البيت الكبير | الجزء الأول – الحلقة الأولى

هذه القصة خيالية وغير مرتبطة بأي أحداث حتى وان كانت متشابه مع أي أحداث حدثت بالواقع.

تدور أحداث القصة في أحد أرياف مصر

في منزل الحاج نعمان  احد اكبر واهم رجال البلد وأغناهم فقد كان فاحش الثراء ولديه عدة محلات لبيع العطارة غير الأراضي والبهايم اللي عنده

المنزل  يشبه القصر وكان يضم أفراد عائلته وابن اخوه أحمد كان مسافر المانيا

الدور الأرضي فيه اوضتين كبار جدا وكل اوضة فيها حمامها ومجهزة من مجاميعه واحدة على الشمال بتاعة عصام ومراته اللي مخلفة ولدين امير وعمر

واللي على اليمين بتاعة حسين ومراته اللي مخلفة بنتين سهيلة .ونرجس

وفي النص السلم والصالة كبيرة فيها صالون وانتريه وسفرة بيتجمعوا كلهم عليها

والدور الأول كله بتاع الحاج نعمان اللي فيه اوضتين اوضة بتاعة الحاجة أمينة واوضة مراته التانية فتحية

والدور فيه بناتة التلاتة

والدور الرابع مجهزه ل للدكتور أحمد واوضة مخليها مفروشة وفاضية للظروف

البيت في وسط جنينة كبيرة وفي البيت الزريبة اللي فيها البهايم على الشمال وعلى اليمين اوضتين اوضة مربين فيها الطيور

والاوضة التانية كبيرة عاملينها مخزن بيخزنوا فيها البضاعة بتاعة المحلات

ومخزن كبير مبني جنب البيت بيحطوا فيه المحاصيل بتاعة الأرض قبل ما يبيعوها لتجار الجملة اللي بتيجي من القاهرة مخصوص علشان تشتري زرعة الحاج نعمان

 

وفيه كمان جراچ وده له بوابة تانية بتدخل منه العربية المرسيدس بتاعة الحج وعربية عصام  وحسين مكنش غاوي سواقة علشان كده مجبش عربية

الحاج نعمان  رجل في الخمسين  وزوجته الحاجة أمينة في نفس عمره او تقل عامان

وزوجته الثانية فتحية  كانت تعمل خادمة لديهم في المنزل  وتزوجها بعد أن وقع في غرامها رغم خلافه مع ابنائه

حسين وعصام وبناتة  الهام  ونعمة  ورشا

حسين متزوج من اسماء  وعصام متزوج من زينب رشا مخطوبة ل أحمد ابن عمها من وهم عيال صغيرين واختها الهام مخطوبة لجلال ابن العمدة مصليحي والكبيرة نعمة جوزها مسافر العراق ومحدش يعرف عنه حاجة

. .

زغاريط وافراح في منزل المعلم نعمان احتفالا بعودة الدكتور أحمد ابن اخو المعلم نعمان وخطيب ابنته رشا من المانيا بعد إن اتم دراسته وحصوله على الدكتوراه بالخارج وتخصصه في النسا والولادة

 

الحاجة أمينة :: هي طيارة أحمد هتوصل امتى يا حاج نعمان

الحاج نعمان :: انا بعت حسين ابنك وعصام يروحوا يستقبلوه في المطار

الحاجة أمينة :: والنبي انا كان هاين عليا اروح بنفسي استقبله لحسن الولا ده وحشني اوي يا حاج

الحاج :: اهو كلها خمس ست ساعات وتلقيهم داخلين علينا

 

الباب خبط

الحاج نعمان::  مين ؟

زوجة الحاج نعمان الثانية فتحية :: انا يا حاج نعمان

الحاجة :: ادخلي يا فتحية

فتحية :: الولا عوضين بره وبيقولك الجزارين دبحوا العجل بتاع الليلة وفاضل ال عجلين اللي هتوزع لحمتهم نية وبيقولك يدبح العجلين دلوقت ولا يستنى على ما الدكتور أحمد يوصل بالسلام

الحج نعمان :: لا دول يدبحوا تحت رجلين الدكتور  خليه يستنى لما الدكتور أحمد ابن اخويا يجي بالسلامة

ونبهي على الواد شعبان خليه يشوف الجماعة اللي بتعمل الاكل بتاع الليلة اللي هيتعمل واذا العجل مكفاش ياخد من اللحمة بتاعة العجلين اللي هيدبحوا  انا عايز البلد كلها تاكل وتتبسط

فتحية :: طيب يا خويا انا بقى هروح اقوله وبعدين ادخل ادبح كام جوز حمام على ديك رومي كده لسي الدكتور

الحاج نعمان :: ماشي وخلي البت نعمة هي والبت زينب مرات عصام تساعدك

فتحية :: ماشي ياخويا تؤمرني بحاجة تانية

الحاج نعمان :: ايوة شوفي كده اسماء خلصت ترويق الدور الفوقاني اللي هيقعد فيه الدكتور ولا لسه  لحسن انا عارفها بت لوكعاية اوي

فتحية :: حاضر يا حاج  بالاذن انا

 

الحاجة :: أمينة :: تعيش يا حاج وديما كده مفرح أهل البلد

الحاج نعمان :: ولسه يا أمينة  دانا عاملة ليلية هيتحاكآ بيها

الحاجة أمينة :: هههههه امال ايه هو احنا عندنا كام دكتور  هو دكتور واحد بس

 

فتحية :: ينيلك يا اسماء انتي لسه مخلصتيش؟

اسماء :: وانا اعمل ايه  ما انا شغالة اهو بأيدي وسناني

فتحية :: طب شهلي كده لحسن لو الحج عرف انك لسه مخلصتيش هيخرب الدنيا

اسماء :: الا قوليلي يابت يا فتحية متعرفيش الحاج نعمان اشتري العيادة الجديدة بتاعة الدكتور أحمد فين في البلد

فتحية :: وانا اعرف منين بس هو انا كنت معاه وهو بيشتريها

اسماء :: ايهيي بقى عليا انا الكلام ده يابت

بقى انتي متعرفيش  اشحال لو مكنتيش واكلة دماغه وخلتيه اتجوزك يابت

فتحية :: خليكي كده انتي ارغي لغاية ما نلاقي الدكتور وصل واحنا معملناش حاجة

انا سيباكي ونازلة

.

نعمة :: بت يا رشا انتي هتقابلي خطيبك بالجلبية دي

رشا :: مالها بقى الجلبية دي

نعمة :: روحي يابت البسي الجلبية اللي جبنهالك اولت امبارح

رشا :: انا مش عارفة اعمل ايه ولا ايه انا حاسة اني متلخبطة كده والدنيا فوق راسي

نعمة :: من حقك يا اختي ما هو حبيب القلب جاي كمان شوية

رشا :: شكلي كده حلو يابت

نعمة :: طب حطي احمر واصفر

رشا :: يالهوي يانعمة انتي عايزة الحاج يقتلني

نعمة :: هههههه ولا هيقتلك ولا حاجة ده حتى ابويا بيحب أحمد اوي وبيتمناله الرضا

رشا :: فكرك كده  طيب انا هحط بس حاجة خفيفة كده

نعمة :: ايوة كده يا بت يا رشا لحسن أحمد جاي من بلاد الخوجات وهناك البنات كلها حاطة ايشي احمر وايشي اصفر واحنا مش اقل منهم يابت

رشا :: ههههههههههههههه واحنا هنيجي ايه جنب بنات بلاد بره يانعمة

 

عصام :: حمدلله بالسلامة يابن عمي

أحمد:: الله يسلمك يا عصام  ازيك ياحسين

حسين :: انا بخير يابن عمي  بركة انك رجعتلنا بألف سلامة

أحمد :: ربنا يخليك  طمني على الحاج والحاجة وزوجاتكم

عصام :: كلهم بخير ومستنظرينك كلهم في البيت الكبير

حسين :: ده الحج في البيت مستينك من صباحية وعاملك ليلة انما ايه  كل ده بمناسبة رجوعك يابن عمي

عصام :: امال ايه يا عصام هو أحمد ابن عمنا ده شوية  ده راجع من بلاد برا ومعاه شهادة قد الدنيا ورجعلنا دكتور

أحمد :: بقولك ايه يا عصام  اخبار بنت عمي ايه

عصام :: اااااه اختي رشا بخير يا يابن عمي

خرجنا بره المطار وركبنا عربية عصام وبدأنا نتحرك من القاهرة للبلد والمسافة بتاخد تقريبا تلات ساعات

شكل مصر كله اتغير ولاني مسافر من سنين طويلة كنت طول الطريق بتفرج على البلد من طب زجاج العربية

 

العمدة :: يا ساتر

الحج نعمان :: اتفضل يا حاج نعمان هو انت غريب

العمدة :: ازيك يا حاج نعمان

الحج نعمان :: بخير يا عمدة  بقى كده يا راجل يا عجوز انت محدش بيشوفك عندنا غير لو فيه مناسبة

العمدة :: مشاغل يا حاج مانت عارف العمودية وقرفها

الحج نعمان :: ايوة ربنا يعينك  امال جلال فين

العمدة :: جاي يا حاج بس بيطلع العجل في عربية نقل وجاي

الحج نعمان :: عجل ؟ ليه بس كده ما خير ربنا كتير وفيه اتنين عجول بره

العمدة :: مفيش حاجة تكتر على سي الدكتور

الحج نعمان :: تاكل دلوقت ولا هتستني الدكتور وتاكل معانا

العمدة :: لا انا هستنى اللمة

الحج نعمان :: بت الهام

الهام:: ايوة يا يابا جاية اهو

تعالي يا بت سلمي على عمك الحج مصيلحي واعمليلنا دور شاي

الهام:: ازيك ياعمي

العمدة ازيك انتي ياعروسة ابني ياغالية

الهام:: كويسة ياعمي  هو جلال مجاش معاك

الحج نعمان :: زمانه جاي  روحي يلا اعملي لينا الشاي

الحجة أمينة :: يا اهلا يا اهلا ازيك يا عمدة

العمدة :: ازيك انتي يا مرات اخويا الغالي

الحجة أمينة :: في نعمة يا عمدة  ازيك وازي مراتك. صباح  الا بالحق هي مجتش معاك ليه

رشا :: الشاي

الحج نعمان :: حطي الشاي على الطربيزه وادخلي ساعدي مرتات اخواتك

العمدة :: هتيجي بس شوية كده ما انتي عارفة انها على طول في الدوار وبتحب تعمل كل حاجة بإيدها برغم اني جايب اللي يخدمها يا أمينة ياختي

الحجة أمينة :: ههههههه ايوة عارفة انت هتقولي

الحج نعمان :: مراتك دي ست طيبة اوي يا عمدة وماعليك عليا حلفان الحجة بتعزها اوي اوي

العمدة :: القلوب عند بعضيها. اهو جلال وصل

الحج نعمان :: ازيك يا جلال يابني

جلال :: الحمد لله  ازيك انت ياعمي وازيك يامرات عمي

أمينة :: بخير يابني

العمدة :: نزلت العجل وحاسبت السواق يا جلال

جلال :: ايوة يابا متحطش في بالك انت، كله مشي زي مانت عايز واكتر

أمينة :: والله ماكان له لزوم كل ده

العمدة :: قولتله  نعمل ايه بقى اصل العمدة صاحب واجب من يومه

ضرب النار اشتغل بره

الحج نعمان :: دول بيناتهم وصلوا

 

الكل جري على بره والزغاريط بقى يما

وكان فيه طبل بلدي جايبنها من اول البلد لغاية ما وصلوا للبيت الكبير

والكل بقى بياخد الدكتور أحمد بالأحضان

وكل أفراد البيت خرجوا استقبلوه بره البيت

الحج نعمان نده على الجزرين ودبحوا التلات عجول في حضور الدكتور أحمد ووزعوا اللحمة على اهالي البلد

أحمد :: اللي انت عامله ده كتير اوي يا عمي

انا لو كان ابويا وامي عايشين مكانوش عملوا اللي انت عملته واللي لسه بتعمله علشاني

الحاج نعمان :: متقولش كده وبعدين مانت ابني، مانا اللي مربيك من وانت لسه عيل صغير

أحمد :: طبعا طبعا ربنا يخليك لينا وميحرمناش منك يارب

الحاج نعمان :: طب يلا ندخل احسن مستنينا جوه والحاجة أمينة هتموت وتشوفك

العمدة :: وانت كده يا أحمد هتمارس على طول الطب ولا فيه إجراءات هتعملها

أحمد :: انا خلاص يا عمدة خدت الدكتوراه، اجرءات ايه  بس هستنى شوية اشوف الوظيفة هتعين في انهي مستشفى

الحاج نعمان :: بقى ده اسمة كلام يا دكتور، وظيفة ايه ومستشفى ايه  عيادتك ماهي موجودة يا بني

أحمد :: عيادة ؟ عيادة ايه

العمدة :: ماهو الحاج نعمان اشتري بيت صغير كده غرب البلد وهيعملهولك عيادة شاملة

أحمد :: ايوة يا عمي بس انا محتاج للوظيفة الحكومية

الحاج نعمان :: بقى ده اسمه كلام يا أحمد بقى تبقى الدكتور أحمد ابن اخويا وتشتغل في مستشفى حكومي، دي تبقى عيبة اوي في حقنا

 

دخلنا البيت والزغريط من حواليا والحاجة أمينة جت سلمت عليا وخدتني بالحضن اكمني زي ابنها ومربياني من وانا عندي عشر سنين

الحاجة أمينة :: وحشني اوي يا أحمد عيني عليك باردة

أحمد :: وانتي كمان يا حاجة وحشاني اوي اوي

فتحية :: ازيك يا سي أحمد

أحمد :: اهلا يا فتحية

فتحية :: اهلا؟  طيب

 

أهل البيت كلهم بحريمهم ورجالتهم قعدوا مع أحمد والكل بيسأله وبيطمن عليه

ورشا قاعدة بتبصله ومكسوفة

أحمد :: ازيك يابنت عمي  ايه مش بتتكلمي وقاعدة ساكتة

فتحية :: مكسوفة يا سي أحمد

أحمد بصلها كده  ورشا قالتله: لا ابدا.  اخبارك ايه

الحج نعمان :: طيب ايه مش هتأكلي خطيبك ولا ايه. احنا جعانين

الحاجة أمينة :: الأكل معمول من الصبح

يلا يابنات طلعوا الأكل يلا الرجالة على لحم بطنها من الصبح

 

اتلمت العيلة كلها على السفرة وأحمد من زمان جدا حوالي عشر سنين من يوم مسافر المانيا علشان تعليمه وكان كل سنة ينزل اجازة ومكنش بيتجمع معاهم غير شهرين في السنة

 

بعد ما الرجالة اتغدت وشربوا الشاي، الحاج نعمان خد أحمد والعمدة وولاده حسين وعصام وطلعوا راحوا الليلة اللي معمولة بره البيت

وكانوا جايبين اشهر مطربين في البلد  ورقص حصانه على المزمار

والأكل كان غرب الجنينة بتاعة البيت

وكان فيه ناس مخصصة انها تنظم أهل البلد للدخول علشان تاكل

والكل مبسوط وبيدعي للحاج نعمان ويبارك برجوع الدكتور من بلاد بره

 

الستات واقفة في البلكونة بتتفرج، ورشا هيمانة وعيونها بتراقب ابن عمها وخطيبها الدكتور أحمد  ومين قدها وهي هتبقى مرات الدكتور اللي متعلم وواخد الشهادة الكبيرة من بلاد الخواجات

وعيون فتحية مراقبة الدكتور، ومراقبة نظرات رشا والحقد والغيرة ملو قلبها،

وبقت بتجز على سنانها وهتطق من الغيظ

 

انتظروا الحلقة الثانية