمله سنتر لملابس حريمي ومساچ والجو دا وعايز يتظبط
أشرف: جامدة جدا دماغك يا ريس… عموما في واحد صاحبي شغال في المحارة هكلمه كدا يجيب بناء معاه ويخلصوا الشغلانة واضمنهم ليك شوية شغل رايقين
انا: خلاص اشطا الحوار معاك انت كلمهم وعرفني
أشرف: تمام هكلمه بالليل وهرد عليك
انا: اشطا… الجو عندك عامل اي
أشرف: كله تمام متقلقش يا هندسة
انا: هو أنا مخليك هناك علشان اقلق يا أشرف
أشرف: يبقى سيبها عليا وكله هيبقى فل
انا: اشطا يا معلم… يلا سلام


نهاية الحلقة الثّانية