كل يوم مشكله شكل كل يوم مصيبه شكل اصل الحياه مش ديمن سعيده بس الاسف لو عدت بدون صراع احنا نضور عليه علشان الصراع بقى جزء لا يتجزأ من كيان ابن ادم ابن ادم الى عايش فى الارض فى حروب عايزها تنتهى بس لا الحرب مش بتخلص غير بى فناء البشريه
(رايتى الخاصه)
بدايه الفصل
نمت على السرير وجنبى لميتا صحيت تانى يوم بى حاجه غريبه فى بوقى فوقت لقيت الهانم بنتى حطه رجلها فى وشى عدل فوقت دخلت الحمام خدت دش وغيرت هدومى بصيت فى الساعه لقتها الساعه 11 مش عارف بقى اصحيها وله اعمل ايه معها دى قولت اصحيها صحتها ونزلنا انا وهى تحت كان البيت كله صاحي
انا : صباح الخير يا جماعه بقولك ايه يا سندي
سندى : خير فى مفجأه تانيه
انا : (باصص ليها بى برود) خدى بنتى لميتا خليها تاخد دش
سندى : (قامت) انا رايحه المطبخ اعمل الفطار
انا : طيب انتى يا منى ها تروحى وله عندك اجتماع فى الامم المتحدة
منى : لا هاعمل القهوه لى حضرتك
انا : طبعا طبعا القهوه مهمه
فرح : ممكن اخدها انا
انا : ماشى يا فرح (كلمت لميتا) لميتا دى فرح بنت عمك ها تروحى معاها تخدى شور
لميتا : (مسكه ايدي)
انا : لا متخفيش كده دى بنت عمك روحى وانا هنا قاعد مستاني
خدتها فرح وطلعه فوق وانا قاعد مع راضى وابراهيم وعلى تحت ولعت سيجاره
راضى : عمي
انا : خير يا حبيب عمك عايز تقول ايه
راضى : ها وله حاجه مفيش
انا : طيب قاعد بتفرك مكانك من الصبح ليه قول يبنى انا سمعك قول
راضى : ازى كل ده حضرتك مش عارف.
انا : المصيبه انى فاكر انى عارف كل حاجه طلعت بلح ومش عارف اى حاجه
ابراهيم : طيب ها تعمل ايه
انا : اعمل ايه فى ايه البنت بنتى وها تعيش معايا
سندى : (دخلت علينا) السفره جهزه
رحنا السفره وقعدنا
انا : ايه ده انتو ها تكله
منى : لا ها نتصور مع السفره بس
انا : استنه لما فرح ولميتا ينزله
سندى : (مدت ايدها) لا انا جعانه
انا : انا قولت مفيش اكل غير لما السفره تكمل
قعدت مذنبهم لحد ما نزلت لميتا وفرح وقعدنا ناكل بس انا مركز مع لميتا جدا
انا : ايه يا لميتا مش عارفه تكلى ليه
لميتا : السفره عاليا اوي
انا : طيب تعالى عندي
لميتا : (جتلي) ايوه
انا : (شلتها على رجلى وقعدتها) يله كولى براحتك
على : (على عنده 14 سنه بس اتعود انه محور اهتمام العيله كلها أصغر واحد فيها اخر عنقود العيله كلها غير اهتمامى به هو حاجه تانيه حس بى الغيره من اخته قام وساب السفره)
سندى : رايح فين يا حبيبي
على : مش عايز اكل
سندى : ليه بس انتا كنت جعان
على : (صوته عالي) قولت مش جعان اكل بالعافيه يعني
لميتا : (خافت من صوته العالى ودخلت فى حضني)
انا : (استفزنى جدا صوته العالى اصل لما 14 سنه ويعالى صوته بعد كده يعمل ايه) استنا هنا يا ولد
على : (وقف) نعم
انا : صوتك عالى ليه بقي
على : انا حر
انا : طيب انتا حر لما الصوت العالى ده يزعجك انتا بس لكن يزعج اختك الصغيره لا يبقى تعتذر قولها اسف بس بالفرنساوى يله
على : مش بعرف اتكلم فرنساوي
انا : مش عارف طيب انا بدفع فلوس كتير فى مدرسه لغات ليه اعتذر
على : اسف (نزل دموع) فى حاجه تانى ممكن امشي
انا : اطلع على اوضتك يله انا جيلك بس بعد ما افطر يله
طلع على وسندى قعدت متغاظه مينى ومنى بتفكر لما انا عملت كده فى على قدام الكل (اصل على بالنسبه لى ابوه اول فرحته فا ليه معمله خاصه) ها يعمل فى منى ايه وله بنتها كلمنا فطار وقعدنا فى الصالون
انا : ليليان هاتى الشاحن ده كده
ليليان : اتفضل
انا : (اخدت الشاحن وفكيت الراس من السلك ولفيته على ايدى وقومت)
سندى : (بخوف) رايح فين
انا : طالع لى علي
سندى : (بى هجوم) ليه ها تضربه وله ايه انتا اتجنينت
انا : (بى برود) اولا اتكلمى بى اسلوب احسن من كده ثانين اوعى تعالى صوتك عليا انتى مراتى بس ممكن اطلقك عادى ثالثاً بقى على ابنى اربيه بى اسلوبي
سبتهم وطلعت معايا لميتا مش سايبه ايدى رحت الاوضه لى على كان قاعد على السرير ساكت خليت لميتا تقعد على كرسى ورحت لى السرير
انا : ممكن اعرف على باشا مضايق من ايه
على : مفيش
انا : ليه تكذب انتا عارف مش بحب الكذب
على : علشان انتا مش يتحبني
انا : طيب ليه مش بحبك انتا عملت حاجه واحشه
على : تحبنى ليه انتا عندك البتاعه دى (شاور على لميتا)
انا : البتاعه دى تبقى اختك الصغيره
على : انا مليش اخوات
انا : ليه واميره مش اختك على لو حد ضايق اميره تعمل فيه ايه
على : اضربه
انا : اهو كده دى اختك الصغيره زى اميره بالظبط
على : بس انتا مش بتحبنى خلاص
انا : ليه بس انتا ابنى الكبير عارف يعنى ايه الكبير انتا عندم 14 سنه لما توصل لى سن الاربعين انا ها فضل ادلع فيك انتا كنت ابن عشر سنين ورجعت من السفر شوفت مينى دلع محدش فى سنك شافه او ها يشوفه لميتا تعالى يا حبيبي
فى مشهد اخر
كل البيت قاعد متوتر تحت
سندى : هو صوتهم فين ها
ابراهيم : مش عارف مفيش صوت خالص
راضى : خلاص يبقى بيتكلمه عادي
منى : لالا انا مقدرش اعيش فى الرعب ده بقى حتت بنت تيجى لغبط البيت كله
فرح : يا جماعه اهدوه دى بنت طيبه جدا على فكره ومسالمه ومش بتعمل صوت
منى : اسكتى انتى يا فرح ده بس وهو صغيره لكن لما تكبر ها تشوفى البنت الصغيره دى ها تعمل ايه فينا مش بعيد نبقى كلنا بره دى كلت دماغ على فى ثانيه الى عمره ما سمع لى حد ابداً
سمعه صوت على ابنى وهو بيزعق
سندى : (زاد التوتر بتعها اكتر) ابنى حبيبي
ليليان : اهدى يا سندى اهدى شويه
سمعه صوت تانى من على بس اعلى وهو بيزعق جامد طلعت سندى تجرى وكلهم ورها دخله الاوضه كنت قاعد مع على بنلعب بلى استيشن
على : انتا ديمن تكسب كده
انا : عيب عليك ياض ده انا بابا يلا
سندى : انتو بتعمله ايه بتلعبه
انا : طبعا فى دماغك ها تطلعى تلقى على متعلق فى السقف وانا بقطعه زى سيخ الشاورما
على : عايزن ناكل شاورما النهارده
انا : بس كده انتا تأمر يا على باشا بس وقف المطش لحد ما اروح الشغل وارجع انا النهارده راجع بدرى ماشي
على : ماشي
انا : وعد
على : عيب عليك هو انا عيل
انا : يله يا لميتا
على : ايه ده فين البوسه بتعتي
لميتا : (ابتسمت ليه وباسته) باي
انا : (شلت لميتا) سكه بس علشان نعدي
خدت لميتا ورحنا الاوضه غيرت هدومى ولسه نازل
لميتا : انتا رايح فين
انا : الشغل
لميتا : طيب خدى معاك
انا : مش ها ينفع يا حبيتي
لميتا : (بتحايل عليا) لالا بليز خدى معاك انا مش عايزه اقعد لوحدى بليز يا بابى بليز
انا : علشان كلمه بابى الحلوه دى بس ماشى يله
لبستها ونزلت رحت الشركه دخل
داليا : صباح الخير يا على مين القمر دي
انا : دى بنتى يا ستي
داليا : بنتك ازى اميره لسه صغيره دى عندها سنه
انا : دى بنتى من مراتى الفرنسيه لميتا
داليا : ازيك يا قمر
قعدت اخلص شغلي
فى مشهد اخر
البيت عندى وامى وصلت وسندى ومنى راحه على حضنها
امى : يادى النيله عمل ايه المهبب على عينه
سندى : انتى لزم تخدى حقي
منى : وانا كمان
سندى : انا اتبهدلت
منى : وانا كمان
سندى : كرامتى بقت رخيصه قوي
منى : وانا كمان
امى : طيب ايه يا منى انتى جيه تقولى وانا كمان بس دورك صغير وله ايه
ابراهيم : اقعدى يا غاده بس ارتاحى وافهمى منهم
امى : قعدت قوله بقى عمل ايه الزفت
سندى : احكى ايه وله ايه
منى : الى عمله مينفعش يتحكي
امى : ايه اتجوز تاني
سندى : يا ريت
ليليان : بوقلك ايه الناس دى ها يقعده يندبه اقولك انا (حكت لى امى الحكايه) ومن سعتها وهما قلبين عليه وهو بيصلحهم
امى : (مش مصدق الكلام طلعت تلفونها وكلمت روان) روان حبيتى عمله ايه
روان : كويسه يا حجه انتى عمله ايه
امى : كويس انتى فين كده
روان : فى البيت (عايشه مع عمى علاء بعد ما راجعت) فى حاجه
امى : انتى تعرفى واحده اسمها روميا
روان : انتى جبتى الاسم ده منين
امى : انا الى بسأل
روان : طيب روميا دى كان مصحبها على فى باريس علشان هى مديره مكتب سما وبعد كده سبها
امى : ام ايه موضوع لميتا ده بقي
روان : ليه هى جت تطلب فلوس وله ايه
امى : روان بنت فرحات خشى فى الموضوع على طول بلاش لئم ابوكى ده
روان : طيب بعد ما على سافر جت وطلبت توصل ليه بس بابا قلها مش عارف طريقه وبعد شويه ظهرت تانى وقالت انها حامل من على و ولدت بابا كان بيساعدها على قدم ما يقدر علشان على قعد فتره مختفى ومحدش عارف يوصله (فتره علاجى فى المانيا) وبعد كده اختفت بعد ما بابا مات
امى : طيب عملته ليها تحليل علشان اثبات النسب
روان : ازى عايزن عينه من على واحنا مش لقينه
امى : يعنى ممكن تكون بنته
روان : هى 80% بنته علشان روميا مدخلتش اى علاقه بعد على وحتى فى وسط العلاقه معرفتش حد عليه هو فى ايه
امى : لا وله حاجه روميا وصلت لى على وعمله اختبار وطلعت بنته
روان : انا قولتلك 80% بنته بس كده اتأكدنا كلنا
امى : طيب انتى ليه مقولتيش لى على بدري
روان : علشان النسبه لو متأكده جدا انا او بابا كنا جينا لى على بس النسبه كبيره ايوه بس مش مضمونه وبعدين انا دخلت فى الحوارات الى حصلت معايا وبعد ما رجعت هنا برضه مفكرتش
امى : طيب يا روان شكرا سلام
روان : سلام
قفلت معاها
منى : قالت ايه
امى : الموضوع شكله قديم وحقيقى انا مش لقيه اى غلطه فى كلامها كله مقنع انتى عارف لو اول ما وصلت لى على قالت ليه كنت قولت انها باعته لى حد علشان يلبسوه الحوار ده لكن لا
سندى : يعنى ها تعيش معانا
لسه امى ها ترد دخلت انا ومعايا لميتا
انا : (مش عارف حسيت انى فى مصيبه اصل انا فى مصيبه كبيره قوي) حجه عمله ايه
امى : كويسه يابنى اقعد سبونا لوحدنا شويه يا جماعه (قام الكل)
انا : (قاعد وباصص فى الأرض علشان انا عملت حاجه غلط فى الاول ساعت منى كان لا علشان دى مراتى لكن دلوقتى ايه بقي) بصى يا امي
امى : بص انتا يا على انتا غلطاتك كترت قوى وفى حجت انتا محكتش عنها زى موضوع روميا ده
انا : ايوه يا ماما انا عارف بس اعمل ايه انا مكنتش اعرف
امى : طيب انتا ناوى تخليها هنا
انا : طبعا وحتى بعد ما تخلص المشاكل بتعتى مش ها تبعد عنى تانى خالص دى بنتي
امى : انتا كده بتزعل سندى ومنى والاتنين زى بناتي
انا : بصى يا امى انتى علشان سندى عملتى فيا حاجه انا عمرى ما انسها ابدا بس مش انتى بس انا برضه علشان بنتى عندى استعداد اعمل حجت اكتر بى كتير من الى عملتيها انتى انا حسيت احساسك لما يكون عندك بنت تخافى عليا
امى : المطلوب ايه بقي
انا : عقلى سندى ومني
لميتا : (شدت امى من هدمها وحطت حته شكولاته من الى فى ايدها فى بقها وضحكت ليها)
امى : (ابتسمت ليها) ماشى بس البنت دى قمر قوى ليه كده انتى عرفانى يا حبيبتي
انا : ايوه ورتها صور لى العيله كلها لزم تعرف اصلها ايه دى بنت الصمدي
امى : طيب ها تقول ايه ليها ولى الناس لما يعرفه انى عندك بنت
انا : الحقيقه طبعا هى بنتى من واحده كنت متجوزها فى باريس
امى : ماشى يابن بطنى انا مش دخله معاك نقاش فيها بس كان لزم اعرف ناوى على ايه
انا : (مسكت ايدها وبستها) مش عارف يا امى الدنيا كلها بتقفل عليا اكتر واكتر
امى : لما بتقفل لى الاخر بتفتح بس خالى عندك ايمان
انا : ماشى يا امي
قعدنا اليوم كله نتكلم وانا طول ما انا قاعد شايل لميتا على رجلى حاسس انها ها تضيع ميني
فى مشهد اخر
سليم قاعد مع الشخص المجهول
سليم : وبعدين بقى على شغال حرب بس مش عرفين مع مين
شخص : على بيلعب مع حد كبير قوي
سليم : ازى واحنا منعرفش
شخص : الشخص ده بعيد عنا جدا يقولك ايه موضوع رافى وماك اتقفل وله لا
سليم : سى اى ايه قاله انه خلاص والشباك (المخابرات الإسرائيلية) قفله الموضوع برضه غير ديمن دارك ساعد كتير
شخص : امم طيب زود الحراسه على اكتر
سليم : ماشي
شخص : وقابل على واعرف منه كل حاجه لو فى مشاكل مع حد اعرف
سليم : حصل امشى انا
مشى سليم والشخص ده غير هدومه لى لبس عادى زى اى موظف حكومى عادى جدا ومشى وصل لى اول العمار ركب عربيه غيرها من غير حراسه وصل بيها لحد وسط البلد ركنها فى الشارع واتمشى لحد محطه المترو ركب ونزل محطه بولاق طلع بره واتمشى شويه جاب عيش فينه وركب تكتوك وصل لى بيت قديم جدا
شخص : مساك عسل يا اسطى مرتضي
مرتضى : (ميكانيكي) عسل عليك يا (مش ها قول اسمه رخامه) تعاله اشرب شاي
شخص : (رح لى مرتضي)
مرتضى : الشاى ياض
شخص : عامل ايه يا مرتضى واخبار بنتك ايه
مرتضى : جابت حسن
شخص : هههههه الف مبروك بقيت جد يا راجل يا عجوز
مرتضى :…… يبارك فيك بس طالب منك خدمه
شخص : ام الشاى مش بى بلاش يعني
مرتضى : ايوه يعنى انا ها شربك شاى ليه
شخص : طيب خير يا سيدي
مرتضى : عايزن نروح بكره مكتب الصحه علشان نخلص شهاده الميلاد وكمان التطعيم
شخص : بس كده بكره الصبح واخلصها ليك
مرتضى : تسلم يا غالي
قعده شربه الشاى وطلع الشخص ده العماره وصل لى شقه فى التانى وفتح الباب
شخص : حبيتى انا جيت وجبت العيش الفينو
واحده : طيب تعاله اوضه النوم طيب
فى مشهد اخر
مصطفى اخويا خد عربيته وطلع على اسكندرية وصل هناك لى الكافيه الى شغال فيه عماد دخل
عماد : تشرب ايه يا فندم
مصطفى : (بى ابتسامه) انتا عارف قهوه
عماد : (وشه غير وبقى خايف جدا ومتوتر) بابا
مصطفى : (حافظ على نفس تعبير الوش) اقعد يابني
عماد : (قعد) طيب (فضل باصص فى الارض)
مصطفى : انتا ساكت ليه وباصص فى الأرض يعني
عماد : انا مكسوف من خضرتك
واحده : (دخلت عليهم) عماد انتا قاعد كده محمد لو شافك ها يطلع عينى وعينك
عماد : طيب روحى وقليله انى هاخد راحه نصف ساعه
واحده : ماشى (مشت)
مصطفى : هو انا عامل مشكله وله حاجه
عماد : ها لالا يا بابا
مصطفى : طيب تعاله نطله بره نتكلم
عماد : (خايف من ابوه جدا مش ضامن رد فعله ازي) طيب طيب يا بابا
طلعه بره ركب العربيه مع ابوه وطلعه على الكرنيش
مصطفى : انتى مقولتش انى الدنيا وحشه معاك كده انا عارف انا كنت وحش معاك انتا واخوك جدا بس كل ده ها يتغير
عماد : يتغير ازى يعني
مصطفى : عنى انا كنت ديق معاك انتا واخوك فى الفلوس كنت خايف لحسن تعمل منكم اشخاص مش ساويه او مش كويسين لكن لا انتا رغم انك محتاج لى فلوس شغلك عادى مش حاجه شمال لا على فكره انا لما عرفت كنت هادى جدا فى الأول اضيقت بس بصيت بى نظره انك شاب ومعتمد على نفسك انا فخور بيك ده ارثى فى الدنيا حاجه حلوه شباب كويسه صلحه
عماد : يعنى مش زعلان
مصطفى : لا طبعا انا فخور بيك جدا
المشهد الريسي
نايم فى الاوضه بتعتى ومعايا لميتا وصحتى باليل
لميتا : بابى بابى يا بابي
انا : فى ايه يا لميتا
لميتا : عايزه ادخل التويلت
انا : تويلت ايه بس نامي
لميتا : لالا لزم ادخل دلوقتي
انا : (قومت وانا نعسان بسب وبلعن فى امها الانها سبتها) طيب يله
دخلتها الحمام ورجعنا نمنا تانى وصحيت تانى يوم لقتها نيمه قومت خدت دش وغيرت هدومى ونزلت الشركه وكان الكل نايم وصلت هناك وجالى تلفون
انا : الو
شخص : الو يا علوه عامل ايه
انا : مين معايا
شخص : ايه ده انتا مش عارف صوتى بقى كده ازعل جدا
انا: انتا ها تصحبنى وله ايه
شخص : طيب يا سيدى افكرك بلاش تتحمق اوى كده انا ضميرك
انا : (قررت العب معاه فى لعبته) عايز ايه يا ضميري
ضميرى : قولت اصبح عليك بص المكلمه دى كان المفروض من يومين بس قولت اسيبك تفرح بى لميتا شويه بس زى القمر صح ايه رايك
انا : بقى انتا الى بتهدد حيتها بقي
ضميرى : ايوه انا
انا : انتا انسان مريض مش عارف تقتلنى جى على عيله صغيره طفله
ضميرى : بص علشان نكون وضحين انا قولتلك انا مش عايز اقتلك عايزك عايش وبعدين التهديد ده سبب انى بنتك نيمه جنبك كل يوم بقولك ايه انتا بتعمل سندوتشات تحفه وهى الصراحه طلبتها غريبه ايه نوتله دى مفيش احسن من اكل ولاد البلد وله ايه
انا : (اتنرفزت) اقسم بى دينى لو لمست منها شعره لى اعمل فيك حجت لسه ملهاش اسم
ضميرى : زى مثلاً انك تفتح كتاب أساليب التعذيب فى ظل حكم هتلر على فكره الكتاب ماده غنيه جدا ابقى كمله ههههههه شكل لميتا دى ها تنسيك اسمك
انا : (استغرابت اكتر الكتب ده عندى وكنت بقرائه قبل وصول لميتا بى شويه) انتا عايز ايه من البنت الى انتا عايزه انا ها ديه ليك بس ابعد عنها
ضميرى : انا بعيد عنها اساس بس قريب من امها هههههههههههه (قفل السكه)
انا : (بعد ما قفل السكه طلعت رقم روميا وكلمتها) الو يا روميا انتى فين
ضميرى : هههههه ايه يا على انتا معاك رقم روميا انا بس حابب اوريك انى اعرف عنك اعظم اسرار حياتك زى لميتا مثلا و زى منة صحبت محمد القديمه وليله وخالد انا اعرف عنك كل حاجه يا علي
انا : هاقتلك ها قتلك اقسم بى دينى ها قتلك
ضميرى : انا عايز تموتى علشان ضمير البنى آدم لما يموت هو بيموت معاه (سمعت صوت روميا) على خالى بالك من لميتا يا على لميتا يا على اهههههه (اتكلم هو) الاسف كانت مزه جمده قوى بس ماتت سلام يا على سلام
قفل السكه وانا وقعت على الكرسى مصدوم و اول مره مش قادر افكر زمان كان ممكن افكر فى خير او شر لكن المره دى لا مش قادر افكر فوقت من كل ده على تلفونى كانت امي
امى : الحقنى يا علي
انا : فى ايه
امى : لميتا بنتك
انا : جي
نزلت جرى ركبت مع الحرس وطلعنا على البيت دخلت جوه
انا : فى ايه ملها البنت
امى : مش عرفين لما صحيت من النوم رحتلك لقتها قعده على السرير وبعيط حاولت اهديها بس مش عارف وهى لحد دلوقتى كده
انا : (طلعت بقى كله على الى واقف قدامى والاسف كانت امي) نعم مش عرفين تخلوها تسكت انا بره البيت من اربع سعات وهى بتعيط فوق بقى بيت فيه خمس ستات كلهم وثلاث رجاله كلهم مش عرفين يسكته طفله ايه جهله اول مره تشوفى * صغير سندى هانم مش عارف تسكت * منى هانم الى بتخلى رجاله بى شنبات تسكت مش عرفين يسكته طفله لا والكبيره بقى غاده العدوى مش عارف تخلى حفيدتها تسكت كلكم فشله
سبتهم ورحت الاوضه لى لميتا
انا : مالك انتى كويسه حد زعلك حاجه ضايقتك
لميتا : انتا سبتنى ومشيت ليه
انا : انا رحت الشغل
لميتا : ليه سبتنى لوحدي
انا : (خدتها فى حضني) خلاص اسف المره الجيه اصحيكى قبل ما انزل واخدك معايا كمان خلاص يا بنتى انا اسف حقك عليا بقولك ايه يله قومى البسى كده علشان اخدك نروح الملاهى يله
سبتها تلبس ونزلت تحت قعدت وسندى ومنى وامى قعدين ولعت سيجاره وساكت
امى : على فى ايه انتا عمرك ما كنت كده مالك
انا : مالى انا مش عارف احمى حد تبعى البنت الى فوق دى امها اتقتلت من كام ساعه الى قتلها كلمنى فى التلفون ورديت عليه وسمعنى صوتها وهى بتترجه مش عايزه تموت بتوصينى على بنتها اتقتلت بس علشان انا مش عارف احميها مش عارف اقف جنبها
امى : وانتا بى ايدك ايه ده موت
انا : اهو الموت بيجرى وره العيال الصغيره الى فوق دل علشان انا بس ابوهم عرفين يعنى ايه علشان انا بس ابوهم لو انا مش فى حيتهم كانت ها تكون سعيده جدا
سندى : متعملش فى نفسك كده يا على كفايه
انا : اعمل ايه هو انا عملت حاجه والمشكله انى معملتش حاجه وله فى ايدى حاجه اعملها
لميتا : انا جهزه
انا : طيب يا قمر الاول نروح الملاهى وبعد كده نتغدى برجر وننزل نشترى لعب كتير شوكولاتات كتير قوى ونرجع ماشي
لميتا : (مبتسمه وفرحانه) ماشي
خدت لميتا ومشينا قضيت معاها اليوم كله وانا شيفها مش عارف اقولها ازى انى امها ماتت ومش ها ترجع المشكله لما تكبر وتعرف انى ابوها كان قادر يحميها بس فشل ومعرفش اعمل ايه مش عارف خلصنا ورجعنا البيت واحنا مبسوطين طلعت الاوضه دخلت الحمام اخد دش ولبست بيجامه نوم وطلعت بره لميتا مسكه تلفون
انا : ايه يا قمر مش ها نام وله ايه
لميتا :ماما ماتت
انا : انتى عرفتى منين
لمتيا : من تيته وجده
المشهد العام
تخيل تكون راجل قوى عندك كل حاجه فلوس فى حسابات بنوك انتا يمكن نسيها وعندك السلطه تقدر تأمر اى حد ينفز مهما كان قوته او مكنته وبعد كل ده خايف على أهلك خايف لحسن يدفعه ثمن كل ده مكانك اصل الدنيا ليها ميزان غريب محدش يفهمه
كنتم مع الفصل التاسع من سلسله الفنجان٣ نلقاكم فى فصول اخري