العراف – السلسلة الخامسة | الجزء الرابع

في مصر (قصر العراف الرئيسي)
سليم داخل مبسوط على رسلان العراف
رسلان: مالك يا عمي مبسوط كده ليه وسط المصايب دي كلها.
سليم بفرحة كبيرة: العراف عايش يا رسلان.
رسلان بفرحة: انت بتكلم جد بجد عايش.
سليم: اه عايش وهو دلوقتي في مستشفى أسيل هتخلص العملية وهيرجعوا على مصر.
رسلان: طب كويس جدا.
سليم: كويس ازاي انت ناسي اننا ضيعنا المخازن من ايدينا والمزرعة وكذا حاجة تانية لازم الحاجة دي ترجع قبل ما عمار يرجع بالسلامة.
رسلان: طب ازاي ههجم على ولاد عمي يعني.
سليم: ايوة هنهجم عليهم مش العرافين اللي يتعلم عليها حتى لو من ولادها انا هجهز الرجالة ورجالة الجحيم وصلت مفيش وقت لازم كل حاجة ترجع زي الأول والاماكن نسيطر عليها.

في مبني الأمن العام (القاهرة)
محسن: عايش يا فضل.
فضل: بتكلم جد كنت حاسس ده مش هيموت بسهولة.
محسن: منعرفش اي تفاصيل، كل اللي نعرفه انه طلع عايش وظهر في مستشفى اخته.
فضل: والاخبار والناس حد عرف؟
محسن: لا منع اي صحافة او اي حد ينزل خبر عنه.
فضل: من المتوقع منه يعمل كده وده الصح اصلاً.
محسن: الصح ليه قصدك علشان يعرف يرجع البلد بدل ما يتحاصر هناك.
فضل: بظبط مستناش انه لازم يرجع يظبط الامور هنا الاول وبعدين يشوف العدو اللي عمل فيه كده
محسن: هو انت تعرف حاجة مش عايز تقولي عليها شكلك عارف مين اللي عمل كده.
فضل: الصراحة عارف، الحاوي بالاتفاق مع حسام جابر العراف وصقر جابر العراف وابن حسام زياد جابر العراف.
محسن: تفتكر عمار هيعمل ايه في عيلته هيقتلهم بسبب الخيانة دي.
فضل: معرفش بس اللي عايزه يحصل ويتم ان عمار يرجع اقوي من الأول بسبب الايام السوداء اللي داخلين عليها دي.

وفعلا بدأت رجالة سليم ورسلان والجحيم وكل الرجالة اللي تابعة للعراف في التحركات وهجموا على المخازن كلها وقتلوا اللي فيها كله ورجعت سيطرة العراف على مخازن السلاح كلها، وفي الجهة التانية رسلان هجم على المزارع كلها والمزرعة الكبيرة اللي ماتت فيها لميس ولقي هناك زياد ابن حسام جابر العراف.
زياد: هتقتلني يا عمي هتقتل ابن اخوك وانا مالي.
رسلان: وانت مالك ازاي مش انت اللي ماشي وراء ابوك.
ولسه زياد هيرفع سلاح في وش رسلان ويغدر بيه بس رسلان اتشجع وضربه رصاصة في رأسه.
ورجعت سيطرة البيت الكبير في ايد رسلان العراف وسيطر على المزارع كلها
اتجمع سليم العراف ورسلان مع بعض علشان يهجموا على الفيلا اللي قاعد فيها حسام وصقر ولاد جابر العراف بس لقوا المكان فاضي وهربوا من هناك.
سليم: الطبيعي من شوية ناس جبانة انها تهرب.
رسلان: طب والحل ايه هنسيبهم للعراف.
سليم: بظبط كده احنا كفاية اننا رجعنا حقنا ورجعنا كل الاملاك اللي اتخدت لكن اننا نموت المسؤول عن كدخ مش بتاعتنا.
رسلان: امال هجمت ليه يا عمي على الفيلا.
سليم: علشان ناخدهم ونحبسهم والعراف يتصرف بقي.

في قنوات الاخبار المصرية
هجوم جديد على أملاك عيلة العراف ولكن استرجاع السيطرة على كل شئ من قبل العرافين نفسهم اننا امام حرب سُلطة وعرش بين العيلة والغريب ان العراف الكبير مات واخوه الحالى هو العراف.

في قصر نديم السيوفي
خديجة: اشمعنا رسلان اتحرك دلوقتي في حاجة مش مظبوطة.
داليا: انا معرفش عنهم حاجة ولا طباعهم ايه بس انا متفقة معاكي.
نديم: كلامكم صح العرافين لو عايزين يردوا كانوا ردوا من بدري لكن اشمعنا دلوقتي.
خديجة: طب بقولك ايه ما تتصل على سليم العراف يمكن يقول حاجة.
مسك نديم التليفون واتصل على سليم العراف
نديم: سليم باشا عامل ايه واخبارك ايه معلش مقصر في سؤالي عنك.
سليم: حبيبي يا نديم لا انا كويس وتمام، ولا يهمك عادي.
نديم: الصراحة استغربت من الاخبار دلوقتي اشمعنا رسلان يتحرك في الوقت ده بذات.
سليم: ولا استغراب ولا حاجة كلها كام يوم هتعرف كل حاجة يا نديم، انا محتاج أقفل دلوقتي.
داليا: ايه مقلكش حاجة ولا في ايه مالك.
نديم: مقاليش حاجة خالص وقالي كلها كام يوم وهتعرف.
خديجة: غريبة يا بابا اشمعنا كلها كام يوم.
داليا: تفتكروا عرفوا حاجة عن عمار العراف علشان كده.

في انجلترا (مستشفى أسيل)
الدكتور خرج من العمليات بعد 14 ساعة عملية.
انا: طمني يا دكتور اخبار العملية ايه وأسيل اهم حاجة.
الدكتور: متقلقش يا استاذ عمار، العملية نجحت وأسيل هانم بخير.
نهى: اوووف واخيراً ده اسعد يوم في حياتي النهاردة اطمنت عليك وعلى أسيل الجميلة بنتي حبيبتي.
ايفسون: صح عندك حق هنقدر نشوفها امتي يا دكتور طيب.
الدكتور: هي دلوقتي في الإفاقة وهنستني عليها 24 ساعة تحت الرقابة الأول قبل ما تتنقل للاوضة العادية.
انا: تمام يا دكتور شكراً ليك.
عد 48 ساعة وفعلا أسيل بقيت كويسة وخرجت لاوضة عادية بس انا لسه مقبلتهاش وكمان محدش قالها حاجة وده تنبيه مني ليهم.

في مكان ما في انجلترا
رحمة: نورت يا عراف كنت واثقة انك عايش ناوي ترجع امتي على مصر.
انا: اطمئن على أسيل وهاخدهم ونرجع وانت ايه اخبار الجهاز عندك.
رحمة: الرئيسة هتجنن وتعرف انت ازاي رجعت من الاختفاء اللي حصل وكمان مين عمل فيك كده.
انا: هيجي الوقت وهتتعرف عليا عن طريقك بس مش دلوقتي.
رحمة: هرجع معاك ولا هفضل في الجهاز.
انا: لا لسه محتاجك هنا يا رحمة ولسه كمان بقولك الرئيسة هتعرفني عن طريقك.
رحمة: طيب ممكن اسألك سؤال.
انا: تمام اسألي.
رحمة: ناوي تعمل ايه مع الملكة فرح والناس اللي معاها.
انا: هتواصل معاها لما ارجع مصر، الملكة فرح كويسة وانا واثق انها محتاجة مساعدتي في الناس اللي بتحاربهم دول.
رحمة: تمام يا عراف استأذنك بقي علشان لازم ارجع الجهاز ضروري.
انا: رحمة بقولك ايه عايزك تدورلي على شخص او اكتر من شخص بيفهموا في الهكر كويس اوي وياريت يكونوا مصريين.
رحمة: حاضر.

عند أسيل في المستشفى
ايفسون: نورتي يا حبيبة قلبي و**** مبسوطة انك قومتي بالسلامة.
أسيل بحزن: تسلمي يا ماما ايفسون بس انا فرحتي مش هتكمل الا بيه هو.
انا فتحت الباب عليها: وانا موجود يا حبيبتي اهو وفرحتك لازم تكمل.
أسيل بفرحة شديدة وكانت هتقوم من السرير: عماااااااااااار يا حبيبي انت عايش مقولتوش ليه.
انا: اهدي بس ممنوع تتحركي انا كويس اهو ورجعت بالسلامة عشانك وعشانكم كلكم.
أسيل: وحشتني اوي اوي اوي بجد.
انا: وحشتيني اكتر يا حبيبتي يلا بقي كفاية قاعدة مستشفي احنا راجعين بيتنا اعملوا حسابكم بكرة السفر.
ماسأل: كويس جداً كفاية اوي اللي حصل هنا.
هالة: تمام وانا هحجز النهاردة تذكرة على مصر.
انا: مفيش سفر ليكي لوحدك انت هتسافري معايا.
هالة: بس انا مش……..
انا: مفهوم.
هالة بخضوع: مفهوم حاضر.
خرجت برة ولقيت صخر والحراسة مستنية وكمان داهان.
صخر: انا اسف بجد.
انا: عارف ان ملكش ذنب وغصب عنك بس كنت مستني منك حماية وقوة أكتر من كده بس حسابنا بعدين لما نرجع مصر.
داهان: ناوي على ايه بخصوص مراتك ومراتي.
صخر: احممم ممكن افهم مراة مين ما ماسأل هانم جوا في الاوضة.
انا: لا ما انا اجوزت واحدة تانية نفس نظام ماسأل كده بنت الملك الأحمر.
صخر: انت قابلت الملك الأحمر.
انا: اه قابلته وهو السبب في الاختفاء وكل اللي حصلي ليه بتسأل.
صخر: معنى انك قابلت الملك الأحمر يبقي الخطر اللي عليك بيقرب اسرع من الأول.
داهان: بضبط يا صخر وعلشان كده لازم نفكر كويس اوي ونخطط للي جاي وكمان الحاوي.
انا: متقلقش الحاوي دلوقتي مبقاش تأرك لوحدك بقي تأري انا كمان واوعدك هخلص عليه قريب اوي.
صخر: متقلقش كل المعلومات هتلاقيها على مكتبك اول ما توصل.
انا: أمنت الدنيا كويس هناك.
صخر: الغلطة اللي حصلت مش هتكرر تاني ياريت متفقدش ثقتك فيا واديك عارف ان اللي حصل خارج عن طاقتي دي قوة مش قد قوتي خالص.
انا: عارف وقولتلك عارف ان ملكش ذنب وده نصيب وعمر اللي ماتوا خلاص.
خرجت ماسأل وسيلين واحنا بنكلم.
سيلين: عمار انا عايزك في موضوع مهم وضروري لو سمحت ممكن.
انا: سلمي الأول على داهان اخوكي الكبير يا سيلين.
سيلين: انا اسفة، ازيك يا داهان.
داهان: بخير يا حبيبتي وانت.
سيلين: بخير بس متزعلش مني انا مش هعرف اتعامل معاك زي عمار ولا هعرف اخليك في نفس مكانته او معزته عندي.
داهان: انا فاهم كل ده ومش طالب منكم اي حاجة زيادة كفاية الاحترام بينا والحب المتبادل.
انا: سيبها للظروف يا داهان استأذنكم.
ماسأل: هستناكم هنا.
سيلين: لا انت هتيجي معنا.
انا: طيب تعالوا نقعد في كافتيريا المستشفى.
روحنا قاعدنا انا وسيلين وماسأل.
انا: مالك يا حبيبتي.
سيلين: مش عارفة و**** أبدأ منين ولا ازاي حتى.
ماسأل: تحبي اساعدك.
سيلين: وانت عارفة انا قصدي على ايه.؟
ماسأل: احنا بنات زي بعض وانا فهمتك يا حبيبتي، عمار سيلين مش مستحملة ومش قادرة تكمل مع رامي وعايزة تنفصل صح ولا ايه.
سيلين: صح جداً عرفتي ازاي.
انا: ممكن اعرف ليه، ضربك او مد ايده عليكي.
سيلين: لا يا حبيبي محصلش كده بس مش هعرف اقولك السبب.
انا: مينفعش لازم افهم ليه عايزة تنفصلي عنه وخصوصاً انه ولا وحش معاكي ولا ضربك ولا اي حاجة.
ماسأل: خلاص يا عمار مش مهم تعرف.
انا: يبقي اللي فهمته صح.
سيلين: فهمت ايه.
انا: رامي مش عارف يبسطك ويمتعك صح.
سيلين بكسوف: صح وتعبت بجد من الموضوع ده بس ارجوك يا عمار بلاش تجيب سيرة الكلام ده معاه علشان صورته متتهزش قدام نفسه عشان خاطري.
انا: تمام يا سيلين سيبني انا هتصرف كده كده هقابله هو وابراهيم بعد شوية وهقوله.
سيلين: شكراً يا عمار، شكراً انك فاهمني وقدرت الموضوع.

بعد مرور 3 ساعات من كلامي مع سيلين في المستشفى.
ابراهيم: عراف باشا مش مصدق نفسي بجد.
انا: لا صدق، احب اعرفكم داهان العراف اخويا الكبير.
رامي: لا بجد يعني كده رسلان وداهان العيلة بتكبر.
انا: اه يا صديقي، المهم نكلم في الشغل اخبار سيلفيا وتشارليز ايه.
ابراهيم: من اخر مرة قابلت فيها سيلفيا وهي مبتقابلش حد مشبوه او غريب حتى تشارليز مبتقابلهوش.
انا: تمام بس خليها تحت عينك ومتشلش عينك من عليها.
ابراهيم: حاضر مفيش مشكلة.
رامي: وبخصوصي انا يا عراف ناوي على ايه.
انا: انت هتسافر لبنان وهتمسك كل حاجة اشتريناها من عيلة عُدي الجبالي.
رامي: طيب وشغلي وشركتي وحياتي ومراتي.
انا: شغلك وشركتك اعتبر ان الشركة في لبنان هي الفرع التاني ليها وانت شريكي، وبخصوص مراتك فانا حابب ابلغك رسالة سيلين مش قادرة تكمل في الجواز وحابة تنفصلوا.
رامي بعصبية: ايه انت بتقول ايه.
ابراهيم: رامي اهدي انت بتكلم العراف انت اجننت اهدي.
انا: بص يا رامي يا هطلق بالذوق يا هطلق بالعافية وانت عارف كده كويس فمتخليش سيلين تشوفك كمان ضعيف وخليك راجل وطلقها هي مش مرتاحة ومش سعيدة فخلاص كل واحد يروح لحاله ولنصيبه.
رامي بحزن: بس انا بحبها يا عمار.
انا: عارف وهي كمان بتعزك بس هي خلاص مش قادرة تكمل حصل خير يا رامي وارجو توصلها ورقة طلقها على الفيلا اول ما ترجع.
رامي: حاضر يا عراف وهسافر لشغلي امتي.
انا: بكرة ترجع مصر تخلص الطلاق وتظبط حالك وتظبط امورك وتأخد ابنك وتسافر.
رامي: حاضر تمام.
انا: انت عيني هناك زي ما ابراهيم عيني هنا، وانا كلها شوية وهجيلك زيارة وخلى بالك عُدي الجبالي مش هيسكت.
رامي: متقلقش يا عراف.

بعد مرور شهر من رحلتنا في انجلترا
في فيلا العراف مصر
ماسأل: صباح الخير يا حبيب قلبي.
انا: صباح النور يا حبيبتي، ماسأل في حاجة عايزك تعرفيها.
ماسأل: عارفة يا عمري ومش معترضة على حاجة وعارفة انه غصب عنك انت نسيت قوتي ولا ايه ههههههههه.
انا: منستش يا روحي، وأكيد انت عارفة هند يعني مش محتاج أعرفك عليها.
ماسأل: عارفة يا روحي بس هتقولهم تحت ايه.
انا: انها بنت اتعرفت عليها في انجلترا وعجبتني.
ماسأل: خلاص تمام اتفقنا بس ناوي تعمل ايه في موضوع اختك يا عمار مش هدور عليها بقي.
انا: ومين قالك اني مبدأتش ادور يا حبيبتي بس لسه مفيش جديد.
ماسأل: طب يلا قوم علشان نلحق نأخد شاور وننزل نفطر ابنك مطلع عيني.
انا: هانت يا حلوة كلها اسبوع وتولدي.
قومنا خدنا شاور سريع ولبسنا انا وماسأل وكالعادة ماسأل لسه زي ما هي قمر فعلاً ومن كتر جمالها مبقتش قادر اشيل عيني من عليها وهي بتلبس انا فعلاً حبيت ماسأل اوي ولسه بحب لميس برضو مقدرش انسي حبي الأول.
كل حاجة مستقرة وتمام من بعد ما رجعت وأسيل بقيت كويسة وحلوة عن الأول بكتير وكمان رسلان فهم انه لازم يبقي قوي ويقدر يواجه اللي بيحصل وحسام وصقر هربوا ولسه موصلتش ليهم بس هوصلهم.
رسلان وداهان هما الاتنين معايا في مصر مقدرش اكون من غير اخواتي وضهري دلوقتي.
وابراهيم في انجلترا، ورامي في لبنان.
نزلت تحت ولقيت الكل مجمع ومستنين العراف.
أسيل قامت تجري: صباح الفل يا حبيبي وباستني من خدي.
انا: صباح العسل ايه القمر ده كله.
أسيل قربت من ودني: هموت عليك اوي.
سيلين: صباح الفل يا حبيبي يلا علشان تفطر.
ايفسون: نورت بيتك.
انا: بقالك شهر بتقوليلي الجملة دي كل يوم.
ايفسون ونهى: خايفين عليك يا حبيبي وحشتنا يا عمار انت راجلنا.

بعد الفطار خرجت من القصر وركبت العربية وطبعاً الحراسات ورايا ومعايا وطلعت على الشركة.
رانيا سكرتيرتي الخاصة: صباح الخير استاذ عمار.
انا: اي اجتماعات اجليها لبعد الضهر وابعتي لرسلان وداهان باشا يجيوا للمكتب فوراً.
بعد 5 دقائق الباب خبط وكان داهان و رسلان.
رسلان: طلبتنا يا عمار محتاج حاجة.
انا: اقعدوا الأول.
داهان: في ايه قلقتنا يابني.
انا: مفيش حاجة بس دلوقتي جيه الوقت بقي اننا نبدأ نتحرك ولا هنسيب اللي حصل يتم كده بسهولة.
داهان: كنت لسه بقول لرسلان دلوقتي انك أكيد بترتب كل حاجة.
انا: عيب مش العراف اللي هيسيب حقه يا ولاد محمد العراف.
داهان: وها ايه الخطة ولا الجديد.
انا: الاول نوصل لاختكم سيبال الاول وبعدين نفوق للمشاكل اللي ورانا.
رسلان: متقلقش وصلت لعنوانها من شوية صغيرين وكنت جايلك ناوي تروح لوحدك ولا هنروح معاك.
انا: لا لوحدي، ابعت العنوان لصخر على الواتساب، ومش عايز مخلوق يعرف حاجة عن سيبال اختكم الا لما اقابلها الأول.

خدت بعضي والحراسة وصخر واتحركت على مكان سيبال.
صخر: كالعادة هنأمن المداخل والمنطقة الأول قبل ما تنزل وهنطلع معاك.
انا: خلى بالك طيب الحسين منطقة مفتوحة وكبيرة.
وصلنا الحسين واول ما دخلنا الشارع اللي محلات سيبال واهلها كل الشارع استغربت من العربيات الكتيرة اللي دخلت والرانج ريفور بتاعتي والحراسة نزلت من العربيات وأمنوا الدنيا قبل ما انزل.
ناس من الشارع: مين ده يا جماعة احنا عندنا رئيس البلد ولا ايه.
ناس تانية: لا لا ده شكله حد مهم وتقيل بس جاي لمين هنا.
صخر نزل من العربية وفتحلي الباب وانا نزلت ولقيت راجل كبير قاعد في محل مشهور قدام العربية.
انا: مساء الخير يا حج ممكن سؤال.
الراجل: اتفضل يا ابني محتاج ايه.
انا: انهى عمارة من دول فيها بيت الحج خلف.
الراجل: قصدك خلف الهواري.
انا: بظبط يا حج هو فين البيت بقي.
الراجل: العمارة اللي قدامك دي الدور الثالث.
انا: تمام شكراً يلا يا صخر.
طلعت انا وصخر وكانت الحراسة تحت قدام الباب وعلى كل دور حراسة برضو.
وخبط على الباب.
وفتحت بنت باين عليها الشغالة: اتفضل حضرتك محتاج مين.
صخر: بلغي سيبال هانم او زينب هانم ان في شخص محتاجهم برة.
دخلت البنت وسابتنا على الباب.
صخر: تحب ندخل نستني جوا.
انا: لا مينفعش لازم نحترم خصوصية الناس.
الشغالة جوا: سيبال هانم في شخص برة طالب يشوفك.
سيبال: شخص مين.
الشغالة: معرفش بس شيك اوي في نفسه وهيبة ويخوف ومعاه حراسة كمان.
سيبال: دخليهم وانا هجهز واخرج طيب.
خرجت الشغالة وقالتلنا اتفضلوا.
صخر لما دخلنا: شكل سيبال هانم مرتاحة زي ما المعلومات اللي جمعنا قالت.
انا: بسبب الشخص اللي رابها كان من اغني العطارين هنا في الحسين.
دخلت علينا سيبال واحنا بنكلم.
سيبال: مساء الخير حضراتكم مين.
انا: ازيك عاملة ايه، أعرفك بنفسي عمار محمد العراف.
سيبال: انت راجل الاعمال اللي كل شوية الاخبار تكلم عنه وعن عيلته صح.
انا: صح هو انا، بس هي مش عيلتي لوحدي.
سيبال: مش فاهمة قصدك.
زينب دخلت علينا هي كمان: اللي خلف مماتش فعلاً اتأخرت اوي يا عمار.
سيبال: انت تعرفيه يا ماما.
زينب: يا حبيبتي ده اخوكي اللي كلمتك عنه وحكيتلك عنه هو وبابا.
سيبال: انت بتكلمي جد ده عمار العراف نفسه انا افتكرت تشابه اسماء.
انا: لا انا هو هو الشخص اللي كلمته عنه من وانت عندك 8 سنين وكبرتك على حبك لينا وعلى حبك لبابا محمد العراف.
زينب: طبعاً يابني مكنش ينفع اخبئ عنها اي حاجة بس لما كبرت شوية فهمتها الحقيقة كلها واننا انفصلنا لان ده كان قراري لكن محمد مسبنيش لحظة حتى بعد ما اجوزت خلف وعلى فكرة يا عمار هي متسجلة باسم محمد العراف برضو مش باسم خلف.
انا: عارف يا طنط زينب.
سيبال قامت وقفت فجأة وجريت على حضني: اتأخرت ليه كل ده علشان تجيلي وتشوفني.
انا: حقك عليا مكنتش اعرف بوجودك الا من شهرين بظبط وكمان أكيد سمعتي الاخبار انهم كانوا فاكرين اني ميت واني رجعت ظهرت تاني.
سيبال: ولا يهمك المهم انك جيت وانا في حضنك دلوقتي انا من صغري بحلم باليوم ده مكنتش اعرف اني شبهك اوي كده.
انا: هفهمك كل حاجة في وقتها بس انا جاي اخدك انت ومامتك لان مش هتعيشي لوحدك تاني ممكن.
زينب: بس يا عمار انا مش عايزة اسيب بيتي الصراحة بس لو سيبال موافقة انا مش هقدر اقف في سعادتها معاك ومع اهلها وتقدر تمشي.
سيبال: مش همشي من غيرك انا عايزة عمار بس عايزاكي انت كمان فيلا نجهز حاجتنا ومفيش نقاش العراف قال كلمته انت ناسية الدروس اللي علمتيهاني اني مينفعش اكسر كلمة العراف.
دخلت سيبال وزينب يجهزوا ويلموا كل حاجة ليهم في البيت وانا وصخر نزلنا تحت نستني قدام البيت.
الراجل الكبير: ايه يابني العنوان طلع صح.
انا: اه يا حج طلع صح.
نزلت سيبال وامها.
الراجل: في حاجة يا ست زينب حد مضايقك ولا في ايه رايحين فين.
زينب: مفيش حاجة يا حج محمد بس ده عمار اخو سيبال وجاي ياخدنا نعيش عنده وانت عارف ان المحلات كده كده متأجرة وانا واثقة فيك.
الراجل: ماشي يا ست زينب واتشرفنا بيك يا بيه شكلك كبير ومهم في البلد.
انا: بصوت عالي قدام الكل والناس في البلكونات/ انا عمار العراف كبير العرافين ودي سيبال العراف اختي ومن النهاردة لو جت لوحدها او حصل اي حاجة الكل يقف في ضهرها ومحدش يفتكر انها لوحدها واي حد محتاج مساعدة او مشكلة يقدر يبلغها للحج محمد وهو هيبلغنا بيها.

خدت سيبال وركبنا العربية وطبعاً وهي في حضني ومش سيباني خالص وفعلاً سيبال شبهي اوي بس مش عارف اقولها ايه احكيلها الحقيقة ولا هتخاف ولا هيحصل ايه بظبط لان اللي اكتشفته لما رجعت مخليني خايف عليها اوي.

وصلنا الفيلا ونزلت سيبال وهي ماسكة ايدي وفي حضني ودخلنا البيت.
أسيل: مين دي يا عمار وانت في حضني ليه يا بنت دي ابعدي عنه.
سيبال: وانت مين بقي علشان اسمع كلامك.
أسيل: انا اخته الصغيرة انت اللي مين وجاية بالشكل ده ليه اصلاً.
ماسأل: اهدي يا أٍسيل.
أسيل: انت ازاي هادية كده جوزك داخل في حضنه واحدة غيرك.
انا: انت يا مجنونة اهدي علشان العملية وكمان يا مجنونة انت مش ملاحظة الشبه اللي بيني وبينها وبينكم كلكم.
سيلين: انت اختنا صح.
سيبال: أيوة انا سيبال العراف !!!!!!!!!!!!!!!!!

عارف اني اتأخرت جامد عليكم بس بجد مكنش في نفس اكتب خالص ولغبطة جامدة وشعور رخم وغريب اني مش طايق اكتب ولا عندي طاقة مع ان في افكار كتير بس مفيش طاقة معلش ومحتاج تشجيعكم بجد الفترة الجاية علشان اكمل مش انزل جزء واوقف تاني 🔥