على قعد مع اهله وفهم هما عايزن ايه وعلى وافق علشان المجازفة الى فى الموضوع طلع يشرب سيجاره فى الجنينه وجتله ثلاث مكالمات
(المكلمه الاوله)
كانت من سندى حبيبته
سندى : على انتا فاضي
انا : اه فاضي
سندى : انا فى مشكله
انا : ايه الى حصل
سندى : بعد ما كلمتك بابا جالى البيت وقالى انه صفى كل شغله فى مصر وقرر يسافر وها يخدنى معاه
انا : ازي
سندى : معرفش بس قالى الحاجه الى كانت ربطه بى مصر هى امى ودلوقتى هى مش هنا وعايزنى اسافر معاه
انا : (بى خنقه) سندى تسفرى فين
سندى : معرفش يا على انا بالعافيه خليته يقتنع انى اكمل الترم ده هنا انا خايفه مش عايزه اسيبك
انا : يعنى انتى عاندك استعداد تقعدى معايا ونتجوز
سندى : طبعاً
انا : طيب يا سندى انا ها خلص القصه دى متخفيش عندى اطمنى طول مانتى عايزنى انا كمان عايزك وهاضل جنبك متخفيش
سندى : يعنى ها تعرف تحل المشكله دى يا على بابا غير ماما
انا : الاتنين فى نظرى واحد اهلك وزى ماقنعت امك ها قنع ابوكي
سندى : انا بحبك
انا : وانا كمان بحبيك يا قمر يله اقفلى دلوقتى واكلمك بعدين بقولك ايه انتى فين دلوقتي
سندى : بابا باع الفيلا وخدلى شقه ايجار وهو سافر اقعد فيها بس الجيران هنا مزعجين قوى وشباب كتير فى الشقه الى جنبي
انا : معلش يا حبيبتى استحملى ده وضع مؤقت بقولك ايه معاكى فلوس
سندى : ايوه معايه
انا : يا بت انتى مكسوفه مينى قولي
سندى : ها عمل ايه بى الفلوس انا معرفش حاجه هنا خالص
انا : طيب الشقه دى فين
سندى : فى مدينه نصر
انا : طيب اقفلى دلوقتى واكلمك كمان شويه بش ابعتى العنوان فى رساله سلام
سندى : سلام
قفلت معاها وكلمت حسن المسؤول عن المطعم
حسن : على بيه فى مشكله
انا : يابنى انتا عبيط وله مش بتفهم قولت ليك مليون مره اسمى علي
حسن : معلش نسيت
انا : طيب اسمع تاخد فلوس من المطعم وتاخد وجبه جهزه وهابعت ليك عنون تروح بى نفسك توصل الطلب وانتا فى السكه تجيب معاك شويه عصائر وتسالى وتخلى معاك مبلغ تديه الى هناك ماشي
حسن : طيب معلش فى السأل احنا فتحنا خدمه توصيل
انا : انتا غبى فى مطعم خمس نجوم عنده دلفرى دى خطيبتي
حسن : طيب يا باشا ها تحرك دلوقتي
انا : باشا انتا شكلك غبى سلام
المكلمه التانيه) )
قفل مع حسن وجتله مكلمه من محمد صاحبه
محمد : (بى عصبيه وصوت عالي) انتا فين
انا : فى ايه يابني
محمد : عايز اتكلم معاك شويه
انا : طيب اجيلك البيت
محمد : لا مش ها ينفع اقبلك فى البيت عندى او عندك لزم بره
انا : طيب فين
محمد : انا نازل المنيا رايح ابيت فى فندق
انا : (بى استغراب) فندق طيب انا ها جيلك افهم منك فى ايه
محمد : متتأخرش سلام
انا : سلام
(المكلمه الثالثه)
من اخويه الوسطانى محمود
محمود : (بيزعيق) انتا فين
انا : (قومت مفزوع) فى ايه
محمود : تعاله على بنى مزار بسرعه
انا : فى مشكله وله ايه
محمود : اوعى تتأخر
وقفل قومت جرى ركبت العربيه بى هدومى زى ما هيا ورحت له بسرعه هى المسافر بين المركز والقريه خمس دقايق بالضبط وصل لى المكان الى وصفه ليا كانت حته مترفاه جدا وبعيده واغلبها بيوت مهجوره دخلت جوه بيت لقتها عياده شمال وحد لبس بلطو عليه ددمم ومحمود واقف وحياه على السرير ونايمه
شخص : انا مليش دعوه لزم تروح مستشفى حلاً
محمود : حصلها نزيف ازي
شخص : معرفش انا معنديش امكانيات اوقف النزيف ده نهائي
بدون اى نقاش وله افهم ايه الى بيحصل شلت حياه من على السرير وخدتها لى العربيه ومحمود نازل ورايا طلعنا على مستشفى بنى مزار الدكتور بعتنا بى عربيه اسعاف لى مستشفى المحافظه ركبت انا الاسعاف وغطيت وش حياه علشان محدش يعرفها ويروح يقول لى ابوها وتبقى فضيحه فى البلد ولما اتكلمت مع الدكتور مقولتش اسمى الحقيقى وصلنا المستشفى ومحمود كان فى عربيته ورانا دخلنا جوه الدكاتره لحقوها بالعافيه وبعد شويه واقف انا ومحمود فى ممر طلع الدكتور
دكتور : حضرتكم مع الحاله الى جوه
محمود : ايوه يا دكتور
دكتور : احنا عملنا الى علينا والحاله استقرت ها ننقل ليها ددمم بس هى متجوزه
محمود : ايوه يا دكتور
دكتور : فين جوزها
محمود : انا
دكتور : طيب احنا بلغنا البوليس علشان دى عمليه اجهاض وشكلها كده من بير السلم
انا : مفيش داعى يا دكتور لى البوليس اصل البيه والهانم متجوزين جديد وعايزن يعيشه شبابهم واحد بقى شار عليهم بى العمليه دي
دكتور : طيب ليه ده العيله بى يجى برزقه وبعدين شكلها لسه صغيره على موقف زى ده على العموم انا بلغت الشرطه وهما جاين دلوقتي
مشى الدكتور وانا ومحمود مشينا شويه لى شباك طلعت سيجاره انا وهو وده عادى احنا عيله دمقراطيه
انا : ممكن افهم لو ينفع
محمود : زى ما سمعت انا وحياه متجوزين فى السر وهى حملت كان لزم نشوف حل يا تنزل البيبى يا نعلن جوزنا
انا : وانتا اختارت انك تضحى بى ابنك صح
محمود : مفيش قدامى حل تانى لو مكنش حصل كنا ها نتفضح و ابوها ها يقتلها وتكون كرثه كبيره
انا : وله كارثه لو رجعت لى ابوها كده ها يعمل كرثه
محمود : ابوها فاكر انها بيته عند وحده صحبتها
انا : طيب يا محمود العمل ايه
محمود : مش عارف بس انت معنديش استعداد اخسرها انا بحبها
انا : مش ها ينفع ابوها انتا نسيته يبقى مين وفى بينا وبينه ايه
محمود : لا بس انا عندى استعداد اعمل اى حاجه
انا : يعني
محمود : عندى استعداد افتح حرب علشانها
انا : جبها حرب جديده طيب يا محمود سب ليا الموضوع ده وانا ها تصرف
محمود : يعنى انتا واقف جنبي
انا : لحد النهايه ياخويا ها مفتاح العربيه هارجع انا وانتا بيت هنا معاها
محمود : ماشي
طلعت من المستشفى ورحت على الفندق لى محمد طلعت ليه الاوضه
انا : ايه يابنى فى ايه
محمد : اقعد
انا : ادى قعده خير
محمد : انا عايز منك فلوس سلف
انا : طيب ليه مجتش واتكلمنا عندى او عندك
محمد : انا سايب البيت
انا : ليه
محمد : اتخنقت مع ابويا
انا : طيب انتا عايز كام
محمد : 100الف جنيه
انا : 100 الف جنيه ليه ها تعمل بيهم ايه
محمد : خلص ها تدينى الفلوس وله اتصرف انا
انا : مش ها تاخد الفلوس وله ها تتصرف غير لما افهم انتا عايزهم ليه
محمد : عليا فلوس لى واحد وكاتب وصلات امانا
انا : (استغربت اصل محمد عمره ما ستلف فلوس فى حياته لو اتزنق قوى بياخد مينى انا بس ويرجع الفلوس وعمرها ما وصلت لى المبلغ ده) محمد انتا بتحور
محمد :وانا ها كذب عليك ليه
انا : كلامك مش منطقى انتا عمرك ما ستلفت فلوس نهائى غير مينى وعمرك ما طلبت المبلغ ده
محمد : (فرك وشه بى ايده) طيب يا على انتا عايز ايه دلوقتي
انا : الفلوس موجوده والخير كتير بس لزم افهم الاول
محمد : (بى نرفزه) تفهم ايه
انا : افهم انتا عايز الفلوس دى ليه علشان انتا لو فى مشكله نعرف نحلها مع بعض زى ما تعودنا يا صحبي
محمد : (فكر شويه) طيب يا على (حكى كل الى حصل معاه من الاول لى الاخر) بس
انا : (سمعت الكلام ودحكت) هههههههههه
محمد : انتا بتدحك ليه
انا : بضحك عليك علشان انتا عبيط
محمد : بقولك ايه مش ناقصه امك انطق
انا : حاضر ها فهمك دلوقتى انتا بتتعرض لى محوله ابتزاز حقيره اى ايه ضمنك انها ها تخلص
محمد : الورق الى مضيت عليه مدته سنتين
انا : وبعد السنتين ها تعمل ايه.
محمد : خلاص الورق ده مش ها يكون ليه لزمه
انا : غبى انتا متصور فيديو وانتا مع منة وده غالى جدا عندك ابوك والعيله بتعته تفضله تحت رحمته لى الابد وبعدين مين قلك انه ها يبتزك انتا بس هو كمان ها يبتز منة
محمد : لا هو مجبش سيره منة فى اى حاجه نهائي
انا : كمان (بكمل دحك) ههههههههه
محمد : انتا بتضحك ليه
انا : طيب يا سيدى انا اسف هديك الفلوس الى انتا عايزها بس تقوله انك ها تبعتها عن طرق البنك
محمد : هو عايز الفلوس كاش
انا : قوله انه الفلوس دى مش ها تعرف تسحب منها مبلغ زى ده بس تقدر تحول منها علشان اهلك ميحسوش بى حاجه
محمد : ايه ضمنك انه ها يوافق
انا : مفيش ضمانات اقدر اقدمها ليك بس انا بتمنى انه يعمل كده وقوله انك ها تديله الفلوس على دفعتين 70 بكره و30 كمام خمس ايام
محمد : اشمعنا
انا : علشان يطمع ويوافق بكره تروح تصالح ابوك ماشى عيب انتا الكبير يله انا ماشى عايز حاجه
محمد : (باصص فى الارض)
انا : (رحت له ورفعت راسه) متنزلش راسك تانى انتا محدش كاسر عينك سلام
نزلت من عند محمد بعد ما ديته وعد انى هاقف جنبه ودى كانت الجبة الثلالثه لى الحرب حرب علشان البقاء والكرامه وحده علشان اخوه الكبير وحده علشان صاحب عمره يبقى مرفوع الراس وصل على البيت عنده الفجر لقى امه واخوه ومراته دخلين ينامه راح الاوضه عند امه
امى : ايه الدم الى على لبسك ده وتقولش خناقه
انا : يا ريت يا امى تبقى خناقه فى شارع بس دى بلد بى حلها وناس كتيره وقفين عايزن يعرفه هاعمل ايه
امى : اهدى وفكر
انا : مش عارف اعمل ايه وله افكر ازى قدامى بير مشاكل من كل نحيه وعقلى بيقولى اهرب وسيب الدنيا تولع وقلبى بيقولى اغطس فى البير ده لحد ما تجيب اخره
امى : الاصل غالب يا على الاصل غالب يابن ابوك
انا : (خدت نفس كبير وحكيت لى امى على مشكله محمود اخف الحمل من عليا شويه).
امى : يابنهار اسود العمل ايه
انا : ها جوزهم لى بعض
امى : جوز خلتك يا فالح
انا : سبيها عليا انا هاعرف اتصرف معاه انا
امى : طيب دى مشكله اخوك ايه المشكله التانيه
انا : مفيش مشكله تانيه
امى : عينك فضحاك
انا : الصراحه عايز اتجوز
امى : (بصت لى السبحه الى مسكها) وبعدين
انا : وله قبلين انا عايز اتجوز وحده معايا فى الكليه
امى : ودى ظرفها ايه
انا : (حكيت لى امى كل حاجه معدى انى امها تجره مخدرات) بس
امى : مينفعش
انا : ايه هو الى مينفعش
امى : مينفعش تتجوز من بره العيله
انا : اشمعنا
امى : انتا بالذات انا مختاره ليك عروسه من العيله ساره بنت عمك عاصم
انا : ساره لا
امى : البنت ها تتجنن عليك انتا عارف دى لسه ماشيه من كام ساعه جيه عايزه تشوفك وتطمن عليك بس لقتها نامت مكنها قولت ليها تمشى بالعافيه
انا : ماما انا مش بحب ساره انا بحب سندى وها تجوزها
امى : فكر يا على ساره دى بنت بتحبك ومن العيله وعرفنها وعرفين اصلها وفصلها لكن سندى دى انا معرفهاش
انا : بسيطه اعرفك عليها
امى : لا يا على انا قولت لا
انا : خلاص انا بره
امى : (بى اندهاش) بره ازى يعني
انا : يعنى بره العيله
امى : (بى ملامح جدا) وده ازى بقى انتا تقدر تعيش من غير العيله من غير البلد والسلطه والفلوس متنساش البيت الى انتا قاعد فيه فى القاهره بى اسمى هو والمطعم يعنى لو كملت كده ها تبقى فى الشارع
انا : (بى برود واستخفاف) عيله ههههههه دحكتينى يا امى العيله من غير العمده الهيبه بتعتها تضيع وانتو عايزين العمديه انا ها جبها ليكم حتى لو كانت فى بق السبع مقابل ده انتو تخضره الفرح بتاعى على سندي
امى : من غير ما نبارك
انا : مش محتاج مباركه انتى الى عايزه الاسلوب ده مش انا يبقى تستحمله
امى : طيب انا مش هادفع جنيه فى الجوازه دي
انا : لو على الفلوس انا مش محتاج
امى : خلاص تسيب ورثك من ابوك
انا : انا مش ها سيب حاجه وبعد ما تجوز ها جيبها تقعد معايه فى البيت ده لو فى حد زعلها انا ها دوس عليه بى جزمتي
امى : (بى اندهاش) انتا جبت الكلام ده منين
انا : كلام ايه.
امى : مش معقوله
انا : ايه الى مش معقول
امى : الشبه الى بينك وبين ابوك انتا عارف ابوك قال نفس الكلام لى جدك لما طلب منه يتجوزنى كان جدك رافض علشان انا من بره العيله
انا : واديكم اتجوزتم يعنى تهديد ابويا لى جدى جاب فيده وانا كمان ها توافقي
امى : براحتك يا على بس فكر شويه
انا : انا مفكر كويس اعملى حسابك بكره انتى ها تيجى معايا القاهره
امي: ليه
انا : علشان تقبليها سلام
رحت الاوضه بتعتى انام وتانى يوم رحت جبت محمود وحياة من المستشفى لى البيت عندى كان امى ومصطفى قعدين تحت امى اول مت شافت حياة ومحمود ادت كل واحد فيهم قلم حكومه
امى : يا اوسخ يا انجاس
محمود : يا ماما احنا معملناش حاجه غلط احنا اتجوزنا عند مؤذون شرعى وبى قسيمه جواز
امى : (بى غضب) غبى انتا غبى انا ربيت عيل وطلع غبى انتا اغبى عيالى فاكر انى ابوها ها يسكت لا تبقى غبى انتا بى غبائك وجهلك فتحت جرح قديم عمره اكبر من عمرك انتا واخواتك جرح كان ملتهب واديك حطيت عليه ملح اتفتح وها يوجع الكل يا غبي
محمود : (بى صوت عالي) محدش ليه عندى حاجه انا وهى كبار كفايه نحدد مصيرنا احنا ها نسافر بره نعيش
مصطفى : (خرج من صمته) تهرب على فين وله عادى بالنسبه ليك تهرب هى اول مره طول عمرك بتهرب من المشاكل عمرك ما وقفت تواجه انا الى كونت بقف وسد حتى اخوك الصغير على كان بيوقف وانتا لا عمرنا احتجنا ليك ولقيناك عايز تمشى يا محمود اتفضل باسبورك فوق وهى كمان تقدر تجيب الباسبور بتعها ولو مش معاها يوم ويطلع واحد جديد تخدها وتسافر وتهرب وتعيش حياتك كلها هربان متخفش احنا ها نقعد هنا نحارب ونخسر ناس علشان تعيش فى امان وانا عندى استعداد اقف لوحدى بس انتا تكون فى امان انتا واخوك
قام مصطفى وهو متنرفز دخل الاوضه بتعته ونزلت جيهان لما سمعت صوته عالي
جيهان : فى ايه يا على فى ايه يا غاده
امى : مفيش يا حبيبتي
جيهان : مصطفى كان صوته عالى ليه ايه الى حصل
امى : مفيش يا جيهان اطلعى اقعدى مع ابنك دلوقتي
جيهان : بس
امى : (قطعت كلامها) مفيش بس بقولك اطلعي
طلعت جيهان وامى دخل المكتب لى مصطفي
انا : ايه الى قولت ده كلام يتقال انتا مجنون
محمود : على انا معنديش حل تاني
انا : لا فى حل متقلقش حياة انتى ها ترجعى البيت عادى وله كأن حاجه حصلت
حياة : (بى خوف) انا خايفه ارجع
انا : خايفه عيب تقولى كده يا مرات اخويا معلش اسمعى مينى انتى ترجعى البيت عندك وانا ها تصرف
محمود : (بص لى حياة) ارجعى متخفيش محدش ها يقدر يلمسك
طلعت حياه تروح وانا قعدت فى الصالون ومحمود جنبى مغمض عينى بفكر فى كتير ودماغى ها تنفجر من التفكير وجوايه صراع مع الذات
انا: بقولك ايه فكك من موضوع العمده وكمام محمد ومحمود واطلع على القاهره اتجوز سندى انتا كده كدة عندك كام شقه فى القاهره وكمام هنا فى المنيا بى اسمك اجرهم واشتغل فيهم بلا عيله بلا اصحاب
انا : ازى انتا عايز تسيب كل دول كده محمد لو ابوه عرف بالى حصل ها يخسر مستقبله وانتا عارف ابوه بيحضره لى ايه ومحمود اخوك لو سبته ها يتصرف بى غباء وانتا عارف انه ارعن ها يموت هو وحياه والعيله ها تخسر الهيبه بتعتها ايوه الموضوع تافه بس كبير عندهم وبعدين ابو حياه لو عمل كده وقتل محمود سعتها ها يكون فى ددمم كتير انتا عايز تمشى وانتا على كتفك ده كله
انا : (بى بضان من نفسي) خلاص يا عم
انا : كونت عارف انك مش ها تمشي
انا : هو انتا سبت ليا فرصه افكر انتا رصيت المشاكل كلها قدامى والتوابع بتعتها
انا : علشان افكرك لو كنت ناسى واحفزك لو كنت ها تستسلم
فوقت من كل ده على محمود
محمود : ها نعمل ايه
انا : بص انا هاطلع البس وانزل اجيب لفه شكولاته حلوه واروح لى عمك ممدوح اطلب ايدها ليك
محمود : بجد ازى هو ها يوافق
انا : انا عايزه يرفض وعتها تتحل بى سكه تانيه بس نكون خبطنا على كل البيبان سلام
فى مشهد اخر
البيت عند عمى عاصم اهله كلهم عايشين هنا معاده هو وابنه اشرف وعمى عاصم يبقى مدير امن القاهره قاعد يفطر هو ومراته سماح وبنته ساره
عاصم : صباح الخير يا ساره كل ده نوم
ساره : معلش يا بابا كونت عند بيت عمه محمد واخرت هناك
سماح : بقولك ايه يا عاصم انتا تشوف حل مع بنتك كل يوم تروح عند غاده وتأخر
عاصم : طيب ايه المشكله وحده وعند بيت عمها
سماح : المشكله فى هيا ليها مين هناك علشان ترحله
ساره : ليا على طبعا
عاصم : حبيبه ابوكى شطره (بى كلم سماح) ليها على وهو ده المهم
سماح : بلاش على بكره يجى ليها واد ابن قاضى وله لواء وله رجل اعمل يعيشها احسن من علي
عاصم : متهيقلك انتى متعرفيش على لما يكبر ها يبقى ايه على واد زكي
سماح : الأذكياء كتير
عاصم : مش زى على بصى الدنيا دى عمله زى الهرم فى ناس فى القمه وناس تحت القمه اما على بقى فا ده عايز يكون فى القمه ديمن علشان كده عايز اجزها لى واحد يكون فى القمه بى نفسه مش ابوه فى القمه وبعد ما يسبها ليه يضيع كل حاجه و اشرف كمان مش ها جوزه واحده ابوها فى القمه لزم الى يتجوزها تقف جنبه لحد ما يوصل لى قمته فهمتي
فى مشهد اخر
البيت عند محمد صحبى ابوه قاعد يفطر اسمه الجح عزت بعد ما فطر وشرب الشاى كونت عنده
انا : حج غزت وحشني
عزت : على وحشنى يابن
انا : ها هتشتم
عزت : وله اقدر يا غالى بانى الغالي
انا : عامل ايه يا عمو واحشنى جدا
عزت : (بص ليا بى ابتسامه وطبق الجرنان الى كان مسكه) خير يا على مش بعتك الحميميه دى كلها
انا : ليه بس يا عم عزت يا عسل انتا وحشنى بس انتا شعرك ابيض ليه كده بقولك ايه احنا نجوزك واحده كده ترجعك شباب تاني
عزت : (بى يضحك) هههههههه لا ريح نفسك انا مش ناوى اتجوز بعد خلتك نهي
انا : مشى يا عمي
عزت : خش فى المفيد وقولى جى ليه
انا : عايز اصلحك على المجنون انب المجانين
عزت : (عمل عبيط) قصدك مين
انا : هو فى مجنون غيره ابنك محمد
عزت : طيب انتا عارف هو عمل ايه
انا : ايه
عزت : البيه جى ومتشملل وعايز 100الف جنيه لما سألته ليه قالى حاجه تخصنى ومش عايز حد يعرفها
انا : هو قلك كده طيب انا ها فهم حضرتك محمد عايز الفلوس دى علشان يفتح مشروح
عزت : مشروع ايه بقي
انا : حضرتك عارف انى اى كافيتريا فى معهد لزم يتعمل ليها مزاد بى منقصات وهو كان حابب ياخد وحده
عزت : وله مقلش الكلام ده من الاول
انا : كان عايز يعملك مفجأه يوريك انه يقدر تعتمد على نفسه
عزت : (بص ليا شويه وجوه شك انى بكذب بس هو عارف انى لو بكذب مش ها يعرف يكشف كذبى خالص ومش ها ينوبه غير انه يزعلنى وهو مش بيحب يزعلني) ماشى يا على هات الحيوان وتعالوا
انا : لا اجى فين انتا استفل مع ابنك براحتكم انا عندى مشاوير كتير مش فاضى لى لعب العيال ده
عزت : (مسك الجرنان وكان ها يرميه عليا بس انا جريت منه) امشى ياد يابن الجانين
انا : (بدحك) ههههههه حبيبى يا عمر غزت يا عسل سلام
طلعت من عنده ورحت لى ممدوح الراعى يبقى جوز خالتى وكام صاحب ابويا الروح بالروح بس حصلت مشاكل بنهم من زمان محدش يعرفها غير هو وابويا بس دخلت البيت وخالتى حنان اول ما مدخل خدتنى بالحضن
حنان : (بى سعاده) وحشنى يا على وحشنى يا حبيبى عامل ايه اخبارك واخبار الجامعه ايه وامك واخواتك كلهم عملين ايه
انا : (بى نرفزه هزار) جرى ايه يا ست انتى ايه الاوفر ده انتى بنتك بيته عندنا
حنان : (بى صوت واطي) وطى صوتك عمك ممدوح لو سمع ها يطين عشتها وعشتى وعشتك
انا : لا سيبو عشتى فى حلها هى كده كدة طين لوحدها
حنان : ليه كده بس مالك
انا : (بى حزن) اختك مطلعه عينى يا خالتي
حنان : (بى تدحك) هههههههه هى غاده طول عمرها كده مطلعه عين الناس بس طيبه
انا : انا عارف انها طيبه بس انا مش عارف بتعمل معايا كده ايه
حنان: طيب بص قولى وانا اخدلك حقك منها
انا : طيب بى زمتك انتى تعرفى تعملى معاها حاجه
حنان : الصراحه لا ههههههه بس تمام احكى وفضفض
انا : انا يا ستى اتعرفت على بنت فى الجامعه وعايز اتجوزها بس هى مش موافقه
حنان : طيب دى مشكله فعلاً
انا : ليه يعنى لو على العادات والتقاليد فا هى مستعده تتغير غير كده هى طيبه ومحترمه وبنت ناس ابوها شغال مهندس بس هو مش مصرى وامها دكتوره كبيره
حنان : لا المشكله مش فى كده (لسه ها تتكلم سكتت)
انا : مالك يا خالتى كملي
حنان : اقولك سر
انا : فى بير
حنان : بس يا سيدى انتا عارف انا مش بحب مرات عمك عاصم صح بس ادلهم فتره كده عمك ممدوح بيعزمهم على الغدى يسهره معانا واحنا كمام نروح ليهم والود رايح جى قعدت انا بقى مع بنته ساره مقولكش يا على بنت بجد قمر 14 وبنت ناس و
انا : (قطعت كلامها) انتى ها تعرفينى على بنت عمى انجزى يا ست انتي
حنان : بقى كده يا على ماشى مش ها كمل
انا : خلاص يا ستى كملى انا اسف
حنان : ماشى ها كمل (خالتى دى راغيه قوي) وعرفت منها انها عينها عليك انتا
انا : لا ساره اختى بس
حنان : تصدق انا لو عندى ولد كونت جوزتها ليها
انا : لو عندك بقى صحيح هو عمى بيجى هنا يعمل ايه
حنان : بيتكلم مع ممدوح فى شغل شكله نازل انتخابات مجلس الشعب وبيتكلم مع عمك
انا : انتى سمعتى انتخابات
حنان : ايوه
انا : طيب
حنان : لى مين الشكولاته دي
انا : (بست ايدها) لكى انتا يا عسليا يا قمر سلام
مشيت من عند خالتى ورحت البيت لقيت الكل متجمع ومتواتر
انا: ايه يا جماعه قعدين ليه كده
مصطفى : (بى حده فى كلامه عمرى ما شمعتها ابدا) كونت فين
انا : ليه
مصطفى : (بى صوت عالي) بوقلك كونت فين
انا : (بصيت لى جيهان) بقولك ايه يا جيهان
جيهان : خير يا علي
انا : انا الصبح بصيت فى ثلاجه لقيت بسبوسه انتى الى عملها
امى : بسبوسه ايه رد على اخوك وبلاش برود
انا : بصى هاتى لى محمود ومصطفى وليكى وكمان لى امى يله عامل معاكى واجب اهو انتى زى امى برضه وليا انا بقى طبقين لحسن وحشتنى البسبوسه بتعتك قوي
قامت جيهان وهى بتقول ايه العبيط ده دخلت المطبخ ورجعت
جيهان : اتفضله
انا : كل يا مصطفى
مصطفى : (بى صوت عالي) مش واكل اعرف كنت فين
انا : (بى برود ماسك المعلقه وباكل) وانا مش ها تكلم غير لما تاكل البسبوسه وتهدي
امى : (لسه مصطفى ها يقوم يسب الدين امى ردت) ماشى ها ناكل لما نشوف اخرتها معاك يا ابن بطني
كلنا البسبوسه
مصطفى : ها يا سيدى كونت فين وازى اعرف من اخوك انك رايح تطلب ايد حياه رغم انك عارف المشاكل الى بينا عمله ازى يا راجل انتا مكبرتش حد فى العيله كلها
انا : طيب يا مصطفى انا مطلبتش ايد حد
محمود : يعنى ايه
انا : يعنى تهدى شويه الموضوع ها يطول وتخف مقبلات معاها لا مش تخف تمنع نهائى ماشى وبالنسبه ليك يا مصطفى انتا اخويا الكبير جزمتك فوق راسى بس انتا عارفنى الأنى تربيه ايدك مش بحب حد يكلمنى بى صوت عالى وله يتنرفز عليا ماشى ايوه كنت هانسى موضوع الأذن والكبير وكده انتا عارف انا بكبرك كويس قوى بس انا مش بحب اخد اذن من حد المشكله بتعتكم حلها انى مش ها خد اذن من حد ها روح حتت واقابل ناس مش محتاجه اذن منك الانها ناس انتا مينفعش تعرفهم وله انا كمان بس انا بحب اجازف اوكى ايوه امى حضرى نفسك ها نسافر كمان شويه القاهره علشان تتعرفى على خطيبت ابنك سلام
فى مشهد اخر
الحرامى الى سبت على وسندى فى اسكندريه قاعد فى مخزن ودخلت عليه عربيه جيب سوده ونزل منها واحد اسود اللون وعنده راس وتحتها عضلات كتير جدا
حرامى : اهلا يا باشا (طلع المحفظه) اتفضل اتعبي
شخص : (بى ثقه فى النفس) لا انتا مش ها تاخد اتعاب
حرامى : يعني
شخص : يعنى انتا جى معايا الهانم عايزك يله.
حرامى : وماله نروح لى الهانم
المشهد العام
ده عرفتم الحرب فين ومع مين وليه حرب على اربع جبهات حرب بى اسلوب قديم كل فريق فى خندق قصاد التانى وكل واحد بيضرب طلقه الخندق التانى فيه فريق بى ناسه بس خندق على فيه هو والامل بس
امل انه يتجوز حبيبته
وامل انى يحمى صاحب عمره
وامل انه يلحق اخوه بدل ما ويكون فى ددمم
وامل انه يحافظ على هيبه العيله
يتبع……