أنا وصاحبي واخواتنا البنات – ج5ح10 والأخيرة

طلعت انا وخلود من المطار بعد ما امي كلمتني وعرفت منها ان ولاء محبوسه .. كدا طبعا الطياره ضاعت علينا .. وقفنا تاكس ومشينا وانا طول الطريق متلخبط وبفكر ( طب ولاء مالها بالحوار .. ولي يقبضو عليها اصلا ) في الوقت دا كنت خايف على ولاء فعلا .. مفهمتش نفسي ولا فهمت احساسي ساعتها .. لكن كل الي كان في دماغي اني اروح واطلعها من السجن .. والسبب مكانش واضح بالنسبالي ساعتها .. هل عشان انا مقصدتهاش بأنتقامي .. او عشان هي اختي وحبي ليها هو الدافع . . . .
وصلت العماره وخلود طلعت وانا كملت في التاكسي للقسم .. نزلت ودخلت على المأمور على طول . . . .
انا: رأفت بيه !!
رأفت: اهلا عمر باشا .. اتفضل
دخلت وقعدت قدامو: في هنا ولاء ***** .. ايه سبب القبض عليها ؟!
رأفت: رجل اعمال خليجي كان متعاقد مع شركة جوزها .. وجيه معاد التسليم وملقيش المتفق عليه .. ف بلغ الوزير مباشرة والوزير كلمني وكلفني بمهمة القبض على احمد عشان نخلص الليله دي .. واحمد هرب ومش لاقيينو
انا: طب ولاء مالها ؟!
رأفت: ما هي مراتو .. بعدين هي ليها ٥٠٪ من اسهم الشركه بأسمها .. ودا بيخليها مشتركه في الموضوع مع احمد النص بالنص
انا في دماغي ( احا ) : طب هي فين دلوقتي اما عايز اشوفها
رأفت: انا عارف انها تبعك من الاول وعشان كدا متوصي بيها ومرتاحه على الاخر .. بس سامحني يا عمر باشا انا مش هقدر افيدك في اي حاجه عشان الأمر جاي ليا من الوزاره مباشرة
انا: انا فاهم كل دا .. متقلقش انا هحل الموضوع من غير اي ضرر على حد .. كل الحوار بس اني عايز احمد بس يكون هو الي في الحبس مش حد تاني
رأفت: بس احنا مش لاقيينو وبندور عليه في كل حته
انا: انا عارف مكانو فين .. بس لما يجي على القسم هنا عايزك تمضيه على كام ورقه كدا تحطهم في وسط اوراق المحضر .. ورقة طلاقو من ولاء وكمان اوراق بيع اسهمها في الشركه .. لان الليله ولاء هتطلع من الحبس ولا كأنها جات هنا واحمد هو الي هيشيل كل حاجه
رأفت: تمام ماشي .. اتفضل الأمين هياخدك على زنزانة ولاء
قومت ومشيت مع الامين للزنزانه وكانت زنزانه انفرادي فيها سرير نضيف واحسن من باقي الزنازين شويه .. ولاء كانت قاعده على السرير وراسها بين رجليها وقاعده مش بترد على حد ولا بتتكلم .. الامين فتحلي ودخلت قعدت جمبها والامين قفل ومشي .. ولاء رفعت راسها وبصتلي وكان شكلها زي المكتأبين وعنيها حمرا وشكلها كانت بتعيط . . . .
ولاء: مش كان المفروض تكون سافرت دلوقتي ؟!
انا: ما انا عرفت انك هنا وجيت عشانك
ولاء: وجايلي ليه .. انا مش عايزه حد ولا عايزه اطلع .. دي اخرة الي عملتو ومقتنعه بنهايتي
انا: بس انا مش مقتنع بالنهايه دي .. وهتطلعي من هنا وهتيجي تعيشي معايا انتي وأمك .. وهننسى كل الماضي وهنفتح صفحه جديده
ولاء بدأت عياط: من فضلك يا عمر انا مش عايزه شفقه من حد .. سيبني في حالي ارجوك 🙏
انا خدتها في حضني: دي مش شفقه يا ولاء .. متنسيش انك اختي .. مهما كان الي حصل قبل كدا مش هقدر اغير الحقيقه دي ولا هقدر انسا اللحظات الحلوه معاكي
ولاء: بس انا اذيتك كتير أوي
انا: ولا يهمك .. من امتا اصلا مكنتيش بتأذيني .. مانتي طول عمرك مطلعه عيني
ولاء ضحكت وهي بتعيط: بجد انتا حنين أوي وقلبك كبير .. انا اسفه أوي على الي حصل مني
انا: ولا يهمك يا قلبي .. عايزك بقا تركزي معايا عشان اعرف اطلعك من هنا
ولاء طلعت من حضني ومسحت دموعها: قول انا معاك
انا: هجهزلك ورقة طلاق بتاريخ قديم .. وكمان عقود بيع للأسهم بتاعتكي في الشركه بتاريخ قديم .. وهخلي احمد يمضي عليهم واروح اثبت عقود البيع في الشهر العقاري بالتواريخ القديمه .. اعرف واحد هيخلصلي الحوار دا .. وهثبت اوراق الطلاق برضو في السجل .. وهتطلعي من هنا ولا كأنك جيتي اصلا
ولاء: طب وهنجيب احمد منين لكل الكلام دا
انا: انا عارف احمد فين .. من قبل ما يحصل كل دا وانا عارف انو هيهرب .. عشان كدا مكلف واحد يراقبو وينقل ليا كل تحركاتو
ولاء: وانت مالك اصلا بتحركاتو .. مش ده شغلة الحكومه ؟!
انا: ما انا السبب في كل دا .. انا بنتقم من احمد على الي عملو معايا .. وانتي هنا بسببي
ولاء:………
انا: انا عارف الي بيدور في دماغك .. بس انا مستحيل اتنازل عن انتقامي من احمد .. اتقبلي الموضوع بقا براحتك
ولاء: مقصدتش .. بس انا متوقعتش خالص انك انت الي عملت كدا .. انت كدا هتخرب بيت ناس كتير .. الموظفين في الشركه والعمال وكل دا
انا: متخافيش .. اتفقت مع ابو يوسف انو هياخد الشركه في المزاد العلني وانا هساعدو ان المزاد يقفل عليه .. وهو في المقابل هيخلي الشركه شغاله زي ما هي والموظفين والعمال زي ما هما .. المهم .. انا هروح اجهز الاوراق المطلوبه واجيب امضاءات احمد واجي اطلعك من هنا
ولاء: تمام
…………….

يوم الاربع بالليل .. في شقه صغيره في الدور العاشر من عماره في منطقه شعبيه في القاهره . . . .
احمد قاعد مع صاحبو فوزي وبيتكلمو على الاكل . . . .
احمد: لو اعرف بس مين الي عمل كدا .. ورحمة امي ل مخلص عليه
فوزي: ريح دماغك انت بس عشان مش تتعب .. بعدين من زمان وانت مابتسألش ولا بتعدي .. ويوم ما تيجي تيجي بمصيبه
احمد: ياعم اقعد مش ناقصاك .. كلها يومين بس لما اشوف الموضوع دا هيخلص على اي وهمشي من وشك
فوزي: مش القصد ياعم .. انت تنور لو عايز تقعد معايا العمر كلو
الباب بيخبط بقوه✊💢
فوزي: مين المتخلف الي بيخبط كدا دا
فوزي قام يفتح وفي ثواني العساكر كانو ماليين الشقه . . . .
……………..

في قسم الشرطه في وسط البلد . . . .
احمد في الزنزانه بيزعق ويخبط على الباب . . . .
احمد بيزعق: انا ملييش دعوه …… في حد عامل عليا مؤامرة ……. انا عايز اكلم المحامي بتاعي
واحد من المساجين في الزنزانه: ما تهدا ياعم انت عايزين ننام
احمد: ما ترد يا كسمك منك ليه .. انا هوديكو في ستين داهيه كلكو
الامين: ما تخرس يا جدع انت صدعتنا
ظهرت انا قدام احمد ووقفت قدام الباب الحديد . . . .
انا: سيبو يا امين .. هو معذور برضو
احمد: عمر الحقني .. في حد سرق المخازن .. في حد عامل عليا مؤامرة
انا: مؤامرة اي بس .. ما كل حاجه طالعه بأذنك .. الورق بيقول كدا
احمد: الورق دا متزور .. انت لازم تساعدني .. ولاء كمان هتتحبس لو الموضوع دا مش اتحل
انا: ولاء انحبست وطلعت خلاص .. ما انت طلقتها واشتريت الاسهم اللي بأسمها .. هتتحبس ليه هي بقا
احمد: طلقت مين .. انا لا طلقت ولا اشتريت
طلعت نسخه من ورق الطلاق وعقود البيع واديتهالو . . . .
انا: ازاي بس .. امال مين الي ماضي هنا
احمد شاف الورق واتجنن اكتر . . . .
احمد: ازاي دا .. ايه الي جاب امضتي هنا
انا: نفس الي جابها في إيصالات المخازن
احمد بصلي وانا كنت مبتسم ابتسامة نصر . . . .
احمد: انت يا عمر !!!
انا: بعد اذنك بقى عشان ورانا طياره بدنا نلحقها
سبت احمد ورا ضهري ومشيت وهو بيزعق ويهدد ولا حياة لمن تنادي . . . . .

………………

تاني يوم في المطار انا وولاء وخلود وأمي واقفين بنخلص إجراءات واوراق السفر . . . .
ولاء: هو احنا هنرجع هنا تاني ؟
انا: اكيد طبعا .. خلود بدها ترجع لأهلها .. وبرضو انا ليا املاك هنا
ماما: طب واحمد نظامو اي
انا: احمد خلاص كدا .. الشركه والبيت وكل املاكو هتتباع في المزاد وهو هيطلع من السجن مش حيلتو حاجه
خلود: قفلوا على الموضوع دا بقا يا جماعه .. عايزين نفتح صفحه جديده وننسى كل حاجه
شديت خلود لحضني وبوست دماغها: هننسا .. اي نعم النسيان صعب بس هننسى

…………………

بعد سفر عمر بشهر
​

خالد ماشي بعربيته بالليل على الطريق السرع ومشغل اغاني وبيتكلم في التليفون . . . .
خالد: طيب اجيلك فين ….. خلاص انا نص ساعه واكون عندك .. بس عايزك تسدي معايا .. انا مش زي اي حد نام معاكي قبل كدا …. هنشوف
فجأه جات عربية شرطه فرملت قدام عربية خالد و قفتو .. عربيه قدام والبوكس ورا ونزل عساكر كتير ورائد من العربيه الي قدام .. خالد نزل وبيكلم الظابط . . . .
خالد: في اي يا باشا ؟!
الرائد: انا الرائد عادل رئيس قسم مكافحة المخدرات .. معانا اذن من النيابة بتفتيش عربية حضرتك يا خالد بيه
خالد: ودا بمناسبه اي دا
عادل مسك خالد من دراعو وزقو على كبوت العربيه وثبتو . . . .
خالد بيتألم: ااااهه .. انت اتجننت ؟! .. انا هوديك في داهيه
عسكري فتح شنطة العربيه وطلع منها شنطتين وحده مليانه فلوس والتانيه فيها رزم حشيش وأكياس بودره وفتحهم وحطهم على الارض قدام خالد . . . .
خالد: احا !!!

………………..

بعد سفر عمر ب ٨ شهور

​

خلود بتصوت: اااااااااااااااههه
الدكتور: donne moi les ciseaux ( يعني هات المقص بالفرنسي .. لان من اللغات الرسميه في سويسرا الفرنسيه 🙂😂 )
انا واقف برا متلخبط وقلقان وامي وولاء قاعدين يهدو فيا . . . .
ولاء: اهدا يا عمر .. ان شاء الله هتعدي منها متخافش
صوت عياط الطفل طلع من جوا الاوضه .. بصيت لأمي وعيوني بدأت تدمع . . . .
ماما: الف مبروك يا حبيبي

…………………

النهايه
End​