أنا وصاحبي واخواتنا البنات – ج5ح9
ديسمبر
يوم التلات الصبح في مخازن شركة الفيصل في السويس . . . .
احمد: مش تجنني يا عم انت .. ازاي انا الي باعتهم .. انا معرفش حاجه ولا بعت حد !!!
الامين عمار: حضرتك السواقين جوم امبارح بالليل وكان معاهم اوراق ممضيه من حضرتك وقالو انهم هياخدو كل الي في المخازن بأمر منك .. وحملو كل حاجه ومشيو .. واتفضل الاوراق اهي
عمار امين مخازن الشركه جاب لاحمد ورق وإيصالات ممضيه منو والإمضاءات اصليه مش تزوير .. وفيها امر بشحن كل الي في المخازن .. احمد شاف الورق واتجنن اكتر . . . .
احمد: ازاي دا .. انا مشوفتش الاوراق دي ولا مضيت على حاجه .. اكيد حد عامل فيا مقلب
عمار: حضرتك انا مليش دعوه .. انا متعود سواقين اشكال والوان معاهم ورق زي دا ممضي من حضرتك .. وبيحملو وبيمشو ومفيش حاجه بتحصل .. اول مره تحصل مشكله زي كدا
احمد رما الورق وركب عربيته ومشي بسرعه جنونيه . . . . . .
………………
بالليل في الشقه انا وخلود بنجهز حاجتنا للسفر يوم الاربع الصبح . . . .
خلود: انا ظبطت هدومنا مع بعض في الشنطه الكبيره .. واللابتوب بتاعك وباقي الحاجه في الشنطه دي
انا: تمام كدا .. خلاص مش هناخد حاجه تاني
خلود: طب شنطتين الفلوس دول هتعمل فيهم اي
انا: لا دول ليهم طرق تانيه عشان يتحولو لحسابي .. ماتشغليش بالك انتي
خلود: طيب .. يلا ننام بقا عشان نعرف نصحا بدري
انا: يلا
دخلنا الاوضه ونزلنا تحت الغطا .. خلود لفتلي ودخلت في حضني واحنا نايمين . . . .
خلود: خلاص كدا .. هنسافر وهسيب اهلي ؟!!
انا: ما احنا هنيجي هنا تاني
خلود: صحيح انت هتعمل اي في العماره دي
انا: العماره دي انا نقلتها وبقت بأسمك انتي .. هنسيبها زي ما هي كدا والايجارات تتحول لينا كل شهر وخلاص .. واهو يكون لينا حاجه هنا
خلود: من امتا وهي بأسمي ؟!! .. ونقلتها بأسمي ليه اصلا !!
انا: انا نقلتها بأسمك بعد ما اتجوزنا على طول .. ياستي اعتبريها المهر بتاعك 😂
خلود: كنت تقولي حتى .. بعدين دي كتير أوي
انا بوست راسها: مفيش حاجه تغلى عليكي 💓🤍
خلود: الله يخليك ليا يا حبيبي
في الوقت دا تليفوني رن وكان صناره الي بيتصل . . . .
انا: الو
صناره: كلو تمام يا كبير .. الحاجه اتخزنت وفي انتظار الي هياخدها
انا: تمام .. يبقى هكلمك انا
صناره: تمام
فلااااش بااااااك
انا وابو يوسف قاعدين بنتكلم . . . .
انا: يوم تسليم الشحنه بتاعتك احمد هيلاقي المخازن فاضيه .. وبكدا يكون ليك حق انك تحبسو وتحجز على اموالو كلها .. والي في المخازن هيكون في ايدي وهتشتريه مني بخصم ٢٥٪ من السعر الاصلي .. اي رأيك
ابو يوسف سلم عليا: لسه بتسأل عن رأيي ؟! .. اكيد طبعا موافق
…………………
انا وصناره في القهوه بنتكلم . . . .
صناره: اي هي خطتك
انا: هتروح مع سواقين النقل ومعاك ورق يبقى هتاخدو مني قبل العمليه بيوم .. وانا هكون مظبط مع الامن وامين المخازن هناك .. هتاخد الحموله الي في المخازن كلها وتخزنها في اي حته تبعك لما يجي الي هياخدها .. الي هياخدها هيشتريها مننا والفلوس الي هتطلع هتبقا بالنص بيني وبينك .. العمليه دي هيطلعلك من وراها ملايين مش هتلحق تخلصها في السنين الي باقيالك
صناره: تمام أوي .. الرجاله والعربيات جاهزه .. ومستنيين اشاره منك
……………..
يوم التنين بالليل قاعد انا وواحد في كافيه . . . .
انا: عايزك تكون مع احمد خطوه بخطوه وتراقبو من بعيد .. مش عايز اعرف هو بيعمل اي .. بس عايزك تعرف هو بيروح فين ومش يغيب عن عينك .. لحد ما اسألك انا على مكانو والحكومه هتتابع معاك لحد ما تقبض عليه .. وهنا تكون مهمتك خلصت
الشخص: بس دا هيكلفك
اديتو ظرف ابيض خدو وحطو في الجاكت بسرعه . . . .
انا: دول ٣٠٠٠ جنيه .. وهتاخد قدهم لما اقولك احمد يتقبض عليه
الشخص: تمام
…………….
يوم الاتنين بالليل في مخازن السويس . . . .
صناره راكب جمب سواق في عربيه كبيره وقف عند البوابه ووراه ١٠ تريلات تانيين .. الامين عمار جيه وصناره نزل يكلمو . . . .
عمار: عمر بيه لسه مكلمني .. فين الورق
صناره سلمو ظرف .. عمار خد الظرف وفتحو واتأكد من الورق . . . .
عمار: تمام .. والفلوس ؟!
صناره سلمو ظرف فيه قلوس . . . .
صناره: دا الي طلبتو من عمر بيه
عمار فتح الظرف: اممم .. تمام .. طيب يلا خلصو بسرعه .. ساعه بالكتير وتكونو ماشيين
صناره: تمام ” طلع لاسلكي ” يلا يا رجاله .. عايز كل الي في المخازن يكون في العربيات خلال اقل من ساعه
العربيات اتحركت ودخلت المخازن والسواقين ورجاله كتير نزلو وبدأو يحملو البراميل … وخزانات الغاز الطبيعي والنفط السائل اتصفت كلها في عربيات مخصوص . . . .
……………..
نرجع من الفلاش باك
خلود: مين دا يا عمر
انا: ها !! .. متشغليش بالك حاجه بسيطه
خلود: انا حاسه انك مخبي عني حاجه مش عارفه ليه
انا بوست راسها: وهخبي عنك اي بس .. دي مشكله في ورق السفر واهي خلصت
خلود: طيب
سكتنا شويه بعدين خلود سألت . . . .
خلود: هي ولاء كانت عايزه اي منك صحيح .. انت مقولتليش
انا: كانت بتعتذر .. وفضلت تندب في حظها وتعيط .. بتقول انها ندمانه على كل حاجه
خلود: وانت سامحتها
انا اتنهدت: اممممممم .. مش عارف .. هي صعبت عليا وقولت هسامحها واخدها معايا هي وأمي .. بس رجعت تاني في كلامي .. مش عارف اي الي رجعني
خلود: سامحها يا عمر .. انا شايفه انها مغلطتش فيك .. هي كانت فتره صعبه عليكو انتو الاتنين .. الدنيا مش مستاهله كل دا .. مهما كان دي اختك .. وعشان انت مش هاين عليها هي طلبت تتكلم معاك عشان تعتذر .. اعمل الي عليك انت وسامحها وهاتها معانا .. اظن مش هتخسر حاجه يعني .. ومظنش انها هتعرف تعمل حاجه بعد كدا
انا: هسامحها .. نسافر انا وانتي الاول بعد كدا نبعت ليها ولأمي دعوه ونجيبهم يعيشو معانا
خلود: اشطا .. يلا ننام بقا عشان نعرف نصحى بدري للطياره
………………….
الصبح في مطار القاهرة الدولى .. نزلت انا وخلود من التاكسي قدام المطار . . . .
خلود: كنت عايزه ماما تبقى معانا دلوقتي .. ممكن تزعل على فكره عشان مش قلنالها على ميعاد الطياره .. رغم انها سألتني كتير
انا: متقلقيش .. هتتقبل الموضوع .. بعدين هتزعل منك ليه يعني .. يلا عشان مش نتأخر
خلود: يلا
دخلنا المطار ووقفنا نخلص اجراءات السفر .. واحنا واقفين لقيت أمي بتتصل .. قفلت عليها وفي نيتي هرن عليها بعدين .. لكنها اتصلت تاني ومبطلتش ترن . . . .
انا: طب دقيقه يا خوخه هرد على التليفون واجي
خلود: طيب
خدت جمب لوحدي ورديت . . . .
انا: الو يا ماما
ماما: الحقني يا عمر .. ولاء اتقبض عليها والحكومه حجزت على البيت .. وبندور على احمد مش لاقيينو
انا: اييييه !!! ( في دماغي عادي ان البيت يتحجز عليه واحمد يكون مطلوب .. لكن ولاء مالها )
انا: طب هي في قسم اي
ماما: وسط البلد
انا: وانتي فين دلوقتي
ماما: قدام البيت اهو والحكومه ماليه المكان
انا: طيب استنيني عند العماره بتاعتي وانا جاي دلوقتي
قفلت معاها ورحت لخلود: يلا يا خلود خلينا نمشي
خلود بصتلي: على فين ؟ .. مش هنسافر ؟!
انا: مش النهارده بقا .. يلا بينا
خلود: اي الي حصل يا عمر .. مين كان بيكلمك ؟!
انا: هفهمك بعدين .. يلا بينا
……………..
ممتازة